熊貓小雲吞 (慈雲山中心)

记得细个成日食炸云吞，依家大个咗之后，好似好少见餐厅有卖。有日突然想食炸云吞，所以上网就揾到依间餐厅~餐厅主打系云吞，今次我就点咗酸辣粉、炸云吞同芝麻手撕鸡~(酸辣粉系有其他配料的，但因为我唔食，所以走晒配料剩要粉)((粉可以拣辣度，我拣既系小辣))我点既系鲜虾云吞，云吞即叫即炸，拎到手个阵啲汁已经淋咗上去，所以食个阵稍微无咁脆口，不过味道刚刚好。手撕鸡有好香既麻油味，鸡肉好软，鸡既份量都ok(手撕鸡系收银处旁边既雪柜，比完钱自己拎。)…查看更多

一口鲜虾豚肉云吞配老坛酸菜鸡汤底系我每次去间舖头嘅必点菜品，无论堂食定外卖，份量都系一样。尤其是小云吞，粒粒配上鲜虾猪肉，味道丰富，而汤底亦十分浓郁。绝对系一个人嘅浪漫。…查看更多

熊猫小云吞喺各区都有分店，主打价廉物美嘅云吞同埋川式小食，啱晒谂唔到食咩嘅时候去医肚。适逢下午茶时间，见到有下午茶餐牌，就拣咗鸡肾凉面同埋高丽菜云吞担担面。 估唔到就算下午茶份量都咁多，女仔嚟讲真系好容易食唔晒，鸡肾凉面嘅调味啱啱好唔会太咸，仲有唔同嘅配料；高丽菜云吞大大粒，配埋担担面十分饱肚。下午茶仲可以加配小食，今次就食咗红糖糍粑，红糖糍粑外脆内软，加埋红糖酱亦都唔会太甜。今次仲嗌咗招牌一口豚肉小云吞，喺五个口味里面就拣咗黄金鲍鱼豚肉云吞同埋鲜虾豚肉云吞，两款都好好味，够晒足料，非常鲜味。舖头入边仲有好多唔同酱料同埋配料可以买走，咁啱枱面有樽香辣菜脯可以夹黎食，食过觉得几好食，所以买咗一樽返屋企，价钱又平，真系好抵食！…查看更多

今朝早上食咗个老北京淡淡面加云吞加豆浆！成为$61。呢个价钱系中环茶餐厅早餐差唔多！入门口冇人得我一个都知Lailai地嘢，好啦咁个面用花生酱沟水开出嚟真系麻麻哋淡猫猫，要求加花生酱两大妈不满意仲同我争论啲嘢食系咁样冇办法！两位职员都系大妈级明白做煮个面烚吓云吞切下料好简单，但其实对客就一啲都唔简单，她们没有职业道德标准，没有服务标准质素，没有对自己出品抱有热诚，大家都知香港饮食业发生咩事就系太多大妈服务员。完…查看更多

无饭煮妇，长期都买外卖近期一家人都钟意食熊猫小云吞最爱就系食佢哋嘅招牌小云吞，一口一粒，仲有唔同汤底可以拣～鲜虾云吞拣咗虾米紫菜汤，小朋友最爱韭菜云呑拣咗老擅酸菜汤，超级开胃每次好食到系连汤都饮埋😋就算云吞细细粒，但都好有咬口。仲试咗佢哋新产品麻辣京葱豚肉饺子🥟每只都好饱满，大大只不过就食唔岀麻辣味，但京葱好香口凉拌皮蛋，有大量芫莤，加上辣汁重庆九转肥肠红薯粉，够辣肥肠够淋仲有佢哋嘅辣菜脯，必食！我都买一樽平时煮面食，又辣又开胃…查看更多