牛角J

食物质素喺价钱定位上系中上嘅！坐位舒适，选择多样化！做到平民版烧肉！4个大人，1个3岁，1个5岁小朋友，埋单唔洗$1000，已经唔系会员都有折！但值得赞嘅系员工，佢地见到2个小朋友，好小心咁提醒，再放嘢食！又好礼貌！最好嘅系门口reception红色头发嘅Judy，细心留意，默默守护，解释清楚，仲有个甜美嘅笑容！今餐饭真系好惊喜！无谂过连锁店有咁好服务！终于明白默解咁多人排！！4人餐已经有齐牛肉，猪肉，鸡肉，海鲜，沙律，汤，饭（仲可以选牛角饭）又有汽水正呀！再+左个牛肉拼盘，又系乜都有。。。结果食唔晒😂🤣会再去食！…查看更多

见到咁多正评， 专登过去试下牛角J， 点了相扑手牛五花， 冇错系大大碟， 不过啲肉"鞋十十"， 比起另一间日本烧肉Like 的牛五花输好多条街。如果想填饱个肚嘅可以即管试下， 又或者想食返靓啲啲嘅牛都系去返「牛角」或者烧肉Like舖头食! 不过有一样嘢系值得赞嘅就系招待嘅职员非常友善和有礼貌! 今时今日有咁嘅服务态度系值得赞嘅! 环境也算舒适， 不过如果二人枱嘅炉要share一个细细嘅炉便较为狭窄! 如果两个人都点相扑手的话，60分钟的时间未必赶得切食! …查看更多

『碌完铃』医肚，都系取其最近果间～牛角。极上牛三重定食～日本A4黑毛和牛肉眼、牛五花和牛颈脊(150g)，同埋女友嘅上选牛三重定食 讲真如果无学一般烧肉店插支标签喺度，我点会知佢嘅名堂？食烧肉最紧要肉质新鲜同靓，当然要加埋佢哋啲酱汁，呢三款肉加埋150g, 饭可以有三个份量选，我当然唔客气拣300g最大嘅一碗。今日唔赶时间，一块块慢慢嚟，三款都有不俗嘅口感，嫩-小小牛味，肉质唔错，再加埋酱汁～收货，紫菜加啲樱花虾咁样捞饭又真系几好食，搅到我要全部「消灭晒」佢。因为肚饿又真系无谂住写嘢，所以无影到果几只酱汁🙏。埋单$450回头度：7/10食物质素ok,价钱平贵好个人嘅接受程度。以上纯粹个人食后分享，绝无收受任何利益同优惠，亦愿意承担所有责任。…查看更多

估唔到牛角都会出平价版本🤩🤩🤩，见到真系即刻想去试吓，平时食亲牛角都起码要成百几$200 ，呢度竟然可以最平$48识到一个set🫢仲要系有返牛角嘅感觉。试咗最平$48 牛五花加鸡爽肉 肉嘅质素都正常，牛五花都唔会净系肥肉你，依然好享受到烧肉嘅乐趣，而且咁嘅价钱已经冇得挑剔， 一个人去食都可以好满足。其他牛嘅部份都唔贵，真系值得去食下😋😋😋😋😋😋😋一定会再过嚟享受平价烧肉乐趣💕👍🍽️…查看更多

牛角J 烧肉位于启德零售馆2期，平日夜晚嚟食都要等位，不过因为我有金会员，所以都唔使等好耐。牛角J 系近年新开嘅烧肉line ，好适合一个人去食烧肉或者想食烧肉但系又唔想咁heavy 食buffet 放题的朋友。定食都包左沙律菜、味噌汤 同埋 一碗饭，肉嘅分量同组合都系可以选择，而饭可以拣招牌嘅牛角饭、温泉玉子饭 同 樱花虾鲣鱼紫菜饭，而饭嘅份量都可以自由选择。………………………………………………赤•浓双牛定食 ⭐️⭐️⭐️⭐️选择了200g份量的牛肉（牛板腱赤身、封门柳），肉的脂肪含量较少，但系牛味比较香浓。超特撰牛三重定食 ⭐️⭐️⭐️⭐️⭐️选择了200g份量的牛肉（A4野崎牛西冷、骨附牛肋肉、牛五花），肉质比较林，脂肪含量较高，牛五花肥瘦适中，牛肋肉就过肥，而A4野崎牛西冷就最好味，果然一分钱一分货！番茄味哙海鲜汤⭐️⭐️⭐️⭐️味噌汤可以加$18 升级做番茄汤，升级完大碗左，里面仲有唔少海鲜，有鱿鱼同扇贝，番茄味都浓，又唔会太酸。原只烧蚝  （蒜香辣油脆脆）⭐️⭐️⭐️⭐️限定menu 叫定食可以加$18 加原只烧蚝，蚝本身都几大只，烧完缩细左都仲几肥美鲜甜。免费酱汁⭐️⭐️⭐️⭐️⭐️牛角J 提供多款酱汁点烧肉，包括韩风辛辣酱、特制烧肉酱、牛角烧肉汁、山葵烧汁、魔法盐酱以及七味粉。…………………………………………………查看更多