牛站(駅)麻辣火鍋放題

营业中

休息中

📍牛站（駅）麻辣火鍋放題 味道：🌟🌟🌟🌟🌟－晚市放題 特上牛小排套餐－
星期一至四成人每位$348（另收加一服務費）
星期一至四19:30前離座 $308
星期一至四21:00後入座 $328
星期五、六、日及公眾假期 每位加$10🍲湯底
今次試左 金湯花膠雞鍋湯底金黃透亮 花膠同雞嘅鮮味完美融合入口濃郁滑順 仲帶有溫潤嘅膠質感 滋補又好味！🍖肉食、海鮮及小食
今次試左以下配料，種類豐富，每款都新鮮美味：❶ SRF美國極黑和牛片
油花均勻，肉質細嫩，入口即化，牛味濃郁，絕對係必試之選！❷ 澳洲M5和牛
口感柔軟，脂肪比例完美，香氣四溢，帶來極致享受。❸ 特上牛小排
套餐嘅重點，肉質軟嫰，油香濃郁，無論涮幾秒定煮耐啲，味道都一樣好突出！❹ 澳洲羊肉片
羊肉無膻味，鮮嫩多汁，加上特製醬料更加分！❺ 大頭蝦
蝦肉彈牙鮮甜，夠哂新鮮，涮後更加帶有湯底嘅香氣。❻ 牡蠣
大大粒嘅牡蠣，鮮味濃郁，質地滑溜。❼ 帆立貝
帆立貝厚肉彈牙，鮮甜味道濃郁，每一口都係享受！❽ 鮑魚
鮑魚細緻爽口，帶有鮮味，涮湯後更加突出其鮮甜。❾ 手打蝦滑
蝦滑彈牙有嚼勁，完全感受到蝦肉嘅鮮甜。❶⓪ 田雞脾
肉質細嫩，完全無

之前都食過其他牛站分店，旺角店就第一次食。牛站俾人感覺都乾淨企理，食物多元化，不論肉類海鮮、火鍋配料、熟食、甜品飲品樣樣齊！價錢合理！所以友人話想打邊爐，我都即時諗起牛站。今次叫咗「特上牛小排套餐」（$348/人）。湯底揀咗香濃蕃茄豬骨鍋＋胡椒豬肚鍋，蕃茄湯酸酸甜甜好醒胃，最重要唔係用蕃膏溝出個種奇怪味，係真材實料熬出蕃茄清香！胡椒豬肚鍋胡椒味好出，辣辣地幾過癮。一開始緊係食咗牛肉先，首推極上牛小排，油花分布靚，入口即化、牛味濃郁，真心唔輸高級火鍋店！另外仲有澳洲M5和牛，肉質嫩滑、有嚼勁，涮幾秒鐘就好惹味；封門柳帶點筋膜，食落煙韌又唔鞋海鮮方面，有齊象拔蚌片、花膠、鮑魚、帆立貝、海蝦，當中象拔蚌片爽脆彈牙，花膠煮完吸晒湯底精華，滑滑哋幾有口感；海蝦夠鮮甜、彈牙唔霉口！火鍋配料種類多到揀唔晒，除咗基本的蔬菜、豆腐、粉麵，仲有台式丸類如芝士丸、蟹子丸，口感豐富；田雞腿鮮嫩冇腥味，仲有平時唔多見嘅冰菜，涮完仲保持到爽脆！自助區方面都有唔少熟食選擇，例如炸雞粒小朋友大人都啱食；麻辣小龍蝦夠惹味又入味，麻中帶辣，啖啖肉，食完再打火鍋簡直一流！「牛站」旺角店水準依舊有保證，環境舒服、食物質素唔錯

牛站真係近年火鍋放題既王者，最貴嘅套餐都只係$348，就可以食盡多款靚牛肉、鮮甜海鮮、花多眼亂嘅火鍋配料、多款雪糕甜品生果，真係大人細路都啱食，絕對係一家大細嘅飯堂！今日適逢屋企人生日，想食餐好啲又唔太貴既，去牛站打邊爐真係啱晒！打邊爐最重要嘅當然係肥牛，佢哋嘅肥牛脂肪比例唔會太多，食得幾塊都唔怕肥，而且肥牛質素絕對唔差，平時喺街市買似嘅質素分分鐘都要$200磅，爸爸大讚佢哋嘅肥牛，話食多兩碟就回本！我自己就最滿意佢哋嘅海鮮，大頭蝦、鮑魚、蠔、蜆等等全部都係任食，味道好鮮甜，今次仲意外發現佢哋有蘭花蚌 同 象拔蚌片，兩款蚌質地都好爽脆，我自己當晚都有encore兩款蚌類！食到咁上下，當然唔少得食返啲甜品同水果啦！當日提供嘅水果有驚喜，竟然有荔枝！我毫不客氣攞咗兩大兜😆😆 表妹同表弟就對各款雪糕雪條心心眼😍😍

火鍋放題首選我一定係牛站 佢每個價位唔同分店我都試過, 可以話每一次都覺得正同唔會失望當日食嘅係lv3價位 係旺角分店食嘅唔同價位嘅分別就係牛嘅質素 同埋會有多好多海鮮選擇 淨係生蠔我都encore左幾次 都幾大隻 煮完唔會縮 食落都鮮甜唔會有怪味 另外仲有鮑魚扇貝可以任叫 呢個價位有極上牛小排同M5和牛 兩款牛肉嘅油脂比例都係比較高 不過油脂分佈好靚仔 牛味都重 但因為油脂多 比較易膩出面自助區都有小龍蝦任拎任何價位都可以叫大頭蝦佢自助區種類好多 淨係公仔麵都有港式同台式飲品除左珍奶 冷泡茶 同大大小小嘅罐裝可樂紙包飲品仲有清酒任飲佢蔬菜類好豐富有翡翠苗呢D放題小有嘅菜雪糕都係另一個回本位 每次都最小有haagendazs 今次就有cookie同vanilla味 另外亦有自助雪糕位同好多包裝雪糕雪條

保持一貫的水準，令人回味，體驗一流！食材新鮮，牛肉尤其出色，肉質鮮嫩，入口即化，令人讚嘆！海鮮、肉類、蔬菜琳琅滿目，鮮蝦同肥牛必試。湯底種類豐富，有麻辣湯濃郁火爆、番茄湯酸甜開胃、冬蔭功湯酸辣過癮，還有清湯鮮美養生，滿足不同口味。服務員親切，隨時添湯換料，收盤快，環境舒適乾淨，適合聚會。價錢合理，性價比高，吃到飽超滿足！下次再來！

好耐無見舊同事喇，約左佢喺旺角食超人氣【牛站麻辣火鍋放題】🤩，旺角店空間大👍🏻，而且門口有可愛打卡位呢🥰~每次都叫鴛鴦鍋😋🥥清甜椰子雞湯最愛之湯底❤椰子香濃清甜味道，好養生滋補!!🥒冬瓜瑤柱豬骨湯🌟期間限定🌟消暑開胃，味道清甜滋陰，有家的味道👍🏻~3️⃣號餐【特上牛小排】🥩特上牛小排大理石般的油花😍，色澤紅潤，入口柔軟有牛味，有油脂香😋。要encore💯~🥩澳洲M5和牛油花分佈均勻👍🏻，入口軟熟肉味濃郁，質素都唔錯呢~🐟海鮮方面，必食我最愛的大頭蝦🤩!!!可以任食大頭蝦，真係好抵呢🤤。🦐大頭蝦滿滿橙黃色蝦膏，甘香濃郁，蝦肉鮮甜彈牙😋🦪牡蠣大粒肉厚飽滿🤩，蠔味濃郁鮮甜!🍗燒乳鴿皇香脆肉嫩多汁，夠哂入味~【特上牛小排餐】仲有黑毛肚、象拔蚌片、蝦滑及鮑魚呢😎~🌎自助區款式好多好豐富!!火鍋配料多不勝數👍🏻~🥬蔬菜類有好多選擇，而且乾淨衛生，仲有特別嘅紫背菜、潺菜及水蓮等任食😍!多款小食、涼拌及熟食可以任食，好啱為食嘅我😂竟然仲有燒腩仔及炸雞，質素都唔錯~台南魯肉有醬油香油脂香，好好餸飯!!🦞麻辣小龍蝦微辣惹味~🧁甜品🍦雪糕區款式好豐富!!!🥭楊枝甘露不能錯過，酸酸甜甜好開胃，好味足料。🧀巴斯克蛋

經常去Daiso 買嘢經過，都望到呢度人山人海，今日終於約到朋友一齊嚟放肆大吃大喝。真心建議嚟食嘅朋友一定要留肚，美食實在多到暈，最勁嘅係午餐可以由12:00食到4:00，4個鐘慢慢食，仲可以中場休息後再繼續食。今次想食d高質d嘅牛肉，所以揀個靚少少嘅放題餐：特上牛小排餐。牛肉：食左特上牛小排、澳洲M5和牛、SRF美國極黑和牛、美國安格斯牛板腱，共4款牛，個人最愛係特上牛小排，牛肉非常腍，帶有牛油香。而澳洲M5和牛就最大件，食落重牛味。SRF美國極黑和牛，介乎牛小排與M5和牛之間，小小腍、小小牛味。美國安格斯牛板腱，呢個第二好食，同樣有油脂香，肉質都算腍。爽脆系列：有多款食物入口都非常爽脆、新鮮。包括：自助區嘅水魷魚、牛柏葉；點餐嘅有黃喉、蘭花蚌、鮑魚、毛肚。脆炸系列：自助區嘅炸物記住唔好錯過，喺暖櫃擺放嘅炸魚皮、紫菜響鈴卷入口仍然鬆脆，打邊爐浸湯最多5秒，又腍又脆嘅雙重口感最正。甜品：蜜瓜軟雪糕香甜、絲滑；榴槤雪條，幾乎鍾意食榴槤嘅都人會識呢枝雪條；榴槤大福即榴槤雪米糍，皮薄芯軟。木糖布甸、牛奶布甸、Tiramisu，不過不失，可以留肚食其他。$308火鍋任食4小時，牛肉真係好靚，抵

位於旺角創興廣場2樓的牛駅麻辣火鍋放題🍲，憑藉其高質食材與多樣選擇，成為火鍋愛好者的熱門之選。餐廳地點便利，位處旺角核心地段，鄰近地鐵站，無論是放工小聚或朋友飯局，交通都極為方便。餐廳佔據整層樓，空間寬敞明亮，卡位設計舒適，桌面夠大，即使擺滿各式火鍋食材也不顯擠迫。點餐系統採用QR Code，效率高且方便，食物送達迅速，幾乎無漏單情況，讓人感受到貼心的服務。牛駅的湯底選擇豐富，其中金湯花膠雞湯🐔尤為出色。這款湯底以濃郁雞湯為基底，加入花膠、枸杞和紅棗慢熬，湯色金黃，入口溫潤鮮甜，帶有淡淡藥材香氣。花膠軟糯入味，增添奢華口感，與食材搭配更能提升鮮味，令人回味無窮。牛駅火鍋放題食材種類繁多，涵蓋高級牛肉、新鮮海鮮、特色蔬菜及台式火鍋配料，令人目不暇給。首推大頭蝦🦐，份量十足，蝦身碩大，肉質彈牙鮮甜，蝦膏濃郁，輕輕涮煮後入口即化，令人一試難忘。每次點單，蝦隻都保持新鮮，絕對是海鮮控的福音。其他海鮮如沙白、帆立貝同樣出色，沙白無沙，鮮味濃厚；帆立貝肥美多汁。肉類方面，SRF美國極黑和牛片🥩是亮點，油花分佈均勻，肉質嫩滑，涮煮數秒即入口即化，牛脂香氣在口中綻放，令人回味無窮。美國安格斯牛板腱和手

久仰牛站大名 咁多任食邊爐情況下依然晚晚爆埸 想必有過人之處 而今次試完確實認為值得再去 食物質素同價錢都非常合理 選擇多 海鮮尤其出色😆😆特上牛小排餐($348)🥩肉肉M5和牛SRF美國極黑牛通常最高層級嘅餐都係呢兩款肉 口感肥美比較香就係M5和牛 鍾意牛味香濃D瘦D就係SRF極黑牛 各有fans 呢個價錢食到最高層級牛都算合理 而且湯底可以揀花膠雞椰子雞呢D 值回票價😆🦪海鮮鮑魚象拔蚌沙白最突出可以話係海鮮 沙白係自己舀嘅 我同朋友食左幾兜 而且絕對唔係hea嘅質素 隻隻都厚肉冇沙 大滿足 鮑魚同象拔蚌就係order嘅 呢個價錢可以任食鮑魚都好唔簡單 海鮮絕對係一大回本位🙃🥟熟食區滷肉飯荔枝蝦球小龍蝦熟食都好多特別菜式 成個自助區都幾大幾有空間感 我就唔敢食太多熟食驚太飽但望落選擇都幾多🍧甜品飲品Haggen Dazz雪糕自家製甜品珍珠奶茶任食haggen dazz呀唔係得一杯 好彩嘅話仲會有期間限定味道 仲有成個櫃嘅自家製甜品 Macaron泡芙奶凍軟雪糕等等 飲品仲有一杯杯珍珠奶茶拎 想戒糖當然都有冷泡茶 酒都有好多款 總之就多選擇🤭🤭

今晚去咗旺角食台式火鍋放題，嘩！座無虛席，好在有訂位，店員好快安排左我哋入座，我哋就即刻揀湯底，因為我唔想食辣，所以揀咗金湯花膠鍋。湯底香濃得勁，味道好撲鼻，料又多！跟住我哋就開始揀嘢食，原來牛站放題真係有好多選擇，例如：SRF美國極黑和牛片，肉質鮮嫩；美國安格斯牛板鍵，味道濃郁得嚟仲有啲嚼勁；西班牙豬五花片，脂肪分佈得剛剛好，煮出嚟更加香；秘裂滷牛筋、手打蝦滑、手打墨魚滑，全部都係精選，好食到唔得了！ 仲有美國特級肩胛肉眼，肉質滑嫩得好似在口中融化；台北鴨血、秘製豬肚、豬腸、蟹棒、牛柏葉、蛋餃、魚皮餃、韭菜餃、油炸鬼，真係唔少得！新鮮蔬菜，選擇多到你眼花繚亂！ 飲品方面都好豐富，啤酒、梅酒、清酒任飲，隨便你揀！甜品就更加多，布甸、啫喱、糯米糍、雪糕、雪條，真係每一樣都想試！ 仲有movenpick及häagen-dazs任食，正呀！好飽～

想吃火鍋的話基本上會想到這間牛站(駅)麻辣火鍋放題，因為選擇真的太豐富了。每款吃一點就感覺飽了！特上牛小排放題（３４８元／人）湯底我們選了胡椒豬肚鍋，意外的有驚喜，味道非常香濃，胡椒味突出，令食物都沾滿了胡椒的香味。而且豬肚也挺彈牙的。套餐肉類都有挺多選擇的，而我覺得最出名就一定是特上牛小排和ＳＲＦ牛，兩者油花較足，口感更嫩滑，特別是牛小排。愛肉味的可選M５和牛。另外還有豬梅肉片，羊肉片等，喜歡吃牛舌的這裡也有！海鮮類的也挺有驚喜，連比較少有的鮑魚也有提供更去了內藏了，生蠔也挺有驚喜的，完全不會腥也挺鮮甜，更有海蝦和大頭蝦可選，愛吃蝦的一定要吃！部份開海鮮可以在外面自取，如大蜆，真的挺方便的。還有些特別的食物，如黑毛肚和田雞腿都不錯，特別是田雞腿口感又嫩又彈。熟食就一定少不了這裡必食的炸乳鴿皇了，新鮮炸起，外脆內嫩，味道鹹香！還有芝麻雞翼可選，味道不錯！外面自取的地方也有超大量的火鍋食材可選，更有熟食，今天有燒腩仔，味道不錯呢！甜品也非常豐富，楊枝甘露必飲，Häagen-Dazs雪糕也是必食的，選擇太多了！

這間人氣火鍋店位於旺角的創興廣場，鄰近旺角及油麻地站，主打任飲任食火鍋放題，食物款式五花八門，尤其可以任食大蝦頭、乳鴿及Häagen-Dazs等，可能是全港最平最抵食的放題。特上牛小排套餐 - $348/位 (星期一至四)肉類方面，特上牛小排有著如大理石般的油花分佈豐富且平均，多汁鮮嫩細緻；澳洲M5和牛的肉味更濃郁；SRF美國極黑和牛片其甜度及嫩度且豐富多汁；美國安格斯牛板腱中間有一根透明的嫩筋，脂肪少有嚼勁…湯底方面，有八款每日新鮮熬製的足料鍋底，清甜椰子雞鍋呈乳白色，散發陣陣濃厚的椰奶香氣，有不少雞件、椰子肉、紅棗及枸杞等，清甜滋潤。海鮮方面，鮮鮑魚已處理內臟，厚肉爽身有明顯的鮮甜味；雪白肉厚的帆立貝有純淨的鮮甜；海蝦爽滑彈牙，而大頭蝦更有甘香的蝦頭膏；沙白鮮甜無沙；象拔蚌脆嫩充滿海水味；竹笙釀蝦滑及手打蝦滑鮮嫩彈牙…熟食方面，燒乳鴿皇燒得外脆內嫩充滿肉汁，有陣陣滷水香氣；芝麻雞翼有香脆可口的芝麻粒；醬爆糍粑煙煙韌韌，咬開流出香甜的黑糖漿…自助區方面，單是火鍋配料便有數十款選擇，亦有多款炸物小食及滷肉飯等台式料理。甜品方面，有Häagen-Dazs、Appolo、Lotte、MEL

今次黎到依間超正嘅任食火鍋店❤️ 出曬名有齊大頭蝦、乳鴿、Haagen Dazs 同埋Movenpick 🤩 餐廳佔成層樓咁大，夠曬闊落自助區勁多野㨂😋 見到都心花怒放✅ 㨂咗酸香開胃嘅蕃茄湯底😋 無諗用黎淥靚靚牛肉，定係鮮美海鮮，都超夾超開胃🥰 整係聞到陣蕃茄香都流曬口水🤭 牛肉有好多樣化嘅選擇😚 有澳洲M5 和牛、美國極黑和牛、美國肩胛肉、美國安格斯牛板腱等等😋 全部色澤鮮美😍 紅潤有光澤🤩 大大塊勁和味🤤 食落軟嫩又可口😎 牛味又濃又香😆 海鮮除咗有勁正嘅大頭蝦之外❤️ 仲有鮑魚、貝類等美味海鮮，全部鮮甜又美味😘 食落彈牙有嚼感😋 同蕃茄湯勁夾勁正👍 仲有乳鴿、小龍蝦等大量美味熟食提供👍 記得留肚食多款一口甜品同埋Haagen Dazs 雪糕😍 全部任食架✅ 超有誠意勁正☺️

同朋友相約放工食飯，諗住可以傾耐啲，就搵咗一間火鍋放題店食！留意到佢哋最近新出有任食大頭蝦，作為海鮮愛好者，點可以放過。好彩我哋收工收得早，唔使排隊就可以入到。坐低冇耐就見到出邊已經大排長龍，原來係咁出名。配料真係好多款，最驚喜係有冰菜！喺街市買都要20幾蚊一斤，所以其中一樣係咁食嘅就係菜冰菜！另外仲有最愛嘅響鈴，呢度連紫菜響鈴都有！香口嘢生根、魚皮、腐竹卷，樣樣都有。牛肉都唔錯，牛味十足，而且有幾款可以揀，好豐足。海鮮種類都幾多，有蜆、帆立貝、大頭蝦、魷魚等等😆😆！推薦嚟試吓呢間咁多選擇嘅火鍋店放題店！

前排同朋友四個人聚會諗唔到食咩好 就去咗食火鍋放題 因為乜都有得食 我哋叫咗中間嘅晚市極黑和牛片餐 每人318再加一 有SRF美國極黑和牛片 美國安格斯牛板腱 同封門柳 個人覺得最好食係封門柳 因為啲肉好腍同埋好重牛味 呢個餐仲有乳鴿任食 而出邊嘅自助區有十分多選擇 熟食有麻辣小龍蝦 炸雞 肉燥飯 藤椒魚皮 日式前菜例如中華沙律 生嘅海鮮方面竟然仲有沙白蜆可以任拎 十分之抵！最估唔到係呢到仲有紫菜響鈴 十分之出色 嘢飲方邊仲有清酒 珍珠奶茶 白桃烏龍等等任飲性價比十分之高！