性价比高嘅午市火锅放题，2点后入座仲有9折，有10款锅底选择，QR Code 落单够方便，落单到上枱都好快，自助区有多款蔬菜、台湾熟食、有饭有面等等，一大排饮品雪柜，仲有干净企理嘅调味料区。牛极品套餐 $248锅底拣咗唔会太浓味又好少见嘅剥皮辣椒鸡锅。肉类有嚟自美国、加拿大、西班牙、新西兰嘅，顶级牛肩胛肉、牛胸腹、牛板腱油脂均匀，肉味浓，西班牙猪五花肥肉分明，够爽又冇猪膻味，羊唔算好膻，所有肉嘅厚度刚刚好，唔会太厚又唔会纸咁薄，肉质嫩滑嘅😋除肉类，仲有台湾直送嘅饺，饺皮好滑又有地道台湾小食，盐酥鸡、麻辣鸭血，鸭血好嫩滑嫩又唔会一夹即散👍🏻自助区仲有汤、饭、面、蔬菜、丸、台式小食等等；蔬菜款色多又好新鲜，特别粟米超甜；饭有卤肉饭；台式小食有卤水鸡翼尖、卤水猪肚等等；丸嘅款式都劲多，最钟意爆浆咖喱鱼蛋😋饮品选择劲多，有多款自家制无糖茶、汽水、果汁、茶等等，最钟意烧仙草爽同芦荟饮品👍🏻到最后有我最钟意嘅台式甜品DIY，DIY配料好齐全，有芋圆、桃胶、寒天、爱玉、椰果，仙草等等等等；仲有Haagen-Dazs雪糕、雪米糍、DIY棉棉冰，净系食甜品都已经超级满足💯性价比超高，推荐💯临走见到晚市放题仲有特别推广，惠顾晚市火锅放题「牛御品以上」即有夹礼品机会一次优惠一：于「睡康宁」指定专门店买正价床褥或枕头满$500可使用现金卷一张，上限使用三张优惠二：买「睡康宁」Magic Pillow舒压枕$599 可买一送一…查看更多
