燈籠滷味 (朗豪坊)

营业中

休息中

朗豪坊見到裝修幾靚既台灣餐廳 餐廳係用手機落單 但都會有menu派 呢方面幾好 叫左個午餐set 加小食花枝丸 味道唔錯幾入味 配料真係多 我叫左冬粉本身以為係寬果隻火鍋粉 原來只係粉絲 花枝丸應該係即炸 下面墊左啲沙律菜 勁熱 食果陣要小心啲🥹我就⋯⋯辣親了黑糖珍珠奶綠 幾好飲 珍珠都唔會太林佢茶底有啲鞋 奶比較多 甜就唔會似出面果啲死甜 本身我落單唔小心㩒錯左熱 好彩職員可以幫我換 職員幾好禮貌餐廳有提供紙巾 收銀既話要行返出去門口比

今日4月10號2:30出面收銀短髮女人態度極差，唔知以為我殺咗佢父母！食物方面，湯底好甜，份量極少，旁邊有個客人詢問其他店員關於手機落單的事情，完全冇心服務客戶，回答一下馬上離開，要客戶再次叫返佢轉頭。不過態度最衰都係個短髮女人，俾錢嗰下真係一肚氣，好似得罪佢今！

身為台灣人在香港看到台灣滷味真的超級無敵期待！畢竟家鄉味難得難得～雖然牆上可愛的霓虹燈非常港味但肯定要支持一下但…..剛上菜百葉豆腐中間居然是🧊冰的冰的Omg 然後高麗菜非常的生 感覺很像在吃生菜沙拉！瞬間台灣味美夢破碎～～～如果要說他是台灣滷味我覺得他口味蠻像香港車仔麵的味道但是是冷掉的車仔麵🥲以下是菜單🥲價錢真的超級無敵不可愛！台灣價格香港匯率但在物價高的香港又進駐商場肯定不便宜但希望台灣餐廳可以好好經營！至少不要食物中間是冰的！根本沒煮熟～畢竟在台灣吃真的不是這樣😵如果這篇食評雷到你，希望香港朋友下回去台灣玩記得打開openrice找一家道地的滷味試吃看看～～

當我品嘗這道燈籠滷味時，我不僅僅是感受到了它的味道和口感，更是感受到了它所蘊含的文化和歷史背景。這種小吃源自於台灣，是當地人民常常食用的美食之一，隨著移民和文化交流的發展，逐漸傳到了香港。這道燈籠滷味所傳承的不僅僅是一種食品，更是一種文化和歷史的傳承。當我品嘗著這道美食時，我不由自主地想起了台灣的夜市和香港的小吃文化，想起了那些用心製作每一道美食的人們。這種感情讓我更加喜愛這道燈籠滷味，也讓我更加珍惜每一種食物所蘊含的文化和歷史價值。這種感情也讓我更加願意嚐試不同的美食，探索不同文化之間的交流和融合。因此，這道燈籠滷味對我來說不僅僅是一道美食，更是一種文化和感情的體現。每當我品嘗這道美食，我都能夠感受到其中所蘊含的豐富的情感和價值，這讓我對飲食文化更加熱愛和敬重。

首先講明我不太喜好台灣食物，所以是有保留的。但男朋友今晚突然開聲話想食，我就委屈地陪佢食呢餐吧🥲先不說食物，環境真係好鬼迫。我明白餐廳想做多啲生意…但真係迫到一張長枱坐8個人🙄只用3塊圍板隔住，隔離講咩我都聽到哂，自己講野又要就住就住，完全沒有空間🫠由於我不太好台灣野，為左揀自選餸麵最穩陣吧。嗌左3餸 （墨丸 貢丸 油墨菜）+王子麵。 老實說 叫我食多幾多次我都不太懂得欣賞個湯底，而且王子麵份量少得好可憐⋯男友嗌左呢個肉碎飯反而有驚喜地好食，甚至比我個麵更好！我哋仲嗌左炸雞，蛋餅同糖水。炸雞好熱幾好食，蛋餅就無乜味好啖… 雖然我不太中意台灣食物，但偶爾一兩餐也可以去的

食台灣燈籠滷味多年，呢間香港分店完全唔係果回事，滷水汁完全唔同味而仲好淡味，用料最基本例如甜不辣都唔係台灣味道，問可唔吾以加辣佢比包辣椒油黎😓，都係去台灣先食得番

太掛住台灣夜市小食試試好多人排隊的燈籠滷味人氣蔥抓蛋餅奶油芋泥、肉鬆、起司$56火腿、玉米、起司$54最好味最大驚喜是蛋餅外皮鬆脆香口芋泥完全融入蛋餅麻辣鴨血野菜冬粉$52辣味十足但鴨血未必人人喜歡台灣紅燒牛筋肉滷肉飯$78味道正常沒有太大驚喜招牌燈籠滷味王子麵包括豬耳朵、甜不辣、百頁豆腐、花枝丸、高麗菜滷汁都算入味王子麵好好味Shake shake海苔鹽酥雞$48炸粉不算太厚將鹽酥雞放入紙袋內加入海苔粉搖勻甘梅香脆地瓜條$38甘梅味道清新蕃薯比薯條較少油膩感

呢間燈籠滷味🏮喺香港都開咗一段時間，評價一直都好兩極，但成日喺朗豪坊經過都見到佢大排長龍，而且佢個芋泥蛋餅一直都係我bookmark咗好耐嘅野😗所以終於都忍唔住同朋友去試吓😌嗰日平日夜晚7點左右到，都要等15-20分鐘🤔我哋見個二人餐$198好似幾抵，可以試到招牌燈籠滷味、兩款台式小食同飲品，就叫咗嚟試～點知坐咗一轉直升機☺️🌟「豪豪」吃二人套餐 $198 1️⃣招牌燈籠滷味 配 冬粉 (1.75/5)上枱勁大兜😂😂😂我同朋友見到呆_咗😂心諗呢度都分到幾餐😂上面放上滿滿嘅配料，賣相唔差，好有色澤😀點知食落就….全部配料都普普通通，冇乜味，稱唔上滷味，感覺似自己喺屋企頹煮嘅麵再加啲滷水汁咁😀可能仲入味過佢😀冬粉即係粉絲，超大兜….食極都仲有，不過好乾…冇汁又冇味，食咗幾啖完全冇意欲食落去…以下逐一介紹…🥢蹄膀 原來係豬腳嘅意思🤣其實我本身冇留意佢有咩配料，見到呢幾塊野我同朋友都以為係牛展😀😂望落去係塊乾乾地嘅肉，中間有筋位，咬落去冇乜味，見我連豬同牛都分唔到就知咩事☺️🥢豬耳朵份量算多，味道正常🥢甜不辣份量都好多，食極都仲有😂幾鍾意呢個甜不辣～好煙韌😗🥢花枝丸一開二咁上，夾埋應該等2-3粒，正常

返完公司，仲唔去嘆個lunch🤣，好耐冇去過台灣，勁掛住台灣嘅嘢食，咁啱公司附近有間台灣菜，就去食吓，去到門口，睇吓個餐牌，有滷水架喎，正！不過我無食😂。叫咗個午餐，有個滷肉飯同豬扒，食台灣嘢點可以唔食鹽酥雞同台灣腸呢😋，加$16有份鹽酥雞，再加$14有份台灣腸。豬扒真係好一般，滷肉飯啲味唔香口，唔係咁好食，鹽酥雞夠香脆但唔夠味，台灣腸好食👍👍，連埋杯凍飲+$3，同+10%服務費，埋單$119。

🍴二人「豪豪吃」套餐 $198 凍飲加$3 配料外加$5🔸招牌燈籠滷味 （蹄膀 豬耳朵 甜不辣 花枝丸 百葉豆腐 高麗菜 烏東）💁🏽‍♂️唔錯👩🏻滷味撈烏東好入味好好食😋 最好食係百葉豆腐 豆香彈牙 其他材料份量合適 味道正常🔸人氣蔥抓蛋餅💁🏽‍♂️嗯 幾好👩🏻奶油芋泥口感結實香甜、份量充足；肉鬆甜甜地加上蛋餅外皮微脆🥰🔸古早滷肉飯💁🏽‍♂️正常👩🏻細細碗滿足我想食滷肉飯嘅心，少少份量，兩個人食完仲有肚食其他嘢👌🏻🔸珍珠奶茶🧋💁🏽‍♂️好淡，唔好飲🙈🔸茉香綠葉仙草👩🏻叫咗少甜，賣相一般，但甜度完美，有味道之餘完全唔會覺得甜，清清地有茶香👍🏻

見到好多人幫襯，食評又好多好評，咁岩又好鐘意芋泥，所以就外賣左一份肉鬆芋泥蛋餅🥞 食左之後，係超失望🤣🤣芋泥既甜度非一般人可接受😅係一直都咁甜定係當日錯手落多左😝 最後撩走晒啲芋泥先變返正常味🤨

旺角好多好野食但唔想搵路黎朗豪坊美食廣場大把野揀見呢間野唔洗等位又想食台灣野就試下鋪頭好多台灣特色擺設午市套餐揀咗滷雞翼配滷肉飯 ($78)每款飯都有配菜同蛋跟餐有野飲 我就加咗$14要杯黑糖珍珠奶茶大大碗飯 (已叫少飯) 有4隻雞翼 滷肉份量都好夠兩款我都嫌唔夠味 雞翼唔夠入味 好彩嘅係雪味唔係好重滷肉方面可能我比較重口味 覺得唔夠咸可以讚嘅係佢有適當份量嘅肥豬肉唔似有時喺香港食到嘅滷肉飯瘦肉居多 冇晒台灣嗰種嘅口感可能不嬲食開清淡啲嘅人會覺得呢款滷肉味道啱啱好另外出街食黎講 佢個飯配嘅菜都幾多天氣凍叫咗熱珍珠奶茶少甜上到黎暖暖地可以即刻飲 茶味唔夠濃 可能要叫黑糖珍奶綠先多啲茶味

今日再到朗豪坊工作，到達後先揾地方食午餐。對上一次幫襯燈籠，食物方面較為普通，今日想再試多一次。叫咗紅燒牛展滷肉飯，牛展煮得好夠淋，而且夠晒入味，而滷肉亦十分香口。今次燈籠的食物相對惹味，食物連加一差唔多$90, 但會推介俾大家。

仲以為好好食，點知好難食😵‍💫😵‍💫叫咗一份滷水雞翼🍗雞翼完全冇味，只有大陣雪藏味。另外叫咗一份蛋餅，好乾。全晚最難食係排骨滷肉飯排骨硬到爆，乾到爆，完全食唔到有滷肉，似食緊白飯多啲🍚 飲品方面，炭烤烏龍奶茶，一句好似水咁淡，好唔掂🤢🤢 唯獨個鹽酥雞，係全晚最正常🍗服務方面， 的確幾呀，係全晚唯一一樣可以讚賞嘅地方👍🏻全晚總結：無論嘢食定係嘢飲，都唔係好掂，搵唔到再去幫襯嘅原因🥴唔會再有下次☹️☹️☹️

今晚到朗豪坊睇戲，順便試吓出名的台灣夜市美食🤣有去台灣的感覺🤣掛住好耐了🥲朋友推薦初嘗試😋欣賞佢哋滷水味唔會太鹹👍🏻出面一般滷水汁重重豉油味最好味是芋泥超級甜🤩值得一試😘今次點左以下 ～招牌燈龍滷味推介👍🏻 牛筋肉鴨胗雞翅膀😋 ～芋泥肉鬆蔥抓蛋餅🥞超正❤️😘 ～燈龍古早滷肉飯(小碗）🍚👍🏻 ～燈龍芋見你🤩 好好味 ～(凍)燈龍黑糖珍珠奶 🥛👍🏻 ～(凍)香烤炭焙烏龍奶 🥛👍🏻