牛角日本燒肉專門店 (德福廣場2期)

营业中

休息中

第一次係香港食日式燒肉，就試下牛角啦。平時行街見到牛角d分店間間都好多人等位，所以次次都無去食。今日係九龍灣德福廣場二期行街見到有牛角，6點幾都已經好多人係牛角門口等位啦！今次就的起心肝去試下啦，拎完飛就去行下德褔，一個鐘頭左右就叫有位啦。（我諗我地拎飛果時放左一批人入去，所以要等一段時間等佢地走先有位俾我地入去）呢度每張檯都有部平板俾我地電子落單。我地叫左個唔係最貴嘅燒肉set, 泡菜豬腩肉，厚切牛舌，牛油金菇，一個石鍋飯。雖然我地叫唔係最貴嘅燒肉set （有雞、牛、豬）,但d牛肉燒完都好juicy, 鎖住晒d肉汁，真係十分推薦! 泡菜豬腩肉同牛油金菇就係分別用錫紙盤上菜，可以直接放上去個鐵絲網燒，好方便。燒完d金菇，仲可以繼續用個錫紙盤繼續燒，容易d控制肉嘅生熟度。呢間分店環境唔錯，檯與檯之間有塊板相隔，有自己嘅私隱度。侍應都好好服務，會自動添水。如果鐵絲網需要更換，都可以要求侍應幫手更換（免費的）。付款後，侍應俾幾粒糖俾我地清下口氣。

在海港城裡面，在朋友帶領下繞來繞去才到，如果自己找估計得找半天，因為早早就到，所以不用排隊，吃完出來看到門口還有人在等位。  「牛舌」有厚切和薄切牛舌，因為得自己烤，厚切烤的過老容易變韌，個人更喜歡薄切牛舌，點了辣味和味噌味，辣味更好吃，味噌味偏咸 「和牛牛肋條（6條）」和牛真的好贊！口感柔軟，肉汁鮮美，很好吃😋 「銅鑼燒冰淇淋」吃完肉來個甜品簡直完美，第一次吃這種，需要烤一下，皮會脆脆的，加上裡面冰冷的雪糕，口感豐富，強推！ 「柚子活乳酸梳打」酸酸甜甜，柚子味不是很濃  還吃了很多其他部位的牛肉，但因為是朋友點菜，也不知道叫什麼，這裡一份牛肉的分量不會很多，基本是4到6片，所以可以點很多不同的部位試試，雖然海鮮也有，但味道一般，還是牛舌和和牛好吃。

行街行到9點幾，經過牛角就心郁郁想去食下日本燒肉🤤見佢有優惠既宵夜set，一於去食啦！加$20 任飲Asahi生啤超級正，最後每人飲左3杯，最初佢係用呢個size既啤酒杯裝俾我地，last order我地追加一杯，就大大杯俾埋我地！超抵飲！啤酒泡勁soft🥰牛肉特上燒肉 $258有曬牛角上級牛肋肉、腹胸肉、豚肉燒、雞腿肉同厚燒牛舌。最好味係腹胸肉，咬落juicy，唔會好油，其他質素當然都好好啦😚仲要夾埋咁fresh既生啤，一流！

牛角真係次次都排哂長龍，今晚Happy Friday 就更多人。兩個人叫左好多野食😝最鐘意食辛味牛舌，好味過原味好多。其他牛肉都唔錯，仲有唔知點解次次都一定會叫牛角飯。

耐唔耐先至食一次既燒肉店, 因為佢既價錢都唔算平, 就算求其食,一個人都可能要二三百蚊埋單, 不過佢D野食既味道係絕對同佢既價錢成正比既~! 香港如果要搵一間好過佢又差唔多價位既日式燒肉店, 都幾難~所以如果有朋友仔想食有質素既燒肉而又唔想太貴既話, 牛角絕對係你首選  !

一早用牛角嘅app拎定位，所以去到等一陣就有得入，因為有午餐烤肉set,即場見到都好多人食，所以要有心理準備入去就算你唔烤肉都會成身烤肉味。叫左四個不同lunch set,有跟昆布湯，迷你沙律同飲品。昆布湯飲落十分似味精溝水，全部人差評。沙律材料係最行果啲料加最普通嘅芝麻醬，唔難食唔好食 (但同行朋友竟然已經覺得係全餐最好食果樣。。。)石鍋泡菜牛肉飯上菜賣相非常唔錯，但食落竟然係一啲味都冇，我要不停落豉油同辣醬先食得落。因為牛肉份量太少同切成粒，撈完之後完完全全食唔到牛肉。除左賣相同熱辣辣之外，無可取之處。蒜鹽牛肉温存玉子飯同上一道菜一樣冇味，牛肉份量ok,不過輪到飯量少，連平時細食嘅朋友都話好似爬幾啖冇左咁蒜鹽雞腿肉温存玉子飯上菜時竟然完全唔熱仲有啲凍凍地。。。味道冇特別石鍋黑椒牛油粟米拌飯+蒜味雞腿肉再次衰冇味加睇個樣完全睇唔出嘅份量少，佢個石鍋容器應該好鬼祟下，最離奇係係石鍋但竟然唔熱四個餐味道冇一個合格，價錢唔平，應該唔會再嚟食lunch

遲左成兩個多月先寫呢篇食評，前排有少少寒寒地，最適宜就係打邊爐/食燒烤，又唔係太肚餓，任食打邊爐好似有d蝕底既感覺，經過牛角門口，傳來燒肉既香氣，好啦，就決定食佢啦。本人有少少選擇困難，見到呢個匯豐信用咭既套餐，有沙律、肉類、菜、蠔、飲品，兩個人食啱啱好。牛得三款，個人比較喜歡和牛板腱肉，肉味濃，雞腿肉及豬扒味道一般，野菌盛合分量適中，食完成個餐，都算夕。通常食燒肉就會想飲多D飲品，呢個餐每人包兩杯飲品，非常貼心。

琴日阿媽生日，佢同老豆去完免費海洋公園之後就斯斯然搭巴士過嚟九龍灣牛角慶祝生日， 我哋一行五人，大家到商場都差唔多八點半九點，唔爭在等埋宵夜時段。 九點鐘宵夜唔使點排隊等咗一陣就入得，不過此時段有少少限制，首先要揀一個三選一嘅盛合，分別係平價 二人餐(l XX元)，貴價少少二人餐(2XX元)同四人餐(4XX元) 之後就可以喺優惠紙上任揀半價優惠款式，叫幾多款都得都係半價，我哋勁 點半價優惠嘢食，五個人埋單都係七百幾蚊， 好抵呀 優惠款式有菜有肉有海鮮任君選擇，牛角一向水準唔錯，肉質新鮮，我哋全家人都好滿意由於有會員卡關係免切餅費 。

今日午餐同朋友去左牛角，一早去到未有人，我地坐卡位近窗口邊，仲可以一齊坐，太好啦，好耐無黎，原來轉左電子下單，但叫睇住個實物餐牌先個個餐有咩，如果一禁一去就睇到會好啲，叫左個牛肋肉四品同牛角六品燒肉午餐。而家雪糕要另外加錢先有呢，可惜。兩個餐都配牛角飯，沙律同湯，經理仲有講解啲醬汁同埋個鉗點用，呢方面好過之前，但帶位個女仔黑口黑面，好似成村人得罪左佢咁。個腸係係牛腸，啲油係咁必出黎，但都好好味，個牛舌都好正，但啲和口就差少少，唔知係咪過左火，但個牛粒都唔錯，但問題係每款牛都有兩塊，但都一肥一廋，質量唔多穩定。希望下次可以好啲啦。加左個牛角飯，每人食左1.5個，真係好開心呀。

牛角食燒牛肉午餐人山人海-看過晒開飯食記先去但時間關係都沒辦法等下午茶時光唯有正價叫一個149$ 牛肉套裝四品燒肉盛盒四樣牛不同部位牛肉粒厚但很硬怎燒都不好好太硬了整體表現只有最後一片半熟牛肉香滑可口主要是夠林味濃其他一般都太實可能運氣差或不中意太硬的日本牛吧有點失望的一餐燒烤午飯而且不便宜，最重要的：是不合口味。

Lunch set C $69 Lunch time 吃燒肉會否太奢侈？時間夠嗎？九龍灣這家牛角，在午餐時間常常有得多人在等位，如果到達店鋪才取票，肯定吃不到。如果你是牛角會員，便可用它的apps預先線上取票🤭。•Lunch set 的選擇也不少。對於不吃牛的我，也有很多選擇🤗。-點了Lunch set C — 豚肉和豬大腸，包飯、湯和飲品。-大腸的質素時好時壞，有時很軟，有時很韌，像橡筋，要看你的運氣。而我今天的運你不錯，大腸很美味🥳。-一小時內吃燒肉定食完全沒有難度，很滿足🤩。•回頭指數：9/10

同事諗住Happy Friday 去牛角燒肉(有啲太happy)我怕熱氣就求其叫咗個雞腿飯食成個set 有餐飲有湯仲有沙律睇外形都還可以啲雞肉色水都幾靚溫泉蛋動L動L咁，撈飯一齊食蛋漿同飯撈埋一齊感覺好好飯量適中女仔食都剛剛好但係！雞腿肉真係唔是太掂擺落口一咬欸冇味嘅似咬緊擦膠真心講句，有少少失望最後要加埋啲燒肉醬汁撈埋啲飯一齊食先覺得好味啲雖然牛角係主打燒肉，但係賣得丼飯喺牛市總唔可以太過失禮啦係咪先

九龍灣的牛角沒想到如此熱鬧，是日晚上是德福最多人排隊的餐廳之一。我們苦苦等待了40分鐘后終於入座，叫了兩個套餐。菜式很快上桌，首先是柚子沙律，酸甜的柚子配上沙律，非常清新開胃。然後我們試了牛肉、牛舌、豬扒、蝦以及蠔。當中覺得最好吃的是牛舌，薄切的牛舌在爐上放上20秒，兩邊變色立即拿起。佐以牛角的燒肉醬，味道令人滿意。其次就是蝦，蝦的分量頗大，故需時方能烤熟。待蝦全身通紅兩邊帶一點焦的時候食用，發現牛角的蝦也算新鮮，肉質結實。

突然lunch好想食日本燒肉，即刻上openrice search下邊間lunch抵食！最後決定去德福廣場嘅牛角貪呢度有和牛lunch set同埋商場消費後有免費泊車。👆🏻假日燒肉lunch set我地選了A同C餐～ 兩個人share食，可以每樣試下。前菜-迷你沙律菜新鮮，麻醬足任選一款嘅食物，我地都選擇咗石斑魚柳，好滑香葱溫泉玉子飯，好香加埋醬油撈埋隻溫泉蛋，好好味～ 主菜來了！A餐牛肋肉四品燒肉盛合，肉質不錯。C餐和牛盛合，和牛嘅肉質當然比起A餐更優質食完之後秒決申請一年會員Kabu Pass，只需$200入會費，但可以即時用一張$100coupon，即時9折以及即時積分。會員咭入面仲有好多旗下唔同餐廳嘅coupon，如果鐘意食嗰幾間餐廳嘅朋友可以考慮下入會，抵！

牛角至抵食時段係平日下午茶(3pm-5pm)，係午市餐牌套餐價錢再7折，最平五十幾蚊一個人埋到單，重點係食到好飽。食物:我每次都叫［燒肉定食］，有沙律、湯、飯、二類肉、飲品。最平叫二類肉都係豬雞，推薦豚肉同雞腿肉保證無伏，一碟係4件豚肉4件雞腿肉。個餐包既飯係白飯，但我多數加18蚊轉牛角飯，個飯會多左汁、紫菜、蔥花、芝麻，鐘意食咸既人記住加白色瓶果個，係日本既鹽撈飯一流，重點係個飯任食，食完一碗就叫侍應追加多一碗，食到餓為止。服務:主要用平板點餐，係{需要服務}個制都有得簡d甚本野，多數都係舉手叫人快d。服務真係好睇運氣，多數好快就送餐黎，但追加飯就一時快一時慢拉，有時肉都燒曬飯都未黎。