玉桃軒酒家 (利舞臺廣場)

营业中

休息中

今日於銅鑼灣工作，放工約了爸吃飯，因想吃中菜，他揀了玉桃軒。酒樓位處利舞臺高層，尚算方便。酒樓環境寬敞舒適，不算嘈吵。我們兩父女可以靜靜傾下偈。好耐都冇喝老火湯了，就點了一煲，今日係茶樹菇豬肉湯，湯水呈茶色，有絲絲茶樹菇味，所有食材的精華都盡在湯內，感覺沒有很油膩，味道非常濃郁。我們兩個人飲，一人有三碗左右有大量瘦肉和一隻螺頭，很滋補呢莧菜翠綠鮮嫩，不過整碟菜的重點在上湯，莧菜吸收了瑤柱上湯，異常清甜好味。腩肉炆得入味，半肥瘦，肉質軟腍不嚡口。冬瓜清甜，冬菇爽滑。

今日難得收早，就同屋企提早過中秋，記得朋友話有間中餐唔錯就一於去試下，勁好彩個日唔洗就有得入去。一坐下來先點我至愛既燒腩仔，呢到既燒腩仔，肥肉好平均，而且皮脆肉質香口，一口燒肉呢個名岩哂。之後開始點主菜，就叫左個蝦仁玉蘭炒飯，呢個飯炒得好夠獲氣，而且份量亦都好足夠，蝦仁既比例都好多。之後再點左個石班炒球，炒得好香口，一啲都唔腥，黎送飯冇得輸。同埋食下去好爽口，個廚師一定經驗老到。仲有點可以唔提一下扁皮鴨，呢隻鴨燒得好香，加上塊餅皮唔會好厚，再加上青瓜，簡直冇得輸

同屋企人去食飯我哋嚟咗呢間酒樓呢間之前來食過都唔錯所以再來好開心呀來到見到好多嘢做緊特價扁皮鴨上次食過唔錯不過今次想試吓第二啲嘢西蘭花炒帶子帶子好大粒食落好鮮甜西蘭花好爽口上湯波士頓龍蝦烏冬底龍蝦鮮味十足烏冬彈牙正鹵炸軟心豆腐外皮炸得好香脆入面軟滑金牌脆皮燒腩仔肥瘦平均d皮夠脆食落juicy同爽口好正因為屋企人生日我哋叫咗兩個大壽桃包壽桃包好好食（原隻蛋黃大壽桃包）皮好鬆軟蛋黃好香家人好開心😃餐飯好滿意

位於銅鑼灣利舞臺，地理位置幾好，約朋友飲茶都容易搵～環境算乾淨企理，夠大，坐得舒服午餐選擇同埋優惠都算幾多，係等緊朋友嘅時候我都睇咗好耐😄😄最後我哋揀咗一個雪菜火鴨絲炆米同埋幾樣點心～雪菜火鴨絲炆米份量都幾多！而且d湯汁非常惹味🤤配埋鴨肉一齊食，正呀！飲茶就梗係唔少得燒賣啦～大大粒，見到咁多蝦🦐，食指大動🤤🤤叫左蛋撻仔外皮真係幾鬆脆細細隻，暖粒粒係當正餐或甜品一樣得🥰另外，值得一試嘅係佢哋嘅：海鮮明蝦角好足料！除咗大大隻鮮蝦，仲有馬蹄喺入面，外皮炸得脆脆，馬蹄又爽脆，咁就double脆啦😆😆咬落仲要有少少汁，Wowo～ juicy😌😌😌All in all, 呢度飲茶都幾好鍾意飲茶嘅可以book mark定😉

又到一年一度中秋節，就和父母來茶樓吃一餐歡樂飯聚一聚。茶樓一如既往的多人，應該是食物和環境級數高質的關係。燒鵝我估因為多人的關係，片皮鴨賣完了，但燒鵝也是值得試的。燒鵝皮真的很脆，次次叫也是如此的水準，真心之作，加上啖啖燒鵝肉，和出面只有骨的燒鵝比差天共地。金脆骨金脆骨炸得很蘇香，配上甜甜的汁很是野味，香得黎一點也不熱氣，老人家也適合。芝士龍蝦伊麵龍蝦伊面價錢便宜，初頭以為百幾蚊的價錢會沒什麼蝦肉，但錯了，蝦肉很厚身。伊面吸收了蝦的鮮味和芝士味，味道更是頂級。斑腩煲最後就是老人家最愛的斑腩煲，熱辣辣不在話下，最重要就是斑腩又鮮又香濃,配白飯最好的選擇。

打冷吃多了，就帶父母來酒樓吃吃好東西吧。雖說是高級食府，但價錢不算貴，和普通大排擋差不多的價錢，只是有加一和茶錢。燒鵝叫了燒鵝半隻,分量出奇地多,足足是四個人的份量。燒鵝的皮很鬆脆，而且肉質鮮滑，配上特製的酸梅醬，更是把鵝的鮮味提升。值得提的是，燒鵝很厚肉，吃算很滿足很juicy。腐乳通菜通菜很鮮嫩，不會老，配上腐乳，味道更是出眾，但神奇的是，它不會太咸，啖啖腐乳的香，配飯一流。瑤柱蛋白炒飯首先飯非常大碟，再加上飯上枱時仍是熱辣辣，這點值得加分。瑤柱絲很多，啖啖也有瑤柱味，再配上一些蝦米，真是香噴噴又好味。

本來睇到openrice有好幾篇食評介紹呢間酒家嘅片皮鴨都幾好，特價$188一隻，加$78可以兩食，所以特登同我的他黎試下，點知黎到，酒家話原來臨近中秋暫時收起特價菜牌😭😭好啦，惟有試住第二啲菜式先😢因為得2個人，簡簡單單點左3款食物✌️潮蓮燒鵝（例牌）$148。燒鵝肉一啲都唔韌，有鵝胸、鵝脾，亦都夠哂大碟👍而燒鵝旁邊有蜜汁餞豆，而家都比較少地方會有蜜汁餞豆😌酒家整嘅豆都好好味，酸酸甜甜咁愈食愈餓😋🤣石窩海皇炒飯$108。我的他話我食白飯實話悶，就提議點呢個飯，一上枱，嘩！咁大窩😱實食唔哂😱因爲用石窩盛載炒飯，所以有啲飯焦，好香脆😋炒飯內有好多蝦、帶子仔，好啱伴住其他餸一併食👍👍家鄉扣肉煲$98。一食之下，咦！呢個味道嘅扣肉煲係第一次食到！竟然係南乳味🤣幾特別，而且幾惹味👍有好多件扣肉！而扣肉好彩唔會太肥，隔紗隔紗咁樣肥，好香口（大鑊，又要跑多幾個圈🙈）！但太大煲都係食唔哂😅簡單食過呢餐，3款食物都好啱我地食☺️我的他叫我唔可以做大嘥鬼，要攞剩餘嘅食物回家啊👍👍下次等酒家嘅片皮鴨再有特價嗰陣，一定要試試🤣

咁啱朋友就嚟生日，所以就喺銅鑼灣附近搵咗一間喺酒家，諗住食餐好，最後決定選擇玉桃軒。位於利舞臺廣場，由地鐵站約3-5分鐘便到達。酒家環境大，很快已安排好座位。本月推介菜式，有波士頓龍蝦及北京片皮鴨等，可以以優惠價享用。鹵炸軟心豆腐外脆內軟，非常入味，配上甜醬味道更加一流。金牌脆皮燒腩仔肥瘦比例均勻，肉質軟嫩，皮又香又脆。上湯波士頓龍蝦烏冬底龍蝦鮮味肉厚，肉質爽口，烏冬吸盡湯底味道，口感嫩滑非常。西蘭花炒帶子西蘭花烹煮後仍保持爽口，配搭鮮甜帶子，看似簡單，但非常考功夫。原隻蛋黃大桃包適逢朋友生日，壽包絕對唔少得，蓮蓉甜度適中，加上原隻蛋黃，朋友非常高興。

暑假剛過，又可與朋友一起來個午市茶聚。今日大家約了到銅鑼灣玉桃軒酒家，這裏一向受歡迎，還未到中午已有不少客人在座。明爐即燒义燒皇义燒皇是這𥚃招牌小菜之一，差不多每次都會點選它，肉質鬆軟，味道香濃，肥瘦剛好，配以甜甜的蠔油小豆，美味可口。上湯豆腐魚雲煲朋友和我都很喜歡喝魚湯，這裏的魚湯配以白菜、豆腐、蘑菇和魚頭，味道清甜，很有住家的風味。那些年腸粉簡簡單單的腸粉，皮薄香滑，加上香蔥和芝麻，沾上甜醬或麻醬，已很滿足。香滑芝麻卷黑芝麻卷很有懷舊風味，甜度剛好。整體而言：地點方便，食物質素佳，服務良好，難怪有不少的捧場客。

呢晚收咗工，見悶悶地無嘢做😌 咁啱班同事約食飯，我當然跟大隊啦。班女仔話想食中菜，最後決定去「玉桃軒」。嚟到利舞台20樓，大家已經被場外同大門佈置吸引住，大大嘅水晶吊燈、加圍邊嘅裝飾紗布，啱哂啲新人嚟結婚擺酒🥂 侍應安排我哋坐抵之後第一件事，就梗係叫餸啦！不過大家實在太多意見，最終我都係無話事權😏 班女仔原來都幾刷得，不過又真係食得喎👍🏻👍🏻「片皮鴨」皮脆肉嫩，加上蔥段同青瓜，再夾喺麼麼皮嚟食，口感大滿足；「薑蔥焗蠔」勁大隻，廚師加入大量薑蔥一齊煮，醬汁調配得好好味；「蒸海班」嘅時間拿捏得啱啱好，啱啱熟、肉質唔會太老；「蒜香雞」好香口，仲保留到肉汁、唔會炸到乾晒；「賽螃蟹」份量唔少，蛋白同蟹肉嘅比例剛剛好，有入口即溶嘅感覺。連平時好少出街食中菜嘅我，都覺得呢餐勁滿足。仲要招呼好、食咁多嘢每人都係比兩百幾蚊，真係好抵喎👀

難得大家唔使O.T，我哋終於可以 #齊齊整整 坐埋 #吹吓水、#食個飯🍻 同事話 #燒烤食物、#打邊爐 太熱氣，咁一於轉吓口味、正氣一啲食 #中菜🥢 為咗方便大家搭車，呢晚我哋揀咗 #利舞台 玉桃軒 做我哋嘅 #聚腳地。大概18:30我哋到達 #玉桃軒，當時客唔多，#服務員 先為我哋 #安排座位，再遞上 #餐牌，#態度 比一般中式酒樓嘅 #服務員 斯文有禮，感覺唔錯👍🏻 唔知係咪近排香港經濟差咗，連帶 #酒樓食物 都相對平哂👀 無諗過$358就可以有條 #沙巴斑、半隻 #蒜香雞 之餘，仲可以揀多個 #小菜（我哋揀咗 #賽螃蟹），另加 #小秘書 幫大家揸主意，要咗個 #薑蔥焗桶蠔😉 而同事都唔執輸，比佢發現到酒樓特價 #片皮鴨 一隻都只賣$188，佢話咁抵無理由唔食啫😆 十分鐘之後，餸菜陸續上枱🥢 先嚟嘅係 #片皮鴨，肉質依然保持鮮嫩、鴨皮亦唔會太肥，配上 #青瓜、#京蔥 同 #甜醬 夾埋 #么么皮 一齊食，口感好豐富😍 之後再嚟嘅係 #賽螃蟹，熱辣辣口感唔錯... 不過加隻生蛋黃喺面就賣相perfect喇🤪 登登登... 我至愛嘅 #薑蔥焗桶蠔 咁啱擺喺我面前，我當然唔客氣要隻最大㗎啦

去了幾星期旅行，很是掛念中菜了，所以今天下班跟友人到了玉桃軒嘗粵菜😉聽聞這餐廳的片皮鴨很有名，故點了個二食套餐🥰北京片皮鴨配豆腐菜苗滾鴨湯片皮鴨每人吃了十片左右，嫩滑、抵食、好夠飽😙鴨很新鮮，皮熱辣辣的。兩個人吃一定夠！滾鴨湯是一大亮點，大推大推！湯充滿了鴨味、超級香，每人飲了三碗。右窩櫻花蝦蝦醬唐生菜🥬一大驚喜！唐生菜跟蝦醬本來就是絕配，加上櫻花蝦，口感頓時昇華了，惹味濃郁，送飯一流。最後一提，玉桃軒員工服務態度好好！食物質素不賴，滿意！

來利舞臺廣場多次，今晚帶媽咪來試一試這間豪華中菜酒家！門口已經給人寬敞華麗的感覺，內裡裝修雅麗，非常漂亮！雖然裝修豪華，但這裏的燉湯龍蝦套餐只是$678，有群翅，龍蝦， 老虎斑... 價錢一點也不貴呢 , 非常抵食！這裏另一招牌菜是北京片皮鴨，現在半價優惠$188， 價錢非常吸引，必食！片皮鴨皮香肉嫩，不是太肥膩，配上熱辣辣的薄餅及配菜，再沾上特製甜醬，每一口都充滿脆嫩滋味！上湯焗波士頓龍蝦一隻 ～龍蝦肉鮮甜爽口，令人回味呢！是日豐料燉湯～ 用料豐富，以群翅，瘦肉，淮山，杞子，桂圓燉湯，湯頭濃郁。群翅份量十足，爽口微彈，口感豐富！清蒸老虎斑～魚肉滑溜又鮮甜，火候剛剛好，不宵一刻已吃清光！菜脯肉鬆煎蛋角（自選菜式）～ 鹹鹹的菜脯配合香口煎蛋角， 啖啖好滋味！ 非常滿足的一晚，有翅，有龍蝦，有老虎斑，更有片皮鴨；每人三百有找，性價比高！

今天和家人到銅鑼灣逛街，又係到咗食飯時間，在 OpenRice 找到了利舞台廣場的 玉桃軒酒家，這酒家地方不錯，光猛整潔，服務員招呼周到！北京片皮鴨半隻方香味濃郁的片皮鴨，用熱辣辣的薄皮包住，當然不少得有青瓜、香蔥和醬料，片皮鴨皮香肉嫩，肥瘦適中，夾雜其他配料送食，口感豐富。燉湯龍蝦餐是日豐料燉湯燉湯材料非常豐富，群翅、瘦肉、雞、淮山等等，難怪味道濃郁好喝，而且份量十足，我們把湯渣也吃了。🤗上湯焗波士頓龍蝦大大碟波士頓龍蝦，賣相非常吸引，以上湯𤉋焗，龍蝦肉吸收了上湯的精華，食落啖啖鮮香味，一吃停不了！😋😋😋清蒸老虎斑一道簡簡單單美味的清蒸海上鮮，當然也食材新鮮，廚師就充分利用了烹調時間，加入香蔥、薑𢇁、醬油配料等，炮製出一條極美味又嫩滑的老虎斑，我們不停地吃，差不多連魚骨都吃掉。😋😋😘菜甫肉鬆煎蛋角這度懷舊小，自小已很喜歡吃☺️今天發現在菜單上，當然是必吃之選，你和我吃的是圓圓一片，但廚師的做法是以半圓形夾起來，味道跟我小時候的相似，真的很開心，可以尋回小時候的感覺。好味道的中菜

點心🥧 | 香港加油❤️ | 0831🇭🇰座落於銅鑼灣鬧市的中式酒樓，除擁有繁華影子，食物質素也絲毫不差。作為這裡的常客，對他們拿手好菜倒背如流乃自然不過。以近現代包裝演繹傳統點心口味，在多國菜成行成市的香港中能有如此心思實屬難得，其平民價錢更錦上添花深得人心。🔝 黑松露帶子餃蒸熟的帶子肉會比刺身份外鮮甜，黑松露作為香濃的存在正好補償了因爲甜味而忽視的嗅覺，配合寶盤般的外型形成一款色香味俱全的作品。🔝 韮王鮮蝦腸粉腸粉皮用澄麵粉製作，蒸製時不會吸收水份而淡化麵粉美味，煙韌彈牙，粉皮厚度跟鮮蝦大小及韭菜比例剛恰到好處，能同時品味嚼勁、蝦鮮味、韭菜的熏香。🔝 懷舊千層糕千層糕乃香港最難得一見的懷舊點心，又因為製作工序繁多而逐漸在點心界淡出，師傅需用奶皇及鹹蛋黃製成的夾層跟煙韌包包每層製作。鹹蛋黃的香氣、奶黃的甜美潤滑、包包嚼勁無一不為食客所愛。🔝 奶皇流沙包包包煙韌彈牙，師傅特別用蔗糖處理餡料，令帶有鹹蛋黃香味的奶皇額外多了一份純粹惹性，自然跟其他奶皇包高下立見。✔️ 陳皮火鴨絲炒米粉香口又不搶過鴨羶風頭，調味料以點綴般存在，不過缺乏湯米粉的陳皮風味，整體缺乏懷舊感，以口味及珍貴度來講還是推薦