牛角次男坊 (荃灣廣場)

营业中

休息中

來過荃灣廣場好幾次，每次經過都總見到長龍出現， 仍未有機會與牛魔王會面…今次晚了收工過嚟荃灣找另一半先醫肚才歸家，巧遇牛角次男坊竟然沒有人龍… 決定一試！ 難得沒有人龍…示意服務員兩位，小妹愚昧未知此食店原來要入座前在門口收銀處落單付款後才可入座，即時要看餐牌立即決定真有點難度…但服務員簡單指示放在收銀枱上的圖像…選擇一二三四五…😳原來只得五款…🤭係咁多😳五項之中選兩項🤔又不會太困難😏是但點兩款吧… 其中當然必選排頭位No.1的「牛角次男坊丼」，同店名一樣的…相信是招牌菜，再選「王樣！豚肉丼」🍖🍚🤤最近經過荃灣廣場，心思思又再訪此餐廳招牌「牛角次男坊丼」，仍然保存食物質素👍美味牛肉😋吃得飽飽滿足🤤 但反而「王樣! 豚肉丼」就不太吸引了☹豚肉太乾鞋口… 回來翻看之下才發現今次消費平了？🧐 原來分別是食品定價不同了但免收加一 ?🤔哈哈…反而平食了👍👏😋😋

荃灣廣場近來裝修，新進了不少新的店舖，跟朋友購物過後，決定於這間日本餐廳來一客大大份的晚餐。這間餐廳主打像山一樣高的晚飯套餐，跟日本一些餐廳十分相似。餐廳採用先點餐後找座位的方式。今次點了牛肉和豚肉套餐加上蝦和帶子刺身，各款套餐均有麵豉湯。餐廳設有自助水bar,有冷和暖水供應，非常貼心。先來了豚肉套餐，非常多的份量，豚肉不會太硬，加上流心蛋的配搭，非常不錯。再來牛肉套餐飯，牛肉的味道非常濃郁，每一啖都有着濃厚的牛肉味，令人吃而忘返。價錢上不是非常貴，以這價錢吃到像山一樣高的晚飯，非常難得。

上次食完返尋味，今次再嚟。同樣都係叫咗牛舌飯，因為尋日食完某連鎖店的牛舌飯極度之失望上次嚟呢度食覺得個飯甜咗啲，所以今次個汁就分開另上。可以自己調配！其實都想試其他飯，但係會覺得食唔晒，太多肉。呢個牛舌飯就啱啱好。比某連鎖店新出的，雖然貴左$30 ，但係物有所值。真係有燒過嘅味道，厚薄啱啱好

話說牛角集團我試埋呢間就打齊卡啦，一直淨係知佢係食飯，而唔知佢係點食法。嚟到餐廳坐無虛席，又見好多人企左喺度，先意識到係好似快餐店咁要自己等位，等完位再去買餐然後等佢送嚟。就係咁，我企喺度望住人食企左半個鐘，終於到我。第一次食緊係食啲基本嘢先啦，於是就嗌左個豚肉嘅。啲肉都好腍，唔會又乾又硬，上面仲有隻溫泉蛋俾你撈飯，個汁就甜甜地，唔錯嘅。而另外一個就嗌左個牛角丼，佢個汁係辣辣地，啲牛都燒得岩岩好，唔會硬。每個餐都會跟個麵豉湯，佢唔似某連鎖牛肉飯店咁溝水溝到勁希，好夠味。而啲飯睇落好似細細碗咁其實好飽。

之前喺台灣已經見過呢間牛丼專門店，但因為冇時間，所以冇食到。今日經過荃灣見到開咗分店喺香港，緊係一定要試吓啦。牛角次男坊丼-佢寫住d牛係用美國肩脊肉，油脂分佈均勻，唔太肥唔太瘦，佢地加埋d燒汁去去燒d牛，好香好好食，成座山嘅份量嘅牛，令人好滿足。豚丼-佢寫d豚肉係住用西班牙豚梅肉，d豚肉都好厚切，燒得啱啱好，唔會太肥同太瘦，d肉仲好juice,其實佢份量都好多。其實佢地2個餐都配有味噌湯，非常滿足嘅一餐。

話說琴日去咗南豐紗廠望下，去之前揀咗呢間牛角醫肚先，其實係比佢嘅牛肉山吸引咗🤣🥢牛角次男坊丼（美國肩脊肉）$93份量好大 起碼十幾塊牛肉 啲牛肉配埋啲燒汁？勁juicy 雖然有啲位有肥肉但又唔會覺得好肥膩 呢個一定係必食項目 到最後將啲飯同牛肉擺係紫菜上面包住來食 別有一番風味話說牛肉山下面係芽菜 竟然用芽菜墊高座山 btw如果唔鍾意芽菜嘅記得走芽🥢燒鹽麴牛舌丼 $79牛舌厚度適中而且入味 唔會太韌 半個手掌咁大塊 都係十零塊左右過咗新開張嘅熱潮 依家已經唔洗排隊就入得㗎啦另附上一張係南豐紗廠嘅插圖相🤣

作為牛角飯fans既我 終於試左呢間牛角次男坊吃貨小妹平時去牛角食燒肉 除左牛肉 有一樣必點既一定係牛角飯真心覺得超好味的說)所以一知道牛角開左間專門食牛丼既舖頭又點可能錯過同牛角唔同 呢度causal d 點好餐就自己搵個靚位坐低等食 變相慳返唔駛加一 經濟d小妹揀左美國肩脊肉既牛角次男坊丼 連埋麵豉湯 $93 加開一睇淨係賣相都已經好吸引 令人垂涎三呎紫菜影完幾張相再食都仲係脆卜卜 無變淋既跡象好高呀個牛肉目測有成呎高牛肉配上燒汁甜甜地 食落好juicy 牛肉下面仲放左d牙菜 吸收左牛肉既精華不過最重要飯底係小妹最愛既牛角飯底正唔食牛既媽咪就點左西班牙豚梅肉丼 $82雖然無牛丼咁高咁誇張 不過中間有溫泉蛋+蔥花 賣相好靚試左媽咪一件豚梅肉 比牛肩脊厚身d 食落有口感估唔到原來牛角既豚肉都幾好味

週末黎到荃灣廣場，見仲早，人龍仲未出現，入面又有位，搵左位之後就去排隊買野食，啲圖片相當吸引，飯上面鋪滿左牛肉，對於我呢個牛肉狂迷當然唔會錯過，叫左個牛肉丼加拖羅蓉刺身。買完拎左牌等左大約十分鐘，飯就黎到，同圖片都算差唔多，牛肉鋪滿左飯面，好香，上面個拖羅蓉都好大舊。牛肉煎到好香，調味都十分唔錯。飯嘅賣相好唔錯，食完之後好滿足。跟餐送上濕紙巾，都幾貼心 。個人覺得拖羅同個牛肉飯雖然放響同一個碗，但大家好似唔認識對方，唔多爽咁。

Beef-holic🐮🍚 x Meat-holic🐽🍚💫 juicy💦 Mountains of beef❤️ Satisfying Rice Bowl🥢..平時食丼飯 已經滿足唔到你❓咁你就要試下一座丼飯山。一座座小富士山🗻既丼飯，足料既燒肉丼🐮🐽 賣相已經夠吸睛，作為打卡更一流呢，不得不提 肉肉全部都係✨即叫即燒✨呢。有時候想食燒肉，又唔想自己燒❓又想吃得簡單點❓又想快快吃個高質餐點❓呢間燒肉丼飯店🍱 相信能滿足你呢3個願望。餐廳以走平價快餐路線運作，先點餐付款 坐好位再把✨即叫即燒既燒肉丼飯✨送上，不消一會就可以享用了。牛角次男坊丼 (美國肩脊肉）$93GYU-KAKU Jinan-Bou Signature Rice Bowl(US Chuck Roll)作為招牌丼一定要試試，500g 燒牛肉🐮堆到成16cm高山，肉既份量真係好多，賣相好驚喜呢。牛肉燒到剛剛好 邊位帶微焦好香口，而且肥瘦比例恰到好處 帶牛脂香。低下亦有少量芽菜&蔥花，吸盡帶微辣肉汁一起拌飯吃 增添香味`口感更添滋味。豚肉丼 (西班牙梅豚肉） $82Grilled Pork Rice Bowl (Spanish P

牛角次男坊我想試左好耐喇 成日見到佢張poster 覺得啲牛燒得好靚 ～～～ 呢間店係牛角既副線 所以對佢對有啲期望架！ 鋪頭係用自助形式，比左錢就自已搵位坐低，我同朋友一人一個丼 佢叫豬 我就叫左肉 ～牛角次男坊丼（美國肩脊肉）：如圖片一樣牛肉是像山般堆疊起來，雖說揭開肉底發現是用芽菜墊底～但牛肉份量都仍然很多，都有十數片之多，比我想像中更香更好味 牛肉燒得好香 有陣陣炭烤味 而且醬汁亦都好入味 甜甜地最鐘意 送飯一流 ～豚丼（西班牙豚梅肉）：朋友既呢個豚丼比牛丼更加多汁！豚肉都係炭烤，好似叉燒咁！另外飯有隻溫泉蛋，將其搞拌撈入飯中，蛋香配上惹味香甜的醬汁 朋友大讚！至於好多人關心既份量問題 我就覺得對於女仔黎講 呢個飯好夠飽 而且肉既份量都好夠 ～ 但可能男仔就好一般喇

牛角的燒肉一向錯，知道荃灣廣埸開左條副線食燒肉丼飯就一直好想試下，今晚係荃灣行街街就去試下有無牛角燒肉既水準。丼飯種類選擇都算多，今日我同老公叫左個牛角次男丼同豚丼。牛角次男丼用既係美國肩脊肉，雖然係簿切但燒得好嫩好香，一啲都吾鞋，配上燒汁送飯非常美味而且肉的份量好足， 對到成座山咁高，其實仲可以送多一碗白飯豚丼都吾失色，豚肉吾會好面肥，最好係吾韌，出面好多豚肉丼的豚肉都好老仔韌。仲配上温泉蛋，撈飯一流果然牛角出品都無令人失望!

見到餐單就好想去試，好吸引，餐單肉真係好多，於是就去試一試，兩個人叫咗兩個飯，一個係牛角次男坊丼同豚丼，首先講下牛角次男坊丼係牛肉，肉真係好多，好淋,好好食， 牛肉醬汁好好食，配埋牛肉一流好夾，好多配菜，不過有少少辣，但好惹味，另外一個係豚丼，呢個有埋温泉蛋真係好好食，蛋汁配飯好正，肉質好好又係好淋，兩碗飯都大，每個餐都會有一個面豉湯，唔洗等好耐就有，平時7點幾都開始多人，佢都有好多唔同選擇揀，所以大家可以黎試下，試下唔同款！值得一試！

經過荃灣廣場門口，見到呢間牛角次男坊，望真d原來右下角有{牛角} 2隻字，原來牛角開左間丼飯，梗係要入來試下喇呢度係自助形式，係餐廳門口買完，自已羅住號碼去揾位，店員會憑住你既號碼去送餐俾你揀左個B1 牛角次男坊丼 (美國肩脊肉) $93呢碗嘢有16cm高，配上帶微辣嘅次男坊燒肉汁，旁邊有3塊紫菜，面頭加上葱粒同少量藏紅花肩脊肉燒完都好 juicy ，一d都唔乾，下層仲有一堆芽菜另一款C1 豚丼 (西班牙豚梅肉) $82豚肉較厚身，食落都夠腍，燒至香口後好似朵花咁舖喺碗飯上面，餐廳嘅飯係用日本產越光米，粒粒分明，配埋燒肉汁同溫泉蛋一齊食最香口。忍唔住要吉穿温泉蛋最愛蛋汁撈飯2碗飯既肉類都真係食極都仲有，$100/碗都唔洗，真係好扺食

👀 睇見啲平台介紹依間食🐮🍚， 又忍唔住跟住去朝聖🤪 位於荃灣廣場地下嘅 " 牛角次男坊丼" 餐牌唔多款，但足以令人心大心細😆 因為款款都好吸引😚 -美國肩脊肉🐮🍚$93.00送味噌湯🥣~ 好吸睛👀真係叠到成座⛰咁😍 牛肉長條型幾大塊👍 有甜甜嘅醬油味， 食落唔太乾柴， 下邊有好多芽菜墊底，有幾塊大紫菜， 全部加埋一齊食，好有層次感🤤🤤👩‍⚖🐮肉份量多， 非常滿足😊ps~ 還有個競食比賽到7月18日🤩

今日同老公去荃灣買家品，經過見到有間牛角次男坊，上網一睇，原來它是燒肉店牛角的兄弟食店，主打即叫即燒的燒肉丼，仲有令人驚嘆的肉類份量，好似好吸引咁！所以二話不說就在這裡醫肚。店內簡約整潔，提供獨立雅坐及長枱。店內提供多款牛丼及豚丼，價錢由HKD79至HKD179，不設加一服務費，另可追加温泉蛋、帶子/牡丹蝦刺身、沙律及飲品等。購買方法：在餐牌選定項目，向門口職員直接購買，領取號碼牌，放在枱上，服務員便會將食物逐一送上。我們叫了招牌的牛丼及豚丼。牛角次男坊丼 (美國肩脊肉) (HKD93)成坐富士山般的牛丼，送上枱時確震撼，禁不住要相機食先，大廚將份量十足的肉堆砌成山，肩脊肉肥療適中，燒得有少少焦邊，份外香口，配合牛角秘製醬，微辣惹味。如轉經典牛角飯燒肉汁，需先跟職員講。牛丼內亦有大量芽菜，有菜有肉夠平衡。而牛丼包括的味噌湯味道不太咸，不錯。豚肉丼 (西班牙豚肉) (HKD82)日本餐廳對於每道食物的賣相都很講究，繼震撼視覺的牛丼，又有成朵花造型的豚肉丼，用上優質西班牙豚梅肉，肉質細嫩鮮甜，加埋隻温泉蛋，伴飯食一流！而家仲有競食比賽，只要3分鐘內成功完成牛角次男坊丼，即可免費享用！最快的