玻璃屋

约10年前喺FB见到人介绍佢个 椒盐杂扒饭，觉得好好食。之后帮衬得唔算密，约两年一次，几乎每届男朋友我都有带佢哋嚟食，包括我老公。前几日又嗌咗佢个椒盐杂扒饭外卖。印象中之前好似唔使75，不过份量依然好大份，我一个人可以分三餐食，所以围返都唔贵。虽然加价加咗唔少，但系我好欣赏佢会加价而唔系偷工减料，维持返个品质。出边好多餐厅会因为唔想加价而牺牲质素/份量。之前同男朋友嚟食，都唔会嗌两个饭，因为知道一定食唔晒，所以会嗌一份佢嘅常餐，多士沙嗲牛𠮶啲，味道都唔错。佢张凳虽然系硬板凳，但系patpat位有少少向内斜，所以坐得好舒服，呢个位我觉得好贴心。平实嘅家庭小店，希望可以继续做落去。…查看更多

见咁多好评就去试下, 结果贴钱买难受. 🫠首先, 个椒盐鸡扒公仔面味道不似预期, 啲鸡块食落去口感好淋, 而包住佢啲粉完全唔脆口, 个味道又唔似椒盐, 成件事很怪, 最后如图, 食左半碟都冇. 🫣另外就系店员, 我杯奶茶飞左只昆虫落去, 佢竟然只系帮我了走佢😂, 之后我叫佢换佢先换, 笑左😂, 同埋个人觉得好淡, 完全冇茶味…平时见到唔少人帮衬, 不过多数系学生, 仲以为真系好食, 我谂唔会再食第二次了.🫣🫣🫣🫣🫣🫣…查看更多

讲到人情味小店 原来真系唔少 但不得不提呢间玻璃屋 经过呢间店面望落唔突出 里面装修亦系普通茶记装修 但系佢D饭就一定大大碟招牌「椒盐鸡/猪扒炒饭兜乱」系必食上枱时你会碌大对眼, 因为真系好好好好好大碟, 一对情侣已经够食, 而且老板炒得好有获气 叫多杯冻柠茶佢仲有无限添饮 呢D就系老板的人情味 就连我住系屯门的妹妹都要朝圣呢间店, 试过之前叫外卖, 系大盒到个发泡胶饭盒系"屹实" D饭 平时得我一个女人仔食, 我真系要分3餐先食得晒 又系另一间无限encore的人情小店…查看更多

以前成日帮衬，早午餐都唔错，近排行过食碟椒盐鸡扒饭，依然多葱多椒丝，大大碟饭加杯冻柠茶，已经食唔晒。个老板依然亲自任加柠茶，街坊生意，颇有特色又抵食，值得支持。整体4/5味道3.5/5服务4/5…查看更多

住系元朗咁多年都冇机会试到呢间玻璃屋，因为佢６点就收工😱趁住今朝仲系街度即刻谂起想试下佢，谂住买外卖返去食早餐都算多选择， 一个餐40蚊左右但份量出奇地大份真系好抵食雪菜米丝用个大size外卖碗装住，真系食极都仲有配埋肠仔同火腿奄列大大份盖过晒个碗好味，咸淡适中另外沙牛面个碗就细少少，不过份量都算够，味道都OK，不过就一定唔够永顺咁浓啦菠萝包唔错，表皮香脆攞返嚟仲暖至于牛油多士就麻麻地，两块面包夹住劲少牛油，食落好干又冇乜味听讲午餐d份量仲夸张，又大份又有得任添茶希望再揾到机会一定要再试！…查看更多