王牌冰廳 (燒味世家)

营业中

休息中

兩個人去食早餐，沙嗲牛肉麵還算可以，但榨菜雞絲米粉就太油，而且只有榨菜，得一粒手指甲咁少既雞肉，只有榨菜味沒有雞味。炒滑蛋，因為唔熟，所以真係滑，但真係太生了。如果要評分的話，我們只能俾3/10分，短期內亦唔會再光顧。

假日大埔踩單車，順便去大埔行街，見到王牌冰室的燒味好吸引，肚子又餓就一於試試。燒味飯（叉燒拼燒腩仔）$52單看相片就知道這碟真的很足料！我怕胖所以要了瘦叉燒，叉燒雖然瘦，但很腍很入味，有醬香但不會很甜。燒腩仔也很出色，肥瘦相間，肥的部分只是薄薄一層，食起來油潤而不肥膩，最好吃的當然是燒肉皮，鬆化脆口，絕對好吃。王牌叉燒炒蛋飯$48蛋香夠滑溜，配上王牌叉燒和特製的豉油汁，確實是香港獨有的好味道。凍檸茶，踩單車成身汗，飲杯凍檸茶降溫兼解渴。

早起的為食妹👧🏻有蛋治食🤩。驚喜外賣價$20有蛋治+飲品👏。買番上樓慢慢嘆😌。一打開超驚喜🤩。估唔到份蛋治超厚身。食完勁飽超滿足。驚喜一浪接一浪。呢杯唔係普通奶茶。係薑蜜奶茶。飲到底見到有一條條薑絲。飲完好暖胃❤️。心郁郁又走落樓下試下佢地嘅下午茶。款式多多價錢貼地👍🏻。燒鵝瀨好好彩有燒鵝髀。皮脆肉滑。啖啖肉我最鍾意😍。蘋果肉紅茶☕️飲完喉嚨好舒服。估唔到呢間餐廳幾有驚喜😎。

有時去茶記，諗唔到食乜通常都會嗌燒味食飯，所以對燒味飯都有啲要求，尤其係食叉燒飯，叉燒一定叫半肥瘦！易入口，又甘香！今次發現有間叫至牌冰室，佢個叉燒係咁出色！仲要其他燒味都好受歡迎！經常好多其他枱客都點乳豬、燒腩仔、燒鵝👍🏻同埋一坐低就有是日湯水送，都幾貼心❤️雙拼燒味飯：叉燒油雞飯，半肥叉好正又多，油雞都好嫩滑！配埋蔥油同甜豉油撈飯！好正👍🏻滑蛋叉燒飯：叉燒就偏瘦少少，但都好好食，蛋又多又滑，撈埋飯食好香

平時見到好多人響呢間餐廳食嘢，諗住搵日試吓，但係每次都係太多人，今個weekend 趁見到有人啱啱走即刻攝入去食番個燒味飯。一坐低阿姐就拎碗例湯過嚟，嘩冬天緊係要暖下胃先啦，老火西洋菜湯，超正，多人有佢嘅道理！勁薑奶茶（熱飲）小弟真係好怕凍，繼續叫左杯正野：勁薑奶茶。茶味濃，攪勻之後薑味勁出，又唔係好甜喎。燒腩仔併燻蹄飯唔係好多有燒味餐廳有燻蹄，見到有即刻點，仲叫埋燒腩仔！好快已經上菜，重點係燒腩仔係真嘅，並唔係燒肉，份量足，熱辣辣。腩仔個皮係重點，脆卜卜但又唔肥膩。燻蹄切得好乾淨利落，好肥果啲位完全冇。值得一提係個汁超正，呢度係甜甜地嘅，勁醒胃。

今晚諗唔到食咩好，大埔中心行街睇到有間王牌冰室，見到佢門口個牌寫住蜂蜜叉燒，就入去試吓啦！餐廳唔算大，座位都算寬闊唔會感覺好迫，睇睇餐牌都算多野食👍🏻例湯蜂蜜叉燒飯併燒腩仔+$4果然蜂蜜叉燒軟硬適中，味道剛好；再配上半肥瘦既燒腩仔相當滋味十足🥰🥰🥰菠蘿鮮茄豬扒併火腿這個賣相好靚，豬扒又林又大塊，切開一粒粒配意粉🍝很美味可口😋😋😋凍奶茶茶底香濃，調教得啱啱好又唔會好甜凍檸茶茶很夠味，檸檬新鮮不會苦澀

王牌燒味俠🦸‍♂️位於大埔中心一間茶餐廳，由燒味俠主理，以滑蛋叉燒飯為餐單第一位。《王牌叉燒炒蛋飯》$48叉燒是多瘦少肥👍🏻醬汁應該是普通豉油，而炒蛋就正正常常。🌈送例湯和熱飲☕️餐廳佈置畫了一系列「燒味俠」的俏像，十分有趣😆

Lunch嚟到，人山人海牆上貼著午餐ABCDEF由燒味到客飯小菜扒餐嘩，係中學放飯嘅感覺套餐跟湯同嘢飲一貫茶記作風湯係青紅蘿白味精少不了，但唔係好過份可以接受，而且用料都好足飲到粟米同蘿白嘅天然香甜叫咗個炸魚柳意粉魚柳與粉漿比例為1:1入口外脆內軟，雖然話係偏薄不過都有成1.5倍手掌size嘅大小成隻碟都擺唔晒！至於個pasta，以快熟意粉而言煮得火候剛好，軟硬適中，入口撈埋個白汁好有童年回憶嘅感覺！經濟實惠的午餐也難怪真係人山人海

真係相逢恨晚最近舖頭都開業左一兩年之久先至第一次幫襯原來王牌燒味俠嘅明路燒味真係名不虛傳就算我知啊一個叉燒湯意粉見到啲叉燒肥瘦均勻 有少少帶燶 已經知道好嘢加上這個湯底其實都幾好雖然好想將自己諗得咁好但係都已經非常之好嘅感覺再加上未曾試過食個常餐又有腸仔又有火腿又有炒蛋而並不是任擇其二 淨係呢一點已經值回票價唔係冇得才想聽今時今日仍然堅持做得到另外再嗌一個滑蛋叉燒飯雖然豉油汁好似多咗少少但係望落去啲蛋又滑啲叉燒又冇得頂最窩心嘅係每人坐低都有一碗湯 不是普通垃圾例湯 係蟲草花瘦肉湯呢樣野真係好窩心下次嚟到大埔一定要試吓呢個王牌燒味俠嘅燒味

【大埔•王牌冰廳（燒味世家 】—————————————————————————呢間見親都有人排隊 剛剛午餐時段 但又未食早餐 叫咗個正常沙嗲牛🍜金牌沙嗲牛肉麵 HKD52配香腸。火腿。炒滑蛋。牛油多士個蛋又真低炒得幾滑 夾落多士食 少食蛋都食到一半跟住要講沙嗲牛 個湯底非常濃郁 濃到有少少杰身但係望到隔離枱又好似冇咁杰身 唔知係咪重手咗🙈諗起某某店煲仔沙嗲牛 🍚王牌蜂蜜叉燒飯 HKD52叉燒燒得幾香 又有光澤 外面少少燶邊望落冇咩肥以為食落會好乾 點知咬落軟淋juicy係比平時燒味好食 令人想再食 所以呢個價錢T小姐覺得都合理。。總結…可以睇清楚🤣首先 堂食過。叉燒係好食 外賣送餐。燒鵝五寶飯原本HKD72 送到來都HKD90 但啲料係塞爆個飯盒 仲要係好食但…唯獨有次外賣自取。叉燒係衰過樓下街市燒味又鞋又乾冇哂蜜汁味 完全唔值呢個價所以質素maybe估你唔到 可能真係睇你好唔好彩服務質素：😊😊😊😊食物味道：👅👅👅性價比：💰💰💰 人均消費 HKD55✨✨✨✨✨✨✨✨✨✨✨✨✨🏠 王牌冰廳 (燒味世家) 📮 🔹 大埔安邦路9號大埔超級城A區1樓004號舖 🔹 將軍澳唐德街9號將軍澳中心

今日去左大埔做野，下午茶時間好肚餓，見到附近呢間王牌冰廳 (燒味世家)好多人排隊，一於試下有幾好食先！同事揀左咖哩牛肉飯，我就揀左沙嗲牛肉潛艇，試埋個皇牌夠薑奶茶同蘋果肉紅茶。點完餐店員就好熱情送上老火例湯，湯頭清甜，飲落無味精，正。咖哩牛肉飯大大碟岩哂男士們～牛肉腍滑有咬口，咖哩味香氣撲鼻，食落香濃惹味夠哂開胃，拌飯一流！沙嗲牛肉潛艇成日食沙嗲牛肉麵，第一次見有得配潛艇，好創新，一於試試！濃香沙嗲醬汁配嫩滑牛肉，夾住烤得非常香脆既潛艇包，索滿香濃醬汁，特別惹味～夠薑奶茶奶茶香醇幼滑，估唔到配以薑蜜會出奇地夾！蘋果肉紅茶清香紅茶夾雜粒粒蘋果肉，滋味滿分！

最近呢一年坊間嘅冰室咁多喺大埔真係好食嘅冰室終於有了🤤位於 #大埔超級城 地舖的「 #王牌冰廳 」雖然睇落去細細間但係都見到好多人喺門口等位相信食物質素一定唔會差今次我哋就入去試吓佢嘅招牌燒味先‼️⊰⊹════════════════⊹⊱✎ 食後感 ：✨💛「 #C2 金牌沙嗲牛肉米粉套餐 」經典常餐中的沙嗲牛餐套餐附送香腸、火腿、炒滑蛋及牛油多士鍾意炒滑蛋夠晒滑溜Creamy配襯脆卜卜的牛油多士食又唔會太漏而沙嗲牛肉米粉大大碗好吸引飲一啖湯底沙嗲牛味道濃郁而且牛肉嘅份量都頗多牛肉肉質還很軟口很嫩米粉仲朔晒湯底嘅味道添話咁快就食晒啦❤️「 #情懷大碗公飯 」雙拼都只係$52仲有六款燒味選擇我就揀咗我最鍾意嘅燒腩仔同埋叉燒一嚟到梗係要相機食先六件大大件嘅燒腩仔配以八件叉燒呢個價錢真係平靚正加上燒腩仔外皮香脆可口腩仔同埋叉燒都係我最鍾意嘅半肥瘦仲有送飯一流嘅蔥油簡直就冇得頂啦🤎「 #凍檸茶 #凍柚子蜜 」就連飲品凍檸茶同埋凍柚子蜜都好濃郁底下的柚子蜜好足料啊難怪飲落去咁夠味啦好難得有質素平靚正嘅一間冰廳下次一定會encore再試！

三號風球下既假日，訓到日上三竿，打算近近地搵間餐廳醫肚。見呢度有空位坐，無慮即入。之前試過呢間既叉燒炒蛋都唔錯，話晒係招牌燒味，今次轉下新口味，就嗌個特餐試試。例湯係青紅蘿蔔黃豆豬骨湯，而凍檸茶一啲都唔吝嗇，有4塊厚厚檸檬，解渴一流。「板煎香菇馬蹄土魷肉餅煎蛋飯」個名十分長，亦都係餐牌上推薦之一，同普遍茶記唔同既係，佢地都注重擺盤，有少量沙律菜伴碟，煎蛋鋪係飯面，看似普通既肉餅都令人食慾大開。平時肉餅都係蒸為主，而家有咁多樣材料混入既煎肉餅，口感顯得豐富好多，鹹香既肉餅配甜甜地既豉油汁令味道取得平衡，香口野萬歲！煎蛋無過老，蛋汁又係撈飯佳品。離開既時候仲有好多等燒味外賣既人，睇黎水準依然唔錯，下次唔想行咁遠都要再黎食燒味飯。

八號風球留在家中🌊🌊早午餐已經係屋企食，晚餐都係落樓下食啦～我地飯堂【王牌冰廳】有開門👍🏻平時早餐都成日落去食🤣我地叫咗客家鬍鬚雞飯、原隻燒鵝脾瀨粉、夠薑奶茶、蘋果肉紅茶。呢兩個燒味飯都係套餐，包埋個老火例湯，湯好甜。🔸原隻燒鵝脾瀨粉燒鵝脾皮脆肉滑，唔會太鹹。咬落油脂豐厚多汁。瀨粉爽滑彈牙，個人中意滴d鵝油落去，好好味道😋🔸客家鬍鬚雞飯 (轉雞脾)鬍鬚雞皮比較薄身，肉質緊致唔肥，但依然嫩滑。自行淋上麻油蔥頭豉油好香呀。🔸夠薑奶茶加咗薑嘅奶茶帶微辣餘韻，口味獨特，薑同奶茶味道好夾配。🔸蘋果肉紅茶紅茶味突出，好暖心。

職員/員工態度非常差 生意不休做 完全冇招呼冇服務 叫外賣個外賣盒都要收4蚊 叫肥肥地既姐姐加多點豉油 佢居然走晒豉油 即係個飯冇汁 買返黎叉燒好難食 有臭味 可一不再 祝佢生意興隆