煊記火鍋小菜館 (已結業)

整理手机上饮食过的相片才记起这一间煊记，这次经验可算经典🥵那一晚见疫情总算平穏便，便心思思出去食吓小炒，之前都有经过这间小店，又见食评唔太差,便去一试。6:30去到，没有预订位，员工由楼下带上二楼，店舖长走廊形，见有几始人但都吃火锅的，员工一直把我们二人带入一房，吃了一惊😱😱，这地方应该是厨房洗碗用吧，而家加位比我地坐真系比足面😰😰但一心想著如果食物质素好的话又无妨啫⋯⋯算哪已经坐底，点左二个小菜，一个煎焗大鱼头煲$128，另一个啫啫鸡煲$95，加一个白饭。鱼头煲好香，一只大鱼头，味道这可以，但煲唔热,食落发觉鱼头云仲未全熟，淡水鱼一定要煑到好熟才能进食，因为有大量寄生虫的，所以吃了外面一部份就不敢再食下去😱呢个系啫啫鸡㷛，但似油浸鸡煲多啲，鸡好似啱啱解冻完，大阵雪味，而鸡一啲都冇腌，调味都悭返，系食唔落口⋯⋯ 最后食咗少少就即刻埋单走人，埋单300有找唉！唔怪得咁多人都系食火锅啦...😩😩寄语各位...有时真系唔好净信食评架🥵🥵…查看更多

又系一个月黑风高内脏夜，听闻呢度有古法焗鱼肠，我内脏侠紧系要去探一探虚实啦！但我好失策，竟然食完返嚟，𥄫下其他人嘀食评，先知道佢有火爆炒鸡子！靠！好想食呀！系香港食鸡子系会俾人鄙视，尤其打边炉，一叫亲～实有人阴阳怪气，话你核突讲真！我咁钟意食内脏，连鸡子呢嘀入门版都唔食，我仲洗出嚟行？唉～又扯远咗！讲下嘀𩠌先！黎得梗系要叫佢个焗鱼肠啦！噫？上菜先发现佢个鱼肠系煎㗎㖞！唔打紧，好饿，食咗先讲！哗！好掂㖞！个蛋唔老又够干身！夹杂住大量香葱，A？脆脆地嘅？佢竟然加咗蛇羹入边嘅薄脆呀！妙也～妙也～鱼肠洗得干净，唔会有涩呢个味 会stay响你条俐，份量又够多！值得叫呀！之后到韭菜花炒猪什，韭菜花够嫩，猪什够多又够新鲜！火候啱啱好，又够获气！嘀猪什唔韧！又清哂一碟！仲叫咗呢度嘅招牌！炒莲藕鲮鱼饼！！外脆内弹～唔油㖞！莲藕又爽又多！够晒真材实料呀！佢唔会死实实，块野好好弹性，唔知系佢个鲮鱼胶打得好定有咩独门秘技！（江湖传闻佢地自已亲手挞！）抵佢做门面担当嘅～个人觉得自己影得相当有立体感！出边煎得金黄，格住个mon都闻到弹牙呀椒盐鲜鱿同豉油王鹅肠，一睇就知送酒孖宝啦！佢呢个豉油王鹅肠，就唔系新鲜鹅肠嚟！同咸咗少少又湿咗嘀！但椒盐鲜鱿正呀！粉浆够薄脆岳岳！上高再加干湿蒜，香葱，辣椒，问你点顶？两支蓝妹丫！我哋仲叫咗条时令嘅太白鱼，佢一鱼两食，不过始终河鲜都系有朕草清味，我都唔系好食得惯，而且都几多骨，佢系好有心机，将嘀鱼肉起咗，扭成日一朵朵花系条鱼隔离，心思系有，但妈呀！好多骨呀！系我唔识食！对唔住之后重叫咗冬菜牛𦟌同豉油王炒面，牛𦟌够软身，但都系咸左嘀！真系要送饭果只！斋食冬菜系好香，但牛𦟌腌得太重味！叫得豉油王炒面，就证明我哋唔够饱啦！佢个豉油王炒面炒得好干身，一嘀都唔油，个面又够爽又多芽菜，有一说一！炒得靓！家下嘀大排档越开越少，新开𠮶嘀又冇嚟镬气，其实真系好想揾返一间好好食嘅小菜！最惨家下嘀舖头话执就执！嘀厨房又唔知去晒边，成日左试右试，有时都冇乜心机！虽然依一间都够老字号，又够镬气，环境直逼旺角卡门张学友讲数场景，但始终唔系我心目中觉得最好食....唔知系以前嘀大排档加咗时代滤镜，定我嘴尖咗！其实煊记系合格㗎！有机会再嚟食一定要试佢个火爆炒鸡子…查看更多

系电影中心睇完啲唔知讲乜嘅电影，紧系要出黎医肚。系电影中心附近都无乜好食嘅菜馆或者酒楼，所以想食就要行多几步路到油麻地。呢佢味系煎藕饼，好多食评都有讲，好好食。煎得好干身，外面煎得好脆口，内面都好弹口。而入面啲鲮鱼肉无骨，处理得好好。入面啲莲藕好爽口，煎到细细粒，啖啖都有莲藕肉食。冬菜蒸牛展，即系阿妈蒸嘅冬菜牛肉。好好味，啲冬菜处理得好好，减少左啲咸味，就咁食好醒胃。至于啲牛展都好滑，又有牛肉味。至于呢个牛展就腌得比较浓味，个楼面姐姐话送饭送啤酒一流，搞到食多左饭。呢个系油浸笋壳鱼，好好食，我阿妈话以前系高级野，不过依家多左养鱼就平左。呢条紧系养鱼啦，如果唔系咁平，不过就系整得好食。呢味炸鱼个皮炸得好脆口，炸都连啲鱼翅都食得，而且毫毛油忆味，好干身，非常可口。鱼肉方面就算系炸都好滑，又实肉，一疏疏嘅鱼肉好好食。咁养鱼用油炸无乜鱼味都好合理，无乜投诉。整体好好食，但系个价就贵过附近啲铺头嘅，但咁嘅味道就合理喇。…查看更多

朋友家姐极力推介多次。。。可惜次次两个人👫好怕好难叫菜所以一直未有机会试。。今晚终于有机会啦储齐四只脚👩🏻👩🏻👱🏻‍♀️👱🏻‍♀️。。过返个happy Friday 估唔到6.45去到。。已经要坐2楼嘅僭建位🤦🏼‍♀️。。仲要几挤迫下。。。不过算啦试好嘢唔好介意座位。。。当然要叫几样小菜食下啦。。。四个人狂风扫落叶🍂🍂🍂🍂。。。椒剁蒸鱼云姜葱桶蚝煲炸蚬介鲮鱼球豉椒炒圣子小炒王金银蛋苋菜蒜蓉炒油麦菜实在饱到抱住个肚走 整顿饭最欣赏就系姜葱桶蚝煲。蚬介鲮鱼球。小炒王。豉椒炒圣子。。。最为吸引。。食到以前大排档嘅镬气同风味。。其实仲有好几个小菜想试。。但真系太饱食唔落🤪🤪🤪下次一定要再试多几味。。。已经约定班friend 下星期再翻食。。。。下星期再happy Friday 见…查看更多

多年波友想食团年饭，但要吃哪一间餐厅，经常都会议论纷纷，最后随意选了一间酒家，质素又不如人意今次由队长带路，令人信心大增生鱼皮@好多年无食过喇爽脆又软滑，加上姜蒽辣豉油简正无敌家乡煎藕饼@藕饼新鲜出炉，又脆又香口材料只有莲藕和猪肉，名符其实简单好味。砵仔焗鱼肠@面头焗得脆脆的，鱼肠新鲜干净，鸡蛋吸收了鱼肠鲜甜味道，加上胡椒粉后味道更好，食唔停口金银蛋白菜仔@The home feel is back无论皮蛋、咸蛋和蛋花的份量也很多，几乎铺满整碟菜式，白菜仔是新鲜货色，亮点却是那个汤， 还以为味道会较淡，谁不知这个汤的味道却比一般的浓郁，感觉惊喜椒盐白饭鱼@白饭鱼，家常鱼，最常用来椒盐，便宜又好吃白饭鱼不算太小，炸至金黄，食落带少许椒盐香，十分可口松脆，非常惹味，会忍不住多吃两口～…查看更多