燒吧

近月至发现呢间食店,以后有宵夜食， 那里店不太大，但食材新鲜,食物和饮品多选择, 店员招待也好,晚餐至夜了点约埋朋友来还有很多食物选择,地方都坐得舒服, 值得推介去帮衬 （近单车馆去坐巴/mtr都方便）…查看更多

行过见到呢间串烧店，望下门外餐牌📄，价钱几合理㖞，就入去试下啦！地方虽然唔算好大，但坐得几舒服，唔会逼夹。食物选择够特别，除咗基本嘅鸡肉、鸡肾、牛舌，仲有啲出面少见嘅款式，有惊喜！真心推介佢哋嘅盐烧原条马友🐟，真系好香！生蚝🦪好鲜甜，开边鸡中翼烧得啱啱好，鱼卜同鸡肝都好有风味，值得试。（记得要有少少耐性，即叫即烧🔥㗎）钟意饮两杯嘅朋友会开心，佢哋嘅Sake种类都几多🍶，配串烧一流。讲真，好耐冇遇到咁高质嘅小店！我同另一半都算几麻烦🤣，又要干净、又要好食、服务又要自然唔造作... 估唔到呢度全部满足晒！食材同卖相对得住价钱有余，环境仲好Chill，坐得舒服。总结四个字：**性价比高**！👌 真心会再嚟！…查看更多

呢间唔起眼嘅烧烤店，绝对系有诚意嘅隐世选择。佢冇花巧装修，但一入去就感受到份亲切感。环境宁静舒服，唔会太嘈杂，啱晒想静静哋享受美食嘅人。见到隔篱枱叫清酒，店家用上好别致嘅器皿盛载，呢啲小细节睇得出用心。食物系重点，样样有诚意：盐烧生蚝、蛏子(劲大只），用简单盐烧，食到新鲜原味，火候刚好。鸡颈肉，诚意推介！师傅花功夫一条条起肉，食落方便，口感特别爽嫩，值得一试。鸡皮饺子，手作感十足，外皮香脆，馅料惹味，有心思嘅配搭。半熟安格斯牛肉，必食之选！牛肉半熟嫩滑到极，捞匀洋葱粒同浓郁嘅无菌蛋，口感层次丰富。盐烧鸡亦，外皮烧得香脆可口，咬开肉汁满满，证明师傅掌握火候嘅功力。成间店由待客到食物，都感受到一份低调而实在嘅诚意。如果你揾紧一间唔商业化、有人情味、食物用心做嘅隐世烧烤，呢度绝对值得你发掘同支持。…查看更多

去过几次嘅烧烤店，好有人情味，唔公式化，一入去就觉得好亲切。店家会记得熟客嘅口味，呢点好加分。稳世嘅烧烤店，每一次都食得出诚意，每一串烧烤都系烧得啱啱好，用料新鲜。同男朋友去，叫几枝啤酒，静静地倾偈，好舒服。推荐必试：盐烧原条马友：鲜味十足。盐烧北寄贝、蛏子：新鲜好味。牛肉配无菌蛋：呢个真系要试！非常好味！非常好味！半熟牛肉好嫩滑，配埋洋葱粒同捞匀嘅无菌蛋，口感同味道都好正，系我食过数一数二好嘅。真心推介大家去试下，特别系钟意静静地食嘢、倾计嘅朋友。…查看更多

今晚想一个人静一静，做一些自己喜欢的事情。我最喜欢的就系食，所以系openrice 揾下串烧店，但又要静，又要好食，星期六真系唔易。竟然比我揾到，就系呢间「烧吧」，不过，有啲难揾，如果唔熟呢头，真有点吃力。坐低，就叫咗支Asahi, 食串烧唔可以冇啤酒。之后就食牛舌心，算系可以，唔系我平时喜欢食薄薄的片，但系爽果啲，而且大咗少少韧。仲有白鳝，算系唔错。仲有鸡翼，如果唔系试过天后烧嘅鸡翼呢间都算唔错，但系同天后冇得比，最主要系唔够肉汁，但外皮好脆。而明太子则喜出望外地好食！个黄金豆腐烧都非常好食，外脆内热软。仲有烧蒜蓉生蚝，非常好味。因为太好食，所以叫埋盐烧生蚝，不过就觉得呢一只唔系好新鲜，冇咁鲜甜，蚝味都唔够。但系个烧菠萝超级，超级好味，好多汁，仲有外皮系脆。今餐共$486…查看更多