牛気 (MOSTown新港城中心(4期))

呢排终于忙完，返工太辛苦，约埋男朋友去午市打边炉放题马鞍山新开一间试吓啦太辛苦，为咗慰劳自己要拣个贵啲高级啲咩都有啲嘅set!今日试咗Level Five真系好好味呀又有高级日本和牛美国牛 澳洲牛任君选择！仲有海虾刺身好鬼正完全系寿司舖高级质素咁！就算喺一田买都要$六$70得四只我自己就钟意食海鲜！有虾，带子青口，鲍鱼鱿鱼等等虾好好味！睇唔出佢个带子都几好味 唔系普通雪货仲有弹牙爽口鲍鱼😍😍超满足牛肉嘅话我自己最钟意美国牛，佢个牛尾好浓郁啊😍😍怕变肥妹嘅我又唔会觉得太肥除咗海鲜同埋靓嘅肉肉出面沙律吧仲有大量新鲜蔬菜选择，仲有啲好特别嘅人参菜羽衣甘蓝我就食返我最爱娃娃菜，生菜金菇同埋就系呢度系用日本鸡蛋㗎 ！我拎咗劲多粒嚟食 感觉又好味又健康仲有虾滑墨鱼滑牛肉滑冇得弹想讲好似冇乜边样嘢唔好食，可能青口就细粒啲弱啲啰 不过咁多选择你都会拣其他嘢食呵呵呵呵仲有超开心嘅系呢度有豆腐花同中式糖水雪糕雪条乜都有劲满足捧住个肚走同埋呢度啲服务态度系超级好环境系劲舒适因为枱枱之间都好多空间，一张枱亦都好大唔会话坐得你好逼夹好辛苦 摆到成张枱都系有得服务态度二百分！有个叫Karen嘅应该系经理劲，细心温柔🙂‍↕️🙂‍↕️同埋就算过咗时间都唔会即刻讲你走劲customer service好😍今次体验200分…查看更多

牛气呢间日式火锅放题餐厅食极都唔厌，因为佢有唔同价位套餐选择之外，仲KEEP住不定期会有D唔同主题，充满新鲜感👍🏻今次我地拣左食LV4澳洲谷饲黑安格斯牛 + SRF美国极黑牛 + 海鲜放题，$338/位就可以120分钟任饮任食，今期做紧泰HAPPI主题，有多款泰式美食自助放题任你拎，食完火锅再嚟啲泰式小食，真系又辣又爽又开心😎最中意呢到空间感十足，舒适简约设计，食得开心😁自助区酱料区饮品区甜品区火锅汤底：今次叫左泰HAPPI期间限定嘅泰式船面汤底，酸酸辣辣，香料味浓郁，涮肉涮海鲜都好夹😄陆续送上食物，大合照🥰一开头会先送上海鲜拼盘，唔够食嘅仲可以自己落单追加，全部都新鲜，唔系求其货色😉大海虾、爽脆水鱿：爽口弹牙，煮完唔会点缩水墨鱼滑：手打质感，煮完滑溜唔散日本帆立贝、青口：鲜味十足花胶：几有口感，补身又吸汤底精华肉类：叫得LV4呢个餐主打肉类当然系食澳洲谷饲黑安格斯牛同SRF美国极黑牛，两款都系高质牛肉🤤安格斯牛油脂分布靓，涮一涮就食得； 极黑牛肉味浓郁，入口即化；牛舌、鸡腿肉、特选豚肉：全部切得靓，唔会太薄太厚，煮完口感啱啱好😋火锅配料：选择众多，有自助区拎或者手机落单2部分，自助区整体D蔬菜类都几爽脆😉牛骨髓：入口嫩滑；手工白菜猪肉饺：皮薄馅靓；竹笙虾滑：清新爽口，吸汤力强海鲜：除咗开场拼盘之外，仲追加左其他海鲜虾滑：大大粒兼且弹牙爽口韩国生蚝、脆鲷鱼片：鲜甜嫩滑手打黄金虾丸：新鲜弹牙之余内里嘅咸蛋黄味道惹味，再食都唔厌😝刺身：三文鱼刺身切得厚薄适中，油脂香味够；泰式生虾刺身就系重口味之选，酸辣醒胃，食完即刻醒神小食：山椒拌鱼皮：微辣爽口；冬阴功鱿鱼翼：好有泰国街头风味，酸辣够味；凉拌秋葵：清新解腻甜品：食到尾声，少不了甜品环节D24榴梿雪米糍：榴梿控必试，香浓惹味🥰开心果牛奶雪糕：香滑唔腻，果仁味突出；朱古力甜筒：经典之选，大人小朋友都钟意牛气呢个火锅放题真系做到牛、海鲜、泰式三线齐发，120分钟任食任饮，唔止食得饱，仲食得开心。环境舒服，食材新鲜，啱晒一班朋友聚餐😉题外话，社交平台留言仲有小礼品送😍补MENU…查看更多

餐厅环境不错，新装修，食物摆放整齐。食材新鲜，种类多。服务员会定期加添，于是能源源不断提供。牛肉质鲜美，种类多，鸡肉亦幼嫩。无论蔬菜定水果，都比较新鲜，且质量好。服务员亦会不时为我们加汤，点的菜式亦快上，值得赞许！…查看更多

最近先知牛气开到去马鞍山，即刻揾机会黎食。超中意佢地只吉祥物好得意w新店有好多只用黎装饰。汤底拣左牛肉清汤，唔会太咸太腻。叫左佢地既Lv5和牛set，超多款野食可以拣。和牛餐都会赠送一个围炉，上面有唔同牛既部位同海鲜，超吸引。d和牛超靓入口即溶。出面自助吧都好多选择，配料同熟食都好多款可以拣，菜全部都好新鲜。饮品都好多种类可以好好解腻。食完仲可以甜品收尾，除左蛋糕仔仲有雪糕可以自助加。店员态度好有耐性，肉切得好靓又补充得快，座位舒适又唔逼。…查看更多

今次同老婆放假，特登搭车去马鞍山新港城中心揾食，目标直指3楼3229-30号舖嘅「牛気」。一出升降机已经见到块大招牌，门口仲有牛牛公仔影相位，气氛好轻松，入到去更加满意，地方够大够光亮，坐位宽敞，感觉唔似一般火锅店咁局促。我哋两个贪新鲜，直接叫咗LV5澳洲极上和牛加海鲜放题，汤底拣咗西西里蕃茄鱼汤。上汤先，个汤底真系好香，蕃茄味浓郁又有海鲜鲜甜，微酸开胃，滚一滚已经好好饮，完全唔使加任何调味。主角牛肉一上枱即刻有惊喜，LV5级嘅极上和牛，雪花分布平均到肉眼都见到闪闪发光，油脂同瘦肉比例完美。落锅涮几秒就得，牛肉入口即化，油香爆晒出来，嫩到完全唔使牙力咬，牛味又够浓，老婆食第一啖已经即刻眼仔发光，话比好多所谓高级日式烧肉店仲要正。我自己连食五碟都未停到口，实在太邪恶。海鲜方面都完全唔输蚀，新鲜青口、虾、鲍鱼一字排开，全部都好肥美。带子特别正，厚厚一块涮十几秒就熟，青口都好鲜甜，冇半点腥味 爽口弹牙，配埋蕃茄汤底竟然好match，完全唔抢味。放题仲有手打牛虾滑、蔬菜拼盘同小食，全部都好足料，手打牛肉丸弹牙得黎又有牛香，蔬菜新鲜到连菜芯都脆卜卜。整体食到两个人撑到不行，下次会再黎。「牛気」呢间真系隐藏版宝藏，环境舒适光亮，牛肉同海鲜质素高到离谱，服务员又够贴心，经常主动帮我哋换碟加汤。马鞍山居民真系有福，连我哋沙田人都愿意搭几个站过嚟食，下次一定要再试佢个豚骨汤底，强烈推介晒！…查看更多