牛響度拌麵 (黃埔天地Aeon Style)

老友约我行Aeon，顺道去位于红磡黄埔天地第五及六期Aeon Style 地库一楼WP08号舖的<牛向度拌面>食午餐，食街形式经营，先购票后取餐，自己找座位入座，食完餐后，自己清理餐具。我哋点咗：🔅嫩滑炸猪扒饭 $54：猪扒炸得皮脆肉嫩，配菜有芝麻紫菜粟米，送饭一流。🔅慢煮牛舌 + 手工去皮炸鸡髀扒（牛骨汤刀削面）套餐$72，送A5和牛慕丝两件(甜品）+ 黄金大麦茶：牛骨汤底清甜，牛舌有咬口好味，鸡髀扒嫩滑，刀削面好食；慕丝滑溜好味，大麦茶好饮。🔅牛筋、牛腩、汁煮肥牛（牛骨汤手工面）套餐 $78，送灼生菜 + 黄金大麦茶：牛筋牛腩软腍入味，肥牛鲜甜，手工面好食。…查看更多

食物份量足，价钱亲民，啱晒求快靓正嘅香港人。仲要系正吉之岛入面，地点真系好方便　我地今日大胃王上身，叫左沙茶鲜牛饭❤️牛肉切得厚身有啲嚼劲，味道带少少香辣嘅沙茶酱，配白饭啱啱好，唔会太油腻。汁煮肥牛米线❤️牛肉肥瘦刚好，米线吸满咗牛汁，好有香气，汤底浓郁。萝卜牛腩lam饭❤️系呢度嘅人气推介，牛腩炖得软腍入味，萝卜吸收晒牛腩汁鲜甜。五香猪手米线❤️味道浓厚，猪手肉质结实但唔硬，五香酱汁好入味，米线爽滑弹牙，整体味道香浓唔会过咸，啱啱好。…查看更多

Food Court之中我几钟意黄埔AEON呢一间牛响度面馆😌😘我想赞一赞呢度嘅职员，佢哋知道我想食牛杂同时又想食辣，但我个人本身又唔食得太辣，职员都好好，特地放开一碗辣椒同辣椒油喺旁边，睇吓边个想食辣啲先至后加😆🐮😈恶魔牛杂煲配刀削面$138牛杂超级入味，最重要系肉质唔韧，比我想像软&易咬😍😍😍难怪我啲同事介绍我食呢款🦀蟹黄热拌手工面$88🙈个人本身觉得蟹黄咸咗少少，但系我朋友就觉得啱啱好，因为手工面本身都系淡，一定要捞匀佢味道先至出众👍🏻蟹味非常浓郁🐷炸邪恶卤猪大肠$38呢个真系睇得出嘅邪恶😂😂佢嘅调味非常之好，有啲微辣之余，胡椒味加七味粉配合得都唔错，不过食完一定要做吓运动，如果唔系好似对唔住自己身体🤣☕️黄金大麦茶$12我会推介大家另加呢款大麦茶😍🥰麦味非常浓郁，尤其而家炎炎夏日，呢款绝对系解渴之首选！…查看更多

真系好钟意食呢间牛面，今日喺黄埔揾食再来帮衬！沙茶鲜牛肉刀削汤面：最浓郁嘅沙茶酱，甜中带咸带轻微辣味。牛肉片切得厚薄适中，口感嫩滑，沾满茶沙酱，香气四溢。刀削面烟韧有嚼劲，厚度均匀，充满弹性。汤底系呢碗面嘅灵魂，经过长时间熬煮囓牛骨汤，牛味够香但又唔觉油腻，好清爽。另一款拣左最经典嘅牛筋腩面，份量超多，最钟意牛筋非常软糯嘅，胶质丰富。牛腩亦都好腍滑，牛味浓郁。一碗面加$12有一枝水果冷泡茶﹕青苹果冷泡茶酸酸甜甜，茶底几甘香，够解渴。另一款白桃冷泡茶仲正，白桃味香，酸甜适中。小食都有好多款，见到好邪恶嘅炸大肠好吸引，出面比较少见。大肠炸得香脆，脂肪适中，唔腥，加左少少椒盐，惹味。…查看更多

上次喺佐敦食过一次 **牛响度**，真系好有回味。今次喺黄埔见到都有分店，即刻决定再食！🔥 **期间限定 –沙嗲牛杂煲（加面）**限定款式真系要试！牛杂炆得入味，牛肚、牛肺同牛粉肠都齐全。特别系牛粉肠，洗得好干净，冇异味，食落安心又够腍香。沙嗲汤底香浓惹味，带花生香同微甜味，加埋面一齐食，汤汁挂面，劲满足！🦐 **十粒鲜虾云吞**云吞大大粒，一啖一粒，虾肉爽甜弹牙，配清汤食落清新舒服。🥤 **饮品*** 青苹果冷泡茶：酸酸甜甜，够清新，食完牛杂嚟一啖即刻解腻。* 洛神花茶：味道偏淡，如果再浓啲会更突出。✅ 总结：食物选择多样，味道惹味实在。特别推介今次嘅 **期间限定沙嗲牛杂煲**，牛杂控必试，牛粉肠干净无异味，食得更放心！…查看更多