王家沙．花樣年華 (黃埔天地享膳坊)

日前造訪「王家沙．花樣年華」，品嚐了幾道經典菜式。整體而言，是一次中規中矩的飲食體驗，值得與各位分享。「雪菜肉絲湯麵」湯頭清潤，肉絲處理得細緻，與雪菜的鹹香搭配得宜。麵條口感軟硬適中，能充分吸附湯汁，雖無驚豔之處，但勝在真材實料，調味不刻意炫技，反而展現出傳統風味的樸實魅力。「嫩雞煨麵」雞肉確實鮮嫩，湯汁濃淡得體，不過麵條稍嫌軟身，若喜歡有嚼勁的口感可能需斟酌。整體風味溫和順口，適合追求清淡滋味的食客。「蘇式鮮肉小籠包」外皮厚薄適中，內餡飽滿多汁，肉香純正。雖未達到頂級水準，但誠意十足，若能再加強湯汁的鮮甜層次，想必更加出色。總結而言，王家沙的菜式風格穩健，不追求花巧調味，而注重食材本味。對於喜好傳統風味、講求實在感的食客，這裏或許是個不錯的選擇。紅磡店環境舒適，服務亦周到，若路經附近，不妨一試。Ref: XXV0909…查看更多

係黃埔番工 ， 食lunch唔想食咁貴（最後超佐budget 少少）又唔想行咁遠 。試佐王加沙個咸栥飯同雲吞。栥飯1set 2條 ，真心係好食既，油炸鬼 好脆👍🏻❤️ 。平時食開既小店 雖然人地d栥飯個size 大條d 但通常入面既油炸鬼食個陣已經林哂 同出面好多油，由店行番公司10分鐘內 時間唔長唔短 食個陣仲keep到 要俾個like👍🏻。 不過食完一條已經7成飽，本身怕單叫栥飯會好dry 先叫多個迷你雲吞（一人食 太多），雲吞個份量又係massive，目測20粒（多過10 少過20 左右）。 *重點食完栥飯 又開佐個10mins 多d 既會之後先食，碗雲吞都仲係好熱🥵 😓。 食落味道唔錯 今日又凍凍地 飲淡熱湯舒服晒😚。 不過都係食唔哂 剩咗一大半🙈。整體今次用餐平價： 抵食 （$42- 栥飯 + $48sth 雲吞）不過下次要搵人share 食先得 份量太多😓…查看更多

開係商場裡面環境幾好，坐得都算闊落，午餐同下午茶有set餐係好抵食喔推薦小籠包可以的，皮薄多汁食落不會太漏，仲有蛋白炒飯好香口，質素同酒樓差不多，小朋友很鍾意食…查看更多

要味道無味道要服務無服務一入到店門口無人招呼。入到去搵位。然後被告知好多空位都不能坐。然後坐低5-10分鐘無人招呼。無餐牌無牙簽無茶水。講真唔想做就唔好開門做生意:)…查看更多

這家店這兩年內食過幾次。 味道一般，店舖內沒電話信號，WiFi又壞咗不能連線。 我記得Wifi 已經壞咗一年以上都沒有維修處理，明顯就是管理員不作為，沒處理。另客人進食時，坐立不安，有一種「與世隔絕」的感覺！ …查看更多

王家沙．花樣年華📍紅磡黃埔天地享膳坊(第4期)地下G16號舖突然間好想食上海嘢，尤其係小籠包。見到裝修都企理，就入去試吓。⭐️蘇式鮮肉小籠包 $62一籠有5隻，算係皮薄餡靚。仲有一款係有蟹粉嘅，係招牌款式應該唔錯！⭐️奶黃小麻球 $42呢款我覺得比較普通，就係鹹水角嘅皮包住流沙奶黃⭐️金銀干貝羹 $62我會話呢碗嘢係是日MVP，雖然望落清清地，但係食落幾香，口感碗仔翅，唔會太稀或者太結，幾好。⭐️上海擔擔麵 $88唔係好重花生味，覺得似滷肉飯嘅肉碎麵多過擔擔麵…查看更多

朋友話今日想食炒鱔糊，仲一定要銀芽炒，就搵左王家沙，好多年前都食過王家沙，幾唔錯。 今次去黃埔呢間，入到去裝修好雅緻，2個人坐張4人枱，好舒服，咁大張枱俾我，當然要叫多D餸食啦…先黎左個三絲粉皮～有微量的雞絲，幼身火腿，青瓜絲，成碗最出色係個醬，調控得好好食，係食個汁醬。招牌蟹粉小籠包～5粒～ 個皮厚左少少，咬左啖見到有黃色蟹粉，但唔夠蟹味同爆汁，都係點返個醋有返個味道出黎。炸黑毛豬扒擔擔麵～湯同豬扒是分開上的，睇個名同餐牌張相，好似好好食咁，點知，一食個麵同個湯底係無味用清水煮，應該鹽都無落，可以較個雞粉湯底會有些味道較好，個炸豬扒話就話炸黑毛豬，面嗰層個炸粉，餐牌張相係麵包糠做炸粉，但出品，祗係輕輕有麵粉喺面囉…食落仲要無豬味，同無味。叫左4個餸最期待係黑毛豬，點知咁失望。黑松露清炒蝦仁～ 炒蝦仁係最好食，炒得好好, 晶瑩通透，又有黑松露味道，唔會太咸或無味，個芡汁炒落個蝦仁唔會黐埋一齊，係粒粒分明，呢個好食。韮王炒鱔糊～雖然無銀芽炒，但呢個炒鱔糊都好食，個醬汁都較得好 好，望落個鱔糊都夠色香，但食落唔會太咸，好食。因為叫左個麵，所以，無叫到個飯黎撈飯食，兩個人，食唔到咁多。總括都唔錯，係個黑毛豬失準，其他都好好。…查看更多

首先，經openrice 訂座可有九折。食物質素好，價錢算合理。最讚的是服務。平日晚上人流很少，可以坐到收舖才離開。理解舖頭經營也有難處，但店員在可行的情況下可讓顧客久坐一點，也沒有表示不滿(至少沒有展示給客人)，實在值得表揚。…查看更多

哈囉大家，今晚係咁嘅，我嘆完咗一餐咁正嘅飯，撐到我嘅心都暖笠笠！先嚟張食講住，我喺一間叫 "嘗靚角落" 嘅店舖叫咗一餐。嗱！就講下我啲即時反應啦。首先，個嫩雞煨麵啲雞好似BB咁滑，食落咁過癮，湯底鮮得嚟都唔油膩，真心話絲毫唔誇張！跟住我又夾咗啲酸菜魚，好家下，勁正呀！酸辣平衡得宜，魚肉又嫩滑，個湯雖然唔多晒，但每一啖都充滿驚喜，一啲都唔齷齪。最後啲小籠包，哎吔，真係皮薄餡多，嗲到一個唔得了，每隻都肉汁四溢，簡直口口彈牙，平凡中帶點驚艷。雖然外賣賣相未必掂晒，不過滋味完全冇打折。食咗呢一餐，心情同胃都開心到爆炸！落雨天，都算幾好過！🍜🐔🌶️…查看更多

喜歡吃上海菜，因為有些食材要在蘇杭地區才能找到，例如馬蘭頭，有些人嫌有點羶味，但其獨特的味道是其他蔬菜找不到的。王家沙 · 花樣年華師以白葉做卷，一口一啖，不單可以把切碎的馬蘭頭包裹著，有點造型。蘇式鮮肉小籠包略嫌包皮有點厚，但厚也有厚的作用，夾起來時不易穿。紅燒獅子頭烤菜味濃，獅子頭功夫十足，非常入味。家鄉炒年糕有一貫的水準，不油膩，用料也十足。甜品方面，今天點了高力豆沙球及奶黃小麻球，對於高力豆沙球有點失望，一碟有四個，因為今天有六人共餐，所以叫餐廳把豆沙球切開兩份，卻發現裏面的豆沙少得可憐，但包球用料多所以較實，可能是彌補豆沙不足之處。總體來說，不過不失，也值得嘗試。…查看更多

今年生日飯局，心思思想食擔擔麵同小籠包，所以book左王家沙，來食之前睇過食評話已經質素下滑，本身都有d 擔心。個日去唔算爆場，晚餐時間都有空枱多出嚟。講返食物，擔擔麵味道好多，夠香，但湯少左。酸辣湯，真係下滑左，好酸同料少。但佢個炒年糕又炒得幾好，唔會似漿糊黐在一齊或太硬，口感幾好。小籠包係皮薄，但一夾就穿囉。…查看更多

外國返來的朋友想換口味食上海菜，我唔熟黃埔，係openrice搵到呢間，結果全枱人都食到好開心！6個人先嚟前菜蒜蓉拍黃瓜、蒜泥白肉，點心叫了招牌小籠包同鮮肉鍋貼，小菜揀咗黑松露河蝦仁，主食是炸黑毛豬扒擔擔麵、紅燒牛腩湯麵、家鄉金腿炒飯，最後食埋甜品蓮蓉壽桃包，全部質素都幾好，只係河蝦仁咸咗少少，不過紅燒牛腩湯麵好足料，牛腩有筋有肉，稔得嚟入味，值得讃！價錢合理，計埋openrice訂位有九折，全部人食得滿足，都只係－千蚊有找，相當抵食！…查看更多

鍾意食上海菜，不過有好多菜式都係水平以下， 例如佢嘅午餐，雖然有肉絲炒麵，但係佢個面炸到好厚根本咬唔落。佢嘅擔擔面都唔係真係好似擔擔面嘅湯底，佢嘅餸唔係好多但係價錢就好似出邊嘅水平價。可以改進一下。…查看更多

晚上預訂了 預備補祝生日飯 點知餐廳 服務態度不友善， 點了8個餸， 生煎包完全無汁 很硬，松子魚味道似變壞，連魚旁菠蘿都有酸縮味，水煮牛完全無味，牛肉似用咗大量鬆肉粉醃製，咬落完全無味，好硬。獅子頭好咸，奶油津白啲汁 食落似變壞的油。對今次晚飯非常失望 要我地食到一半埋單去對面再食，叫經理來處理變壞食物，佢態度都係淡淡然，好似已經習慣咗。其實當初是想試試呢間餐廳，因為之前都喺又一城見過，但無諗過黃埔店係咁難食。佢難食嘅味道唔止難食，係似一堆變壞食材。下次一定唔會再光顧，簡直是超差的晚飯經驗。…查看更多

絕對可以black list ，叫咗四樣嘢，冇一樣嘢好食，可以保持哩種水平確係唔容易！真係好難挑戰諗住食小籠包最穩陣，點知塊皮成吋厚，舊肉好韌，根本咬到咬唔開😩仲要上到枱嘅時候已經唔熱最離譜，係個嫩雞煨麵，談到好似冇落鹽咁，啲雞又鞋，成浸雪藏味☹️$108一碟娃娃菜，又乾又冇味，啲菜唔新鮮，懶有氣氛咁放個蠟燭，完全多舊魚..入得嚟食，你預咗大部份嘅錢就係買佢嘅裝修，冇一樣嘢好食，拜拜永久bad list …查看更多