可能系调景岭最好食嘅火锅放题牛摩最近推出咗一个新套餐，任食卜卜蚬 x 特选牛肉火锅套餐可以任意享用包括卜卜蚬，多种肉类，海鲜，熟食等超过30款美食，亦可享用自助放题区嘅蔬菜，面食，饮品及甜品。套餐亦都提供咗二人同行嘅优惠，午市套餐有第二位半价优惠，平均每位价格约$220夜晚市亦有第二位77折优惠，平均每位价格约$290。而点选任何级别火锅放题的客人亦可付费升级卜卜蚬火锅。牛魔嘅调味料专区有超过10种不同口味嘅调味料和配菜可以比客人自由组合今期亦都设有麻辣专区，满足各位好辣之人。今次我哋点选咗卜卜蚬汤底以及沙嗲汤底。卜卜蚬汤底上枱嘅时候已经有满满嘅卜卜蚬卜卜蚬基本上都冇沙，而且食落好新鲜，建议可以煮一阵个锅等卜卜蚬嘅鲜味入哂汤，再饮碗汤先至开始渌其他嘢。肉类方面，有4牛2猪1鸡1羊拣，包保拣到你钟意食嘅肉。特别推荐极品牛肉眼，雪花色靓唔会过肥唔会太瘦，入口口感软滑，配埋喺沙嗲汤底煮，浓浓嘅沙嗲味同牛肉鲜味简直系绝配。熟食方面，佢有提供一口芝士，鸡软骨，盐酥鸡，炸鸡块同埋鸡皮饺子等等特别推荐鸡皮饺子，鸡皮煎到刚刚好，唔会太干，但系有香脆口感，一咬落去系满满嘅汁所以记得要吹吹先好食，唔系真系会渌亲个口。同时牛魔亦都提供唔同种类嘅饭，例如卤肉饭同埋牛摩独有既牛摩饭，口感有啲似免治牛肉加紫菜拌饭牛肉味浓之余，配埋紫菜又有啲解腻嘅感觉，所以唔小心就真系会成碗食晒，因为真系易入口又好味。自助区有超过20款蔬菜，仲有一啲丸，肠仔提供俾顾客，仲有寿司提供。而且亦都提供接近10种甜品，包括今次提供咗乌龙桃味嘅软雪糕配上脆片，朱古力片，棉花糖，红豆酱，聪明豆，爆珠等等嘅topping，可以自制自己钟意嘅甜品类型。而自助区亦提供各种各样嘅饮品，包括有罐装汽水，纸包果汁，无糖茶，樽装水，水果味沙冰，咖啡饮品以及新鲜果汁，依家仲可以落单点台式仙草奶茶，包保可以满足你唔同嘅需要。所以话有咁多选择，真系适合一家大细，朋友聚会，庆祝活动，唔同类型嘅聚会，都可以嚟到牛摩用餐…查看更多
