牛角Buffet (美麗華廣場1期)

喺门口(check in)已经要拣食边个餐，睇住个餐牌，拣咗二个$168嘅半自助午餐。份肉就系4+2咁多， 谂住出面都会有啲肉，原来系我「自作多情」，出面有沙律，汤，甜品，炒饭白饭，冷盘，有啲蔬菜菇类同「肠仔」，等等⋯⋯所以如果一心想食烧肉，你就真系要选all u can eat. 呢个半自助就一定满足唔到你同我。讲返啲肉，以为「贵精不贵多」点知真系不敢恭维，又靭又无牛味，唔够饱唔紧要，出面白饭任装，而且又有紫菜之类俾你捞饭，咁一定包你饱。既然选择唔多，整返碗汤试吓～入面啲肉好味过俾你烧果啲，真系意外惊喜⋯⋯咁都有可取之处，可以自制沙律任你捞，同埋午餐时分都无乜人（咁嘅价钱咁嘅食物～梗系啦），可以静静的享受午餐，同埋咖啡雪糕任食，不过记住得一小时😂。埋单连九折$330。回头度：3/10唔系话佢唔扺食，而系啲嘢真系唔好食，真系俾大家食饱个肚，但又唔好有质素同要求？系咪咁？出面任攞嘅预制食物好咸，饮品之类除咗茶全部都系劲甜，真系挑战大家个肾脏同肝脏，再讲成个场黑孖孖，出面每样野都有「名牌」写住系乜，但问题又细又黑点睇？同埋我想讲点解唔俾客坐低㨂餐？又唔系大x乐同老麦！以上纯粹个人食后分享，绝无收受任何利益同优惠，亦愿意承担所有责任。…查看更多

尖沙咀美丽华牛角Buffet 真系一试难忘，唔止食物高质，连环境都令人好舒服！🌟一入去就感觉到空间感十足，楼底超高，冇压迫感，坐位之间唔会逼，啱晒同朋友聚餐或者情侣慢慢烧慢慢倾。最惊喜系完全冇油烟味，烧肉店做到咁干净真系唔容易，打卡都放心！美丽华牛角Buffet LV4真系烧肉迷天堂！A4和牛、黑毛和牛同日本国产牛，啲肉油花靓到好似雪花咁，烧完入口即溶，香味爆棚，好高质。每款牛肉都有唔同口感，由嫩滑到有嚼劲，全部都系高质之选。🐯 海鲜方面，鲍鱼同虎虾一定要试！大只又鲜甜，烧完啖啖肉，唔使点酱都好味。仲有帆立贝、鱿鱼等，海鲜控都会食到停唔到口。另外仲有猪肉羊肉各款高质肉类任你order 。真系要留肚去食。 🍚 自助区都好精彩：有自制牛角饭、关东煮、各式热盘如炸物、煮物，样样都整得有心机。甜品方面有蛋糕、布甸、仲有软雪糕任你扭，食完烧肉嚟个冰冻甜品，完美收尾。🥗 饮品选择多到眼花：汽水、果汁、茶、咖啡样样有齐，前菜同沙律都唔马虎，有腌菜、海藻沙律，开胃一流。整体嚟讲，LV4真系食尽牛角精华，无论你系牛肉控、海鲜迷、甜品怪都会满足晒。想一次过试晒牛角所有精选，呢个套餐绝对系首选！🔥…查看更多

SS2 100分钟 牛 豚 鸡烧肉放题 60品好耐无食牛角 美丽华呢间牛角BUFFET楼底超高我拣呢个SS2套餐系半自助 $268/位自助区有饭、汤品类 沙律 小食头盘 烧蔬菜 关东煮饮品自助机 雪糕机 甜品等主食肉类同一款基本上都有烧肉汁 塩酱 炭烧酱 原味几个唔同口味我食咗几款肉 牛五花 肩脊肉 牛汉堡 鸡翼 鸡腿肉 鸡胗 鸡软骨等蔬菜金菇 杂菇 粟米 洗得干净 新鲜当然更贵嘅PLAN嘅食物一定会更多款式同更优质 不过志在享受过程 呢个PLAN都好够食啦 …查看更多

放假前就系想食好D~😍牛角buffet一直以高质素放题出名今次嚟试假日 SS2 牛、豚、鸡烧肉放题依然觉得物超所值自助区、烤物、甜品全部都非常丰富而且每样都见得到餐厅嘅用心🤩.自助区系整个用餐体验嘅亮点之一最吸引嘅一定系可以 DIY 牛角紫菜饭无限任装紫菜碎、饭同特制酱汁味道真系好邪恶又好满足🥳完全停唔到口.熟食区仲有好多选择，包括关东煮、肉丸、炒饭款式劲多!🥰🥰.至于烧肉本体，牛角依然保持水准😎每一款牛肉油脂分布都好靓，入口即溶烤完香气爆发，好容易令人不小心狂食原味牛已经好好食，而各款酱汁腌料亦都十分入味🙂‍↕️例如炭烧酱、塩酱、烧肉汁，各有特色特别推介 一口牛唔同部位食落口感层次分明另外仲有 自家制牛肉汉堡炭火一烤，肉汁同香味全面提升🥹配菜方面，牛油金菇、牛油粟米都系必点.甜品区都令人好惊喜除咗蛋糕同甜点之外最过瘾嘅系自助雪糕机🤣可以自己拉出一杯雪糕想点整都由自己决定，玩味十足.饮品区则主打果汁，而且全部任饮😍巨峰提子、菠萝、雪梨、苹果、橙汁味道清爽，烤肉之间饮番一杯就好解腻.其实假日 $298 而言，真系好抵食难怪每次去都要排长龙🙌🏻…查看更多

$268牛角放题食到呕？今日我和家人食性价比高牛角放题。牛五花油脂分布平均，烧到微微焦香最正，肩脊肉肉质软嫩，唔使点酱都好够味，网烧一口牛好烟韧。内脏处理得干净，配烧肉酱超惹味、海鲜有鱼柳和多春鱼。🍚主食惊喜位encore 牛角饭温泉蛋捞匀，配烧肉食无得顶。🍢关东煮+炸物小点 咖喱角脆卜卜，蟹钳真系有蟹肉🦀 薯饼外脆内软，细细件唔怕饱滞。🥗前菜饮品多到眼花，中华沙律+芝麻八爪鱼超开胃，泡菜同烧肉系绝配！果汁汽水任斟 仲有唔同口味乳酪雪糕。🍰甜品控注意！ 铜锣烧红豆馅饱满，马卡龙外脆内软 朱古力大福糯米皮超Q ，慕丝蛋糕滑溜溜。…查看更多