煌府1號

小店位於MEGABOX 的13樓！！因為今天打風多了一天假期，所以來到這兒食下午茶。最初沒有打算寫食評，所以沒有拍照。這兒的環境唔錯，不會似是屋邨酒樓的擠迫，服務都算ok! 至於食物質素，雖然沒有驚喜，但質素都正常，味道ok!但價錢就十分抵，沒有茶錢，也沒有加一服務費。點心在下午茶時間只是半價。另外，見到好似早茶時段點心應該也是半價收費真心平！ 叫了6個點心，合共只是付款$167元，真係抵過在屋邨酒樓飲茶。…查看更多

間中都想食下中菜，Megabox 13樓就有間煌府1號，比樓下清靜，又有個靚view星期六晚客座有個虎蝦元貝二人餐，$418包加一同茶芥（餐前小食另計），好似好抵咁梗係要試試！🥣 淮杞燉螺頭湯湯料見到有淮山、杞子、雞腳螺頭、瘦肉，味道好清，清到好似飲水咁🦐 高湯焗大虎蝦伊麵有兩隻大虎蝦嘅伊麵，虎蝦肉質正常，伊麵幾出色，煙韌軟糯，索曬高湯好入味🐟 清蒸沙巴龍躉班原條蒸魚，正！蒸得幾好，唔老唔韌，魚皮膠質豐富，不過好多細骨🧊 冰鎮鮑魚我會稱呢個係呢餐飯嘅mvp！一上枱就見到比預期中大隻！面頭灑咗蟹籽，另外有跟日本豉油同wasabi，日式煮法過嘅鮑魚軟滑有𡁻口，調味恰到好處，用刀叉食真係好有feel🍴😋見到單叫都要58蚊一隻，二人餐有兩隻，可見呢個餐真係抵食🍗 潤燒脆皮乳鴿一隻乳鴿分四份，上枱時熱辣辣，外皮炸到脆卜卜，油脂甘香🥬 金銀蛋浸菜苗套餐點都有碟菜，落埋金銀蛋，相當抵食🥭 精緻糕點我嗰晚食嘅係楊枝甘露糕，唔係太甜，有西米露同埋芒果粒，作為飯後甜品都幾開心Megabox呢間煌府嘅職員服務態度都幾好，見佢哋同好多熟客都有講有笑，對住我哋啲生客都親切友善🍽 煌府1號🗺 九龍灣宏照道38號企業廣場5期MegaBox 13樓4號舖…查看更多

一向嚟 Megabox 多數都嚟煌府飲茶，貪佢有 view, 但越來越差，之前啲枱有正常空間，而家間舖細間左，枱與枱之間冇兩尺. 最差係變左地盤工人飯堂，中午有幾枱，滿身灰塵，仲大大聲，爆晒粗，差過快餐店。食物越來越差，鮮鯛魚粥只有三片好細嘅薄魚片，白粥冇味，其實係花生白粥。义燒腸好少义燒，好多莞茜。蘿蔔糕食唔到蘿蔔，只有粉，煎得又求其。棉花雞呢，芋頭多過雞，超級油。食物選擇少。最差係服務態度，一點半就問你仲叫唔叫野食，要收點心紙，我一點先坐低喎，算數，都唔想再叫。呢間野好奇怪，有個樓面呀叔，五尺高短頭髮，著黑色t-shirt, 黑色牛仔褲，兇神惡殺，好似去左茶記，隔離枱一走，不停係度閙，好不滿客人。都唔會再幫襯呢間野，星期六做冬中午都唔滿，應該捱唔到幾耐，希望可以快啲換過間。…查看更多

今日去咗煌府酒家，食咗好多正嘢！😋首先試咗叉燒腸，腸粉皮滑溜，叉燒味道甜中帶鹹，食完真係令人回味無窮。🥢接住嚟就係皮蛋瘦肉粥，粥底綿滑，皮蛋同瘦肉啱啱好比例，足哂料。🍚蝦餃嘅皮夠薄，而且內裏嘅蝦肉鮮甜彈牙，真係冇得輸。🦐燒賣亦都唔錯，肉餡豐富，口感紮實，每一啖都充滿肉香。🍖叉燒酥外層酥脆，內裏嘅叉燒甜美多汁，真係令人食過唔忘。🥮最後試咗水晶餃，透亮嘅皮包住新鮮嘅餡料，口感清新。整體嚟講，呢餐實在係一次滿足嘅用餐體驗，值得推薦畀所有鍾意粵菜嘅朋友！📱下次仲會再嚟試吓其他菜式！🎉…查看更多

一家三口去飲早茶。女侍應當我地係狗咁大大聲用命令式問‘飲咩茶’。跟住發現欠筷子，叫另一位女侍應加筷子；她竟然話‘已經有啦’就走咗。點心單嗌咗十樣嘢，有三樣等咗9個字都未出現；叫取消里三樣時就話廚房煮緊。普遍服務態度相當惡劣，當晒顧客係下等人嚟乞食咁。直頭花錢兼受氣…查看更多

公司周年晚宴選咗呢一間，唔知係咪地區唔同，呢間比起旺區嘅話係性價比再高啲。雖然周年晚宴有啲忙，但係都係可以食到每一道餸。乳豬有少少甩皮，都唔可以話太介意，不過佢夠厚肉，皮又薄脆，燒得都算好。個杏片百花球就有少少失望，好似唔係好夠味。另外冇食魚翅，存在做燕窩，其實都幾足料，食咗兩碗份量都好夠。不過條班就細咗少少，但都算夠滑。鮑魚都處理得幾好，夠入味又夠彈牙。另外個燒雞雖然鹹咗少少，但係都夠脆口。試埋個黑松露炒飯都相當香口，飯都炒得粒粒分明。美中不足係個桂花糕實在過甜，搞到個紅豆沙變得淡而無味。不過整體嚟講，都相當滿意。加上新裝修感覺相當舒服。…查看更多

爸爸成日話呢間餐廳性價比高，講咗咁耐就同佢食返一次11:30去到，佢已經坐滿一半人，見到大部份食客都係叫一個set 一個麵兩個人食。爸爸都要求我叫返呢一個lunch set。所以叫咗豉油雞 + 米線 set。另外好耐冇食過叉燒酥，所以叫咗一份。米線嚟到之後發覺好一般，隻豉油雞翼都凍凍地，果然一分錢一分貨。最後再叫咗個鴛鴦炒飯叫左個點心係小白兔造型，其實係椰汁糕，賣相唔錯，另外都叫咗個炸鮮奶卷，炸粉有啲多最後埋單每位都要百零蚊，以呢一個價錢每一個質素，其實真係唔抵食…查看更多

這間酒樓與媽媽居所距離不遠，又有長者優惠免茶錢，午市八折，下午茶又有半價，所以一有時間，我們都會來這裏飲茶。今日點了優惠套餐及二款小食，分別係干炒牛河，海蜇燻蹄，五香牛及醉雞，另外還有芝麻卷，媽媽很喜歡，每次必點。醉雞有濃郁洒香，肉嫩滑，但味道太淡，牛河份量很多，牛肉夠淋，味道很好，不會肥膩，其他小食味道不錯，可惜牛有少許辣，我不大喜歡。…查看更多

星期六和媽媽去Mega Box 既煌府1號飲茶，好多人等位，門口接待員見到媽媽年紀大，立即拎了張椅比媽媽坐，很細心。我們點了樱花蝦粉果，脆皮义燒包，滷水牛，芝麻卷，干炒牛河。樱花蝦粉果唔知點解有d辣，芝麻卷好香芝麻味，牛入味，干炒牛河有好多件牛肉，夠味及淋，炒得唔會肥，可惜河粉較碎。中午時段點心八折，有粉麵套餐，長者及小童免茶錢，好抵食。…查看更多

年初一飲茶一肚氣。Book 了12位一起團拜。我和仔仔爸爸媽媽共4人因早到，門口的職員因我們不足一半人數，唔比位我們。我80歲爸爸要在酒樓門口等15分鐘和其他人一起才可取位。當時酒樓很少顧客(小過三分之一)，為什麼不可以人性一點？一間酒樓形象被那位門口的職員嚴重破壞了。…查看更多

MegaBox的早茶酒樓不多選擇，門口也放著茶市優惠！門口員工服務態度一般，沒什麼招待，我係唯獨好處是長者小孩是免收茶錢，就算是週日也有點心優惠，價錢有也算是化算！點心款式選擇算是多，味道也不錯，至少也是熱辣辣的，點心運送時，也是蓋上蓋子，相對也算注重衛生！…查看更多

打電話去問佢晚市有冇位，話有，之後去到就話有婚宴所以唔開晚市，搞到白行一趟，去到問前台，唔好意思，打過電話黎點解會冇講冇晚市？佢個前台重要勁冇禮貌，態度勁差，黑口黑面話，你唔識睇，晚市唔開甘趕我地走你早知有晚宴，我打電話黎問果時你又唔講…查看更多

今日係megabox行完街，攰攰地想搵間餐廳食個晚飯。上到去megabox13樓見到有間酒樓就入去試一試。  一坐低見到個餐牌真係俾佢嚇親，估唔到啲餸可以咁抵。二話不說就點左三個餸慢慢食。  極品燒鵝皇(1/4隻) $88 燒鵝一上檯俾佢個份量嚇親，1/4隻俾足你都只係收$88。皮脆多肉汁，飲住啤酒食真係一流。  京式片皮鴨(半隻) $88 食完鵝緊係要試埋佢隻鴨喇! 皮片皮鴨份量同燒鵝一樣，有多無少! 用餅皮包住香脆鴨皮連埋鴨肉配上青瓜同甜醬，食落完全無油膩感覺，令人想一食再食。  清蒸沙巴龍躉 $88 呢條魚一個字【鮮】!食得出係一條新鮮魚，連埋酒樓自家豉油，真係清蒸都已經好好味。 茶錢$14一位，餐前小食$12。兩個人連埋加一都係$350有找。今時今日去邊到搵呀~ …查看更多

媽媽見餐牌上有香滑芝麻卷即點，因為很多酒樓也沒有這種點心，很想吃另外點了香茜魚片腸，山竹 牛肉，五福點心拼盤，脆皮燒腩仔河粉。芝麻卷好香芝麻味，是經典的中式點心，但現在好少見了。其他點心也不錯，熱辣辣，份量很大件，燒肉皮脆，有肉味，呢間酒樓長者仲可以免茶介，更加抵食。…查看更多

九龍灣嘅煌府，裝修佈置好靚，呢度嘅下午茶有長者優惠，免茶位☕️極力推介呢間酒樓嘅點心，材料非常新鮮，食過呢間既蘿蔔絲酥餅，係唔會再食第二間，個排骨食好味🍚材料又多, 食物質素好高…查看更多