餐厅：牛魔一人烧肉地点：旺角豉油街菜式：日式烧肉餐牌：一人烧肉套餐一共有15款，分100/150/200/250/300g，价钱唔同，包御饭或者迷你乌冬，牛骨汤同沙律。御饭或者迷你乌冬都可以升级，可以加钱追加烧肉/小食/饮品等。落单用QR code。封门柳牛舌套餐 200g $138 另加一封门柳两大条，切得够厚身，原来都唔难烧熟，肉质够瘦，不过都算嫩，食落好有牛味。牛舌有八片，够厚切，好有咬口。封门柳西班牙黑毛猪五花套餐 200g $138 另加一配西班牙黑毛猪五花就有四大片，肥瘦相间，口感爽脆，唔算太肥。好欣赏呢度酱汁好flexible，可以从12款酱汁当中自选3款，好贴心。呢度肉类本身冇加酱汁，所以自选酱汁好重要。每款酱汁都好有特色，任君选择。今日试左黑椒盐酱，黑松露烧汁，韩国辣汁，焙煎胡麻汁，柠檬盐。跟餐沙律系简单沙律杂菜加粟米粒沙律，酱汁系胡麻酱。跟餐牛骨汤有豆腐粒同葱花，唔会太咸。日式冷面乌冬 加$28 另加一冷乌冬有青瓜丝，红萝卜丝，秋葵，半只熟蛋，伴有柠檬片份量唔多，加有好多冰粒降温，消暑之选。手拆纯蟹粉蟹黄兰王拌大光面/乌冬 加$78 另加一手拆纯蟹粉蟹黄兰王拌乌冬原来分量好多，乌冬用木兜上，中间一只橙红色大大兰王！手拆纯蟹粉蟹黄另上，系热辣辣，蟹粉蟹黄捞有蟹肉加葱花。我成兜乌冬倒落去捞，味道系刚好，口感滑溜而唔会过咸带适量蟹味。牛魔黑松露和牛他他 $78 另加一牛魔黑松露和牛他他系好多新鲜苹果切粒面头加上唔少生和牛条，中间一只鹌鹑蛋黄，伴有黑松露酱同葱花。黑松露酱味道适中，捞埋所有配料食入口爽脆滑溜都有，味道清新中带和牛油香。特大虎虾 $28 另加一特大虎虾真系几大只，烧虾虾壳极香 虾头有膏，虾肉爽口又鲜甜。伴有柠檬角。菠萝特饮，巨峰特饮 各加$15特饮有粒粒椰果可以咬，而味道唔会过甜，够解渴。今餐所有肉类海鲜都好正，食完唔会成头成身油烟味。每个座位都提供较剪方便自己将烧肉剪细入口。餐厅装修干净卫生。…查看更多
