喺OpenRice已经收藏咗呢间餐厅好耐，一直都未有机会去食，今次终于去食啦，一早打咗电话去book位， book咗7:00 ，不过我哋记错时间，以为系六点就去到，点知原来餐厅6:30先开门，但系餐厅好好，我哋揿钟问可唔可以入去坐先，佢都俾我哋入去坐，仲已经可以开始食，店员非常友善。店员会同我哋解释食嘅流程，一开始系食鸡煲，可以任食鸡煲，食完之后就上蒸海鲜，之后就可以转火锅。餐厅比我想像中细，通常放题餐厅嘅座位都几多，餐厅都比较大，而且呢个仲系无限时任食，但系竟然只有10张枱左右，类似系一个居酒屋改建嘅，因为佢攞嘢食嘅位置，睇落都应该系一个居酒屋嘅吧枱位置，餐厅细细的，一眼睇晒，不过冇乜人食，我哋由六点食到10点，都冇坐满。任饮嘅罐装饮品款式都算多，仲有啤酒出面自助区有好多款式嘅丸、菜、火锅配料可以随便攞，亦都有酱汁，仲有已经可以食得嘅炸薯条同埋炸腐皮卷另外仲有雪糕同甜品，甜品有木糠布丁、豆腐花、蓝莓奶冻等等首先食鸡煲我哋叫咗唔辣，个酱汁甜甜地，几好食，啲鸡都好嫩滑，唔会太鞋太干，亦都唔会有好劲嘅雪藏味之后食蒸海鲜呢个蒸海鲜只需要喺现场like and share佢哋社交平台就可以有得免费食海鲜份量系计人头，我哋三个人就每款海鲜有三份，有扇贝、蛏子、虾、蚝，全部都几好食，唔会太熟咬唔开，有蒜蓉蒸几好食火锅方面，我哋叫皇牌套餐，每人$230，仲要免加一，好抵呢可以任食牛肉猪肉，系牛肩胛同保湿豚肉，两款都好好食。上菜非常快，基本上一叫完就即刻可以攞出嚟，店员亦都好主动问我哋需唔需要加肉，可能因为餐厅细，店员都可以好快为我哋服务。肉攞出嚟都唔会仲系冰/好硬lastorder 9:30pm，配料就冇，但系甜品、饮品仲可以继续攞，连肉都仲可以继续叫！总结，无限时，我哋由6点食到10点，230免加一，仲食齐火锅、鸡煲、蒸海鲜，非常抵，加上座位坐得舒服，店员又友善…查看更多
