煌府1號

小店位于MEGABOX 的13楼！！因为今天打风多了一天假期，所以来到这儿食下午茶。最初没有打算写食评，所以没有拍照。这儿的环境唔错，不会似是屋邨酒楼的挤迫，服务都算ok! 至于食物质素，虽然没有惊喜，但质素都正常，味道ok!但价钱就十分抵，没有茶钱，也没有加一服务费。点心在下午茶时间只是半价。另外，见到好似早茶时段点心应该也是半价收费真心平！ 叫了6个点心，合共只是付款$167元，真系抵过在屋邨酒楼饮茶。…查看更多

间中都想食下中菜，Megabox 13楼就有间煌府1号，比楼下清静，又有个靓view星期六晚客座有个虎虾元贝二人餐，$418包加一同茶芥（餐前小食另计），好似好抵咁梗系要试试！🥣 淮杞炖螺头汤汤料见到有淮山、杞子、鸡脚螺头、瘦肉，味道好清，清到好似饮水咁🦐 高汤焗大虎虾伊面有两只大虎虾嘅伊面，虎虾肉质正常，伊面几出色，烟韧软糯，索晒高汤好入味🐟 清蒸沙巴龙趸班原条蒸鱼，正！蒸得几好，唔老唔韧，鱼皮胶质丰富，不过好多细骨🧊 冰镇鲍鱼我会称呢个系呢餐饭嘅mvp！一上枱就见到比预期中大只！面头洒咗蟹籽，另外有跟日本豉油同wasabi，日式煮法过嘅鲍鱼软滑有𡁻口，调味恰到好处，用刀叉食真系好有feel🍴😋见到单叫都要58蚊一只，二人餐有两只，可见呢个餐真系抵食🍗 润烧脆皮乳鸽一只乳鸽分四份，上枱时热辣辣，外皮炸到脆卜卜，油脂甘香🥬 金银蛋浸菜苗套餐点都有碟菜，落埋金银蛋，相当抵食🥭 精致糕点我𠮶晚食嘅系杨枝甘露糕，唔系太甜，有西米露同埋芒果粒，作为饭后甜品都几开心Megabox呢间煌府嘅职员服务态度都几好，见佢哋同好多熟客都有讲有笑，对住我哋啲生客都亲切友善🍽 煌府1号🗺 九龙湾宏照道38号企业广场5期MegaBox 13楼4号舖…查看更多

一向嚟 Megabox 多数都嚟煌府饮茶，贪佢有 view, 但越来越差，之前啲枱有正常空间，而家间舖细间左，枱与枱之间冇两尺. 最差系变左地盘工人饭堂，中午有几枱，满身灰尘，仲大大声，爆晒粗，差过快餐店。食物越来越差，鲜鲷鱼粥只有三片好细嘅薄鱼片，白粥冇味，其实系花生白粥。义烧肠好少义烧，好多莞茜。萝卜糕食唔到萝卜，只有粉，煎得又求其。棉花鸡呢，芋头多过鸡，超级油。食物选择少。最差系服务态度，一点半就问你仲叫唔叫野食，要收点心纸，我一点先坐低㖞，算数，都唔想再叫。呢间野好奇怪，有个楼面呀叔，五尺高短头发，著黑色t-shirt, 黑色牛仔裤，凶神恶杀，好似去左茶记，隔离枱一走，不停系度閙，好不满客人。都唔会再帮衬呢间野，星期六做冬中午都唔满，应该挨唔到几耐，希望可以快啲换过间。…查看更多

今日去咗煌府酒家，食咗好多正嘢！😋首先试咗叉烧肠，肠粉皮滑溜，叉烧味道甜中带咸，食完真系令人回味无穷。🥢接住嚟就系皮蛋瘦肉粥，粥底绵滑，皮蛋同瘦肉啱啱好比例，足哂料。🍚虾饺嘅皮够薄，而且内里嘅虾肉鲜甜弹牙，真系冇得输。🦐烧卖亦都唔错，肉馅丰富，口感扎实，每一啖都充满肉香。🍖叉烧酥外层酥脆，内里嘅叉烧甜美多汁，真系令人食过唔忘。🥮最后试咗水晶饺，透亮嘅皮包住新鲜嘅馅料，口感清新。整体嚟讲，呢餐实在系一次满足嘅用餐体验，值得推荐畀所有钟意粤菜嘅朋友！📱下次仲会再嚟试吓其他菜式！🎉…查看更多

一家三口去饮早茶。女侍应当我地系狗咁大大声用命令式问‘饮咩茶’。跟住发现欠筷子，叫另一位女侍应加筷子；她竟然话‘已经有啦’就走咗。点心单嗌咗十样嘢，有三样等咗9个字都未出现；叫取消里三样时就话厨房煮紧。普遍服务态度相当恶劣，当晒顾客系下等人嚟乞食咁。直头花钱兼受气…查看更多