牛陣 (形點 II)

营业中

休息中

元朗牛陣（形點I）是日式涮涮鍋放題的天堂，食物質素頂級，環境舒適。放題主打日本A5和牛，稀有部位如牛肩胛和牛柳油花均勻，入口即化，配秘製壽喜燒湯底，甜香濃郁，令人回味。海鮮拼盤的北海道帶子和赤蝦鮮甜彈牙，蔬菜新鮮爽脆。特色Häagen-Dazs雪糕自助區增添趣味，甜品控必試！餐廳以日式木系裝潢為主，氣氛溫馨，QR code點餐快捷方便。店員會指導最佳涮煮時間，住客更享折扣優惠 整體體驗不過不失, 如果再抵食啲就更加好！

元朗形點牛陣牛肉放題火鍋真係牛肉控嘅必到之地！佢哋嘅牛肉質素超高，選用新鮮優質牛肉，牛肩、牛小排同和牛片等部位，肉質嫩滑Juicy，油花分佈啱啱好，入口即化，牛味濃香，涮火鍋或點醬都一流！湯底選擇多，鴛鴦鍋最掂，麻辣湯香辣惹味，清湯鮮甜開胃，完美襯托牛肉嘅鮮味。配料豐富新鮮，海鮮、丸類同蔬菜應有盡有，食到好滿足！服務態度真心讚，服務員親切有禮，隨時幫手加湯、拎料，仲會主動關心你嘅需要，貼心到爆。環境乾淨寬敞，坐得舒服，適合同朋友或家人一齊打邊爐。價錢公道，CP值高，牛肉質素同服務完全值回票價！想喺元朗食高質牛肉火鍋放題，牛陣絕對係首選，食完真想即刻再book位！

今次分享呢個係我都幾經常食嘅牛陣，通常都係會揀$219 90分鐘嘅澳洲產特上長期穀飼牛放題套餐，除咗澳洲產特上長期穀飼牛仲包歐洲產豚肉、牛舌同嚴選牛肉，個人比較鍾意食嘅有壽喜燒鍋同埋藥膳香辣鍋，店內提供開放式食材區，自己可以任夾食材，有好多蔬菜，例如比較少有嘅羽衣甘藍，菌類，公仔麵，各種丸類另外仲有啲熟食區，有炸薯條、麥樂雞、關東煮同埋牛肉咖喱汁同白飯等等最重點嘅就係有得任食Häagen-Dazs雪糕，通常都有四隻口味，每次食都有少少唔同，旁邊仲有啲朱古力醬同埋可可脆米可以自由任加同埋有幾隻味嘅雪米糍都好正，另外仲有棉花糖機飲品種類都算多有汽水、無糖茶、即沖茶包同埋涼茶等等整體體驗都幾好，打邊爐嘅肉質都唔錯，牛肉薄切食落好嫩滑，即使唔係叫最高級數食落都已經幾好，食落唔柴另外豚肉都幾好味，豬味夠濃，仲帶少少肥肉另外上菜速度都好快，基本上一掃QR code點完好快就上幾盤肉整體性價比高，幾推薦嚟食吓

牛肉超鞋…烚完個樣已經唔想食好似中左輻射咁越食越差唔怪之得呢人要返上大陸食小朋友見到都完全唔開胃佢問我做咩件牛肉好似呢羊毛粒咁俾咗咁嘅價錢喺度任飲👍🏻唯有食返幾杯雪糕希望雪糕陣間唔會係雪到硬晒….出面啲丸，都有浸雪藏味….坐喺度食嘢㗎，係浪費生命值差差差

lunch 90分鐘放題🥘嚴選牛肉 放題套餐🥘💰$169(需要+1服務費）💰牛肉🐮：比較瘦～比較嚡口～不過肉味還OK~豬肉🐷：肉味都幾香～湯底🥘：不過不失～醬汁：非常多選擇～值得一讚火鍋配料：選擇都唔少～一家大細過嚟都應該啱食～蔬菜類火鍋配料：睇相都見到算新鮮啦，而且選擇都多~熟食：選擇唔算多～熱嘅紙包飲品都有～雖然唔係咩特別嘢～多個選擇都幾好～凍飲選擇唔算少~水果同甜品嘅選擇就好少～竟然有中式涼茶～加分~雪糕有4隻味（朱古力/士多啤梨/曲奇/夏威夷果仁）～都算係啲比較受歡迎嘅味～仲有啲配料可以自己加～值得一讚~有自製棉花糖機玩~💰性價比：😋味道：值得一試

牛陣 (形點 II)位於元朗朗日路8號形點 II L2樓A218號舖，今日有事去咗元朗，月底又想食火鍋🍲放題，同事就推介咗呢間！ 環境都几舒服，位置闊落，自助拎嘢食都几方便！自助區選擇都几多，有多種嘅肉丸類，蔬菜提供，熟食區還有關東煮，炸物，飲料區嘅飲品質素都几OK下！還有飯後甜品可提供！ 今日同同事平平哋就選咗個澳洲產豚肉放題，90分鐘，湯底選咗新鮮番茄湯、藥膳香辣湯！ 新鮮番茄湯配搭夏日野菜，豚肉，每口豚肉都沾有清新嘅番茄，酸甜、鮮美又清新！藥膳香辣湯，够麻够辣，香味十足，辣度适中，同，每塊肉片都好夾熟食的炸魚蛋同章魚小丸子，配上個沙律醬，外脆内软，真係好好食！ 关东煮，汤清甜，萝卜够软烂，还有福袋，都唔差！ 呢個价钱，食埋个甜品，有准备工作了！

雖然最後得個八折，但係做返我哋都冇點食過嘢，完全都冇食飽⋯⋯⋯⋯經理只係講咗句對唔住同埋唔好意思，跟住諗住叫我哋換過位，但係嗰陣時已經冇晒胃口食都唔想食，最後只係食埋杯雪糕就直接走

囝囝一直嚷著要吃放題，今日就來實現他的願望啦！今次選了90分鐘「嚴選牛肉放題套餐」，嚴選牛肉和歐洲產豚肉任食，出面自助餐枱有調味料吧，亦有好多配料選擇如季節蔬菜、豆腐、腐皮、山根、海帶、南瓜、芋頭、蓮藕等，仲有各款丸類、芝士腸，最喜歡就是牛筋丸😃，另外還有熟食、炸物、咖喱牛腩、白飯，自助飲品吧（熱茶包和雪櫃凍飲）、哈根達斯雪糕，雪米糍，最有特色嘅就係有涼茶如竹蔗茅根、夏枯草或酸梅湯，仲有棉花糖機可以自己試吓整，頭先見小朋友們都大顯身手，整咗好可愛既波波造型呢！服務員會主動前來問需唔需要加湯，點任食牛肉和豚肉係自助掃QR CODE,十分方便。

話說其實我係(牛陣)嘅常客，見琴晚返完通宵更，一瞓醒肚餓，就諗起佢。嘉欣佢有個套餐10分抵食，係由中午12點至下午4:45先有得食。基本上我每次嚟都係食呢個餐，呢個餐就係（嚴選牛肉定量套餐）我用咗唔同嘅角度去分析一下今次嘅餐飲體驗。份量：牛肉是定量，大約有六至八片，如果係侮辱不歡嘅人，我會建議唔好食呢個餐，而係食任食嘅套餐，但係如果你只係食少少肉都OK，另外好鍾意食菜同埋其他小食，咁呢一個餐就相當啱你啦。味道：牛肉嘅質地嚟講，我覺得係中上嘅，有牛味，但唔係話頂級，不過絕對對得住呢個價錢。新鮮度：其實食得呢個餐，主要都係食佢嘅蔬菜菇丸同埋其他小食，而啲蔬菜嘅新鮮程度係有保證嘅，另外款式亦很多，例如有羽衣甘藍，秋葵，娃娃菜，生菜，金菇，蕃茄，粟米等等….另外啊，通常我都會叫鰹魚湯底，唔會太鹹亦叫有啲味道。另外啊，佢仲有自家製咖喱牛腩提供，仲有Häagen-Dazs雪糕仲有罐裝飲品冷泡茶等等。上餐速度：相當迅速店員態度：正常有禮店內環境：衛生可接受交通地理：位於YOHO MALL，相當方便付款方法：信用卡，現金，亦可以做會員儲積分人均消費：呢個套餐係$99 +1服務費等於$109埋單Wifi

唔係牛大人冇位都唔會食你，照舊食過幾次都係得第一轉嘅牛肉正常，之後幾輪完全不知所謂，唔係勁瘦就係大大舊肥膏又有筋。碟碟牛肉口感都唔同，仲要啲牛好明顯加單就越黎越差。搞到我忍唔住寫一生第一個食評。講真我情願你收貴啲，做到牛肉質素碟碟都似番啲啊，連碟牛都柴，點再幫襯啊。最難想像比錢再叫貴啲啲乜嘢你食仲有門口落單叫你加錢有海鮮啤酒，啲海鮮第二轉竟然要追你單先黎齊，不如唔好任食，比一碟算啦。除非你黎牛陣唔食牛啦 唔係真係咪食一定冇下次

一直冇同大家講嘅係我係一個蕃茄狂魔🤣有蕃茄嘅嘢食我都好鍾意❤️😍特別仲要係蕃茄加打邊爐😍😍😍最近牛陣就出咗「夏祭限定-蕃茄壽喜燒x 日本產黑毛和牛及北海道四元豚放題套餐」，坐位都比較寬敞入面有：首先一定要有嘅就係日本產黑毛和牛同北海道豚肉！😍😍😍和牛雪花好靚！而且好滑，唔會有筋～而且都好精緻～蕃茄湯係分開放嘅，店員會將自家製蕃茄壽喜燒湯汁倒入鐵鍋,好開胃🤣而北海道四元豚都好高質！肉質鮮嫩，唔會肥膩 ，仲有蟹籽蝦滑、原隻魷魚仔、墨魚、青口同帶子🤤🤤🤤都好新鮮好食另外自助吧仲有蔬菜、熱食區、飲品甜品～最特別嘅係我見仲有棉花糖機添🤣仲有抽獎區-千本引拉繩小遊戲可以玩

牛陣年度主打夏祭🎏今次為大家帶嚟全新滋味,超水準蕃茄壽喜燒🍅壽喜燒就食得多,但蕃茄壽喜燒真係第一次試🤩牛陣研發咗一款「可能係最啱夏天食嘅」蕃茄壽喜燒🔥壽喜燒汁採用本身自家特製壽喜燒汁💦再加入原粒蕃茄同洋蔥熬煮🍅🧅令到本身甘甜溫暖嘅壽喜燒變成微酸清甜☺️唔只開胃,更能展現出全新風味😚而牛陣為大家挑選咗多種最適合夏天食嘅新鮮野菜🥬包括蕃茄、洋蔥、蟹味菇、蓮藕、冬瓜同秋葵🥒鋪到好似小田園咁,色彩繽紛🌈煮野菜時滲出嘅水份都會為蕃茄壽喜燒湯汁加添更清甜嘅味道🥰口感清爽嘅夏野菜,融合甘甜壽喜燒,為你帶來獨特嘅夏日風味🌞大家食嘅時候,可以跟隨以下建議步驟,做出最美味嘅蕃茄壽喜燒鍋🍅🔥1️⃣ 煮至野菜冒煙♨️2️⃣ 鋪上牛肉片或豚肉片3️⃣ 圍圈倒入粒粒蕃茄壽喜燒湯汁4️⃣ 將牛肉煮熟,完全沾滿湯汁享用😋夏日蕃茄壽喜燒晚市有三款套餐選擇🤩我揀咗澳洲產特上長期穀飼牛及北海道四元豚放題套餐🐮🐷套餐內嘅澳洲產特上長期穀飼牛 、嚴選牛肉 、北海道四元豚、歐洲產豚肉 、牛舌都係任食架😚澳洲產特上長期穀飼牛肉味濃郁🐮帶有豐富嘅香氣🐄另外海鮮：蟹籽蝦滑、仿皇帝蟹棒、原隻魷魚仔、墨魚🦑都係任食🥳牛陣設有火鍋配料自助吧、熟食吧、醬汁區小食

定期食下牛今期見牛陣有新搞作夏祭蕃茄壽喜燒鍋90分鐘火鍋放題本來以為係蕃茄湯加壽喜燒湯底我錯了😂原來係用壽喜燒嗰隻矮身鍋加上極度濃嘅蕃茄「湯」用湯黎形容其實唔多啱因為佢偏杰身，有啲似茄醬咁先燒慶個鍋入面嘅蔬菜，再加入牛同茄湯又幾得意，個湯帶蕃茄嗰種酸味夏天確係開胃之選牛就食開牛陣都知咩質素穀飼牛滑到冇渣，大大一片超滿足牛舌豚肉片海鮮全包個人覺得因為個茄醬幾濃同幾杰有時會蓋過左啲牛味想冇咁濃可以叫人加水牛陣個自助區就出名乾淨同refill快甜品區勁kid friendly有得玩又有得食有得扭下蛋，呢排仲有個拉繩抽獎遊戲（啲獎品都幾有趣㗎🤣）呢期仲有夏祭特別版熟食紫薯蕃薯雙色薯條，章魚小丸子等Häagen-Dazs雪糕任食對甜品愛好者係番本之作個人幾鍾意牛陣啲牛質素和穩定冇漏單，上菜快，自助區醬料區選擇多甜品區好多嘢揀，小朋友特別興奮一家大細食各取所需Yoho mall嚟講幾間牛鍋我首推呢間90分鐘講真夠晒食㗎喇

我超愛吃壽喜燒湯底，如果遇上蕃茄會變怎麼樣呢？是限定口味，到8月底！環境自助區有熱食區、季節性野菜及火鍋食材區、甜品區、飲品吧及醬汁吧。熱食區有炸物如炸番薯條、炸花枝丸、日式章魚燒等、關東煮及自家製日式咖哩。蔬菜區超多選擇，連羽衣甘藍都有，特別推薦配搭蕃茄壽喜燒鍋如冬瓜、秋葵、蟹味菇等等，煮完吸湯底很甜，還有丸類、烏冬、拉麵等……
甜品區有自助綿花糖機、班㦸，還有Häagen-Dazs 雪糕任食！飲品除了汽水、茶之外，惠顧$289 或以上之套餐，更可享Asahi罐裝啤酒放題，超爽的啦！ 日本產黑毛和牛 及北海道四元豚 放題套餐 $369店員先會幫客人烹調蕃茄壽喜燒，先於鐵鍋塗上少量欖油，然後放上蔬菜，煮沸後加入日本產黑毛和牛再倒入自家製蕃茄壽喜燒汁，完成！壽喜燒汁加入原粒鮮蕃茄，還有茄膏熬煮成蕃茄壽喜燒，超！甜！的！酸度不高，煮菜類一流，喜歡再酸一點可以在自助區拿蕃茄再煮~日本產黑毛和牛無激素無添加，色澤鮮紅，煮幾秒便能吃，無渣也不會太肥膩，有口感，滲了蕃茄壽喜燒的湯汁再加清甜味，味道更豐富。澳洲產特上長期穀飼牛，採用270日或以上穀飼期的安格斯品種，顏色跟紋路都很鮮明，看見就有食慾，

牛陣最近做緊夏祭限定，蕃茄壽喜燒壽喜燒使用鐵板燒的方式烹製，這種方式能夠讓食材更加均勻地受熱，保持其原有的鮮味和香氣。這道菜的主角當然是牛肉，晚市套餐有三種唔同級數嘅牛肉，我今次揀咗澳洲產長期穀飼牛$289.套餐入面嘅牛肉口感非常嫩滑，而且肥瘦適中，油脂的味道也很好。此外，蕃茄的酸味和牛肉的鮮味相互融合，食落好開胃。套餐當中包括澳洲產長期穀飼牛、北海道四元豚、牛舌、蟹籽蝦滑、原隻魷魚仔、墨魚，等等，都可以無限追加！此外仲提供自助吧，除左必備嘅各式野菜，丸，特別一提係有熱食區域，有為夏祭特設嘅炸魷魚，炸日式糰子，黑糖麻糬，炸花枝丸，日式章魚燒仲有Haagen-Dazs 雪糕任食同飲品放題喔，而家但凡惠顧$289或以上之套餐，更可享Asahi罐裝啤酒放題😊食完嘢記得唔好忘記參加夏祭限定特別活動，拉繩小遊戲，每一條繩會連接獎品一份，獎品有玩具，零食或者餐飲優惠券架。