牛市 (已易手)

最初系公司附近开嘅时候已经比个名吸引左😂上网睇先发现原来老板本身系外汇经纪，因为非常热爱牛腩已经钻研多年，依加索性开铺自己煮，难怪会改左呢个店名😆佢地嘅牛腩用上左新鲜骟牯牛，系向本地老字号牛肉商牛皇莫取货。堂食嘅话座位不多，亦摆放得有啲密集，不过小店关系可以理解。系附近番工嘅话可以好似我咁外卖番去食，同样保持到质素💯-🐮咖喱牛腩饭 $68呢个绝对系我嘅all time favourite😋咖哩味道超浓郁，唔系港式果种整法而系重椰汁比较似马来西亚风味（？）不过呢个咖哩系有辣度唔系甜甜地果啲，如果唔食得辣嘅话就要留意下。牛腩每次食都劲足料，口感方面有啲会硬身啲比较有咬口，有啲就淋啲入味啲，配料仲有牛筋、红萝卜、薯仔，煮到淋晒好入味😋-总结：份量加质素绝对对得住个价钱，老板又好人🥺（事缘我对上一次去买冇带现金，谂住有八达通都OK，点知坏咗机🤯跟住老板零犹豫直接一句叫我后数，果下真系好感动🥺🥺点解可以无条件相信一个陌生人唔会走数🥺）希望大家都多多支持呢间小店🙏🏻特别系疫情关系生意真系难做左好多，衷心希望牛市可以长做长有❣️…查看更多

🐂牛市睇到网媒介绍，牛系揾牛皇莫拎货，加埋老板既创业故事，决定去试下佢坐位大约8-10个，坐得有d逼，但都算干净牛筋米 $60牛筋未到入口即化个种，但软硬适中崩沙腩米 $98好大件，老板话系爽腩嚟，半肥瘦肉味浓，唔会韧个日河粉卖哂，所以叫咗米粉每碗面都有配菜木耳同萝卜，萝卜大部分都甜既，但食到一旧好苦😭汤底同岀面唔同，比较清冇乜香料味，后尾越饮越清甜🤣枱面有其他汁酱葱蒜比你自己加👍🏼五香牛展+溏心蛋 +$30跟餐溏心蛋: 正常发挥🤫五香牛展:冻食既，劲淋，唔系岀面硬到擦胶个只👍🏼配埋个啫喱汁好正🤤个汁老板话系用佢煮牛腩个d汁整成，满满既骨胶原🤫洛神花雪梨茶 跟餐微酸，唔会太甜，正常发挥🤫咖哩三宝 $25鱼蛋、猪皮、萝卜咖哩汁似茶餐厅咖哩鸡个味，少少甜微辣🌶️应该就系烚完三宝再系面淋咖哩汁鱼蛋:弹牙，但唔入味猪皮:爽口，但都唔入味萝卜:好入味，但苦既用个汁嚟捞米粉又几好味😂蚝油生菜 跟面 $10正常发挥🤫2个人埋单$223价钱唔算贵牛用靓料，味道系唔错既，汤头主要系清甜，可能有d人会唔钟意咖哩三宝有少少失望，d料唔够入味，但汁系正既睇得岀老板系用心制作，希望下次再嚟会有惊喜💛推荐大家要+$30食埋个牛展…查看更多

高质牛腩牛筋，诚意推介，俾老板对牛腩嘅执著热诚感动而食。老板貌似有叫过人试食，可惜无我份…🤣-🍜 🐄 牛腩河 $60如果无判断错误，老板用了集爽腩和坑腩于一身的挽手腩。挽手腩是筋膜连软膏都有的部位，层次分明，一层筋，一层肉，一层油花，四面都是软胶质。加上老板声称用🇭🇰本地牛，高质的肉自然收高质价钱，值不值得就见人见智了。肉好食，客觉得整体好食与否，分野就在汤底，特登叫咗吸汁嘅河粉。汤底并不是传统的八角，味道比较清淡，配菜有木耳萝卜，若不是欣赏到牛腩嘅用心，的确会大大减分。🍜 🐮🦵🏻牛筋河套餐 $90牛筋炆得入口即融，无夸张，无牙都食到𠮶种淋。我和陈AA觉得特别⭐️但若街坊食开有咬口的，未必会喜欢这种牛筋。陈AA作为一个二十几岁麻甩佬，的确嫌清淡汤底到喉唔到肺，学妈妈咁讲男仔就系钟意食浓味野💁🏿‍♂️若汤底得唔到大众嘅芳心，就有点kick手了。🍹跟餐 洛神花雪梨茶酸的🌸洛神花味，饮不到🍐雪梨味，唔知系唔系现成，但清热解渴。💦🐄 跟餐 五香牛展，🥚卤水溏心蛋普通，和市面的牛展同鸡蛋无太多分别，鸡蛋的确系糖心。🥫枱面有好多调味料，有葱有炸蒜有黑蒜油有盐有豉油，可以自己调校味道。汤底加咗黑蒜油之后冇咁淡🤩小插曲系有个阿姐想食咖喱牛腩，但系唔记得咗边只牛腩，净系话爽嘅有肥嘅，老板话唔知佢讲边种，但可以根据佢口味整俾佢食，我觉得老板真系想人欣赏佢嘅牛腩。唔知道将来老板会唔会继续坚持，定系要向大众嘅口味同湾仔铺租屈服，但系佢嘅热诚最少有一刻存在过。…查看更多

汤底同出面好唔同好入味，但不会抢了牛肉的味道， 而且咖哩调教得好好牛肉完全入晒味😋 萝卜简直系牛肉绝佳的配搭，再加埋自家制的花旗参饮品， 完全另一番风味， 虽然店舖细小，但整体环境及食物都抵赞！…查看更多

是日同honey 去左湾仔的牛市食晚餐牛腩面都系honey最爱的食物位置唔多 幸好都有枱坐除左牛腩面，仲会有埋小食同埋咖哩同honey 叫左个牛坑腩河粉同埋崩沙腩河粉另外点左炸鱼皮 上汤菜心同埋麻辣冷盘跟餐加钱有野饮，可乐同忌廉唔少得崩沙腩河粉崩沙腩都唔少，另外有埋木耳丝食落好重牛味，汤底唔会太浓，肉质爽口牛坑腩河粉牛坑腩河粉比较廋一点但都系肉质弹牙，另外有埋牛根边位，萝卜一整碗食都唔会有肥利的感觉炸鱼皮叫粉面一定唔少得食落脆口，好大碟麻辣拼盘（猪耳，牛肚，豆腐）哩碟小食份量超多，猪耳爽口，牛肚琳身，加埋麻辣另一种享受上汤菜心食咁多肉，点都一定要d菜落肚哩餐牛餐真系食得好满足！…查看更多