玉桃軒酒家 (利舞臺廣場)

营业中

休息中

今日放工同男朋友去咗銅鑼灣食晚餐好耐未食過片皮鴨所以嚟咗酒樓搵好嘢食呢度嘅片皮鴨 $248一份 加多$78仲有兩味添 我哋就揀咗麻辣醬炒鴨件片皮鴨即燒即食超脆皮 見住侍應喺樓面片完即刻上枱 而且份量好大份 片皮鴨有一半係齋鴨皮為主 一半係鴨皮連鴨肉 啱曬有啲人鍾意只食油脂脆皮 又或者有啲人鍾意有啲肉中和油膩感 而且呢度跟嘅餅皮口感煙韌 包埋京蔥青瓜甜醬等食 好好味麻辣醬炒鴨件麻辣醬夠香 用嚟炒鴨件就夠曬惹味黑椒牛柳炒西芹份量唔算大 不過叫做又有牛肉又有蔬菜食下 味道正常 不過不失埋單嗰陣仲送埋綠豆沙 我就鍾意佢呢度嘅綠豆沙有啲豆蓉豆衣咬下 夠曬口感又唔會過甜

每次想食片皮鴨，就諗起玉桃軒，見咁耐冇出去食飯，所以決定約埋朋友食返餐。餐廳位於利舞台廣場，鄰近地鐵站，地點非常方便。座位寬敞舒適。多款本月推介，價錢超值。北京片皮鴨色澤紅潤，鴨身脹卜卜，鴨皮鬆脆，油香豐富每片有皮有肉，鴨肉嫩滑，餅皮厚薄適中，柔軟有彈性，大葱青瓜份量十足。可有二食。薑蔥醬爆鴨架姜蔥辛香，鴨肉鮮嫩，油光透亮，肉汁豐富，醬香濃郁。懷舊千層糕千層糕熱辣辣，口感軟嫩，充滿鹹蛋黃香味，一試難忘。

晚市重開後爸媽都想去酒家吃晚飯，所以今晚特意帶他們到位於利舞臺的「 玉桃軒酒家 」。下班後7.30到達，到已經8成坐滿，但枱與枱之間有距離，環境寬敞不焗促，光線充足亦不嘈吵。**茶芥 $15/位***白飯 $16/碗*晚市有幾款優惠套餐，這款「 激底晚市三寶 $398 」最合兩老意。三寶包括 ｛ 一品蒜香雞半隻 + 清蒸沙巴斑一條 + 15選1 小菜一款 ｝：［ 一品蒜香雞半隻 ］皮薄香脆少脂肪不油膩，雞肉入味又嫩滑，整體香口惹味，再配醬油更提味。［ 清蒸沙巴斑一條 ］沙巴斑大條厚肉，等得比較耐但值得，時間蒸得恰當好處，魚肉十分鮮嫩清甜，加上蒸魚豉油下飯一流！小菜選了［ 南乳尚素齋煲 ］，用料豐富，有粟米仔、茄子、菇菌、雲耳、腐竹、白菜和粉絲，都很吸汁入味，整體亦富肉乳香。是晚有雞、有斑、有菜，3人3個餸再配白飯實在夠食，平均每人$169。

之前同朋友飯聚同埋食大閘蟹都會黎玉桃軒，佢嘅廚房同埋嘢食都做得唔錯，最緊要係夠熱。今次黎試片皮鴨二食，鴨皮夠脆，饃饃皮亦都好軟熟，不過如果片得再薄啲，同埋有個爐仔可以keep住蒸熱就更好。第二食揀左鴨崧生菜包，一落枱香噴噴，證明師傅炒工好👍🏻 最鐘意食呢度嘅懷舊千層糕，比中環蓮X樓好一百倍🤣如果呢度係第一，蓮X樓應該倒數第一🤪而家唔係好多酒樓會再做呢款點心，中間夾住鹹蛋黃同奶黃，每一層嘅比例都啱啱好😋鐘意食鹹蛋黃嘅人一定好滿足埋單經理仲送左綠豆沙做甜品，經理同幾位服務員都好好禮貌，平日晚市唔係好滿，我估午市可能多啲人黎飲茶。疫情過後好多食肆都做唔住，我唔希望佢係其中一間🙈

昨天慶祝父親生日就揀了這間……沒有最差，只有更差的酒家，之前睇食評好多人話呢間野服務態度差都半信半疑，昨天真係大開眼界，一開始問我地飲咩茶個西裝阿叔已經態度很差，答佢一陣先都比面色你睇，另一個加熱水西裝阿叔揸住兩壺水衝埋嚟唔理枱面有咩就啪一聲放低兩壺熱水，跟住加水撞到我姨甥女對都跌晒落地，加水倒到枱面都濕晒，幸好佢還識講對唔住換過對筷子。食物……我地叫咗十幾款，唔知點解樣樣都鈉超晒標！！！得一款唔鹹，就係脆麻花，壽桃包又無咗一塊皮，單又落錯，XO醬炒腸粉就變咗唔知乜鬼炒蝦，芋絲酥餅又無到，唉！真係第一次有間酒樓咁無得頂，無下次！！！

慶祝阿妹生日，加我BB 歲半生日，去咗叫半席全包宴食飯。星期五晚都全場爆滿，好旺場。套餐的龍蝦伊面，龍蝦比較細隻，芝士汁同伊面都好好食😋燒味拼盤都幾好食，叉燒好好，有燶邊，又夠多汁。蒸魚細條咗D, 但我地老人家多，都夠食。炒花姿片有鑊氣，好味道。

心血來潮便即刻打電話約好耐無見既好友聚聚, 因為大家咁啱都好想食點心, 諗吓又要坐得舒適又要好食, 好友講不如就去銅鑼灣玉桃軒啦!  豉汁蒸排骨唔會肥也唔會剩係啖啖肉, 話明排骨梗係有骨有肉啦, 排骨仲好夠味素粉果皮好薄, 唔好以為素餡無淡口, 味道真係好好, 我們兩個都望實第三隻邊個食, 哈哈~~最後我食到蝦餃 唔使講, 一如圖片, 晶瑩剔透, 好味!白灼菜心 灼得剛剛好唔會太稔, 我個人好怕食煮到好稔既菜蛋撻係好友至愛佢話一家要叫, 原來酒家的蛋撻一樣唔講得笑, 同餅店水準一樣, 而且細緇隻, 好味賓話點解又係甜品既, 知唔係馬拉糕就係我至愛囉, 一坐低已經第一樣要剔就係佢, 真係好~好~好懷念既味道

首先，門口安排入座極度混亂，只是手寫貴姓和人數在紙上，而且人人可隨意書寫於該紙上，叫名期間一度混亂，不知誰先誰後，招呼不周入座後入紙又話只可填寫一輪，叫客人睇一次柯打於是洗洗下杯碟要停手check 入單紙此時候，負責茶水的侍應態度惡劣不問自取走我地未用完嘅洗碗碟的兜還向客人發晦氣毫無服務水平，食物質素也非常一般絕對不會再光顧

餐牌選擇少，菜式唔吸引，份量少，價錢貴。如果有小孩更加唔建議黎，小朋友唔夠高要求bb櫈，但侍應竟然回答“唔知啱唔啱你坐”，叫得bb櫈當然有呢個需要，但需要俾無視，真心嬲。餐牌實在揀唔落，再問侍應有什麼食物推介，講到一半，另一枱叫餐，個侍應竟然走左去另一枱，完全無視我地什麼服務態度，呢個時勢仲要做到咁差做餐廳，真係祝佢地早日關門。唔會再有下次，亦唔推介，希望想食呢間既朋友考慮清楚，一定後悔。公眾假期都預約到，都估會中伏

已經很久沒有去這里飲茶。以前是經常來這邊飲茶！放寬4人限聚令就約朋友在平日去食lunch傾吓偈。環境都仲係坐得舒服，但食物質素已經不如從前！蝦餃- 難食，皮和餡一啲都唔彈牙，以前不是這樣。腐皮卷- 好油和攞到嚟都唔熱鳳爪- okay麻花酥- 冇食到，不太吸到。叉燒腸粉- 個腸粉皮不彈牙，淋啤啤。雞扎 - okay當然還肚餓， 原本朋友想叫炒飯麵，但實在質素太不穏定，其他菜式巳冇期望。所以決定埋單去第二度食下午茶！本人覺得在銅鑼灣利舞台咁好位置的餐廳，出來的質素還沒有普通酒樓好食，暫時不會再回來用膳！

反反覆覆都要來這玉桃軒酒家午餐噢！原先收到過期消息👉以為這間玉桃軒有職員或客人確診新冠肺炎疫症：原來以上消息已過期（7月或之前）,現在是正常的，無感染。於是放下心頭大石照舊光顧這玉桃軒呢！兩位親戚已早到並為我們清洗碗杯，很窩心噢。首先我点了玉桃軒最出名的桂魚餃及千層榚還有芋角，親戚点了一個二人餐當中有一碗米粉，油菜及腸粉，後來我們又点多一碟肉絲麵及一碟桂魚餃。先講桂魚餃：名牌点心一点沒錯，我們四人就点了兩碟魚餃👉餃內魚肉豐富很軟身，配上一碟小醬油很好味又鮮，不錯；至於另外一名牌👉千層榚更不用說：蛋黃十足，甘香，有点甜但我們都喜歡呢！那芋角我親戚一嘗很歡喜，她說很鬆軟味道好。肉絲炒麵分一碗肉絲及一碟炸麵上，很有心思。部長及服務員很落力，我們感覺是良好的。

多謝朋友的生日午飯食了出名千層糕。原來千層糕有奶黃，蛋黃。我感覺似食緊奶黃月餅點心質素高無影到蛋散，好味，炸得香脆，唔太甜叉燒蘇香口，叉燒料充足四色點心，有晒蝦餃燒賣，正

Extremely poor service, it's like the customers owe them a living. Looks quite understaffed. I asked about a dish on the menu, the staff was very unwilling to explain, simply read what was written on the menu and walked away.Food is average at best. Usual dim sum items, nothing special at all.Not sure what the hype is about, have been to far better restaurants in Hong Kong.Average price, spent about HKD 400 for 2 adults and 2 kids.Extremely forgettable, don't waste your money here.* * * * * * *

疫情之下，D員工將食物派錯第二張枱，竟然若無其事送返俾你，提議佢下次D點心cup 返個蓋先lah, 仲要鬧返你。態度真係無得頂。食物亦不遑多讓，蝦腸有蝦殼，雞包個包底係全濕淋pat pat 嘅。油炸野亦有油"益"味。

😡😡😡呢個係我人生第一次寫post，要將呢個不愉快嘅經歷同大家公開。如果唔想做下午茶可以出聲。我人都未坐低，黑住面的長髮馬尾waitress不停催我落單，我劃完佢就不耐煩扯張點心紙走，佢個人都未離開我張枱，同時有個男嘅waiter行過，問點解仲有客坐低？長髮waitress企緊響我隔離就話：「佢詐型」，我話：「你講嘢好過份」，佢冇理我就行咗去。好過份係駛唔駛當住我面前講？我做錯咗啲乜？阻住妳收工？我有向男經理反映，佢話會處理，但沒有任何抱歉之類的說話。所以花我時間都要將件事寫出嚟。講埋食物方面，蝦餃帶子餃菜苗餃，所有白色餃類啲皮係實嘅，燒賣啲肉係實嘅，所有餃類都好鹹。本來開開心心去食嘢，搞到成肚氣。😡😡😡