珍珠皇宮印度餐廳

营业中

休息中

服務周到：由重慶大廈門口已有人帶你到樓梯口再由老細親自帶到餐廳；一坐低就有水；服務員勇於同食客有眼神接觸，知你想叫佢；叫咗碗湯，上枱時會拎埋碗仔嚟俾你分。食物：叫咗咖哩瑪沙拉雞，汁好濃郁又夠晒辣；叫咗咖哩魚，鐵板上，熱辣辣，魚肉結實，有魚味，綠色醬汁幾清新；Naan餅好味，柔軟，叫咗蒜味又再加咗份原味，感覺原味好食啲而且無咁油；仲叫咗杯mango lassi，好順滑，有少少芒果味，唔太甜，如果再冰凍啲就好環境：比較暗，但尚算整潔，洗手間都不恐怖

今次到訪呢間位於重慶大廈內嘅人氣印度餐廳，喬寶寶、ERROR、馬田、電視節目等都有介紹過。環境舒適，燈光柔和，乾淨企理，服務態度友善，價格親民，大件夾抵食，夜晚去Full House，有本地亦有外國客人，絕對值得一試。前菜有Dahi Poori，印度必吃街頭小食，Dahi指優格，即係將Pani Puri醬汁換成優格後再放入薯仔同豆入油炸球，外皮薄且脆，口感層次豐富，味道酸甜開胃，令人一試難忘。另可單點Raita，喺優格中加入蔬菜或豆，偏酸，未必人人鍾意。打卡之選有Masala Dosa，巨型紙卷，咬落香脆可口，中間包住軟綿薯蓉，配上三款醬料，唔覺唔覺就清曬。咖喱款色多，要咗Chicken Korma同Curry，前者大啖淡腰果杏仁香氣，後者微微辣，當然唔少得配埋Naan，Bread Basket集齊原味、牛油同蒜蓉，淨食或點咖喱都一樣出色。

今晚去咗珍珠皇宮食印度菜，呢間餐廳喺重慶大廈，氣氛充滿異國風情，坐低就已經聞到陣陣香料味，令人期待 先嚟杯 Mango Lassi，芒果味香濃，乳酪質感順滑，飲落清新又解膩，配搭印度菜剛剛好。朋友叫咗 Kingfisher印度啤酒，清爽帶麥香，話同香料味濃嘅菜式好夾 主菜方面，Tandoori Chicken外皮微焦，帶煙燻香，雞肉嫩滑多汁，香料味滲透其中，每啖都充滿印度風味。Lamb Masala羊肉燉得夠腍，入口即化，香料味濃郁但唔會掩蓋羊肉本身嘅香味，配飯或者烤餅食都好適合。Butter Chicken牛油雞係印度菜經典，雞肉嫩滑，醬汁濃郁幼滑，帶微甜嘅牛油香，味道平衡得宜，令人一試難忘 烤餅方面，Keema Naan內餡係香料羊肉碎，咬落外脆內軟，羊肉香氣濃郁，配咖喱食更加突出味道層次。Garlic Naan蒜香濃郁，餅皮鬆軟帶微脆，用嚟點咖喱係經典組合 整體嚟講，珍珠皇宮嘅印度菜正宗而且味道豐富，環境充滿異國風情，服務亦十分周到，食物水準高，值得再嚟試其他菜式

黎到重慶大廈梗係要食下地道既india 菜，呢度係正宗既india food 發源地，聽講好多電影都響呢度拍過，我地今晚去左呢度比較出名既其中一間餐廳位於重慶大廈1樓，入面座位都幾多，印度人都識講廣東話唔驚溝通唔到。我地叫左一份印度烤餅炸到香脆圓碌碌好似bomb甘，入口外脆內軟，配咖哩醬汁食岩晒。我地仲叫左份咖哩羊肉，羊肉份量都幾多，而且唔會好so,平時食既會好so,但佢呢度無，咖哩岩岩好又唔會太辣。混合肉燒烤拼盤呢個岩晒乜都想食既小編，有魚肉塊，免治羊肉卷，印度烤雞肉，乳酪腰果汁燒雞各兩件。魚肉嫩滑，配埋乳酪醬汁惹味，烤雞肉肉質彈牙，免治羊肉卷大大條，呢個拼盤好抵食。

今日我第一次去尖沙咀嘅重慶大廈，真係好特別，感覺就好似去咗另一個世界🤣 喺呢度嘅珍珠皇宮印度餐廳，聽講幾出名，於是我決定親自試下🍽️一入去餐廳staff好熱情招待，我哋點咗幾樣招牌菜，第一樣上嚟就係蒜蓉蝦 ，蝦仁大大隻，每一啖都咬得到鮮甜味🦐 蒜蓉嘅香氣包住蝦仁，醬汁有啲似白汁，濃郁但唔油膩！炸雞翼配炸魷魚圈 ，雞翼外脆內嫩，炸得啱啱好，咬落去啖啖肉質滑嫩，再加上特製醬汁，味道真係一流🔥 而炸魷魚圈就係另一種享受，外脆內彈，魷魚味道好鮮，食咗一口想再食第二口，根本停唔落嚟🐙最後，我哋仲點咗牛油烤雞配原味薄餅 牛油烤雞肉質好嫩滑，香味四溢，配埋薄餅食，真係無得輸💯 薄餅口感軟滑，每一口都令人滿足🍞芒果奶昔都超好味，唔會太甜！總括來講，如果你想試正宗印度菜，重慶大廈呢間餐廳絕對值得一試！

今日想食辣野，同事話想食咖哩，決定去重慶大廈試下呢間好有歷史既珍珠皇宮👍🏻👍🏻雞翼拼魷魚圈 $138新鮮炸起熱辣辣，醃料好惹味，外皮好脆，魷魚圈彈牙有咬口極辣咖喱雞肉 $128呢個咖喱雞超級出色，未食過咁辣既印度咖喱，十分正，雞肉都好滑，配埋薄餅食簡直絕配蒜蓉烤餅 $35牛油鬆餅 $35兩款烤餅都各有特色，蒜蓉烤餅好香好煙韌，牛油鬆餅就脆身d鮮橙汁 $45芒果奶昔 $42芬達 $25飲品選擇多，好夠解辣

🔹️天氣悶熱最適合食番餐印度咖哩開胃一吓😋今日到尖沙咀 “珍珠皇宫印度餐廳” 嘆嘆印度餐👳‍♂️🙌 餐廳環境舒適、整潔衛生🌿 食物地道高質👍 服務稱心👳‍♀️👳 價錢親民💰🔸️Tomato Soup🍅🍵蕃茄湯即叫即磨, 味道濃郁、酸酸辣辣好Creamy 🤗🔸️Vegetable Samosa🥙咖喱角金黃香脆、內裡以滿滿咖哩薯仔和豆, 口感綿密👍🔸️Garlic Prawn🧄🦐蒜蓉蝦蒜蓉味濃、蝦蝦鮮甜彈牙, 越食越開胃💞🔸️Fish Masala🐟🍛瑪莎拉咖哩魚塊 ~ 咖哩清香微辣, 魚塊鮮嫩幼滑, 好適合港人口味😋🔸️Cheese Naan🧀🫓芝士烤餅以香噴噴芝士味道, 味道鹹香軟鬆, 配咖哩一絕🍛🔸️Mango Lassi🥭🍹芒果優格奶昔口感綿蜜, 芒果清新香甜😊🔸️Rosa Lassi🌹🍹玫瑰花優格奶昔味道酸酸甜甜, 色彩奪目👍

今次嚟到尖沙咀嘅 珍珠皇宮，試吓地道嘅印度菜！🤩餐廳環境充滿異國風情，燈光偏暗，牆身掛滿印度傳統圖案🏯仲有陣陣香料香氣飄過，未食已經覺得好有feel～✨【印度卷餅🌮】薄脆嘅餅邊咬落「咔嚓」聲，入面嘅土豆咖喱餡軟糯香濃，仲有微微辣勁，一啖入口冰火交融！最正係配埋三款蘸醬——薄荷乳酪醬🌿、酸甜羅望子醬🍯同埋秘製辣醬🌶️每款都帶出唔同層次嘅風味，真係「一餅三食」超滿足！👏【牛油烤雞🐔】用鐵板滋滋響上枱嘅 牛油烤雞 絕對係視覺同味覺雙重享受🔥！雞肉醃得超入味，牛油同香料滲透到每一絲肉裡邊，外皮微焦帶炭香，咬落嫩滑多汁點埋清涼嘅酸奶薄荷醬🌿，酸甜解膩，平衡得啱啱好～【瑪莎拉羊肉🐏】瑪莎拉嘅香濃真係無得頂💥羊肉燉到軟腍，完全冇羶味，醬汁濃郁帶微微嘅辣🌶️一定要點埋熱辣辣嘅 馕餅 ，蘸滿醬汁一啖咬落去，麵香同香料完美融合，食到停唔到口～【乳酪脆米球🧆】外殼脆卜卜但唔油膩，一咬開就係微冷嘅酸甜乳酪🥛，混合住綿密嘅薯蓉同鷹嘴豆，面頭撒咗識爆汁嘅石榴粒瞬間提升整體口感🎉仲有香料嘅加持，口感同味道都俾佢玩晒😂【芒果奶昔🥭】濃郁嘅芒果香質地creamy又唔會過甜，酸甜開胃，啱啱好中和返啲濃味主菜😋

第二次光顧，和同學聚餐，提前訂位有折扣。飲品、燒肉、烤餅都好好味，全部吃完，意猶未盡。老闆還會在大廈門口接應，一路帶上樓到餐廳裡下次要再試試沒吃過的瑪莎啦種類和米飯

重慶大廈既印度菜不嬲都出哂名好食同埋正宗，今日見個fd有興趣，同佢試吓呢間好出名既珍珠皇宮Samosa 咖哩角（素） 3件 $58呢個咖喱角小小辣好惹味，入面好多薯粒，味道唔錯Cheese Naan芝士烤餅 $45呢個芝士烤餅入面有好豐富既芝士餡，配咖喱食一流Lachha Parantha牛油鬆餅 $35呢隻都好鬆軟，有d脆口，有d似手抓餅Masala Fish碼莎拉咖喱魚塊 $118咖哩魚整得好入味，叫左中辣岩岩好，又香又濃十分出色Tandoori Chicken 印度燒雞 半隻 $108呢個香料味好重，雞肉嫰滑，鐵板上炸炸聲好香Orange Juice橙汁 $42Lime Soda青檸梳打 $42飲品都好正，各有特色

🥰 話說 重慶大廈 “七姨” 轉咗 老板, 質素不穩, 自此尋尋覓覓, 今日嚟到位於 重慶大廈 一樓死角 嘅 “珍珠皇宮”. 格局相對高檔, 最緊要坐得舒服, 仲有廣東話服務員, 哈哈.🦐 Prawn masala. $138. 熱焫焫, 呢個就係誠意! 蝦細細隻, 半透明狀態, 滑捋捋, 起碼十隻八隻. 瑪沙拉蕃茄味唔算明顯, 但夠複雜性, 一流! 可以媲美 “七姨”.🍙 Steamed rice, $35. 印度飯, 冇怪味, 完美配合瑪沙拉.🥭 Mango lassi, $42. 芒果味濃郁, 又夠渴身, 完勝!🤗 總結: 食物份量十分慷慨, 一個人食唔晒, 當然定價都唔平. 馬莎拉味道相當優質, 尋尋覓覓, 終於搵到了, 下次再試其他咖喱.😱 後記: 用餐當日上咗 “七姨”, 諗住俾多次機會, 眼見一台客, 我坐低咗幾分鐘, 都見唔到服務員, 算了!

好耐冇嚟重慶食咖喱，大廈門口嘅印度職員依然係咁熱情😅如果你未去過嘅，可能覺得無從入手，但係其實你只要喺OpenRice揀定一間，去到大廈門口show俾佢哋睇，餐廳負責人就會行過嚟帶你入去😁👍🏻今次嚟到1樓嘅「珍珠皇宮印度餐廳」，紫色調嘅閃令令牆身好有印度feel👳🏿‍♀️嚟到發現唔止有印度客人，仲有勁多香港同埋外國客人，所以未食已經好期待啦✨印度脆米球 Paani Poori ⭐️⭐️⭐️⭐️⭐️終於試咗呢個印度街頭小食脆波波，成日睇印度片都有介紹呢個波波，原來綠色嘅醬汁係酸酸地，有少少薄荷味同唔少得嘅masala香料，食嘅時候將醬汁倒入個波波到，波波入面已經有啲餡料喺度，加埋醬汁擺落口一咬落去有爆炸嘅感覺，味道好豐富好得意，又真幾好味喎😍馬莎拉咖哩羊 Lamb Masala ⭐️⭐️⭐️⭐️⭐️每次食印度咖喱我都必點masala羊，個人覺得masala真係好啱香港人口味，香料味重又唔會太辣！呢度嘅羊肉好腍好易咬，加咗落咖喱到唔會食到酥味，我俾100分呀‼️椰汁咖喱魚 Goan Fish Curry ⭐️⭐️⭐️⭐️⭐️對比起嚟呢個辣味更溫和，食到少少酸味所以好開胃，無骨魚塊份量好多，朋友同我口味唔同，佢比較鍾意呢款咖

講起地道同正宗嘅印度菜，好多人都會諗起去重慶大廈覓食，今次去左一間非常乾淨企理，食物正宗得嚟又啱口味嘅印度菜餐廳♔ 珍珠皇宮 ♔無論環境同食物都係唔錯，幾值得去試試✦乳酪脆米球 𝘿𝙖𝙝𝙞 𝙋𝙤𝙤𝙧𝙞一直都好想知道呢個神秘嘅脆米波波係咩味道，對於喜歡乳酪嘅人黎講，呢個脆米球係幾有驚喜！脆米球入面裝住冰凍帶甜嘅乳酪，仲𝙢𝙞𝙭左薯仔泥、鷹嘴豆泥，入面有帶微辣嘅印度香料味道，紅石榴最後會為味蕾帶來清新感覺✦牛油烤雞 𝘽𝙪𝙩𝙩𝙚𝙧 𝘾𝙝𝙞𝙘𝙠𝙚𝙣 每次食印度菜都會食𝙗𝙪𝙩𝙩𝙚𝙧 𝙘𝙝𝙞𝙘𝙠𝙚𝙣，醬汁由印度牛油同蔬菜熬成，帶微微酸甜，配𝙉𝙖𝙖𝙣點醬汁令人一口接一口，最後個醬汁係清曬！雞肉被香料醃得非常入味，雞肉嫩滑香口✦奶油蕃茄汁咖喱蝦 𝙋𝙧𝙖𝙬𝙣 𝙈𝙖𝙠𝙝𝙖𝙣𝙞咖喱蝦大隻又彈牙，奶油蕃茄汁同𝙗𝙪𝙩𝙩𝙚𝙧 𝙘𝙝𝙞𝙘𝙠𝙚𝙣 嘅醬汁相比會比較輕身，香料味無咁濃烈，帶蕃茄味道嘅清新，質感都係咁濃稠，配𝙉𝙖𝙖𝙣食都係非常適合✦芝士烤餅𝘾𝙝𝙚𝙚𝙨𝙚 𝙉𝙖𝙖𝙣 口感鬆脆帶麵粉香，好有咬口，加埋半溶芝士，點咖喱好夾✦蒜蓉烤餅 𝙂𝙖𝙧𝙡𝙞𝙘 𝙉𝙖𝙖𝙣比較扁身外脆內軟，面頭佈滿香口嘅蒜蓉粒，同樣係食到唔夠喉✦𝙈𝙖

🚇重慶大廈入面有十分多印度餐廳，其中呢間🇮🇳珍珠皇宮就係比較出名嘅，入邊地方闊落又有包廂☺️，菜式選擇豐富而且味道好正宗👏。印度奶昔🍹風味獨特，我差唔多每次食印度菜都會叫😝，佢哋除咗有比較普遍嘅芒果口味之外仲有多款其他口味，我哋就揀咗芒果同玫瑰，酸酸甜甜🤤十分之開胃！瑪莎拉薄脆🫓係好經典嘅印度🇮🇳開胃菜，用料好足👍又香脆。咖喱角外殻超香脆🤩，餡料滿滿，咖喱🍛味道好香濃，配埋佢哋獨特嘅醬汁💧，風味十足。蒜蓉蝦🦐味道超濃郁，勁重蒜蓉味🧄，味道有少少酸甜，蝦仁🍤又爽又滑好好味！腰果杏仁雞🐓充滿腰果同埋杏仁嘅果仁香同埋甜，🍗雞肉嫩滑，食起上嚟好 creamy😋。食印度菜的話🇮🇳印度烤餅就一定唔少得，呢度嘅🫓款式選擇十分之多，尤其有我鍾意😍嘅乾果果仁蓉烤餅，又香又甜又好味👍！

喺重慶大廈開咗好耐嘅印度餐廳。印象中今次係第三或者第四次食。今次去大多數食客都係香港人。原來佢哋都幾多staff識講廣東話😮。🌟南印度捲餅$78米餅配三款chutneys～米餅係邊位脆，中間厚啲嘅位係有啲鬆軟。味道甜甜地，令我諗起港式嘅pancake。包住咖哩薯仔，有濃濃嘅香料味，唔使加好多chutneys都夠味。不過我哋一致認為紅色微辣勁香最好味。🌟芝士菠菜$98幼滑溫和，香料味好豐富。印度芝士嘅份量特別多。我鐘意佢冇加新鮮薑絲，唔使挑返出嚟🤣。🌟瑪莎拉咖喱羊（可選辣度）$118Bite size嘅羊肉煮得好腍好入味。香料味道超濃郁，而且羊脂嘅味道融晒落咖喱裏面。🌟原味烤餅$25🌟蒜香烤餅$35一份三塊，因為佢哋嘅咖喱特別大份，我覺得一份咖喱兩份餅啱啱好。蒜香加任何咖喱都好夾。但原味係最輕盈唔油膩。🌟Mango lassi $42🌟Salted lassi $42