牛欄牛什粉麵

行过路过见到呢间粉面舖入去试吓，似乎内容都系以牛为主，我就叫咗一碗牛杂河，望到佢张枱系冇乜调味料，冇红醋？非常惊讶😥我未食过一间系冇醋供应，但系竟然有鱼露，似乎呢啲啱泰国越南食店多啲😓，碗汤底非常之淡，基本上系冇用过任何嘢去烹调，牛杂份量一般，个碗就好大好似系汪洋大海咁飘浮俾我见到嘅牛杂，河粉系一般，食开牛杂因为比较肥腻，都想用啲醋去中和下，可惜呢一间系冇，再加上冷气欠奉，热上加热，成个过程都非常痛苦，我用光速食完碗河粉即刻走人，一次冇下次…查看更多

帮衬左好多年，爸爸都好钟意食！汤底好够味，都好香芹菜味，虽然今日再帮衬已加价了，但啲料依然合理同算大旧，唔会好薄片👍🏻如果下午茶时段2点至6点帮衬，仲会送可乐或豆浆一杯…查看更多

其实都帮衬咗都好多年,不过系最近再开返OpenRice A/C先至写下牛栏。我通常都系去食牛三宝、牛脷、云吞、水饺哩几样...个人认为哩几年整体味道偏差唔系好大,但系始于香港大部份食材都系容易价格上升,所以牛三宝、牛脷哩类食材都有相应嘅体积变化...当然系变细件咗...而云吞、水饺就仍然味道偏差唔大...当然同从前嘅一众广东云吞𠮶类味道就一定有分别。虽然,唔系特别好食,但系一到中午放饭就仍然会有好多人帮衬。…查看更多

想食牛腩面就一定过黎荃湾呢间，系荃湾黎讲面算有小名气，地点上唔近地铁，西铁会近少少，但面隔涉，门口有标位可以揸车过黎食 。最钟意食呢到牛三宝，可以一次过满足哂3个愿望—牛腩、牛根、牛肚！份量好够，好足料，啲牛一啲都唔马虎，好有牛味，牛根超林，好似食紧满满嘅骨胶原咁，牛腩半肥肥，都系好林，唔太痴牙，我钟意！金钱肚又系我最爱，所以牛三宝可以初次黎嘅朋友试试佢，我都介绍左个由天水围过黎嘅朋友试！食开元朗咁多间咁出名食牛腩面，佢都大赞好味～咁就知咩料啦。 跟手叫多碟菜心，无乜特别。仲有啲煮耐左少少。又系好林🤣…查看更多

放假出荃湾Aeon，记错开门时间，唯有周围行吓。去望完泰兴饼店(热香饼汉堡12:00先有），回程途中忽然落大雨，冇带遮又未食早餐，走咗入去牛栏牛什粉。一行入舖，亚姐就话未开门🤚🏼，心谂：「你未开始喺门口栋个牌吖！」正要转身离开，煮面师傅叫我坐低，仲问我食乜。本身谂住食碗腩河，见你咁好人，就肥肠牛腩双拼啦！可惜系师傅话冇肥肠，最后只系一碗普通的肠腩河。碗面冇乜惊喜之处，普普通通正常牛腩粉，但就比亚姐触碰到我神经。原来佢哋开11:00！争4分钟赶走个客?!可能以后都唔会帮衬㖞？叫个客坐低等几分钟，其实会唔会系更好的处理方法？饮食业始终系先享服务后享食物，有时好难怪人北上都唔留港消费！食完刚巧停雨，快快比钱走人。是日消费：腩肠河$53…查看更多