熱沙咖啡

近年，马湾多咗1868呢个景点，当中有唔少宠物友善餐厅。不过，当2人1狗嚟到马湾，我即刻就想嚟呢间餐厅。虽然呢度冇海景，但狗狗可以喺室内用餐，而且店员友善、好客，上年嚟过1次，已经念念不忘。今年喺马湾3日2夜staycation，就连续嚟咗2日。周五傍晚嚟到，发现室内座位摆设同上年唔同，而食物款式就冇乜转变。我点番曾经食过的伊斯坦汉堡，狗狗爸爸就试卤鸡肉饭，另外再+$30点1客土耳其开心果酥饼。星期一至五的餐点价格优惠，汉堡只系$48，星期六下午再嚟，就得番主菜餐牌，而我哋就试咗主餐牌入面的香草鸡肉卷饼同鹰嘴豆酱配芝麻圈。伊斯坦汉堡，鹰嘴豆酱：$48；钟意呢度的主菜会配新鲜沙律，健康，好食，仲可以同狗狗分享；汉堡包好大个，面包经过烤烘，外脆内软；馅料丰富，有鹰嘴豆酱、片装芝士、生菜、生洋葱同甘笋丝沙律；甘笋丝沙律酸酸哋，味道特别、开胃；生洋葱唔辛辣，微甜；鹰嘴豆酱调味清淡，有豆味；食汉堡时幸福感满满，非常满足卤鸡肉饭：$58；份量足，几大碟，不过狗狗爸爸话鸡肉几咸土耳其开心果酥饼：原价$68，跟餐/主菜+$30，可以一试；甜品的骰，有1小杯云呢拿雪糕，面头洒上少量开心果碎；雪糕以奶味为主；开心果酥饼由一层层类似拿破伦酥皮制成，夹层应该系开心果饀，但开心果味唔突出，冇乜坚果香；土耳其甜品普遍偏甜，热量高，呢个酥饼亦唔例外，幸好佢份量细，加上我哋2个人食，唔算太漏；一试无妨，但香港人未必会爱上香草鸡肉卷饼：$98；虽然有啲贵，但份量可以；狗狗爸爸觉得味道唔错，调味偏淡，佢话如果鸡肉香辣少少会惹味啲鹰嘴豆酱配芝麻圈：$88；主餐牌上有另一个近似素食选项，由格仔饼取代芝麻圏，价钱平$10，问店员两者的分别，佢话格仔饼烟靭啲，有𡁻口，而芝麻圈会较香脆、可口，所以，拣边款主要视乎个人口味；我拣芝麻圈的原因系睇图片佢比较得意、有特色；上餐时，芝麻圈已被剪开，分细件；芝麻圈果然香脆，有啲似pretzel，就算唔系特别钟情香口食物，我都觉得佢真系几好食；鹰嘴豆酱几大碟，调味温和，健康饱足狗狗食评🐕📝：食物🍽️：呢度啲嘢食都有沙律菜㗎，所以，我有好多菜菜食，亦食咗少少面包同鹰嘴豆酱环境🌳🪑：我可以入室内坐，有冷气叹，而食客同店员都好欢迎我；虽然餐厅唔算大，但都可以放我的战车，而就算我想落地行亦冇问题宠物友善度💖：餐厅店员对宠物态度好，但暂时未有宠物餐或为宠物而设的设施…查看更多

垃圾餐厅0服务 - 入到去完全冇人理，叫你自己扫code落单，追单0回应，仲够胆收人+1服务费1个钟都上唔到菜 - 落咗单一个钟完全冇任何嘢食，讲紧全场10台客都冇，问个侍应净系话今日好多甩漏，每台都有嘢争，问佢开始整我哋𠮶个未，净系识匿埋喺厨房扮有跟进紧，出返嚟完全冇再理过我哋，在下两次出餐都唔系出俾我哋，讲紧系我哋坐咗一个钟完全冇任何食物喺枱上面，一丝抱歉都冇，完全影响心情。人生第一次嚟马湾就体验到咁样嘅服务对待，如果佢哋系马湾人都真系影衰晒。总括而言，千祈唔好入去中伏，警世！！！…查看更多

放假有时唔想北上或者去旅行，留喺香港都唔错，虽然好多朋友都话香港冇乜地方，但今日我哋就去咗马湾，呢度都几多嘢玩天气咁热，都行得舒服啲，行一轮之后，我哋就去咗一间餐厅佢哋呢度好特别，餐饮＋加$80参加疗愈工作坊，玩画碟、马赛克创作，玩得开心又疗愈✨，放慢步伐，悠闲一整天～食物方面，价钱唔贵但嘢食几好食，如果系同女仔嚟呢度就啱晒，好多影相打卡位，但系我哋两个男仔过嚟都玩得好开心，工作坊完咗之后就日落，呢度影相都好靓，下次同朋友再嚟…查看更多

好多年前同朋友去过呢间餐厅旺角嘅分店，𠮶阵时觉得嘢食唔错，不过好似几年前已经关门了，有啲可惜最近先知道原来佢哋喺马湾开咗，好似都开咗几年，系疫情开始，不过马湾真系有啲远，所以今日先有时间过嚟附近有好多嘢玩，同小朋友嚟嘅唔错，环境方面同餐厅都坐得，同以前一样有煮食教学，可以一边食一边玩我就钟意轻食，无论牛角包定咖啡都好好味，每样食物都好有质素影相同打卡真系好开心，放假嘅话同朋友嚟都唔错，下次同其他朋友都会再嚟…查看更多

想试土耳其菜，所以同屋企人山长水远去喱间餐厅，餐厅内得返一张坐得落三个人嘅枱，但系就已经俾人book咗，个waitress(应该都系店主之一），就话𠮶张枱之后一个钟有人book咗，所以一个钟内要交枱，咁我地就觉得一个钟都够食嘅。点知等佢出餐都等左半个钟，好心佢出餐时间要咁耐，就一早讲声啦。三个人order左三个餐，连杯水都冇，喱野食又油又咸，又要我地半个钟内食完，我同个waitress讲话想要杯水，佢就真系净系斟一杯水我，比多两杯都冇，价钱唔平不单只，食物又野难食，服务更系差差差差差，食到一肚气。咁样做生意，简直系赶客，既然冇心做就冇做啦。…查看更多