愛膳煲仔記

营业中

休息中

路過旺角看見這間新開的煲仔飯店，店舖櫥窗見到廚師即叫即煮，看似真材實料，即管試下！ 叫了個愛膳全家福煲仔飯，打開個蓋完全沒有煲仔飯香，餸同埋飯嘅份量都不算多，食材質素很差，排骨唔入味，雞件很細件，雪肉味很強，鹹蛋黃的顏色是啡黑色的，臘肉及臘腸超肥，整煲煲仔飯，食材感覺很不新鮮，米飯的質素很一般，飯都是細細粒的，整煲煲仔飯不但沒有煲仔飯的風味，更可以話係一個很沒有誠意的製作！ 店舖很努力營造港式風味，但食完之後只有伏味 ！

呢個口味絕對係湖南菜中改得最正的。我老公平時食小炒肉辣到食唔落，但唔辣又唔好味，這家店剛好能恰如其分地mix辣味與香味，我老公竟然可以連辣椒都食埋，真係佢人生中第一次。佢好滿足。同埋食到底的時候驚喜發現D飯焦好惹味（梗係喇因為我係睇住成個煲由生米煮成熟飯㗎）！其實等外賣期間我見師傅即蒸即炒，有支溫度探針一般的插在飯里，應該有控制個temperature做quality control。整潔方面，成個廚房都係櫥窗度一覽無遺，好乾淨明亮，唔洗擔心有小強，呢點我都好like，在我心中已經好過無數餐廳。我點外賣加3蚊仲可以送埋個煲，正呀！

乘車經過，由門面見不少客人在店內吃煲仔飯的畫面吸引了我前來光顧。我當然選我喜歡的辣味系列，最終點了小炒黃牛肉飯配一杯凍奶茶。奇怪地飯濕得嚟又起飯焦，辣味主要是由紅辣椒粒出嚟的。我覺得價錢$87貴價午餐。味道一般。有可能試臘味或排骨可能有油香會更美味。

去過一次，坐仲衰過麥當勞，係咁俾人撞背脊，叫個煲仔飯，一嚟到面目全非，同圖片相差好遠，亂葬崗咁，排骨得骨冇肉，滑雞全部雞冇肉加碎骨，食死人，吐出嚟嘅多過食落去嘅，完全冇一嚿正常好睇嘅肉，仲衰過餵狗，冬菇臘腸好似豬哨咁，認真講，請我都唔會再去

嗌咗個窩蛋牛肉煲仔飯加臘腸，牛肉得幾片，臘腸正常偏甜口味，加兩條菜心$94冬菇滑雞煲仔飯加臘鴨，啲滑雞得手指公咁大粒仲要柴口又好多骨成煲嘢得嗰八粒咁多，我諗應該係煲完湯啲湯渣嚟。冬菇一粒切幾片，個臘鴨又瘦又柴連塊皮都冇，2個飯底係有飯焦嘅但真係好淡味同埋冇乜餸，特別個滑雞真係見到都唔開胃👎🏻👎🏻👎🏻睇吓仲有個蟲草花雞燉湯，一嚟到成碗油，飲落去完全冇味係連少少鹽嘅調味都冇，只係熱水同油🤮🤮🤮每人飲咗一啖試咗即刻叫阿姐收埋佢，個阿姐問完點解就唔出聲收走埋之後亦都冇任何服務員再行埋過嚟張枱啦總括嚟講: 如果未試過喺香港食劣食，一定要入去試吓

呢間過江龍夠胆在旺角挑戰本土傳統美食“煲仔飯”今日一於去會一會佢，星期日，中午十二點半左右到，差不多坐滿，但我一支公執到死雞，剛有一個單丁位，唔使等地方都算乾淨企理，逼咗小小，但香港D租甘貴，合理的。服務恰到好處，叫咗臘味飯，有臘腸，臘肉同臘鴨，有DD湖南臘味風味，但十分好食要強調如果怕肥就叫其它，我極喜歡肥臘味，D油落晒D飯，更令飯焦鬆脆無比，童年回憶返晒來其他本地煲仔飯輸咗幾條街，性價比絕對不弱，只賣$88一定會經常去吃

晚晚經過，剛好今晚想試試自從明苑同好好執左旺角就無煲仔飯一男一女，落單蟲草花炖雞湯（好味夠熱）臘腸雞煲仔飯（味道可以但雞件5件「好細」）香辣排骨煲仔飯（奇怪無得平常咁自由組合，味夠辣）所以叫多份鳳爪（味道有酒樓味道）蒜蓉西藍花（正常，夠平$20）個人食後感想飯真太少，一個煲仔飯基本女士都唔會飽，座位窄同無靠背唔餓又唔會想食煲仔飯，餓又唔夠飽，如果要食兩個先飽嘅話咁價錢又唔值囉總結，嚐鮮可以，價錢唔算平亦唔算太貴，但回頭率30%（真係想煲仔風味時）

就係由於旺角周圍都要排隊，結果見到呢間新開嘅煲仔飯唔使排，雖然都好多人，而且最近都好想食煲仔飯，所以就入去試吓，入面飯嘅款式唔係好多，有煲仔飯或者其他碟頭飯，叫咗兩個飯，一個梅菜肉餅蒸飯，一個臘味雙拼飯，個煲仔飯真係好好食！個飯焦好正好入味，可能始終都係招牌菜式，啲米飯係一粒粒，仲要好有鑊氣，可惜佢冇潤腸，剩係得臘腸，而個蒸飯就好正常，叫咗兩杯檸檬茶，幾好飲，見到好多人買外賣，而我就堂食，都幾多人排隊，不過我好快就有位等咗大概5分鐘左右，下次會再食嘅

見到新開,排隊等左半個鐘,試一試. 點左排骨田雞加臘腸煲仔飯. 個scan QR 落吾到單 ,等order 等左10 分鐘. 之後等15 分鐘可以食得, 一開個飯見到啲餸好細粒, 好彩仲有幾條菜. 但係發現臘腸顏色同正常臘腸完全不同. (有圖）. 五粒排骨五粒田雞+4条菜. 諗住食餸嘅我完全失望 （一個豉油碟仔可以放哂D骨）, 煲仔飯最緊要就係啲餸新唔新鮮好唔好食. D飯算可以, 有焦但未算香. 因為佢用電炉 . （ 明火煲有風味園煲仔飯起碼高佢一班, 銓滿記餐廳小廚雖然用電炉, 但起碼有湯送,D餸夠精美）缺點- 地方逼, 工作人員拿住個煲穿插人堆- 落單apps 用吾到,廢- 餸份量極小,飯剛好- 洗碗就係你地下食飯個房......依家新開還算衛生- 遊客D, 食到成枱紙巾,骨頭. 食過一次,希望之後改下份量. 地方逼無得改,如果諗住食/坐得舒服就真係唔好去