牛奶冰室 (黃大仙中心北館)

喺黄大仙睇完中秋彩灯，顺便去咗牛奶冰室食晚饭。叫咗卤水鸡翼捞即食面配流心蛋蒜蓉包，鸡翼口感比较结实，流心蛋个蛋黄效果做得几好，不过蛋香味可以再浓啲。蒜蓉包有少少韧，如果烘嘅时间调整吓会易入口啲。虾仁炒滑蛋饭份量几足料，滑蛋同虾仁舖满成碟，够两三个人分享。上枱𠮶阵热辣辣，虾仁食落爽口，不过整体味道偏淡咗少少，如果再香口啲会更加好。跟餐热饮大大杯，够晒分量。整体来讲，呢间餐厅适合想简简单单食饱肚，如果对味道有要求就可能要拣过其他嘢食。…查看更多

早上7:17落单，蛋同面包太约十分钟有得食可接受，但番茄通粉要我追三次单，7:50先出到通粉比我，今日早上唔系好多人食嘢，真系追到😡先处理？啲员工一啲反应都冇，黑面攞碗通粉比我就算，到底咩服务，我好少写食评，今次😡要写…查看更多

明明无食物盒，但都收$2盒钱，好似抢钱咁。午餐一盒饭一杯嘢饮收$2都ok，早餐无盒都收$2就太过了，第日未必再帮衬外卖早餐，佢本身早餐都唔系平，外卖仲要滥收费，咁大间集团，唔使咁卦......…查看更多

早餐叫乜冇乜，请佢取消张单，我自己再入过，竟然走去喺 walkie 同同事讲我态度差，之后再喺啲熟客面前讲一次。而家啲服务态度真系唔得。我即刻执袋起身走人，无下次！…查看更多

今年犯太岁，星期六嘅早上去拜太岁，黄大仙庙太岁殿犯太岁者可以免费入场，参拜完成后带住老豆去隔离商场食早餐。一入嚟就见到牛奶冰室，好多人喺度排队，全场full House，所以我哋都等咗十分钟先有位。为咗唔使老豆企喺度等，见到隔离餐厅未开，就叫佢坐住喺啲櫈度等。等到有位嘅时候，我再接佢喺旁边入返餐厅，刚刚好有一台客准备离开，店员就话不如你坐呢度啦，方便咗行动不便嘅老人家，服务太好喇。牛奶冰室早餐选择多，㨂都㨂左八分十分钟。我哋点左两个一齐分享食。餐肉滑蛋三文治，厚切餐肉煎香，热辣辣嘅滑蛋夹系烘到金黄色嘅方包入面，就快好似爆泻出来。佢已经切好左一半，一人食一半刚刚好。鲜奶炒滑蛋吉列鱼柳，成条鱼柳有只碟咁大，分左一半比老豆，烤粟米，有四份一条。滑蛋是炒到刚刚熟，上碟嘅时候仲有啲蛋液未熟透。丹麦面包，满满牛油香味，细细块，已经好够食。食紧早餐时，见到佢地有用机械人送面包。机械人穿梭繁忙嘅店铺，从容不迫地把面包送到前台，面带笑容， 这样科技与日常运作结合都系一件好事，可以减轻店员工作量。满分为10分（一分最低，10分最高）食物：9环境：9卫生：9服务：9价钱：9舒适度：9总分：9…查看更多