犇殿台灣火鍋 (東港城)

同男朋友之前都食过犇殿下午茶，男朋友钟意佢多台式嘢拣，叫做特别过一般火锅店🙊 最近见到仲有个全农日本JA和牛嘉年华买一送一优惠，平均每人$359（连加一）叹A5和牛半公斤+自选肉类+台湾美食+海鲜+自助吧，所以我哋就再帮衬过😎 店员态度都好好，热心友善，同熟客打招呼好亲切！美白凝肤牛乳锅
奶白汤底浓滑牛奶香，渌肉后都keep到creamy，仲有啲秋葵食吓～A5和牛半公斤
油花雪白均匀，渌几秒就食得，入口好嫩又香牛味🤤🤤自选肉类（牛羊猪鸡都有得拣）肩胛juicy弹牙、澳洲肉牛味浓、安格斯嫩、板腱爽口、牛胸软腍、烧酒鸡厚肉酒香入肉（渌熟都闻到阵酒香味）、麻辣猪颈肉微辣惹味（麻辣汁几香口！）海鲜
海班片、鲷鱼片细嫩、海蚬大粒鲜爆、澎湖花枝浆Q弹晶莹、八吋蟹棒长条好咬😍仲有海虾拣，不过冇叫到🫣其他
钟意佢有好多台式嘢食拣，包括：台湾鸭血软嫩、逢甲米血糕烟韧、蜂巢豆腐有咬口。仲有熟食：厚切午餐肉金黄酥脆、朱古力同榴梿炸弹炸得好脆又流心，少热气但又好味😆自助吧
台湾熟食（卤肉饭、鸭血、台湾肠）、蔬菜（估唔到有菠菜苗拣&羽衣甘、心内美萝卜、虫草花等，好多款菜拣！）、甜品（杞子芋圆Q弹、Häagen-Dazs朱古力雪糕浓滑）、台式饮品高质（黑糖龙解茶、栀子花绿茶等）都系可以任饮任食，好多野拣！
卖点🫰服务、选择、舒适度、A5和牛好味度：8.7/10…查看更多

$599叹北海道和牛买一送一｜仲有火锅放题｜海鲜啤酒任饮任食😍【台式火锅放题】 - 香港美食中秋节就快到，仲未谂好去边度食饭？🥳 今次介绍呢间台式火锅放题，真系抵到癫！平时食日本和牛闲闲地过千，而家做紧优惠，$599一位已经有半公斤嘅北海道和牛，仲要系买一送一！即系平均每人三百蚊唔洗，就可以食和牛，仲可以疯狂食其他肉类，海鲜、啤酒汽水任饮任食，仲唔快啲约班朋友冲？🐮🔥主角当然系盘「北海道和牛」，虽然唔系任叫，但半公斤两个人食真系够晒豪！每块和牛雪花靓到不得了，切得超大块，夹起嚟成张被咁，入口即化超满足！😋 另外任食区仲有澳洲特选牛肉、美国牛肩胛肉，肉味浓又唔韧，牛魔王必encore！海鲜方面都绝唔输蚀，有虾、花甲、墨鱼仔、鲷鱼片、花枝浆同鱿鱼须，款款新鲜！特别系虾，鲜甜弹牙，打边炉一流🦐仲有唔少得嘅系佢哋嘅台式小食！自助区有齐炸鲜奶、台湾肠、鲜虾腐皮卷，每款都相当美味！饮品柜有齐冷泡茶、啤酒同汽水，甜品除了Haagen-Dazs雪糕，仲有豆腐花同芋圆凉粉沙冰，完美作结🍨。今个中秋团圆饭，谂唔到食咩？呢度绝对系高质抵食之选！…查看更多

九龙人平时都好少搭到入黎坑口今日咁岩有野做入黎东港城，于是系度揾食。见到依间台式火锅，晚市最平个放题set $238 又唔贵边炉之鬼一于试试拣左蕃茄汤底，个汤既蕃茄味都几浓唔洗沾酱都够味自助区都有唔少台式小吃有炸物、鸭血、凉拌，连仙草同芋圆都有雪糕仲有movenpick任食其实净系自助区都已经好抵食肉类方面 最平个set有牛、猪、鸡、羊各一款上选牛都唔会太瘦/太肥，食落有牛味，都真系算性价比好高依餐都食得几满足，食完仲特登揾下边度近啲又有分店 下次可以再encore🤣…查看更多

临近周末又打风，最好就系打边炉(?)。火锅放题之中，如果想食日本和牛嘅话，一般都会好贵。但而家”犇殿”做紧个优惠，有足足半公斤北海道和牛一大盘，再有其他牛肉海鲜配料任食，每位$599，而家再做买一送一！北海道和牛当然佢系呢餐嘅主角，虽然唔系任食，但半公斤两个人其实已经几多。每一块和牛嘅雪花都好靓，最重要佢切到好大块，夹起嚟成张被咁😆，食起嚟真系特别满足！澳洲特选牛肉美国极佳牛肩胛肉除咗北海道和牛，佢仲有好多种牛肉系任食，质素都唔错，个人推介澳洲特选牛肉，肉味比较浓。海鲜其他海鲜亦都系主打，除咗一定会有嘅虾同花甲，佢仲有墨鱼仔、鲷鱼片、花枝浆、鱿鱼须等等，特别系鲷鱼片几好食。台式小食呢度有好多台式小食，可以喺自助区度夹，有部份亦可以落单。炸鲜奶、台湾肠、鲜虾腐皮卷、朱古力炸弹等等都系比较有特色同出边比较少见到，个人推介流心嘅朱古力炸弹！其他配料除咗自助区有大量嘅蔬菜同配料，喺QR落单亦都有唔少配料可以拣，饺类云吞鸭血等等，真系好难数得晒，食就更加食唔晒。饮品甜品标准嘅饮品柜，冷泡茶、啤酒、汽水果汁，一应俱全。甜品除咗有标准嘅Häagen-Dazs雪糕，仲有豆腐花、芋圆凉粉沙冰，可以慢慢食慢慢玩。当然，呢度最重要系个和牛同买一送一(原价加一)，可以喺相对唔贵嘅情况下食到北海道日本和牛，算系几唔错。…查看更多

间舖头嘅牛肉几好味，尤其系美国安格斯牛肉，同埋牛肩肉，都几靓几好味，不过澳洲牛肉就较肥啦，唔系好对我口味啰不过d小食同埋菜品都ok嘅，我觉得几好味。只不过服务上，服务员收拾台面同埋放牛肉嘅声音都几大声，好影响食欲，希望都可以有所改善啦，唔好咁令人一惊一乍。同埋唔知点解，我同友人一齐食完饭之后，第二日就开始腹泻，会否系牛肉品质监管有问题，定系话其他位有问题？虽然口味几好，但如果无改善嘅话，都唔会有下次光衬…查看更多