燒肉LIKE (新港中心)

叫咗牛200g牛五花，得2块靓仔，其他都系肥肉⋯⋯食完自己果碟觉得同之前食嘅唔同⋯后尾见隔离叫100g牛五花成碟都靓仔，即系食多啲就俾多啲低质素嘅？劲无奈😮‍💨…查看更多

其实佢加咗一之后呢，我都好少过嚟食今日心血来潮 见到佢有下午茶入去试吓叫咗个六十零蚊点知上到嚟 佢真系够嚿肉俾啲黑色变晒色嘅牛肉你放心，我有图放上嚟嘅唔系吹水 你话下午茶但系唔系话好平真心真系抵冇乜人嚟仲要加埋一你俾啲咁嘅人大家睇吓图片俾啲意见真心讲，我试过叫正价谂住会有啲唔同啦虽然叫咗个牛五花但系佢竟然每一嚿肉，剩系得10%系红色90%都系白色嘅肥肉所以呢间绝对唔抵食我去食返牛角好过啦冇service就学人收加一食物质素就越嚟越差…查看更多

喺尖沙咀附近返工 食饭都唔平间唔中食吓呢啲几十蚊就有得埋单 非常抵食叫左个牛五花猪五花套餐 50蚊左右套餐包埋泡菜 紫菜汤 100g肉 而且白饭仲可以选择份量 100-300g肉份量就算系100g都唔会好少朋友叫咗300g 超多肉😂Lunch嚟讲系啱啱好 炉火够猛 好快就烧熟😋特别钟意食佢呢度啲泡菜 又多又好味…查看更多

话说今日同00后同事讲紧边间烧肉又平又好食，Happy Friday 可以一齐去。我就提议去烧肉LIKE @yakinikulikehk ，因为佢哋最近出咗「北海道乳清猪五花腩四重套餐」，我试过真系无得顶。点知个00后同事竟然话「烧肉梗系食牛㗎啦，边有人食猪㗎？」，真系0尊！#曲 佢一定未试过好食嘅猪先讲得出口，所以我星期五即刻捉埋佢去烧肉LIKE试吓北海道乳清猪五花腩。「北海道乳清猪五花腩四重套餐」（北海道乳清猪五花腩、猪上肩肉、牛板腱、牛舌)(配白饭、汤及泡菜或迷你沙律) $88(200g) / $125(300g)「北海道十胜豚汁」单点（＋$5 ）「北海道十胜乳清猪」以乳清喂饲，喺北海道十胜嘅自然环境入面成长，脂肪含量低、蛋白质含量高，怕肥人士都冇咁惊先。而且睇得出佢肥瘦比例好平均，瘦肉部分呈靓靓粉红色。呢个「北海道十胜乳清猪」配埋「北海道十胜豚汁」，另外单点都只系+$5，味道香香甜甜，烧过之后会有股焦糖香，而乳清猪五花腩本身肉质好嫩好多汁，带有淡淡乳香。猪肉嚟讲真系好高质！套餐同时配搭三大人气肉类部位，包括油脂均匀嘅猪上肩肉，富有嚼劲同肉香嘅牛板腱同 Q 弹爽口嘅牛舌。一次过品尝到四种滋味，超值之选！当然唔想叫餐都可以单点「北海道乳清猪五花腩」，以优惠价（$35(50g)/ $68(100g)）品尝顶级五花腩～另外，小编发现烧肉LIKE主餐目全面升级，新Menu最平嘅经典人气餐「牛五花&猪五花腩套餐」都只系$43起，可以试到两款唔同嘅肉。同步仲加入多款新品，包括「牛板腱&猪上肩肉套餐」、全新配搭嘅「三部合奏套餐」同「迷你牛扒套餐」。每份套餐包括白饭、汤同配菜，小编推荐可以试吓新配菜「盐渍昆布椰菜」同新汤「牛肉萝卜汤」，牛油同牛肉味好香！烧肉 LIKE味道：8/10抵食：8.2/10服务：7.8/10环境：7.9/10…查看更多

由日本东京开到嚟香港嘅一人烧肉专门店「烧肉 LIKE」主打美味、快捷、超值。餐厅环境简洁企理, 不论一人座位/ 大枱都坐得舒适。𓆹 南非和牛肩胛肉套餐250g $𝟷𝟺𝟾𓆹 班戟配牛油枫糖浆 $𝟷𝟸特别试咗全新推出嘅南非和牛肩胛肉三重套餐, 以M8/9 等级嘅和牛肩胛肉做主打, 再配搭牛舌同牛五花, 一次可以试到三款不同风味嘅牛肉部位。肩胛肉肉质厚实软嫩, 油花细腻均匀, 非常Juicy! 牛舌弹牙而且爽口, 牛五花油脂丰富, 肉质软腍。另外仲试咗期间限定嘅班戟配牛油枫糖浆, 用慢火将班戟烧 30秒至两面金黄, 然后放上牛油同枫糖浆, 口感松软, 带淡淡蛋香, 非常满足!…查看更多