燒肉一番 (已結業)

去葵芳唔有定去葵广觅食，葵芳地铁站附近都有好野食。好爵中心一楼有一间烧肉餐厅，价钱几平，所以就决定试吓！网上购物平台有依间餐厅嘅烧肉套餐买，46蚊包一碗珍珠饭，一小碟泡菜，一碗味噌汤，150g肉，一罐饮品。美国牛胸腹套餐$46精选豚五花肉套餐$46牛肉有好多脂肪，肉既部分得好少，所以无论牛定系豚肉都比较好油腻。味道品质都一般。枱面上有两款烧肉酱，黑椒同盐可以沾肉食。泡菜唔太辣冇少少甜味，我觉得几好食。味增汤入面有豆腐海带，味道普通无咩特别。…查看更多

葵芳地铁站附近嘅屋邨商场？一人烧肉几抵食平平地食到烧肉，仲要依家可以额外送多50g肉拣雪糕，鲷鱼烧都得😮拣左鸡脾肉，烧耐左都好嫩，冇雪藏味👍🏻牛胸腹200g都几多👍🏻$79前菜+$5可以转泡菜+$8转紫菜饭味增汤唔会好咸几好酱料款式唔算多不过基本嘅都有呢个价钱好抵食👍🏻款式都几多，啱晒想打边炉又想烧肉👍🏻…查看更多

7点钟繁忙时间都唔系好坐得满，一入嚟企咗好耐都冇人招呼，以为自助入座，入去问咗先知要人带位，再企返门口等好耐先有人应。店入面有其他位都要叫我坐正门口位，适逢夏天夜晚都30度坐正门口位烧肉系非常之炎热嘅。食到一半实在顶唔顺就礼貌地去向店员查询可唔可以调位？亦都表示可以自行将所有点餐搬过去新嘅位置唔需要麻烦店员。但店员一嚟个态度十分无礼，话: 我冇位啊，我有位一早俾咗你啦，我表示店内明显有大量位置，其后店员才用强硬态度回覆:𠮶度七位有人book咗，其实我过程相当有礼貌，也并无强迫一定要换到位，但店员态度恶劣，令人感到不舒服。除此之外，食物质素也是好差，二百蚊一个餐，肉质仲差过烧肉like，紫菜饭用嘅紫菜亦都唔系日本同韩国拌饭专用紫菜，而系大陆圆饼紫菜加啲芝麻落去，味道非常奇怪。泡菜颜色深红好似变坏。而且火炉亦都不够热，要等长时间才煮熟薄牛肉，同时只有60分钟时间用餐，以后不会再来。:(…查看更多

星期五晚，都有7，8成满座，点左特上牛肋肉套餐，所谓特上就系由急冻雪柜直送出来的货色，冻到石头咁，睇到完全冇食欲，其他食物一般。酱料方面有胡椒粉，盐，烧汁，沙律酱。跟其他一人烧肉店没两样。…查看更多

呢间餐厅其实都几杂，除咗烧肉，又有火锅，仲有定食。但之前一直都谂住试试，咁啱系附近，就去食个午饭。一心谂住试烧肉，所以无考虑其他，而烧肉套餐都有十数款，牛猪鸡，不同部位，不同组合，不同份量，悉随专便。牛胸腹 Karubl 精选牛（200g）套餐（$86）套餐除咗牛，仲有白饭（可加钱转特色饭）、面豉汤、前菜（中华沙律），另外加送一款食物，我拣咗牛胸腹（50g）。200g 精选牛胸腹，即系有两盘，但目测两盘都唔似样，放面有label𠮶盘明显比较靓啲，烧起肉质唔算软嫩，牛味都有少少嘅，点埋枱上面嘅烧肉酱汁，配埋白饭一齐食都OK。另外送𠮶50g 普通牛胸腹，就真系十分普通了（同埋都几肥，唯有烧耐啲逼哂啲油出嚟）。但又公平啲讲，唔使一百蚊（不用加一服务费），其实都尚算抵食。…查看更多