牛角次男坊 (荃灣廣場)

营业中

休息中

荃灣廣場其實好多野食，近日因為行過荃灣廣場某間日本時裝店，所以順便在附近的餐廳搵野食。老公食過尼間（外賣）覺得好食，所以今次帶我一齊去叫外賣。我地叫左兩碗牛肉飯，層層碟堆得好高，可惜我拎外賣返到尼，唔知幾時個飯蓋掀起左。搞到其中一個牛肉飯倒哂出尼咁跟住要處理下盒飯先啦，然後仲有另一個無事嘅。牛肉飯講返牛肉飯，單叫唔跟餐平啲。價錢合理啊！賣相我好相信堂食係會靚好多，佢個牛肉係堆砌得好高，好似日本旅的時食個啲和式餐廳咁，好吸引。咁但係我地外賣嘅話，佢都好有心思用個波球狀嘅外賣盒俾客人帶走，又可以依照返堂食咁將牛肉堆得好高。可惜我地可能當時又一抽二”能”，搭車返到屋企仲發現一個倒瀉埋，呢咁hea~味道其實好美味，日式燒汁配牛肉飯無得輸。希望疫情過後，我都好想試堂食。食佢地其他嘅餐。

我點了牛角次男坊丼配穴子, 牛肉有牛味, 而且口感juicy, 醬汁香口, 第一口食起來十分驚喜。穴子不會有種雪藏死實的感覺, 肉質較軟。當食到飯的部分, 更驚喜的是飯中有芽菜, 混合吃起來就不會很膩。每塊配有4塊紫菜, 連牛肉及飯一同吃, 特別滋味。而這裏是不需加一服務, 回頭率很高。

話說上次喺東涌食完有張銀票見幾好食就去荃廣再光顧多次都唔少人 但傾吓 等吓 望吓menu又唔覺太耐大概15-20分鐘左右就有位佢哋嘅安排係門口排隊侍應見有位就會叫你去隔離排隊買嘢食叫完先拎號碼牌入去坐住等(水同醬汁係self-service)上菜速度都算快今次回歸平凡叫咗牛舌丼同招牌配海鰻再加隻溏心蛋就算依然將啲肉疊到高一高😍但東涌果間好似再多啲同埋用心啲‼️提一提 肉同飯中間會有一大揪芽菜味道如常好味 海鰻都正常發揮牛舌飯係無4塊大紫菜亦無果一大揪芽菜嘅但就有紫菜碎係飯面配埋醬汁 味道亦都唔錯最後到另加嘅溏心蛋就認真失望一嚟到見到個樣就覺得太熟🧐已經扣咗好多分下次唔會再加了燒鹽麴牛舌丼定食 $68 🙆🏿‍♀️牛角次男坊丼配穴子定食 $108 🙆🏿‍♀️溏心蛋 $12 🙅🏿‍♀️＊實付金額滿$200送銀票 (即$50現金劵) 供下次於同集團餐廳使用＊

成日經過見到大排長龍，今日終於帶阿媽一齊去試吓。我哋叫咗四碗飯，但每人都發現個個碗用手摸落去都滿佈癡癡立立嘅醬汁，感覺非常之不良好！食物普通，但又不至於難食嘅，但$100+果種唔值得喺度食囉，因其實係快餐形式，應該食平價果幾種就算。唔會再回頭啦！服務員態度都OK。追加豚肉最唔掂，似烚熟多過似燒！特上牛丼啲牛肉比平價的普通牛丼還要差，以為畀多幾廿蚊，可以食到靚牛肉你就完全錯晒！帶子刺身成$80質量好一般，

呢間牛角旗下嘅餐廳一路都好想試，但係全香港得兩間分店，一間係東涌一間喺荃灣，今日終於就到時間嚟荃灣，就試吓佢啦🤪每個餐都包一個沙律同嘢飲，沙律好酸，宣道有少少唔自然，我同朋友食咗一啖就放棄咗😕次男坊丼定食有一座山咁樣嘅牛腹腩，long起牛肉既芽菜，同白飯。牛腹腩有少少焦香，唔韌但有啲筋，芽菜有少少泡菜味，同牛肉一齊食幾夾牛舌丼有舖滿飯面既牛舌，有少少油香，食落幾滑，最大敗筆係白飯煲得唔好，多水同煲到爛晒，落埋燒肉汁一齊食變左成pat野咁😕

這𥚃是我最愛的飯堂❤️。一星期總會吃兩次，試過好幾款飯，最後每次都會食返同一個飯。🙉次男坊丼定食 $88食肉獸每次見到宏偉嘅牛肉山，果種開心程度真係難以言喻😍。牛肉係美國草飼牛腹腩，肥瘦夾集，中間有條筋，咬落口感好好。最鍾意其實係個汁，香濃帶有甜味嘅燒汁，試過其他丼飯始終覺得次男丼個汁最香最好食，套餐會包一個前菜及罐裝汽水或茶。不過，佢質素非常參差，食十次大概有三次唔ok，有時唔知點解可以煮到個飯好濕，又或者個牛腹腩有三份一係肥膏。但係我仍然覺得好好食🤭💪🏼相片後面細碗啲嘅係午市$69迷你版。

放假出街食飯，周圍都係咁多人，去到邊度都要排隊，就算排隊都未必咁快有得入去食，最終見到呢間冇乜人排隊，Menu圖片都幾吸引，就決定咗入去食啦。原來都估佢唔到，會有咁大嘅驚喜俾我😃個Menu真係勁吸引囉，每碗飯啲肉都多到成座山咁🤣，再加埋佢個價錢又唔貴，普通牛角飯都係$39一碗，其他想要成座山咁多嘅牛肉飯都係$68起，真係勁吸引😍，我都係為咗想睇吓是否真係有成座山咁多牛肉而入咗去食的😃我諗住都係嗌呢個$88次男坊丼定食次男坊丼定食$88原來d牛肉真係砌到成座山咁高㗎😍佢都唔係虛有其表㗎，食落去都有好多塊肉下㗎。 我都有留心計一計有幾多塊肉，都有10塊咁多㗎大大塊牛肉，嫩滑又Juicy，食到我都舔舔脷呢個係燒鹽麴牛舌丼定食$68呢個牛舌飯都唔錯㗎，$68仲包埋嘢飲，雖然佢冇成座牛肉山咁吸引，但係佢都有佢嘅賣點，你睇吓，大大塊牛舌，鋪滿晒成大碗飯，數量都唔少，都有8-10塊，牛舌肉質都好彈牙，咬落去仲好似有啲肉汁爆緊出嚟🥰，都係果句，大大碗真係好抵食囉。Order任何定食，都有餐前小食加飲品㗎我哋兩個人去食都係嗌左兩個飯，簡單又好食，最緊要唔使等位，落單到送餐都好快，啱晒啲趕時間或者超級肚餓

週末到荃灣廣場逛街食晚飯，商場裡食店林林總總，見此店長長人龍非常顯眼，於是決定一試。門外排隊取位花15分鐘，期間職員派發餐單讓食客先選擇食物。入座後，要自行出外面排隊俾錢落單，點完餐店員會遞上號碼牌給你，將牌放在枱上就可坐定定等送餐了。王樣！豚肉丼定食 $85賣相吸引，一大條長長的豬腩肉橫跨碗面，滿滿蔥花碎，配上原隻溏心蛋及4片紫菜伴碗。豚肉夾著脂肪油香味美，雖則邪惡，但就忍唔住一啖接一啖吃掉，還可用紫菜包著所有材料像飯卷般吃，別有一番味道。豚肉丼定食(西班牙豚梅肉) $78多塊豚肉舖得滿滿，中間放了滑滑的温泉蛋，蔥花少許。豚肉無脂肪，食起來啖啖肉，醬汁味濃，非常美味，飯中好多紫菜碎再沾埋蛋汁，食落幸福滿滿的。雖然味道唔錯，但有點膩。幸好定食配有酸酸味嘅前菜，餐飲亦可選支裝纖解茶，有助解油膩。另外，亦設有麵豉湯及汽水供選擇。

屬於牛角旗下嘅牛角次男坊成日口快快讀咗做牛角男廁坊😂😂個日去到荃灣滿心歡喜諗住試下就叫咗個牛角次男坊丼配穴子定食，價值108蚊可惜完全唔值先講配料，啲芽菜基本上佔咗半大碗，真正嘅肉量同飯量都係得半碗(加埋)然後條鰻魚係凍的，直頭似係雪櫃拎出嚟鋪上去一樣，勁難食。然後啲牛肉又硬又多根，似係燒到過曬籠。朋友話自己燒都燒得好食過佢超級失望，本身諗住唔想食燒肉放題先去試下個牛角丼，點知人哋燒嘅係咁難食，仲要咁貴，俾多一二百去食返放題都冇咁嬲

豚肉同牛肉都試左 超好味😍本身覺得原價少少偏貴但疫情下外賣有折做左會員又平啲所以性價比都高左份量我覺得好足 肉汁超出色🤤仲有配埋前菜 酸酸甜甜 好開胃整體我會比8/10 值得推介！

🖖🏻第一次食牛角次男坊🖖🏻食肉獸見到一定心心眼，點知食完有點失望，食一次就好！😖呢間以快餐模式經營，點左餐比左錢先可以入座，我同男朋友分別點左一個牛肉一個豚肉試下唔同味道，其中牛肉加左帶子刺身，望落相望豐富吸引！飯份量屬少，肉片份量對我黎講就太多，食到有點漏口，我就食唔晒～～牛肉同豬肉一上枱嘅時候都已經唔熱，質地燒得過熟有點鞋口，同賣相反差幾大，醬汁味道無太大驚喜😳只係帶子略為鮮甜，不過總括黎講都係唔好食☹️係牛角自己燒仲好食d

今午12点在荃新天地附近上完運動堂，適逢中秋節長假期，而且時間尚早就不如到荃灣廣場一帶逛逛街吧！現在新建行人天橋四通八達穿梭商場之間真係幾方便，不用日曬雨淋，遠遠見到牛角次男坊(燒肉屋@燒肉丼）bingo 選中為今日午餐啦🥣豚丼定食(西班牙豚梅肉）$78西班牙豚肉脂肪少。肉質鮮嫩、加隻啱啱好溫泉蛋，鋪滿蔥花粒、紫菜再配上店舖獨特醬汁令每粒飯都增添特別口感👍定食包前菜及飲品：枝豆點綴都不錯再加一支道地解茶，OK啦👌其實我是燒肉發燒友，所以早前join咗會員，今歺加張再幫襯銀票🎫及會員優惠（真係識善用會員卡） 埋單只需要$20.2😚😚

本身係牛角燒肉嘅粉絲，個零兩個月就會食一次，但係就一直都未試過次男坊，趁有兩張$50現金券就去咗食😚•🍁 牛 角 次 男 坊 丼 定 食($88)呢個丼飯同餐牌嘅圖一模一樣，用啲芽菜承托住，將啲美國草飼牛腹腩砌到成座山咁，堆到咁高令人覺得好吸引😍牛腹腩份量好多，燒得啱啱好，牛味濃郁，油脂適中，啖啖都令人好滿足，配埋燒肉汁好惹味，送飯一流😋•🍁 燒 鹽 麴 牛 舌 丼 定 食 ($68)呢個就相比普通，牛舌份量都偏多，但係鹽麴味偏淡，係落冇咩味咁，而牛舌嘅質感比較韌，有啲難咬，所以整體一般🙈

最近因為疫情既關係，好多舖頭都做緊外賣自取優惠🤩 小編平時番工都會帶飯，但有時都會想食下出面既野，琴日午餐就嗌左 OPEN RICE 外賣番公司食啦～😋-💎 牛角燒肉丼 $44.3 《原價$59》（9/10）以為$44已經好平？如果嗌夠$80既話，入個code仲可以全單減$20‼️ 同多一個朋友仔一齊嗌就已經夠，計番即係$35都唔洗🤯 抵到呢🤑講番食物先🤣 一打開已經係超香～ 燒肉比想像中多，而且軟硬度係岩岩好😋 再加埋牛肉汁黎撈飯，真係好想食多碗飯😭 飯既份量唔算多，對男仔黎講可能真係會唔夠飽，但係以咁平既價錢黎講，真係已經稱得上為 平靚正‼️ 物超所值呀～ 依家冇得去日本，所以咁樣過下口癮都好啊😭

今天到了荃灣看戲，看完「屍殺半島」，肚子餓得打鼓。我和老公決定在荃灣廣場「覓食」，走到這間次男坊牛角餐廳門前，被燒牛肉的香味吸引，二話不說，我們便在這裏享用午餐。這裏用餐方式便捷，先於門口排隊點餐和付款，然後在餐廳裏面找個位置坐下，店員會把熱辣辣的食物送到你面前。我和老公各點了一個飯丼：我點的是燒牛肉飯丼，飯丼非常澎湃，大大碗，一整碗都鋪滿了燒牛肉，賣相一流，而且牛肉非常有牛香，有燒至焦脆的邊，再沾上特製的燒汁，非常惹味，值得推介。老公點的是豚肉溫泉蛋飯丼，以新鮮溫泉蛋拌飯，每口飯都很juicy和很有蛋香，送飯一流，再配以鮮嫩多汁的豚肉，回味無窮。