焼肉の王 by YAKINIKU KAKURA (荷里活廣場)

餐厅地方唔大，但系基本上都系卡位．虽然四个人嘅卡位先至可以独立成坐，我哋六个人就要同另外六个人嘅大卡位连埋一齐，不过两张卡位中间，算系有好多嘅调味料、餐牌啊𠮶啲隔开，开头嘅时候有少少尴尬，不过幸好隔篱𠮶张卡位都系坐咗四个人，咁都唔算太迫，感觉上如果两边都坐足六个人嘅话，都会几贴，又唔熟，就有少少似搭枱嘅感觉。牛肉嘅质素系OK嘅，我哋拣咗两个套餐，除咗肉之外，有面豉汤、泡菜饭嘅份量可以加大，亦可以转生菜，都算系几贴心。另外叫咗牛舌，我觉得普通啦，似乎牛肉嘅质素好啲，份量嚟讲就不过不失，因为佢都标明系几多gram，所以都货真价实嘅，又有叫鸡肉．都系普普通通，我哋选择咗走黑椒，但系有酱汁，如果冇酱汁唔知会唔会肉味冇咁好，不过我哋都情愿食得有味啲，所以拣咗有酱汁，结果都几OK。店内空调算系几好，所以每台一个炉喺度烧，都唔算大油烟，出嚟之后头发啊𠮶啲都唔算好大味，可能系个火炉控制得好。我哋冇叫特别嘅饮品，虽然佢都有一两款，但系选择太少，甜品就可以加杏仁豆腐，都系冇选择，所以我哋都冇叫。整体嚟讲，四个大人三个细路，加埋都系六七百，唔算食得好饱，不过都OK啦，我哋去嘅唔算系繁忙时间，所以90分钟嘅限时就冇用到，服务水准算好，起码冇催住我哋。未必会再去，但系未去过嘅都，可以值得一试。…Read More

食食下先谂起要写Openrice haha，我系不专业Foodie🤣整体肉嘅质素不错～每个餐嘅份量都好够1人食，我觉得牛舌系最好食，另外牛五花就排第二咁～临走见到有放题版，个价好似around 300？有机会都真系想试试！性价比都几高…Read More

#盐味上牛舌 🥩 ($98)#极上厚切封门柳 🥓 ($138)#葱盐味鸡腿肉 🍗 ($58)#泡菜牛肉汤 🍜 ($28)#大判烧黑毛和牛肩胛肉 🥩 ($128)#杏仁豆腐 🍴($28)荷里活广场开左间日式烧肉店😎 薄切牛舌好有咬口😋 简单用盐调味都不错👌🏻 封门柳超厚身😳 酱汁腌得入味👍🏻 肉质软淋🤤 鸡腿肉嫩滑🐥 泡菜牛肉汤几惊喜🙈 两者又几夹👍🏻 泡菜汤带微辣好惹味✌🏻 和牛肩胛肉无得输😍 大大块和牛啖啖肉好满足😌 配埋蛋浆好正😊 甜品杏仁豆腐杏仁味浓🤭 唔算甜几特别😛…Read More

中秋过后，天气开始秋凉，又心思思想食烧肉~烧肉当然系食日式啦，朋友话荷里活广场嘅「烧肉の王」🇯🇵质素好高质，CP值高，坐言起行，立即拉我去食, 餐厅装修明亮简洁，座位大部份都系卡座，座位宽落,而且抽烟设备好好，一点都唔油烟，以QR code 落单，方便快捷!餐厅除有散叫Menu外，亦有多款套餐选择，都一様好吸引🌟极上厚切封门柳($138)识食当然要拣封门柳!封门柳系众多牛肉部位中最平均嘅一款，所以我通常都会点封门柳，见到有厚切，当然更要点!按经理教路，我地将成份封门柳放上烧炉，先将每一面烧1’15”，然后再沿切口剪开一片片烧，果然烧得恰到好处!牛肉味够香浓之余，肉质软淋又有咬口，连酱汁都不用醮已经好好味!🌟大判烧！ 黑毛和牛肩胛肉 ($128）大判烧即和牛肩肉，大大块，雪花纹理清晰，只要轻轻一烧就已经足够，和牛口感嫩滑，油香充足之余，亦富有牛味，入口滋味无穷🌟盐味上牛舌(30g)($50）牛舌亦系必点item! 厚切有口感更满足！牛舌味道浓厚，所以只要简单用盐调味已经足够，爽脆又有肉香，正👍🌟黑毛豚无骨小排(100g)($58)有牛有鸡，自然要食埋豚肉，所以点了一份小的黑毛豚无骨小排，黑毛豚带肥膏，所以烧起来都好香，而肥膏位更烧到脆边，都好好食😋🌟葱盐味鸡腿肉 (50g)($35)除咗牛，当然鸡肉都系必选肉类，特别点咗呢个葱盐鸡腿肉，鸡腿肉比较耐火，烧过后依然保持嫩滑口感，仲加咗葱盐同吃更见惹味！🌟泡菜牛肉汤($28)食饭习惯要有汤，所以特别点泡菜牛肉汤，辣味十足超好饮，浓郁的牛肉味，再有大量蒜粒及韭菜，非常香浓惹味的牛肉汤!🌟辣牛肉面($38)| 紫菜饭（$38)烧肉当然要配饭，我就点咗紫菜饭，最细份量嘅都已经好足够!配埋温泉蛋同食，超正！而朋友就想食面，所以点咗辣牛肉面，都好好食，因为用上泡菜牛肉汤作汤头，加上弹牙的韩式面，弹牙又惹味😋 🌟杏仁豆腐($28)烧肉过后当然要甜品中和一下，呢个杏仁豆腐大推，钟意食杏仁露嘅朋友千万不能错过！超浓郁杏仁味道，而且好滑，食完烧肉食一流!食完烧肉拎住张单去咗CineArt Hollywood 睇电影, 有9折优惠, 千祈唔好错过!…Read More

由带Kelsey去觅食😜今次去到荷里活广场呢间「烧肉の王」🇯🇵，系近期最惊喜嘅烧肉体验，环境丰富食物又高质，等我分享一下先🫶🥩厚切封门柳 
啱晒钟意食浓浓牛味嘅我哋❤️食落有满足嘅咬口而且肉质软淋充满肉汁，唔使点酱汁都好好味🍽️👅盐味上牛舌 
牛舌厚薄切得啱啱好，简单用盐调味嚟带出牛舌独有嘅爽脆同肉香，口感正到爆，真系一试难忘！🐮大判烧！ 
视觉同味觉嘅双重享受！大大片嘅和牛肩肉有劲靓嘅雪花纹理，轻轻烧几十秒就食得。点埋个日本鸡蛋浆🥚，入口真系瞬间融化～ 🐔葱盐鸡腿肉 
鸡腿肉腌得入味，有满满嘅葱盐，烧完之后鸡肉超嫩滑，清新嘅葱盐完美中和咗肉类嘅油腻感👍🍲泡菜牛肉汤 
热辣辣嘅泡菜汤汤底够酸辣惹味，里面仲有好多牛肉同豆腐，非常足料！饮一口非常满足🍮杏仁豆腐 
杏仁豆腐口感滑不溜口，杏仁味香浓得嚟好自然，食完烧肉嚟一碗，清爽又解腻，为餐饭作一个完美嘅句号…Read More