路过青衣城朋友选咗呢度食午餐～熟客。睇吓得唔得～叫咗二个海南鸡饭，鸡丝大虾汤粉，槟城海鲜喇沙。先讲海南鸡，真系食过咁多次，真系好小见到啲鸡系白色而唔系黄色，鸡肉唔够滑，啲油饭又无油饭应该有嘅味，如果以马拉或新加坡餐厅嘅收货嚟讲，真系唔收货，除咗唔够滑有一二件啲肉有啲梅嘅感觉，即是新鲜度嘅问题。另外加了二个小食，以单边鸡翼比较入味，网虾春卷一般。其他二样汤粉同喇沙，我无份食所以评论唔到.但见二人都清碗，应该不错。另外想讲吓呢度嘅服务同工作态度～先讲下服务嘅质素，二海南鸡饭放底咗，个盘无饭嘅？我以为垫喺啲鸡嘅下面，撩开啲鸡～又无，如是者，等咗五分钟，开口问侍应，佢至记得攞嚟，真系咁者得？到埋单俾咭，个四眼哥哥俾张单我嘅时候，好似我欠佢好多钱咁，除咗应有嘅笑容无之外，真系多谢都无声。如果你属于经理级，你公司真系多得你唔小，你如果系茶记或大排档，我真系唔会有呢个要求，你间店系中上店，就应该有中上嘅质素。要记得，你公司系有加一服务费！系～服务费！！埋单连加一，410回头度～4/10食物质素同服务有待改善。以上纯粹本人分享食后感，绝无收取任何利益和优惠。…查看更多
叫咗一个海鲜喇沙非常足料，有两只虾，豆卜鱿鱼芽菜之类，而且汤底都好浓郁，少少辣，但系椰浆味都够重，一个人或者分享嚟食认为都好满足。槟城海鲜鸭蛋炒贵刁超级推荐大家食呢个
因为用鸭蛋炒，所以比本身嘅蛋更加香，河粉系泰式河粉同香港一条条嘅唔同，食落去更加烟靭又咬口，仲有腊肠鱿鱼芽菜青口同埋虾做配菜，口感更加丰富同埋丰满，而且份量好多我一个女仔食唔晒可以同人分享一齐食！佢嘅午餐套餐仲可以价钱配唔同嘅小食，但系我去到嘅时候就有好多都冇得拣，所以拣咗椰汁西米糕试吓，紫色应该系芋头类做嘅，入面亦都有粟米粒同埋芋头粒，造型𠮶度有心思，唔算太甜都几好食，注意份量如果已经嗌咗两个午餐主菜有机会食唔晒哈哈
下次有机会都会试吓晚餐同埋其他菜式。
