牛魔一人燒肉

营业中

休息中

今日旺角睇戲前食個飯，餐廳環境都可以叫咗個A4和牛西冷set 200g 加咗個紫菜飯同泡菜加埋嘢飲好抵食 都爭啲食唔晒 如果唔係好大食100g應該都夠性價比高👍🏽 個紫菜飯都好好食一個人埋單大概$200左右

琴晚經過見到新開張試試佢 原來試業中主要價錢平就腳你入去試吓 叫咗一個A8三重奏set，主要因為見到佢同其他套餐差唔多，但係就多50 gram， 可能因為唔係牛 仲做緊嘅一蚊牛舌優惠 絕對可以接受嘅一餐， 食晒得嚟又飽 ， 平時去其他一人燒肉店都會差啲差啲， 但呢一餐又真飽。 成餐飯埋單加埋嘢飲$89 , 咁都幾抵 。以後又多咗個飯堂喺旺角 。其實嘢食我覺得唔錯，呢個價錢都唔會有咩特別投訴 可能新鋪開張 出餐係有啲慢嘅 等咗10分鐘，希望餐廳可以改進。 有啲興趣試埋佢個壽喜燒 店員話原來晏晝先有咁就下次try try 佢

見到新開事業期間立即去試新嘢，一入到去張枱已經油淋淋，員工忘記俾俾個QR code落單，而且發現個燒烤網係沒有更換，比返上一手個網我哋用，最緊要是個爐太接近個網根本燒燶晒，就算點燒都會燶晒 ，所以根本不用去！而且上餐好慢，加上服務員很多都是後生男女，應該沒有太多經驗？根本沒有用心去營運間公司因為事業期間已經這麼沒有誠意，根本就純粹開嚟搵傻豬入去食！只會覺得佢想跟另一一間日本燒肉公司，但係根本服務，同埋食品追唔上！

星期三行街路過，見到一人烤肉新開業，門口還有張貼一元牛舌，霖住都幾抵入去試下，入去做低問職員1元牛舌要點操作，結果被告知要2人以上才能有1元牛舌，所以只能自己默默點了個98元的200g雞腿肉跟牛五花的套餐,另外揀左3個醬汁，其實當時吃無咩人，所以霖住應該會好快上餐，結果等左大概十分鐘有多，餐先上到黎，我睇份餐比我噶第一感覺就係唔夠重量，而且牛五花勁薄！！！因為當時坐左入邊噶位置，而爐噶開關起對面，自己不方便開爐，所以叫店員開，結果店員開到好大火就走開左，肉一放落去就即時燶邊，一陣臭油煙味，店員行過見到大火完全沒反應，就睇住你亂手亂腳，實在自己頂唔順了，起身行過對面關到最細火，但是都仲係好容易燶，而且3个酱汁都非常难吃……只可以講哩餐飯吃得勁狼狽⋯⋯而標題寫室內BBQ係因為真系勁大煙，就好似火災現場錦樣⋯⋯真系拿錢穩罪受⋯⋯如果唔係因為系統最低要一星，否則覺得半星都唔值⋯⋯

新開張經過，見到一蚊牛舌，就入去諗住試吓入到去問職員係唔係有一蚊牛舌！個職員答我冇依回事，轉頭又同我講今日冇做呢個優惠，咁點解門口要有咁嘅宣傳？之後點野食，普通叫咗一份牛五花$48其實開頭賣相都OK ，但係一夾起片肉，就覺得超級超級薄，平時我都有去食一人燒肉，但係從來未試過咁薄，每一啖完全唔知食緊咩沙律，普通到冇得普通，完全唔夠沙律汁乾哽麵豉湯無味白飯，係完全食唔出日本米感覺牛舌唯一係可以算好食，可能厚切嘅原因吧職員服務態度超差，好似欠咗佢哋咁，問佢哋嘢唔知，就算有其他同事知，態度超輕佻，好似欠咗佢哋，叫佢哋幫我調教一下唔好咁大火，完全冇理會我，全程我食一啖，然後即刻夾起嚿肉，不停重複，完全冇一個享受食嘢嘅機會簡直貼錢攞爛受