！餐厅话大唔大，话细唔细，喺柱位多，格局都可以一眼睇晒，左右两边喺啲四人卡位，中间就喺啲活动式二人散枱，装修简洁，环境四正，墙上就有好多本土风情彩绘，都喺百姓日常场景。虽然全院满座，人手又似乎唔多，但几个阿姐都好快手快脚，亦好有礼貌
。一张点心纸就罗列晒所有款式，大部分会喺见惯见熟嘅款式，数数吓，都有超过50款之多，睇落定价都算相宜，外卖自取仲有88折添。顺带一提，茗茶每位收$6，全日无加一，只喺标示咗繁忙时间用餐50分钟，一般而言，食呢类点心专门店都差唔多喺呢个时间左右。
杨枝甘露糕 $24
打算点嚟当饭后甜品，点知第一道点心就喺佢，所以，就当冷盘啦。入口清甜嘅芒果味都几浓，糕身本身做得几挺实，混入西米自然令口感唔错，最正里面有唔少柚肉，冰冰凉凉，当前菜冷盘都OK㖞！虎皮煎酿尖椒 $29呢个喺老婆至爱，一客有4件，有啲辣，有啲唔辣，无样睇，煎得好香口，有少少辣劲喺好食啲，而且酿入好多鲮鱼肉，打得弹牙，全晚最欣赏嘅点心。何解叫「虎皮」尖椒，因为以高温油炸后或煎过，青椒嘅表皮焦干得嚟似虎纹，但似唔似就见仁见智喇。蒜蓉墨鱼头 $36少有食呢款点心，亦非常见，所以，专登点一客试试。相比起其他点心，佢份量唔多，不过，又真喺几好食，一来啲墨鱼头（其实有唔少喺墨鱼须）咬落爽口烟韧，二来满满蒜香，下面仲热咗少少粉肚丝，当要唔好错过啦。香茜牛肉肠 $27肠粉相信喺嚟得饮茶嘅人都会必点菜式，几款选择中拣咗香茜牛肉肠，睇落唔觉，但食起嚟肠粉皮有少少厚，不过，都几滑，至于啲馅料，牛肉落得一啲都无手紧，塞满晒牛肉，非常足料，有相你睇，而且，加咗芫荽，更添一份清香味。蒜蓉开边虾笼仔蒸饭 $48正谂紧嗌盅头饭定笼仔蒸饭，最后，都喺后者有啲特色，蒜蓉开边虾喺老婆较心水嘅口味。其实就唔喺咁觉啲荷叶味，但食落啲饭粒，感觉都有少少荷香，加上饭粒软熟，淋上秘制豉油，再捞埋啲蒜蓉，斋饭都好好食呀！而啲开边虾虽然细只咗啲，但份量多，个饭都好抵食。姜汁千层糕 $22最后，点都要嗌番个甜品食，就后加姜汁千层糕。一层又一层做得细致，唔难做，但都喺功夫嘢，入口糕身烟韧而有弹力，又唔黐牙，姜味非常突出，但就唔会重到焫口嘅感觉，几合小弟胃口，老婆就更钟意佢够姜。普遍上，点心专门店嘅定价点都比去酒楼抵食，所以，是夜见咁多捧场客。加上地理位置好，晌太子嘅大街之上，咁旺场都不无道理，服务又唔错，人少少嚟过吓点心瘾都几唔错。…查看更多
