燒肉801

营业中

休息中

約咗朋友食我嘅生日飯，俾咗幾間餐廳我咁就揀咗呢一間位於尖沙咀嘅801！原來荃灣都有分店！我哋叫咗呢個店長推介！不過真係一般般，下次可以唔使再叫！首先佢呢塊和牛好似溶晒嘅感覺！好硬！不過係好厚實，其次我哋問店員係咪就咁成塊擺上去燒，因為覺得有啲冰冰地，店員只係叫我哋燒完就攞鉸剪剪開佢，手勢唔好嘅我哋已經一開始擺上去已經有少少燶燶哋，可能我哋手勢唔夠好另外我哋仲試咗好多款唔同嘅牛肉拼盤，其實都唔錯！不過偏肥！有幾款就有啲似肥膏一樣

今日同朋友去咗尖沙咀燒肉801，試咗「志盛2人前」套餐，真係食到滿足到爆！鹽味牛舌牛舌切得薄，燒至剛好，爽脆又唔韌，鹽味恰到好處，完美！黒毛和牛腹柳小排油脂均勻，入口即溶，牛味濃烈，炭火香氣撲鼻，真想再來一份！黒毛和牛上肩肉有咬口，但一樣juicy，牛味濃，適合鍾意有口感嘅朋友。極上厚切牛胸度柳厚切超有滿足感，肉質軟嫩，沾燒肉醬更美味！蔥鹽味雞腿肉雞腿肉醃得入味，皮脆肉嫩，清新又好食。黑毛豚無骨小排豬肉細嫩，無骨方便，微焦香，沾檸檬汁解膩！生菜新鮮爽脆，包住燒肉，減低油膩感，增加口感。日本米飯飯味香濃軟糯。米粒分明，配燒肉汁簡直完美！總括來講，「志盛2人前」套餐真係物超所值，新鮮高質，服務周到，絕對係聚餐好選擇！下次一定會再嚟！**溫馨提示**：記得提早book位，因為好多人食！

今日咁啱喺尖沙咀做嘢，收工嘅時候經過見到呢間舖頭好搶眼，咁啱今日天氣凍，就決定一齊去食燒肉啦。因為朋友都唔食牛肉，所以我哋就叫咗好少牛肉。雖然知道呢度牛肉比較出名，但係都冇辦法啦。呢度係使用QR code落單，睇menu嘅時候估唔到呢到原來價錢都好平，同一人燒肉嘅價錢差唔多，但係環境就好好多。我地就叫咗個黑毛和牛腹柳小排，一上枱已經見到佢嘅紋路好靚，之後食落更加令人驚歎。佢嘅牛肉唔係太肥，但係牛味好夠，而且有少少入口即溶嘅感覺，估唔到呢個價錢都可以做到咁出色嘅牛肉。唔食牛嘅朋友就話最出色嘅係呢個蔥味雞腿肉，佢話雞腿好滑，本身已經好夠味，配埋蔥嘅調味，更加出色。而且呢度仲有好多唔同種類嘅酒，有highball，仲有一大支嘅清酒，啱晒一大班朋友喺度傾偈飲酒。呢間餐廳又平，而且質素又高，非常推薦大家嚟試吓。而且呢度嘅地理位置好方便，同朋友唔同地方放工都可以一齊嚟食呀。

天氣是冷時熱，今個星期又忽然凍返，又想食燒肉啦！原來The One對面地舖開咗間日式燒肉，都幾抵食，三個人食到飽飽$600埋單，平均每人二百蚊，食物質素都唔錯，地方都坐得舒服。電子落單，食物種類都多選擇～ 有加一服務費 牛肉嗌咗三款：《 202鹽味牛舌 $88 》 - 味道幾好，又嚼感；《 205牛板腱肉（汁燒） $88 》 同 《 208美國牛肩胛肉（汁燒） $78 》連燒汁燒完好入味juicy，肉質都嫩；豬肉嗌咗兩款：《 301黑毛豚無骨小排 $68 》 口感爽；《304厚切煙腩肉 $78 》 有咸香；雞肉一款：《 401蔥鹽味雞腿肉 $58 》 肉嫩，配埋蔥鹽好提味；海鮮一款：《 502烏賊 $48 》 即係墨魚，厚身幾滑完全唔韌；《 703日本米飯（小）@$18.0 》 一碗份量都多，可以share。食燒肉配飯係最正！會再嚟！

尖沙咀想食燒肉都有妹多選擇，今日行過呢間燒肉801，見到d午餐幾抵食，決定入去試吓午市既set都配有白飯同埋麵豉湯、另外可以加錢升到紫菜飯楽盛り 腹前牛小排、黑毛豚無骨小排、蔥鹽味雞腿肉加配牛舌，牛板腱所有肉類都好高質，燒到個面金黃色脆口就食得，肉汁豐富好juicy,三種肉都好正神盛り特上牛胸腹肉、腹前牛小排、牛板腱肉呢三款牛肉都好靚，牛脂分佈平均，主推牛小排加配日本熟成豚香腸日本既腸仔真係好正，爆汁得黎仲要好juicy佢地既定食都配左汽水，仲有熱茶任飲既

在尖沙咀見到這家燒肉店好有和風氣氛，而且有好多款燒肉套餐可以選擇，於是入去嘗下，我選了801盛和803盛，送米飯和飲料，還有的新鮮高質肉！### 大判燒黑毛和牛肩胛肉一上桌，便能立刻吸引大家的目光，一大片油花分布均勻，還配上了太陽蛋。火好猛，燒幾秒，就已經微微焦香，放入特製的日本蛋汁，光滑的蛋液輕輕包裹住肉質，讓人沉醉在那柔和而醇厚的滋味中，令人回味無窮！### 腹前牛小排肉色鮮艷，燒完之後便散發出誘人的香氣，咬下去，肉質格外緊實而富有嚼勁，但也因為油花的存在，使得其吃起來既不乾柴也不油膩，同調料相融，相當美味！### 蔥鹽味雞腿肉鮮嫩多汁的雞肉，既有雞肉的香味也有蔥鹽的香氣！### 韓式冷麵麵條質地柔韌，口感滑順，冷麵的湯底是冰涼的高湯，將麵條浸入湯底，吃上一口，涼爽的感覺立刻在心頭蔓延，湯汁的甘甜與麵條的嚼勁完美結合，清爽可口！

🍴 人均300+食到和牛天花板！呢間神戶系餐廳堅正‼️▫️厚切黑毛和牛眼肉扒250g爆汁暴擊！刀切瞬間肉汁橫流💦 大理石油花分布均勻，5分熟最佳🔥外焦內嫩帶淡淡奶香 ▫️杏仁豆腐顛覆認知嘅口感！杏仁香濃到上頭🌰 真係做到好似豆腐口感甘🥬 最強配菜▫️即摘生菜上枱仲冒緊水珠💧包住和牛食解膩一絕 ▫️神戶綠茶泡沫綿密，回甘完美中和肉脂感🍵好味指數：10/10  性價比指數：9/10餐廳名稱：燒肉801餐廳地址：尖沙咀加連威老道14號

我真係超級無敵鍾意食燒肉之前病咗好耐，所以一定要戒口終於等到病好啦，而家可以食燒肉啦我真係超級開心今次回味之前喺日本食嘅黑毛和牛，真係油脂飽滿，食兩三塊已經夠晒，所以今次特意控制份量。揀咗黑毛和牛上肩肉，肉質滑嫩，油花均勻，咬落去簡直就係入口即化；黑毛和牛裹腹小排就係濃郁肉香，肉質彈牙，真係好好味；至於極上厚切牛胸腹柳，肉味濃烈，切得厚厚一片，食完真係想再叫多一份！我發現自己好鍾意聽到燒肉時嗰啲吱吱聲，感覺好治癒，似乎每一聲都喺話我美味就快來啦。為咗中和啲油脂，仲特意加咗份檸檬冷麵，清爽得黎又提升口感，實在係個好選擇！

呢間燒肉店推出嘅午市套餐$58起。首先,每套餐都包咗湯、飯、汽水～～我地就揀黑毛和牛盛就有大判燒嘅黑毛和牛肩胛肉同埋黑毛和牛霜降,肉質特別鮮嫩多汁，好油脂。肉香四溢、入口即化～～～另外一個午餐：炎盛組合就有腹前牛小排加上鹽蔥味雞腿肉。牛肉鮮嫩多汁，雞腿肉燒完更是外脆內嫩。呢度嘅肉質都有水準。除咗主菜，套餐仲包咗湯品，個湯有海帶，唔會太膩。還有就係食物份量十足。呢度嘅午市套餐有平有貴，多選擇～～～～

之前聽朋友講呢間燒肉801好高質 終於比我搵到時間嚟試啦豐盛Single Set包咗黑毛和牛精選小排 美國牛肩胛肉同美國牛肋骨條肉 最鍾意係牛小排 油花分佈均勻 肉質鮮嫩 另外加咗$18升級做紫菜飯 飯入面有埋溫泉蛋 仲包味噌湯添大判燒! 黑毛和牛肩胛肉好大塊嘅肩胛肉! 配埋附送嘅溫泉蛋點嚟食 入口即溶黑毛和牛裹腹小排 (汁燒)燒肉汁帶出咗牛小排嘅鮮味 每一啖都充滿肉汁 鹽味牛舌每次食燒肉必嗌嘅牛舌 黑胡椒嘅調味恰到好處 唔會太過搶味 口感脆嫩兼帶有彈性生菜食燒肉又點少得用生菜包住嚟食 爽脆得嚟又可以中和返燒肉嘅油膩感

心思思想食燒肉，但係又唔知邊間好食嘅話不妨呢一間燒肉801試吓啦，今次我哋就去咗位於尖沙咀嘅分店，喺地鐵站行過嚟都係幾分鐘嘅事，超級方便而我哋就叫咗個#志盛2人前 ，當中有鹽味牛舌、黑毛和牛腹柳小排、黑毛和牛上肩肉、極上厚切牛胸腹柳、蔥鹽味雞腿肉同埋黑毛豚無骨小排，當中最最最吸引嘅當然係黑毛和牛，兩款牛睇落油脂都好豐富，食落口軟綿綿，就算煎耐咗都唔會韌，簡直一流，其餘嘅肉都唔錯，不過係個牛舌質感相對較硬，比較難咬開，較為失色，仲有個厚切牛胸腹柳嘅肉質都稍為有啲啲硬，個比起牛舌嚟講都算好因為驚唔夠食，所以我哋都加咗個冷麵，佢個味道都好好食，食肉食到有啲漏嘅時候食返啖冷麵加泡菜就會清新返少少，只係個份量就真係有啲少，下次都係嗌多少少

呢間日式燒肉店環境寬敞舒適，食材優質，又有多款套餐選擇，而且食完唔會一大陣油煙味ღ801 盛 $198有大判燒黑毛和牛肩胛肉、腹前牛小排同蔥鹽味雞腿肉。每款都各有特色。黑毛和牛肩胛肉油花分佈均勻，肉質鮮嫩，撈上蛋漿入口更嫩更滑腹前牛小排則帶有豐富嘅肉汁，食落令人好滿足，而蔥鹽味雞腿肉口感軟嫩juicyღN2牛板腱肉 $68呢款Lunch 套餐，包日本米飯同味噌湯真係物超所值！（可upgrade 冷麵同紫菜飯）牛板腱肉肉質鮮嫩，搭配適量嘅調味料，完美地保留牛肉嘅鮮美，食落每啖都散發住濃濃嘅肉香我哋仲追加咗牛舌同帆立貝，各$23。牛舌口感滑嫩，而帆立貝則鮮甜可口ღ神戶茶房綠茶 +$16ღ神戶茶房烏龍茶 +$16

今次嚟到燒肉801，位於尖沙咀。主打日式燒肉，餐廳以紅色為主題。入到餐廳唔會好大煙。座位都唔會好迫。推薦二人餐$498，有鹽味牛舌，入口彈牙！仲有黑毛和牛腹柳小排，有雪花紋，油花感會重啲，入口即溶嘅感覺。黑毛和牛上肩，肉質細膩柔軟。而最推薦就係呢一個極上厚切牛胸腹柳 ，因為夠厚同大嚿，保留到入邊嘅肉汁，而且好有口感，牛味濃郁。蔥鹽味雞腿肉，都算新鮮唔會有雪藏味。黑毛豚無骨小排，都好Juicy。另外仲有間飯同埋湯。飲食完都已經夠晒飽。

本身想打邊爐，不過太多人轉戰隔離燒肉店😂燒肉店以紅色裝修為主，我哋夠早去，所以有卡位坐，都坐得舒服嘅🌸🌟志盛二人前套餐 $498套餐有牛タン塩（鹽味牛舌）、黒毛和牛霜降りカルビ（和牛小排）、黒毛和牛上肩ロース（和牛上肩肉）、厚切りハラミステーキ（厚切牛胸腹柳）、ねぎ塩鴉もも（鹽蔥雞腿肉）、豚バラ（黑毛豬五花）-🌟鹽味牛舌厚薄適中，口感嫩中帶爽，帶有恰到好處嘅鹹味-🌟和牛小排肉質非常細膩，油脂嘅香味喺口腔入面慢慢化開，口感好軟嫩，好似半融化咁🌸-🌟和牛上肩肉口感同上一個和牛差唔多，油花好靚，落咗啲味噌醬，所以覺得唔使配燒肉汁都好好食-🌟厚切牛胸腹柳講明係厚切，店員上菜嘅時候都有提及到要燒到半熟先展開再繼續燒，呢個當然冇和牛咁油，烤完之後外焦內嫩，肉質比較有嚼勁，但一啲都唔硬，有肉汁🫶🏽-🌟鹽蔥雞腿肉味道正正常常，搭配蔥鹽可以蘸-🌟黑毛豬五花燒嘅時候好容易搶火，大家要小心，燒燶啲嘅話口感會大啲焦脆嘅感覺，冇咁燶嘅話會食到油脂香🫶🏽有兩種體驗🫶🏽-其實都幾多嘢食，但係想食內臟，所以額外再加咗少少嘢食😍🌟冷麵Set +$38冷麵有青瓜同半隻雞蛋，口感清爽，湯底酸酸地非常食完解膩，另外仲有啲泡菜

朋友好耐無食燒肉，燒肉癮發作。和她放工後，相約到尖沙咀「燒肉801」，解一解癮！😋餐廳使用QR code，是日選擇：1️⃣801盛り(奉送白飯、湯）🔸大判燒！黑毛和牛肩胛肉🔸腹前牛小排🔸蔥鹽味雞腿肉🔸日本蜜瓜汽水（加12元）🍽 黑毛和牛肩胛肉表面滿滿秘製醬汁，味道濃郁。黑毛和牛肩胛肉油花分布均勻，肉質嫩滑。腹前牛小排豐富的油脂散發出濃郁的香氣，仍可保持肉汁。2️⃣雞肉盛り（奉送白飯、湯）🔸蔥鹽味雞腿肉🔸九州雞脛柳🔸九州雞心🍽 九州雞脛柳肉質細膩，不需額外調味，已很美味。九州雞心經燒烤後，滋味豐富。3️⃣蔥鹽味雞腿肉🍽追加了雞腿肉，雞腿肉肉質滑嫩，散發濃郁的蔥香味，食不停口。