牛牛台式鴛鴦火鍋

营业中

休息中

成日都同朋友嚟呢間食打邊爐放題，百幾蚊又唔洗加一仲有得揀鴛鴦湯底，仲要早少少喺OpenRice book位或者打電話去就可以，旺角咁多餐廳要等好耐位呢間唔駛等就入得！又好食又抵食

今日同朋友嚟到牛牛台式鴛鴦火鍋食晚餐，其實今次已經係我哋第二次幫襯，呢間火鍋店真係拍得住台灣既質素，我哋一行二人，位置安排咗喺卡位，呢度嘅醬汁非常多選擇，食物亦都好花多眼亂，基本上打邊爐想食嘅嘢都會有齊晒，另外想讚下佢呢度嘅花膠，真係粒粒都好鮮甜，仲要有兩個湯底選擇，我哋兩個人食到勁飽$200都唔使，真係抵到喊！

話說小妹同啲朋友仔OT到夜晚9 點幾，💆🏻‍♀️行過旺角嘅創興睇下有咩好食啦 ！ 見到上面有個大大個嘅招牌圖裡面有啲好靚嘅牛 係度打邊爐一望到呢個即刻令到小妹我啖上頸 ！所以就拿拿聲帶埋成班朋友仔沖上15樓食飽佢 ！👯‍♀️一上到去其實都差唔多10點 但見都仲有幾多人吓店員有禮貌咁安排咗我哋10幾個坐卡位度一坐底即刻叫個靚湯底先啦 ！鍾意食辣嘅我哋緊係即刻叫大辣啦同時間 店員都叫埋我哋一次過叫多啲牛 ! OK 無問題 ! 即刻叫爆佢 ! 湯底同牛都黎得好快 好爽手 ! 而其他丸物同菜 配菜 都係出面有得攞 ! 好快湯都滾埋啦!  即刻落啲牛去Try Try 佢先 ! 一放入口  嗯 ~ 麻辣汁 混合 牛肉 咬落去 又香又辣 又有口感! 貪心嘅我 一吓筷子夾成碟牛嚟食!  而啲牛都好快咁俾我哋食曬啦 ! 不過唔洗驚 ! 呢到啲牛係任叫㗎  所以我地一食完 就加牛 一食完再加! 成程個嘴都無停過 , 而叫店員加湯又快 服務認真唔錯 !! 埋單我哋每人都係百零蚊 ! 都算幾平 ! 下次成班朋友黎到旺角唔知食咩好 ! 都會嚟牛牛 食! 

香港都唔少台式火鍋而旺角呢間牛牛台式火鍋就聽過啲fd講好多次啦佢地都話好抵食!!一直行過旺角都唔記得過黎食今日咁啱想打邊爐就醒起呢間創興既鋪頭出咗名大間 所以都唔洗點等位就可以入座了入座期間睇咗個食物櫃都算多野食基本上打邊爐食開既都有一坐底都叫湯底先湯底種類就唔算多不過可以揀兩種今次就揀咗麻辣同番茄湯!!同一張紙可以叫埋牛同海鮮牛有3款 分別係牛小排 牛梅花 黑牛個人認為黑牛麻麻地 其他兩款都好食既!!送到黎既牛都係鮮紅色 睇得出唔係果啲雪咗好耐既牛而且每款牛都有好重既牛鮮味!!海鮮方面有魚片 魚頭 墨魚 蜆不過海鮮每次俾既分量都唔多所以中意食海鮮既朋友就要瘋狂寫紙了特別有驚喜既係佢地出面拎既肉燥飯!!肉燥汁可以話係超出水準 好食過好多專賣台灣野食既鋪!!火鍋配料中都有不少好食既野!!特別係牛丸 佢地既牛丸唔係一般火鍋店用cheapcheap牛丸而係彈牙裏面又有牛肉汁!!所以都食咗好多!!野飲方面都好多種類 無糖有糖都有牛牛係抵食既 而且種類都真係幾多咁既價錢有咁既質素真係100分!!一定會再黎食!!

一入黎落左單就去拎嘢食啦，啲嘢都唔算好耐到，跟著用紙落單俾員工就顯得好唔耐煩😡，個個員工行過都當冇睇到張落單紙，要舉手叫好耐先會過黎拎張紙去落單。落左好耐都冇到，跟著再寫再落，數量減半。食完啲盤擺係臺出面等啲員工收走啦，佢哋收得就收啦，又冇話一定要佢哋收走，員工就勁大聲咁拎起擺係檯面啲碟，我心捻得罪你咩，拎走嗰盤好難咩，唔拎擺係度都得掛，真係食個飯都要時時刻刻驚啲員工會唔會暴力收碟😓啲嘢都唔算話好難食，但一定唔會返轉頭食。因為有啲隨時都會用暴力對待客人檯面啲碟嘅員工。

雖然嘢食唔算特別好味，種類都唔係多，但畢竟價錢唔貴，場內嘅食物質素同款式都叫對得住個價。但啲服務就真係太離譜，比親啲嘢職員佢哋都唔係就咁接，係一野搶過去，無論交落單紙定埋單俾錢都係咁。最後埋單嗰陣個姐姐一行過嚟就話要埋咗張單先，然後企定定喺度唔走逼我哋要即刻埋單，但又唔俾單我哋睇，淨係自己喺度對住一疊單數數，後尾比張信用卡佢又係搶走嘅。最離譜係，攞返張信用卡返嚟嘅時候，佢竟然唔係俾返卡主(即係我)，而係就近遞俾我個朋友。因為信用卡有啲問題，比佢攞走左兩次試碌，但兩次返嚟都係俾卡我朋友而唔係比我。我朋友都呆一呆，同佢講咗句「唔係我㗎喎」，佢先好似如夢初醒咁俾返張卡我。乜而家啲信用卡可以隨便俾人㗎咩？如果我唔喺位，對面嗰個又唔係同我好熟嘅朋友，俾人盜用信用卡邊個負責？呢個已經唔係服務態度問題咁簡單，成件事好離譜！以前去過好多次，次次啲態度都令人唔太高興，只係唔算大件事所以我都算數，但今次信用卡呢個問題真係離譜得過分，忍唔住先要過嚟投訴。

「牛牛」一間氣氛好好的任飲任叫任食火鍋專門店價錢便宜，而且食物質素唔差，款式又多又唔會樣樣得少少，任你攞任你叫任你食，可以盡情食，當然食得到先好攞先好落單，千祈唔好浪費食物，我最鍾意嘅牛肉款式全部都好好食，俾個讚佢系，火鍋湯底款式又多仲可以鴛鴦，食得辣又得/唔食得辣嘅朋友都可以一齊食，大家吾使就住就住👏👏👏而且座位闊落，我最鍾意座得舒服😽瘋狂食完一輪，唔使出去搵飯後甜品，在這裏可以繼續再慢慢嘆吓飯後甜品，除咗甜品仲有好多雪糕添我哋三位埋單都係$504每人都係$168超值好味抵

$148任食火鍋放題！🍲可以自選兩款湯底，今次我揀咗海底麻辣鍋同馬拉沙嗲錯鍋，都有自選醬料可以任攞，款式非常之多！拎咗醬料返嚟先發現其實唔點，都已經好夠味道👍🏻除咗寫紙仔落單肉類之外，出去拎配料嘅區域都唔少，超過60款選擇。另外佢仲有甜品區款式不少，雪糕，燉蛋，芝士蛋糕，糯米糍等等…….

好食選擇多 價錢平低食好多飲品任飲 麻辣湯底超正👍🏻番茄湯底好香 麻吉燒湯丸口感超鍾意👍🏻員工方面都ok啊！食咗好多次食物都好新鮮👍🏻會繼續幫襯保持水準👍🏻$200有找喺香港要食呢種放題都好難得啦！平靚正

牛牛一向都爆滿！所以要食一定係BOOK枱食！BOOK好八點入座食到佢地差唔多收工不過結帳時間好似有D早，嚇一嚇親好彩佢又無阻止我地食雪糕各樣~醬料區都幾多選擇，沙茶醬、炸蒜乜都有，唔怕撈唔到你嘅心水醬。湯底今次揀咁番茄湯、酸菜白肉，不過酸菜白肉味道真係非常唔夠…好淡反而番茄湯幾出色，大家可以留意下。嚟牛牛大推各種肉類羊肉唔膻，牛肉油花夠，牛味香，牛魔王可以集中試！魚皮餃鴨血任拎，朋友都食咗幾ROUND響鈴淋咗啲，寧可食多幾轉炸魚皮嘢飲方面除左盒裝罐裝，仲有酸梅湯大家飲到悶都可轉轉走之前記得食埋個海鹽雪糕咁就完美喇！不過真係要留意下員工SERVICE大部份都OK，不過趕人走嗰位真係…無啦啦走嚟話而家差唔多(?)又話而家出面無人搭LIFT方便咪玩啦…咪又排龍…純粹趕收工就趕客走…真係唔多好囉…

食左多年，每月都去食，門口2件冇品帶位，係時候講拜拜，加價168之後仲 大部分係下價食品， 餃子出完又冇， 水魷出完又冇，都唔知可以夾什麼食物食，食物質素又下降左，所以我食完走時，見到全條卡位空空是也，必有因，大家上去食不用訂位。

#旺角 #牛牛台式鴛鴦火鍋 朋友介紹，抵食又好食，$168任食，好多醬料，甜品，野飲同自取料，係菜少啲選擇，得3款，娃娃菜，同兩款菇，唔排除因為晏咗出去拎😄湯底叫咗#胡椒豬肚湯 ，好正，好胡椒，好多咸菜同豬肚，又唔腥😍👍👍👍仲叫咗#沙嗲湯底 ，呢個麻麻，無咩味🤷‍♀️啲任叫豬肉牛肉都幾靚，肥膏花紋均勻，係一次黎得3片，要不斷叫😂入面好多張枱，二人枱張枱又細咗啲，不過係卡位，所以都可以嘅

話說本身都有食開呢間，貪佢平得嚟質素又唔算太差。但係今日再去幫襯就非常失望 ，明明每次落單都叫三份，但係上菜都次次都得兩份，但都可以接受畢竟係放題任嗌。但去到埋單找錢嘅時候，我先拎咗紙幣，正伸手拎埋銀仔嘅時候，店員一嘢就合埋塊板光速離開叫佢都唔停，逼我俾咗$4貼士。雖然唔係多錢，但係以半強逼手法焗人俾貼士嘅行為個人認為極不可取。在此提醒各位準備去食嘅朋友，如果唔想無啦啦俾多啲錢，就記得找錢嗰陣要拎咗銀仔先！

嗰啲員工勁冇禮貌， 有個阿嬸仲黑口黑面好似殺咗佢全家咁， 有個帶住隻撈嘅問佢兩句仲串返你轉頭， 至於食物好多冇解凍好， 有啲仲會聞到少少臭臭地，個湯底都算ok嘅， 雪糕就真心建議唔好食， 見到佢哋做清潔嘅時候攞曬啲雪糕出嚟放喺一邊由得佢融之後放返落去， 另外就最重要係嗰啲叫番呢嘅牛同埋肉， 係人哋食淨咗攞返入去之後再攞返出嚟嘅，基本上去到就係畀錢買難受🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮

不知所謂嘅職員！打電話十幾次無人聽，都算啦！終於有人聽電話，佢答一句就即刻cut線，再打去，又答一句就cut線，再打去直頭接線後Hold起電話，無視顧客，我黎過食左好多次，我好後悔幫襯左你哋咁多次！！我保證以後都唔會再嚟！！！