影片
港铁太子站 B2 出口, 港铁旺角站 B3 出口, 港铁旺角东站 D 出口
继续阅读
电话号码
26226088
开饭介绍
酒店中菜餐厅，环境高级，舒适有格调。精选优质食材、以崭新概念呈献富艺术感的中式料理，且色香味俱全。
继续阅读
营业时间
今日营业
12:00 - 17:00
18:00 - 22:00
星期一至日
12:00 - 17:00
18:00 - 22:00
以上资料只供参考，请与餐厅确认详情
有关餐厅
有关奖赏计划
优惠
影片
相片
意大利芝士杂菜蛋饼配香草鲜茄酱
+2.9K
拣左左边呢个虾球带子•牛肋肉餐
+97
食家推介
相关文章
狮房菜以《红楼梦》中十二金钗为蓝本，创作出「大观．十二钗」飨宴，嚟狮房菜一定要仔细睇埋本menu，每个角色每首诗带出一道菜式💖💖 喜欢狮房菜嘅创作与幻想【 TEA 妙玉】 Assorted Dried Fruit✨陈皮雪梨茶 Tangerine Peel & Pear Tea太虚幻境判词：「欲洁何曾洁，云空未必空；可怜金玉质，终陷淖泥中。」🍐陈皮雪梨茶味道清甜，陈皮味道浓郁，配搭多款干果，包括无花果干、士多啤梨干、车厘子干、蜜桃干、葡萄干，层次丰富，添加味道层次。作为前菜都几特别！【APPETIZER•史湘云．秦可卿．贾惜春】头盘以三花代表三位金钗，三位各有美态的女性🩵冷艳芍药 Plum Jelly🩷枣泥山药糕 Red Date, Yam Pudding🧡落花金酥 Cherry Blossom Pastry🩵冷艳芍药喺洛神花啫喱，入口酸酸甜甜，代表史湘云🩷枣泥山药糕，咬入口散发阵阵花香，外皮烟韧软糯，馅料淡淡香甜，养生之作！🧡樱花造型落花金酥，外层喺脆脆哋嘅酥皮！里面有虾、猪肉及杂菌，味道酥香咸鲜！【SOUP•贾探春】✨金汤•菊花•刺参 Sea cucumber, Chrysanthemum, Seaweed Soup太虚幻境判词：「才自清明志自高，生于末世运偏消；清明涕送江边望，千里东风一梦遥。」🍲呢个汤好足料，用上老鸡、猪筒骨、原条刺参，煲至软腍，汤清味浓，最后撒上菊花带出清香感🌼【FISH •薜实钗】🐟煎封 •海盐 • 白鳕鱼 Cod Fish Fillet, Sea Salt, Pan-fried太虚幻境判词：「可叹停机德，谁怜咏絮才；玉带林中挂，金簪雪里埋。」仙气十足嘅白鳕鱼😳😳白鳕鱼煎至外皮脆卜卜，保持到鱼肉鲜嫩，表面有粒粒三文鱼籽点缀，令人著迷😍 【PORK •王熙凤】✨茄子•鹌鹑蛋•黑毛猪 Eggplant, Diced Chicken, Quail's Egg, Pork太虚幻境判词：「凡鸟偏从末世来，都知爱慕此生才；一从二令三人木，哭向金陵事更哀。」 师傅最印象深刻的一幕是王熙凤以一道茄鲞和鹌鹑蛋捉弄刘姥姥的一幕，故灵感创作出这一道菜。🍆鱼香茄子配搭慢煮黑毛猪腩，饰以炸至外脆的鹌鹑蛋，加上红辣椒及黑醋珠，味道浓郁香口，带点辛香惹味，仿如遇见辛辣的王熙凤 【 SCALLOP•李纨】🦪松茸•独子蒜 •元贝 •黑蒜 •甘菖Matsutake, Garlic, Scallop太虚幻境判词：「桃李春风结子完，到头谁似一盆兰；如冰水好空相妒，枉与他人作笑谈。」🧄以爱独处及带子为意念，原粒元贝覆上松茸、杂菌、甘笋、牛油等制作成的蛋黄酱料，焗王金黄，缀上独子蒜片🧄 大大粒元贝入口鲜味突出，有种与世无争嘅味道【ABALONE • 贾元春】✨玉簪 •鲍鱼•金钱鸡Abalones, Lard, Barbecued Pork, Roasted太虚幻境判词：「二十年来辨是非，榴花开处照宫闱。三春怎及初春景，虎兔相逢大梦归。」宝玉同母长姐👑作为妃子雍容华贵耀眼非凡✨ 以矜贵鲍鱼作主题。凤仪专用大红色器皿上枱，仲有超吸晴嘅玉簪✨ 插住南非八头鲍鱼、冰肉同叉烧😳 鲍鱼软腍超入味🤩 中间爽脆冰肉肥猪肉邪恶🤤 脢头叉烧酱有脆边，烤得好入味，啖啖肉🤪 【FISH MAW • 林黛玉】花胶•银杏 •苦瓜•萝卜🥕Fish Maw, Ginkgo, Bitter Gourd, Turnip太虚幻境判词：「可叹停机德，谁怜咏絮才；玉带林中挂，金簪雪里埋。」❤️ 林黛玉喺《红楼梦》书女主角之一，取其一生苦涩为主题🥺萝卜正方环里有凉瓜、鹰嘴豆、白果、菜脯及豆腐等，放上扣至入味软滑花胶，配搭人参果实，入口有清、甘、软、爽，百感交集🥹犹如人生百般之味在心头😳【RICE • 巧姐】🐟咸鱼•星斑•泡饭🍚Rice, Spotted Garoupa Fillet, Salt Fish, Poached太虚幻境判词：「势败休云贵，家亡莫论亲；偶因济刘氏，巧得遇恩人。」以「咸鱼翻生」为灵感，咸鱼及星斑作主角✨ 汤底浓郁嘅鱼味，汤里面仲有马友及星斑嫩滑嘅鱼肉，带带咸香味，配搭泡饭一齐食刚刚好🍚【DESSERT • 贾迎春】🪺珍珠•紫薯 💜Purple Sweet Potato太虚幻境判词：「子系中山狼，得志便猖狂；金闺花柳质，一载赴黄粱。」以「杀蚌取珠」为创作灵感🩷中间粒珍珠外脆内嫩，外壳喺白朱古力，里面紫薯红豆味滑溜细腻慕丝紫！旁边有微甘嘅红豆爆爆珠🫘
继续阅读
难得有日本朋友到香港，早几个月前因为工作关系未能见面，所以今次特意挑选连我都未去过嘅「狮房菜」，位于帝京酒店3楼。食物方面系有质素，由厨师发办共九道菜式，感觉好似港版嘅omakase。头盘花蟹茶碗蒸+普洱海参冻+鬈髦猪叉烧，个花蟹茶碗蒸嘅蟹肉够多，味够浓，反而叉烧感觉只系普通嘢，同公司大家乐感觉差唔多；第二样系青花椒·龙虾球·炒牛乳，呢个可以话有惊喜，将呢三样嘢融合到一个菜式，我真系想知佢个食谱系点，味道上系冇违和感，反而有种好清爽嘅感觉；第三样系兰州蜜瓜·瑶柱·响螺汤，呢个有啲似我曾经煲过嘅爵士汤，但我当时个蜜瓜味冇佢咁出，佢个甜味系有啲夸张，呢个反而系我唔太喜欢嘅地方；第四样系古越龙山·葱香·鲍鱼，用古越龙山调配出嚟个酱汁好出色，带出佢酒嘅香味，鲍鱼唔系果啲罐头鲍，真系慢煮出嚟，软硬度系刚刚好，难怪要比刀叉我切，向来冇table manner 嘅我都唔好意思将只鲍鱼一嘢队入口；第五样系好可爱、亦好可怜嘅菜式，韩国泡菜·黑毛和牛酥。冇谂过出嚟真系一只牛，要用专用嘅锤敲开佢，入面用荷叶包住黑毛和牛，感觉好新鲜，而且味道非常唔错，牛肉完全冇比泡菜个味道盖过咗。食完比左杯酸梅啫喱清下味蕾，但系呢个系唯一可以用极度难食嚟形容嘅嘢；第六样系鲜姬松茸·花胶·黄汤，一个我觉得稍为普通嘅菜式，佢个黄汤嘅味道系唔错，但好多酒楼都有类似味道嘅汤，呢一味算系最普通嘅一道菜式；第七样系金退燕窝·野生竹笙·菜苗，呢个归「养生」嘅菜式，我一度怀疑佢个燕窝系假，好少会有咁多，加上佢有啲类似红烧汁果种味道，味道唔会太淡。加上面头一层金泊，成件事高级咗好多；第八样系澄海卤鹅·淮山面，听落好普通嘅菜式，但味道系唔错，佢个鹅片系卤得好入味，肉质亦够淋同滑，唯一美中不足系细碗咗啲，因为家下我肥咗大食咗好多；终于到第九样嘅甜品，鸳鸯茶·奶冻，我一开始我系唔知只杯系食得，我净系食入面啲奶冻，因为佢个味系鸳鸯果种味，又唔太甜，系朋友话个杯系朱古力嚟，我先恍然大悟，但可惜佢个朱古力杯对我嚟讲系太甜，我食咗一半就放弃咗。总括嚟讲，有喜庆、聚会、招待外地亲友的话，呢间系值得一试，因为下一次又唔知会系咩菜式。一餐入面有咁多款式，够体面，加上酒店嘅质素，700几蚊位，呢个价我觉得系值。
继续阅读
今晚同班friend一齐去咗帝京酒店嘅狮房菜，食咗佢哋九道菜嘅「非遗雅宴 • 传味承真」，每道菜都系精心设计，用精湛厨艺同创意，将香港非遗元素融入菜式，畀我哋感受到香港独有饮食文化嘅魅力。卤腌三品：前菜一上枱已经觉得好吸引，首先系「椒韵墨玉」其实系潮式藤椒墨鱼，个墨鱼片个鲜味弹牙，仲有阵阵藤椒嘅麻香同微辣Chilli Sauce，刺激得黎又唔会抢味，啖啖都系惊喜。跟住有「琥珀藏姜」，即系子姜尖椒皮蛋，入口酸酸辣辣，仲带点古早味，简直系开胃神器。最后系「酱香珍味」，系虾酱葱烧刺参，虾酱嘅咸香同葱嘅清甜将刺参嘅鲜味完全逼出，口感软糯得黎又够晒入味，呢个组合真心抵赞。烟熏二品：首先系「笼香玉饺」（蒸笼鸭肉饺子），呢个鸭肉饺子真系不得了！皮薄得似透明，鸭肉馅鲜嫩多汁，蒸笼香气一掀盖即刻扑鼻而来，食落去仲有淡淡嘅烟熏味，系咁话你知点样叫「入口即化」！另一道烟熏前菜系「金缕蜜焰」，即刻米通腐乳叉烧，叉烧烧到外焦内嫩，腐乳嘅咸香同蜜糖嘅甜味完美平衡，仲有米通嘅酥脆口感加持，咬落去系一场味觉嘅烟花骚，甜咸交错，停唔到口。跟住就到主菜，首先「翠胆明珠」，即系砂锅菜胆花胶广东云吞，云吞皮薄到见馅，入口滑溜溜，花胶同菜胆嘅鲜甜喺砂锅汤底入面完全释放，每啖汤都好似饮咗一碗广东精髓，暖胃又暖心。跟住系我好喜欢嘅「渔港风华」－ 避风塘咸鱼茸豆豉煎马友鱼，啲避风塘炒蒜真是劲香！马友鱼煎到金黄香脆，咸鱼茸同豆豉嘅浓郁香气渗入鱼肉，每一啖都系满满嘅海港风情，食到我差啲连碟都舔埋。然后就系「陈卤菌珍」，系陈皮卤水牛肝菌农场鸡，鸡肉卤得好入味，肉质嫩滑，牛肝菌嘅浓香同陈皮嘅清新完美融合，简单得嚟有深度。食完啲重口味嘅主食，跟住就上「渔澳风光」，系大澳虾干鱼肚杞子菜心苗，杞子同菜心苗加咗一抹清甜同爽脆，呢道菜好似将大澳嘅海风同阳光都食咗落肚，清新得黎又好有层次。单尾系「金炊玉馔」脆芋丝腊味蟹肉炒饭，其实食到呢度已经开始饱，但呢度绝对唔可以错过呢个炒饭，炒饭粒粒分明，腊味嘅咸香同蟹肉嘅鲜甜一齐爆发，仲有脆芋丝加持，口感层次丰富到不得了。呢度嘅甜品都好精致，首先系「茶啡双凝」港式鸳鸯茶冻，鸳鸯茶冻入口即化，茶同咖啡嘅香气喺冻冻嘅口感入面交织，甜度啱啱好，清新又唔会太重，感觉好light。仲有呢个造型超级得意嘅「传统小点」麻雀千层马拉糕同怀旧合桃酥，千层马拉糕用咗麻雀嘅造型，松软香甜，合桃酥就系满满嘅怀旧情怀，回味无穷。总结嚟讲，呢餐非遗宴，每道菜都好似一件艺术品，将传统中菜嘅精髓同现代创意结合得天衣无缝，真心推介俾钟意试新嘢同喜爱中菜嘅朋友。
继续阅读
今次试下中式fine dining。预订套餐$700一位，已经连加一。因为系庆祝所以我哋另外加咗wine pairing（$298+10%）整体啲嘢食都好好味，中间有个雪葩啱啱好因为食完牛肉好饱同有啲腻。至于Wine pairing, 我地觉得sake麻麻地啱我地口味，其他酒都ok。去到最尾𠮶杯Amarone就抵哂🤣唔知系咪比较之下，不过成餐饭去到最尾有好酒慢慢饮，配埋甜品，啱啱好🥰因为系庆祝，餐厅贴心准备咗小甜品同牌俾我地影相。如果迟啲有机会会再嚟试。
继续阅读
生日宴！用whatsapp跟客服沟通，取得晚餐食单！餐厅景色广濶开扬，装修古式古香够典雅，我们6人选了2种不同套餐！都非常出色！一款是大观八道(买一送一）及另一款狮房厨司发板八道（＄700全包加一酒水）！以这个价格，抵！星期日，客人不算太多！所以有足够人手招待！我们在酒店楼下买旦糕便不需切饼费及有9折，抵！仲并安排送上狮房菜房来！贴心！每一道菜式均有名字，亦配合沙画！色香味均出色！大观八道取自红楼梦十二金钗.角色名字！所有摆盆都十分女性化！刚好我们三位女性选取，十分惊喜！另外的厨司八道是夏天时令菜色！亦非常出色！侍应每道菜都会简单介绍解释菜色如何制作！十分贴心！欢愉渡过一个晚上！
继续阅读