牛站(駅)麻辣火鍋放題

营业中

休息中

香港人喜歡的食物種類，火鍋永遠佔據前三位，可以解釋得到，為何火鍋放題專門店越開越多。而這間火鍋專門店，在很多討論區內都會列為首選，今晚便和好友來到這間新開的分店品嘗一下火鍋。這裡雖然剛剛開業，不過七點來到已經要排隊等位，八點之後更加人山人海，建議必須訂位。這裡的食物種類和其他分店一樣，價錢亦差不多。自取區內，有飲品、酒類、甜品、蔬菜、丸類，任飲任食。選擇了極黑和牛套餐每位$298。鴛鴦鍋，麻辣鍋拼胡椒豬肚鍋底，麻辣鍋香辣味道十足，簡直是四川麻辣火鍋的味道。胡椒豬肚鍋，胡椒味道香濃，豬肚軟腍可口，具有禦寒作用。極黑和牛，牛脂肪分布均勻，牛肉味道香濃，只需放在湯內數秒便可享用嫩滑的牛肉了。美國豬梅肉片，脂肪甘香，肉質鮮甜，必須追加多碟。田雞、海蝦、沙白。田雞都是田雞腿，田雞都是田雞腿，肥美可口。海蝦爽口彈牙，沙百鮮甜美味。燒乳鴿，外脆內軟，肉汁豐富，肉質鮮嫩，極度推薦這個。👍👍👍👍👍👍

最近天氣凍咗好多，就係呢一種天氣最適合約朋友一齊去打邊爐， 個人覺得打邊爐一定要食放題， 尤其是同班麻甩仔打！今次係我二次到訪呢一間銅鑼灣新開嘅牛站， 點解會食多次主要原因係因為真係好抵食！ 298蚊套餐你可以任食美國SRF牛等部位， 之後清酒、梅酒、燒酒、啤酒任飲， 仲有啲牛站特色甜品、飲品， 例如楊枝甘露、珍珠奶茶等等！就算隔咗一個月第二次嚟都有一種新鮮嘅感覺， 因為佢哋嘅鍋底菜式會轉變， 例如上次食嘅蛇羹今次變咗牛肉羹； 上次糯米飯變咗台南鹹飯等都非常特別！

牛站開到黎銅鑼灣了，一於帶媽咪去食先，放假Lunch打邊爐🤣🤭，真係堅爽皮，而且中午時間，餐廳放題套餐仲可以無限時任食4小時，真係堅抵👍🏻最重要牛站台式火鍋，湯底到食材都好正👍🏻而牛站的食材、飲品、甜品雪糕款式非常豐富，任飲任食真係冇得輸呀👍🏻鍾意打邊爐嘅朋友真的不要錯過👍🏻👍🏻美食推介：💛湯底：椰子雞湯底濃郁清甜，原隻雞件及椰子一，勁足料👍🏻湯底非常出色💛SRF美國極黑和牛片：牛味濃，非常之肉嫩👍🏻牛肉必食推介😋💛火鍋材料丸：一整個雪櫃上放滿不同得丸類任你夾，丸類款式非常多，選擇困難🫣💛蔬菜：款式非常多👍🏻窩筍、薯仔就非常夾，羽衣甘蘭、紫色蔬菜最吸精，仲要任食勁爽呀！💛甜品：有多款不同品牌的雪條及雪糕，而且仲有軟雪糕機👍🏻雪櫃甜品都好多款式，除了迷你蛋糕，布甸外，仲有乳酪及豆腐花。💛飲品：一樽樽的自家製冷泡茶、各款汽水飲品，應有盡有，仲有仲有新鮮果汁任你飲，非常豐富👍🏻*任飲任食👍🏻👍🏻👍🏻*食物質素好👍🏻👍🏻👍🏻

今日嚟到銅鑼灣一間新開幕晚火鍋放題專門店，地方寬敞，燈光明亮，座位以卡位為主，唔會同其他客人好近，可以好好享受火鍋的地方。SRF美國極黑和牛片套餐 $298有三個唔同價位既套餐，選左中間級別，湯底有成十款咁多，心大心細可以+$48鴛鴦鍋。自肋甜品區有自助餐式既甜品櫃，更加吸引係雪糕櫃，各式各樣林林總總既雪糕牌子一應俱全。自助飲品區便利商店或飲品櫃，重有梅酒啤酒任飲，重有手搖珍珠奶茶，無得輸。自助食品區有多款熱食炸物小炒重有小龍蝦，重好過半自助餐既餐廳。

牛駅 - 麻辣火鍋放題夜今日嚟到銅鑼灣一間火鍋專門店，主打麻辣火鍋，放題任食120分鐘，除左麻辣湯底，重有多款特色湯底選擇。SRF美國極黑和牛片套餐 $298套餐可以任食美國SRF極黑和牛，油脂分佈平均，同埋安格斯牛板腱，還有地道的手切封門柳，牛味濃郁。海鮮類鐘意海鮮既朋友亦有照顧到，有日本帆立貝、紐西蘭青口、海蝦、沙白同可以歸納做海產類既田雞腿？火鍋配料設有火鍋配料自助區，蔬菜丸類一應俱全，單單丸類已經有近十多款。飲品、甜品值得一讚係有梅酒同啤酒，啤酒重要有幾個牌子；雪糕一樣唔吝嗇 ，貴價牌子哈根達斯亦係任食。

<牛站麻辣火鍋放題> 牛站新開銅鑼灣分店❤️📍 牛站(駅)麻辣火鍋放題 (銅鑼灣)銅鑼灣駱克道463-483號銅鑼灣廣場二期11樓味道: 😋😋😋😋😋價錢: 💰💰抵食指數: ⭐️⭐️⭐️⭐️⭐️早兩日同同事午餐偷懶去打個邊爐放鬆 食下好野chill chill佢午市4小時火鍋放題 $178起出面餐廳好少會做4小時午市，一來怕啲客人食得愈黎愈多，又怕唔可以賺多轉。所以我比佢4小時任食吸引到！而且本身牛站個湯底都係好超級吸引，夠甜夠香😜 每樣野食都吸收到個湯味🥰餐廳的環境超級新！走入自助區，你會發現餐廳食材超級豐富，睇落新鮮乾淨，食慾大增☺️ 自助區有提供冷熱盤，冷盤作為前菜，餐廳都好有心思，因為選擇都好多！而熱食方面，選擇比冷食更多更吸引！我最中意佢個台北咸飯 有啲似香港嘅糯米飯！邊爐任食提供的食材種類超級多，質素又出色。火鍋湯底又有多種選擇，從湯甜雞湯到麻辣湯，總有一款岩你心水，湯底味道鮮甜😍火鍋嘅配料多樣，新鮮蔬菜、嫩滑牛肉！🥰🥰，每一啖都散發著誘人嘅味道。餐廳飲品選擇非常豐富，有冷泡茶，汽水，紙包嘢飲，珍珠奶茶，梅酒清酒，唔同類型嘅飲品都有得選擇，真係啱晒我呢啲選擇困難症嘅人。另

終於去到想去好耐嘅牛駅銅鑼灣店食火鍋 由之前極尚大𤅀喜改建成 都一樣超人氣當晚更撞到朋友佢哋要食晏少少時段20:30可見受歡迎程度一班120分鐘放題我哋揀咗2號sec美國極黑和牛片set$298有美國極黑和牛片 和牛極香 入口溶化竹笙釀蝦滑美國安格斯牛板腱 無骨魚片手切封門柳 紐西蘭青口西班牙豬五花肉片 手打墨魚滑。鮮甜彈牙燒乳鴿王 打邊爐都有乳鴿食正蝦仁棒棒帆立貝 （鮮甜）田雞腿 （隻隻都好肥美）同埋揀咗至新嘅龍蝦頭湯底好鮮甜龍蝦味火鍋自選配料都有不同嘅港台美食小食 手包雲吞都有 都有真係包羅萬有世界美食自助區都有好多蔬菜同火鍋配料台式熟食。多款甜品飲品。各樣啤酒 紅酒清酒梅酒都有直頭有選擇困難症，唔知食邊樣好最後梗係要食返個Häagen-Dazs完美嘅完結牛站(駅)麻辣火鍋放題 (銅鑼灣)銅鑼灣駱克道463-483號銅鑼灣廣場二期11樓#牛站銅鑼灣#銅鑼灣美食#牛駅火煱#hkfoodblogger #hkfoodie #hkfood#台式食品##台式火鍋放題

難得放假，適逢天氣又咁凍，當然要延續打邊爐嘅興致🤣嚟到銅鑼灣牛駅食火鍋放題，之前食過餐廳嘅尖沙咀、觀塘分店，水準一直算係保持得非常穩定，今次一於試下呢間新開位於銅鑼灣廣場嘅分店👍晚市2小時任食套餐，主打台灣嘅火鍋食材，主要分為3個唔同價位嘅套餐😃胡椒豬肚湯底🫕冬天暖笠笠，食佢就啱晒！SRF美國極黑和牛，以放題質素嚟講，檔次上乘😋海鮮選擇都唔少！自助區有好多食材可供自取，當中有幾款仲係其他火鍋放題店好少見嘅款式添🤣以下呢兩塊色彩鮮艷嘅菜類真係見都未見過，即刻攞幾片去淥下佢先🤣飲品櫃幾新潮，有自家製珍珠奶茶，切合返台式火鍋店嘅主題😃當然唔少得火鍋放題店近年常見嘅冷泡茶，打邊爐亦不失健康細節，仲推出咗檸檬鴨屎香口味，追趕時下潮流😄Apple Cider，啤酒、梅酒、清酒都係任飲，愛酒之人啱晒🍻軟雪糕機都係另一重點，食完正餐都唔可以錯過🍦

牛站，可以說是銅鑼灣區內高質素的火鍋火題，首先餐廳湯底選擇多，有辣有唔辣，這次就選擇了鴛鴦鍋底，椰子雞及沙嗲湯底，椰子雞湯清甜，沙嗲湯底味濃而不膩，餐廳更會不定時更換新湯底，每次都會有不同選擇。以放題火鍋來說，餐廳牛肉選擇多而且質素相當高，和牛，牛肩胛，封門柳都有。和牛油脂分布均勻，入口軟嫩，封口柳肉味香濃比較有咬口。牛肩胛肉質軟滑，翻點回本之選。自助區食物選擇超多，酒類飲品都大量放題，物超所值。

忙完成個星期工作, 終於到星期六可以抖下氣, 特登早起身同屋企人出去周圍行逛下, 去左食午市火鍋放題食餐好! 去到都有唔少人等緊拎位, 我地揀左3號餐SRF美國極黑和牛片, 無限任飲任食4小時, 慢慢食唔洗咁急交枱又幾好個餐本身包括SRF美國極黑和牛, 美國安格斯牛板腱、西班牙豬五花片、手切封門柳同手打蝦滑等等, 仲有其他部分配料都係任叫任食, 另外出去自助區有得任夾蔬菜、丸類、小食水果吧、甜品櫃依家冬日限定見有新推出羊腩煲鍋底, 如果喜歡食羊既朋友就啱哂, 但我地就叫左清甜椰子雞鍋, 諗住飲下湯飲左啖有陣陣清香既椰子味, 雞肉份量都幾多, 仲要件件都好厚肉飲品有十幾廿款選擇, 無酒精同含酒精既啤酒梅酒都係任飲灼SRF美國極黑和牛食下先, 油脂分怖雪花紋好平均, 入口牛味突出, 軟熟可口, 厚薄切得啱啱好, 食幾片完全唔會覺得好膩, 好好味, 食完係咁再叫!肩胛肉眼同肩胛肉油脂都相當靚, 油脂平均既肉片夠哂香, 唔會死實實得肉味, 加上一啲都唔鞋口, 估唔到任食既肉質比我相像中高, 值回票價食完幾片肉就食左係自助區拎既前菜小食, 有酸蘿蔔、涼拌海蜇、麻辣雞腎都係開胃惹味既前菜, 醃得幾

難道出到來港島，見到呢度有最的牛駅新開張，當然要捉埋朋友一齊去食。餐廳鄰近銅鑼灣站C出口，位置好方便。因為新開幕，非常新淨及闊落，以卡位為主，非常舒適。這裡的套餐有好幾款，湯底也有很多款，任君選擇。我們選了中位價錢的，可以食到手切封門柳，SRF美國極黑和牛，美國特級肩胛肉眼及美國安格斯牛板腱，非常超值。我們選了椰子雞湯湯底，感覺很滋潤，很大鍋，散發著椰子香氣，雞件煮完還是很嫩滑。點菜方式可以QR code 落單及在外面的食物區自行拿取。牛肉全部都十分新鮮美味，肉質彈牙，是回本之選。蝦滑、墨魚滑都十分爽口彈牙。另外還有牛栢葉、水魷、鴨血，都非常爽口彈牙。醬料區十分有氣勢，醬油選擇多達十多款，飲品選擇也是非常驚人，啤酒也有好多款，看著也令人心花怒放。自取食物區令人食指大動，丸類、蔬菜、甜品、雪糕各有十幾廿種，還有糯米飯、臺灣腸及糖水，想全部試完都不容易!醬汁區那邊竟然還有軟雪糕機及糖果區，令人大開眼界。而且椰青水、日本酒、梅酒更可以任飲，實在太讚了！最讚是可以任食4小時，食飽了休息一下再食，實在是太幸福。

銅鑼灣都開咗牛站啦😍勁抵食又高質嘅放題，午市時段去嘅，好快就坐滿，大家記得提前book位呀。佢最出名係麻辣湯底，梗係要試吓啦，辣度有得揀，香港人揀少辣或者bb辣就好啦，唔好衝動呀，都幾辣㗎😂至於放題，佢有分好多個level，最平嘅定量火鍋，$88就有啦，我哋見4小時無限任飲任食都唔貴，梗係慢慢食，食好啲。level 3已經食到美國極黑和牛、安格斯牛板腱、特極肩胛肉等，真係勁抵👍🏻想食海鮮仲可以升級到level 4。除咗有好多種唔同嘅牛肉之外，仲有好多平時午市放題食唔到嘅嘢，例如haagen daz雪糕都有，埋單每人二百鬆啲，食到你滿意😆

Lunch time 想同朋友吹耐啲？打邊爐啦🤣仲可以任你飲任你點任你吹足4個鐘，價錢一至五最平，唔使170元就有交易。今次一行五人，趁lunch break就去打邊爐，揀咗個有得食和牛嘅餐。新開張，四圍都闊落，而且所有嘢好乾淨好新淨。平時最快放題個地油淋淋，要同其他客爭夾爭碟，又將價就貨，牛駅okie!!基本無以上問題。有10款湯底可以揀，我揀咗冬瓜瑤柱豬骨，聞到隔籬枱太香，忍唔住都揀咗個椰子雞湯。未開始打邊爐都試過個湯頭，清甜得來無味精。主要自助區夾配料，牛肉就用QR code 落單。😆啱哂我呢啲專食配菜又唔回本嘅廢廢，配料嘅種類真係好多，仲幾細心，響鈴，油炸鬼，放咗喺旁邊個熱爐，放入去打邊爐嘅時候有微微脆卜卜。另外蔬菜選擇都有好多，有西洋菜同豆苗！！豆苗吸晒椰子雞湯嘅香味，另外仲有萵筍呀薯仔蕃茄粟米呢啲🤣但係菇都有幾種選擇，同行friend 話我嘥料！傻嘅呢啲先至吸收晒個湯底嘅精華！值得一讚嘅係所有配料都放喺一個好凍嘅雪櫃入邊，而且有啲仲有水冚住，盡量都保持到食材嘅新鮮就唔怕肚痛。主角終於講到牛肉！任點任食嘅質素嚟講全部都合格，和牛幾有牛味，牛肩胛，牛舌都唔錯。另外嘢飲都有好多選

呢排天氣keep住涼涼哋真係好想打邊爐🔥之前試過尖沙咀店知道銅鑼灣分店新開無耐即刻約埋friend去試吓😋/餐廳食材會定期轉新，包括湯底/自助區切合返季節嘅主題重點係啤酒梅酒繼續keep住任拎任飲!!🍻/▫️SRF美國極黑和牛片套餐$298/人▫️/湯底揀咗「滋補豬筒骨鍋」湯底本身已經有粟米🌽、紅蘿蔔🥕、紅棗等鮮甜之餘更能帶出食材本身嘅鮮味🤤/QR CODE落單夠方便清晰👍🏻肉類/海鮮類/台式餃子類/炸物類等等都可以喺手機落單📱其餘食物飲品就要去自助區拎驚喜來啦😍😍選擇真係好多！/—飲品—酒精飲品包括：啤酒/梅酒/白酒/真露燒酒/熱清酒等全部免費任拎任飲！🍻(✨驚喜位1️⃣✨)中意飲酒嘅你一定啱心水🤤仲有我至愛嘅自家製茶飲包括：玫瑰花茶/白桃烏龍茶/桑葚洛神花茶仲有近期火熱嘅檸檬鴨屎香茶(✨驚喜位2️⃣✨)估唔到火鍋放題都可以飲到🍋另外仲有自家製珍珠奶茶🧋同其他紙包/罐裝飲品/—火鍋配料—蔬菜類/瓜類/麵類等等基本上係切合香港人打邊爐嘅口味除咗基本配料之外仲有冰菜(✨驚喜位3️⃣✨)唔係間間火鍋放題都有得食嘅蔬菜🥬仲會食唔停口添😋/—熟食—當然唔少得炸物/前菜/涼拌小食/熱葷小食等等麻辣口味/酸甜口味

🍴🍽🍴🍽🍴🍽️🥘🥘🥘🥘🥘🍴🍽🍴🍽🍴🍽位於銅鑼灣廣場二期嘅牛站港島分店啱啱開張，餐廳座位闊落，環境舒適。晚市120分鐘任飲任食，食物、飲品、甜品種類琳琅滿目。銅鑼灣分店新加入咗糯米飯同蛇羹，而且仲有羊腩煲鍋底，啱晒涷冰冰嘅天氣！最鍾意都係佢啤酒同梅酒可以任飲，絕對係超值之選🤩🤩！🥘2號餐: SRF 美國極黑和牛片 $258 (19:30前離座)🥢清甜椰子雞鍋湯底 🆗椰子湯底清甜唔油膩，而且雞肉非常嫩滑😋。🥢肉類 🆙🥩美國極黑和牛片：紋理分布平均，肉味香濃🥩西班牙栗飼豬五花：肥瘦相間，油香十足🥩新西蘭羊卷肉：沒有羶味，必點之選👍🥢海鮮 🆗🦪蝦、帆立貝、蜆、青口、無骨魚片、蝦滑、手打墨魚滑、花枝滑所有海鮮都非常新鮮，海鮮愛好者絕對唔可以錯過😋。🥢必食推薦😋😋：蔬菜區：紫羽衣甘藍、豆苗、冰菜丸類區：咸蛋流心丸、芥末魚籽丸、濃芝豆腐燒、芋泥貢丸、蛋餃、長形蟹柳小食區：台灣香腸、鴨血、鹽酥雞、炸花枝丸甜品區：EKSELENCE脆皮雪條、自製芋圓糖水飲品區：汽水、芒果汁、烏龍茶、涼粉爽😇 評價 𝗥𝗮𝘁𝗶𝗻𝗴𝘀 😇
食物 𝗙𝗼𝗼𝗱 8.5/10
環境 𝗘𝗻𝘃𝗶𝗿𝗼𝗻𝗺𝗲𝗻𝘁 8.5/10
服務 𝗦𝗲𝗿𝘃