牛陣 (形點 II)

营业中

休息中

天氣轉涼，星期日訓到黃朝百晏之後嘅第一餐就梗係 - 打！邊！爐！（仲要難得女友都想一齊打呢下開心嘛！原來佢另有盤算🤔）去到牛陣門口就揀食邊款牛啦，女友就話食和牛果隻！難怪咁順攤都想打邊爐！咁得到女友嘅認同同埋鼓勵之下，就同侍應確認我地倆小口今日嘅第一餐就要搵隻和牛祭一祭我地嘅五臟廟🔥🐂🇯🇵咁就如圖所示，基本野無咩太特別。但我第一次食牛陣嘅和牛就覺得肉質唔錯，有少少牛香味，但就唔會入口即融咁勁啦，可能要再科水食再貴啲鳥。但整體感覺都幾好嘅👍🏾之後再追加和牛，女友叫侍應俾啲肥啲嘅，侍應一口答應，幾好態度要讚。原來師傅要即刻揀舊肥啲嘅牛即時切俾我地，跟足我地要求去做野，非常impressed!新一碟牛上到枱，亦都真係多啲牛脂，紋理靚啲，食落就梗係香啲易融啲啦！推薦大家去試下！

遲左出食評！不過真心正！希望牛陣考慮再出呢款 #冬陰公火鍋 我又鐘意打邊爐又鐘意食泰國野，星期日果晚我竟然係 #牛陣 試到呢個 #冬蔭功鍋 🥰 放題任食！！除左佢地最靚既和牛片，牛舌，黑毛豬之外！仲有海鮮任食，大大隻蠔勁甜囉！仲有自助Bar既滑雞，魚柳，大量蔬菜🥬。。。勁多野食！最後仲有名牌雪糕做結尾！大滿足呀！我一直都好想去學整泰國菜，呢個鍋係可以自己炒香料整湯底架，我鐘意青檸檬味重d，就不停落檸汁！炒好就落湯煲滾然後就落大蝦同鮮魷魚，美味既海鮮冬蔭功湯就完成啦！平時d湯底越食越淡味，我煮既冬蔭功湯係越食越好味囉🤣🤣

午餐即興大家都想打邊爐，唸都唔唸即刻入左去，我地叫左係包一罐野飲既任食！自助既菜式款式都算ok,丸類都有幾款，菜類都有幾款，常滿唔會俾人夾晒吉左係度，我地叫左清湯底，開左爐準備好首先一疊牛同豚薄砌！由於任食既關係，大家都好瘋狂咁食食同食......仲有熱依供應，不過係唔多種類！當食飽既時侯又到左甜品時間了，雪糕全是Haagen-Dazs 得四種味道，雲尼拿，朱古力，coffee同士多啤梨！仲可加下其他配料配雪糕食！食飽飽準時職員就叫夠鐘要離場了！

約朋友最啱就打邊爐 我一向都好喜歡食日式火鍋 收咗工同同事一齊去元朗yoho mall嘅呢間牛陣 都幾多人等位 等咗大約半個鐘先有位見到佢有個新湯底係泰式冬陰功湯於是就食下 點完湯底侍應姐姐會將材料同埋湯底分開上 要diy先有得食 先將和牛脂肪喺熱鍋炒下 好香嘅牛肉味 之後就可以加入虎蝦同魷魚落鑊炒香 再加入預先烹調好嘅冬陰功湯 同埋額外香料個 湯底酸酸辣辣夠曬開胃今次我哋食澳洲穀飼肥牛 牛肉顏色好紅潤 而且油好靚 肥瘦適中 食落口一啲都唔韌 加上湯底嘅味道唔會油膩 瘋狂食完牛就可以去自助吧度攞蔬菜同丸類 特別之處係熟食仲有炸蝦片添食飽飽梗係要食埋hargandize先走啦

香港人應該個個都食過牛陣，又多分店又穩定品質，肉類優質配菜選擇合理，但你有無試過佢既冬陰公？我就試過啦話說呢日同fd行開yoho, 見到牛陣門口有新牌做呢個promotion, 即刻忍唔住試下佢有diy 湯底，其實係俾你落手落腳玩下體驗下整冬蔭公：先落牛脂燒紅個鍋再落大蝦同尤魚爆香倒入冬蔭公湯底再自己加d 配料。e.g. 食唔到辣既我就走辣多酸落青檸set 會有埋澳洲上級穀飼牛，牛舌，海鮮拼盤等，當然你食完可以再order自助bar 都不會少啦set仲包象啤，泰味非常，值得試下

牛陣之前都食過幾次，今次佢出左個新既冬蔭公鍋火鍋，咁特別既火鍋就緊係要去試下啦！ 我哋坐低點完餐之後，侍應好快就拎冬蔭公鍋底嘅材料出嚟，包括有一大碟海鮮、冬蔭公配料同埋一壺冬蔭公湯底。然後侍應就幫我地將一舊脂肪放入鑊到炒，炒到咁上下就埋加啲海鮮入去炒，最後就將冬蔭公湯底落個煲到。見湯底差唔多煮好，我地就出去拎野食。野食都係平時打邊爐可以見到丸類菜類烏冬等等⋯比較特別嘅係配合佢個冬蔭公湯底，牛陣加左啲泰式食物例如蝦片紅咖喱等等⋯湯底開始滾，我哋首先就緊係食牛啦！ 我地係叫澳洲上級牛嘅，只要將塊牛肉滾十幾秒，塊牛肉就熟到啱啱好，配埋冬陰公湯底，牛肉更加香甜美味⋯ 好食到我哋兩下就清晒成碟牛！ 好彩牛肉係任叫可以即刻再叫多幾碟⋯而除左牛，海鮮都係任叫架！ 冬陰公湯底開頭食唔算好濃味，但係佢係愈煮愈出味，所以個湯底係愈食愈濃味、愈食愈好食！ 最後必須要提下既係飲品同甜品。飲品櫃有超多選擇，仲可以任飲象啤⋯ 岩曬中意飲啤酒既人。 而甜品則係任食Haagen-Dazs ⋯ 岩曬小朋友。總結黎講，200 幾蚊食到泰式任食火鍋，真係好抵！

暑假接近尾聲 帶牛魔王細佬食返餐勁😈食牛緊要黎牛陣啦🐮！食肉獸又岩🥩素食主義亦岩🥗！元朗Yoho mall呢間位置寬敞💁🏻‍♀️日系裝修細佬話冬陰公湯夠夏日☀️於是就揀左呢個套餐💲2️⃣1️⃣9️⃣（一位）⭐️肉類方面任食：🥩牛肉（上級穀飼牛）、牛舌👅、豬肉🍖、海鮮🦑⭐️蔬菜同⭐️飲品類都係自助吧份量同種類都自己揀 夠晒free😆⭐️蔬菜類有著各種菜🥬🥦菇🍄麵🍜⭐️飲品類亦多款選擇，仲有象啤😍🍺係時候講下食既過程啦🙌🏻首先會上一碟泰式香料，一個鍋同煲湯然後店員會用肥豬肉煎啲油出黎先🤩再逐樣配料放落去煎香 然後倒湯😆唔食得辣既朋友唔需要擔心🌶呢個冬陰公湯底唔落辣椒仔係無任何辣味🙌🏻但都會有冬陰公既少酸同香濃味🥦菜類主打有機💦食得放心又多款選擇😍亦有各式丸類🍥、瓜類🥒、菇類🍄🥩肥牛香滑肥美😛色澤紅潤油脂豐富💥食完一塊接一塊停唔到口呀！👅牛舌薄切 淥一淥就食得 又有咬口最尾爆肚🤰🏻都忍唔住叫多碟！🐷豬肉方面亦十分出眾 細問之下原來來自加拿大🇨🇦樣樣都咁好食真係令人愛不釋手🐽擔心一家老小來到無主食🍚？唔怕呢到連咖哩飯都有🍛仲有五穀米同白米選擇💁🏻‍♀️店家認真貼心呢！除此之外仲有少量小食選擇🍿最最最開心係呢到既雪糕都係任

今晚到《牛陣》食火鍋放題，我挑了HK$218的澳洲上級長期穀飼牛套餐，配酸辣醒胃的冬蔭功湯底。當中有澳洲上級長期穀飼牛 - 牛味濃，肉質鮮美 牛舌 - 爽口優質豚肉片- 鮮甜好味海鮮盤 (內有海蝦、魷魚、蠔和帶子) - 味道鮮美 泰式蔬菜盆等。侍應先把牛脂肪放在鍋底加熱，然後再加入海蝦及魷魚慢慢煎煮，不消一會，已經香氣四溢，隨後再倒入那壺以十多樣材料熬製的冬蔭功湯，又酸又辣的香味，迅即刺激你的味蕾，令人食指大動。場內還設有火鍋食物的自助區，有蔬菜、鮮菇、丸類、豆腐、烏冬等，林林總總，應有盡有，仲有香脆炸蝦片及外脆內嫩的炸雞塊，大家可因應自己的口味，挑選合心意的食材。冰櫃內備有多款飲料，食客可盡情暢飲，仲可以任飲象啤及Asahi。👍仲有Haagen Dazs雪糕任食，真是令人難以抗拒。吃火鍋最重要係食材新鮮，呢度絕無將貨就價，食材夠鮮，款式亦多，只需畀200幾蚊，90分鐘不停飲不停食，認真超值。

星期五晚上，和友人來到YOHO元朗牛陣，晚上六時多已接近滿座，所以想吃的客人最好預先訂枱或是早點到就最穏陣。我們選了$219穀飼上級牛肉套餐配冬蔭功湯底，店員先拿出裝有十種湯底材料竹籃。要先炒香和牛脂肪、蝦、魷魚，然後放置薑、辣椒、香矛、菇、蕃茄仔等香料，待香料出曬味就可以加入用泰國特色的壺裝有冬陰功湯底入黑鍋，最後自己按需要吱青檸入湯底中。湯底酸酸甜甜辣辣，十分開胃好惹味﹗店員預先送上1碟豬、2碟肥牛、2碟牛舌，牛肉色澤好靚，紋理清晰，食落果然牛味充足。這些都是澳洲產一級長期穀飼牛舌，即場用機切牛肉，相當高質。聽聞牛肉是穀飼270日以上的安格斯牛種，所以每一啖都食濃郁牛肉香，惹味非常﹗於是忍不住追加了四轉牛舌，放落湯底之中可以吸收湯底精華，所以不用點醬汁都十分夠味﹗更難得的是湯底不會越煮越辣，所以不太能吃辣的人都不用擔心。外面有自助醬料區、配菜區、飲品雪糕凍櫃。可以自取各式火鍋配菜丸類，凍櫃有飲品果汁可以任飲，更有泰式香茅茶(可以清熱)，亦有蝦片、薯格，紅咖哩配健康紅米飯，水準頗高﹗Haagendaz 雪糕任食，有四重口味可以選擇，不過就需要自己去𢳂，幸好雪糕質地綿滑，不算太難𢳂﹗點

朋友食完牛陣嘅“澳洲產上級穀飼牛”火鍋話相當唔錯，呢日同喺形點II 行完街，順道嚟 2/F呢間《牛陣》試下。揀咗個同穀飼牛相當夾嘅冬蔭公湯底。侍應先送上一個泰國蔬菜盤，入面包括大蝦、魷魚、泰國矮瓜、青檸、泰式子彈椒及幾款蔬菜。先用牛脂肪將大蝦及魷魚煎香，加入子彈椒同加有多種香料嘅冬陰功湯底。湯底鮮甜酸辣，味道香濃惹味，配牛肉仲有提鮮效果。侍應再送上多種任食肉類及海鮮盤：澳洲產上級穀飼牛 - 色澤鮮紅、油花分佈平均、口感爽滑、牛味濃郁，當然要encore多幾盤啦！豬肉片 - 優質爽口肉味濃。牛舌 - 薄薄的牛舌片，牛味相當香濃，爽口得嚟帶點咬口。海鮮方面，任食嘅蠔、魷魚及帶子都相當優質。自助區包括腸類、丸類蔬菜、瓜類、豆製品、雞肉、魚肉、粉麵……選擇豐富。即製嘅蝦片及薯格，香脆可口。多款罐裝飲品任飲，其中包括象啤及罐裝Asahi。🍺🍺🍺最後食埋我最鍾意嘅Haagen-Dazs雪糕，呢餐真係好食又滿足。埋單嗰陣餐廳除咗送上小小嘅抹電話貼紙外，仲有得抽獎。頭獎係雙人來回曼谷商務艙機票連五星級酒店四日三夜，真係隨時有機會免費飛泰國再食過。

我甚少食火鍋放題，總覺得這類餐廳大部分質素一般！但今晚行經牛陣時見到有個牌「夏之美鍋 冬蔭功鍋」掛在門口，心諗個湯底都幾特別😮無乜見過有呢款湯底既火鍋喎！反正我最近無辣不歡，而且又好耐都無飲冬蔭功湯，一於叫另一半陪我食冬蔭功鍋啦😆火鍋放題限時90分鐘，我地揀了冬蔭公鍋配「日本產特選黑毛和牛套餐」，套餐包括任食牛肉、豚肉及牛舌，另Haagen-Dazs雪糕、象啤、飲品及自助吧的火鍋配料也是任飲任食！店員將冬蔭公鍋的上湯及配料全放在我們的枱上，即場幫我地煮湯底😮他先將牛脂肪塗勻整個煲底，再將配料如南薑、芫荽、乾蔥、香茅等放入鍋中爆炒，之後放入大蝦及魷魚煎至半熟，及後將上湯及餘下配料放入鍋中煮至滾起，再淋上青檸汁，即時香氣四溢🤤我地急不及待試左一口湯，唔係講笑😍好好飲喎，酸酸辣辣好開胃，真係好似泰國菜館的冬蔭功湯👍🏻上湯本身已有少少辣，再加了幾隻子彈椒，湯底的辣度就岩岩好啦😋最終我地每人飲左2碗😆牛肉一上枱，嘩😮好靚喎！原來「食物圖片只供參考」不是定律嚟架👍🏻豚肉及牛舌好好味，好有咬口😍但由於我地胃容量有限，而且又係牛愛好者，所以我地全晚主攻牛肉及牛舌！自助吧除了應有的火鍋配料外，仲有其他泰

朋友話牛陣出咗個新火鍋湯底，見到有期間限定湯底出，係冬蔭公湯底呀，係日式火鍋店真係好少遇到，見yoho咁就腳，價錢又晤貴，而且任飲任食，當然要試試啦！七點時間，人流開始多！但環境很闊落，所以都坐得很舒服！好多湯底選擇，但有新野，當然要試吓呢個冬陰公湯底，原來是DIY製作，先放牛脂膏爆香，炒香之後再放海鮮和香料，然後倒入冬蔭公湯，整嘅時候已經聞到陣陣濃郁嘅香辣味。湯底本身係唔辣嘅，客人可以按個人喜好加泰式子彈椒，而我地加左大約三條，就調校到我地喜歡嘅口味。係湯底未被其他配料污染之前我地試左好幾啖，哇，有得玩又有得食，味道香濃之餘和比平日在泰國餐館飲的更有風味呀。打邊爐當然唔少得肉類啦！澳洲上級長期牛穀飼牛質素算高，雪花紋紅白相間，脂肪分佈平均，淥一淥就食得，豚肉亦唔會好肥膩。海鮮方面有廣島蠔，帆立貝同埋蠔，樣樣都好新鮮，同冬蔭公湯底非常夾。套餐仲可以無限任點象啤，凍飲同熱泰式香茅茶任飲， Haagen-daz雪榚任食 ，真係無得頂呀！唔夠食仲有自助小食💁‍♀️炸雞鬆脆，泰式蝦片微辣惹味！食唔停口！重有自助丸類，蔬菜，粉麵，飲品和名牌雪糕！但係侍應refill嘅速度都相當快，好多時食物盤都係

前日在元朗形點看電影，看完都差不多是晚飯時間，在這商場想找一間放題，盡情吃到飽，所以就選擇了牛陣食日式火鍋放題，這間是壽喜燒及日式火鍋放題餐廳，那就可以在這裡慢慢品嚐多款美食啦！餐廳環境寬闊，帶有日式設計，時尚簡約，整潔明亮，枱與枱之間不擠迫，沒有壓迫感，坐在這裡吃放題感覺舒服。餐牌上有最新的澳洲產上級長期穀飼牛，是澳洲自家農場直送，以穀物飼養270日以上的安格斯牛種，每一口都能品嚐到濃郁肉香，非常惹味！還有新推出的冬蔭功火鍋湯底套餐，放題時間是90分鐘，大人價錢HK$219。自助吧有幾款新出的泰國食品和飲品，包括泰式香茅茶、泰式紅咖哩(配米飯或蝦片)、泰式蝦片、泰式糖果、泰國象啤，還有多種火鍋配料(菇菌、丸類、蔬菜、豆製品、粉麵等)、飲品和Haagen-Dazs雪糕任食，款式多樣化。多款醬料，可隨意配搭。我們點了最新的冬蔭功鍋，酸酸辣辣，在悶熱的夏天食，真的好開胃！冬蔭功鍋包括有蝦、魷魚、蠔、帶子、和牛脂肪、泰式蔬菜，煮法是首先炒香和牛脂肪、蝦、魷魚及已炒好的香料，最後把湯底注入黑鍋，熱辣辣，香噴噴，美味可口。泰國子彈椒確實幾辣，自己都是第一次感受  ;  而泰式辣醬沒有比想像中辣，

今次來牛陣試呢款冬蔭功鍋第一試用冬蔭功打邊爐，平時飲開既都係濃味既湯，用來打邊爐，我唸應該都會唔錯店員會擺低拼盤，有蝦，魷魚，芫茜，通菜，蕃茄仔等等首先店員會用牛既脂肪幫我地開獲之後加蝦同魷魚煎香之後就可以加上冬蔭功湯，呢度連加湯都可以加冬蔭功湯架，所以唔會食食下無味帶子，魷魚，蠔都係可以任叫仲有穀飼牛，牛舌，豚肉我對牛陣既牛非常有信心，而且切得夠薄，淥幾秒已經食得有大量邊爐食物可以自已岀來羅，食幾多羅幾多蔬菜類非常新鮮迎合呢個冬蔭功，仲有泰式香茅茶，泰式紅咖哩，泰式蝦片，泰國椰子糖添最後當然要食反杯 Haagen-Daz 雪糕喇

—因為想試冬蔭功鍋湯底 就揀咗澳洲上級長期穀飼牛套餐($219)店員先以和牛脂肪起鍋炒香蝦殼 魷魚同辣椒 就加入冬蔭功湯開始打邊爐牛肉同豚肉薄切得嚟夠肉味 又快熟海鮮方面就有廣島蠔/帆立貝/魷魚仔Refill得幾快手 90分鐘夠時間食亦有泰式食品供應 紅咖喱飯 蝦片 香茅茶 椰子糖有Haagen Dazs 4款雪糕選擇抹茶/雲呢拿/朱古力/焦糖飲品都一應俱全——————————————————牛陣元朗朗日路8號形點二期2樓A218號舖