牛奶冰室 (新葵興廣場)

嚟咗葵兴做嘢见附近冇乜嘢食就食间揾稳阵阵嘅，叫咗个巨人鸡扒劲香葱油饭，真系夸张到不得了！一上枱，哗，成个碟都畀块鸡扒遮住晒，真系超大块，大过我块面！咬落去个皮「咔嚓」一声，炸得金黄酥脆，但入面啲鸡肉一啲都唔鞋口，好嫩滑，仲有肉汁添，火候控制得啱啱好。重点系可以加十蚊要多三只太阳蛋，补充蛋白质嚟讲真系抵到不得了。三只煎蛋煎到少少㶶边，个蛋边脆脆地，正到爆！笃穿蛋黄，啲蛋汁流落啲白饭度，捞埋啲甜豉油，简直系无得顶。个份量十足到呢，我咁大食都差啲食唔晒，够晒抵食。因为控制紧饮食所以就同伙记讲咗唔要葱油，，但系净系蛋汁加豉油都已经非常好食🤟🏼如果你系大胃王，或者想揾啲够晒镬气、食完饱足一日嘅平民美食，呢个饭绝对系首选，诚意推荐！…查看更多

今次去咗一间茶餐厅食早餐，真系好满足！首先讲下个牛肉公仔面，汤底浓郁，牛肉片铺满碗面，面质弹牙，吸满咗汤汁，食落好滋味。搭配个煎蛋同多士，煎蛋半生熟，流心效果超正，多士烤得香脆，牛油同糖浆嘅味道刚刚好，甜而不腻。旁边仲有碟春卷，炸得金黄酥脆，内馅饱满，咬落去听到「咔嚓」声，好过瘾。环境就系典型嘅茶餐厅风格，简洁企理。服务员上菜速度都几快，态度唔错。价钱都几亲民，性价比高。整体嚟讲，呢间茶餐厅嘅早餐真系唔错，下次有机会会再嚟试其他嘢食。…查看更多

辛劳一个早上，送完屋企人上机场巴士，想要一个丰富早餐。葵兴商场除左x心，扶手电梯再上有好多其他餐厅。这间牛奶冰室光猛，好多人食早餐，今日就呢间。餐牌有多款早餐选择，我拣左茶记A餐的火腿浓汤牛乳，炒滑蛋，丹麦酥包。牛乳汤底浓郁，光滑的细通粉配火腿丝，系由细食到大的风味。之前食过有些茶记系用螺丝通粉，有坑嘅通粉，或者火通系一片片上，虽然都系火腿通，但是感觉奇怪。无糖鲜奶麦皮，健康之选，麦皮可以润肠，加上鲜奶已经好好味。滑蛋上面哂咗少少香草，金黄色炒蛋，蛋本身已经够咸，不用再放盐了。丹麦酥包，牛油香味浓郁，可以一片片撕下来食，比平时的方包更加好味。配上热饮热咖啡和热可可，成个人都暖晒，舒缓一下紧张的情绪。…查看更多

难得周末无节目，同妈妈去葵兴行下，记得惠康上面改变咗好多，以前银行同酒楼已经冇咗，依家变左gym room 同几间食肆，望左一轮，我哋就选择咗最多人嘅牛奶冰室。入到去刚好两点三四，店员忙碌地上菜写单，找不到下午茶菜单，便问问店员索取。第一眼就见到西多士，好吸引。阿妈点左个黑糖浆雪糕西多士 $43配热咖啡。黑糖浆加去云呢拿雪糕，可以填补左maple糖浆的甜味，如果夹埋雪糕食，一冷一热，感觉好得意，这样的西多士好味。我就点左一口豚肉葱油捞面 $45配菠萝冰。豚肉切到一旧一旧，可以分两口食，葱油捞公仔面一赞，葱花保持鲜嫩绿色，公仔面软硬适中。菠萝冰，以前茶餐厅的菠萝冰系一粒粒罐头菠萝再加冰，呢一杯一送上嚟系全杯黄色的，饮落去就系打碎的菠萝汁。味道其实更加出色，但是他的冰底有一半，虽然个杯都大，但系唔见得好多，下次可以叫小冰。枱角有广告，爆炸拉丝菠萝包$15，我们又点来试试，菠萝包松软，外皮好脆，中间似系奶皇包的酱，甜甜的。幸好是share来食，一个人吃哂未免太饱。价钱比起其他大集团可能贵10左右，但系比较起上来牛奶冰室质量好又大份，CP值较高。满分为10分（一分最低，10分最高）食物：9环境：9卫生：9服务：9价钱：9舒适度：9总分：9…查看更多

是日路经新葵兴广场嘅牛奶冰室，适逢晚饭时间，于是和友人决定入内用膳。晚餐～～支竹萝卜牛腩煲沙嗲肥牛粉丝煲晚餐跟白饭+饮品牛腩焖到软稔，支竹萝卜好入味，沙嗲味香浓，肥牛配料算多，当中有菠萝，清甜味中和辣味，整体不错…查看更多