影片
港铁葵芳站 D 出口, 步行约5分钟
继续阅读
电话号码
96318113
营业时间
今日营业
13:00 - 22:30
星期一至日
13:00 - 22:30
公众假期
13:00 - 22:30
公众假期前夕
13:00 - 22:30
以上资料只供参考，请与餐厅确认详情
招牌菜
平时好钟意食手工意粉，今日经过见到香港小店梗系支持一下啦，自己本身钟意食意粉呢就硬一啲，今日叫一个和风明太子手工意粉试试落单嘅时候就叫个店员问佢可唔可以硬啲，跟住店员就问个厨师我谂应该都系老板，个老板就用好恶劣嘅睇味道答我话手工意粉本身都系硬㗎啦，令到我好唔开心，咁都算啦我谂住佢答我本身系硬嘅咁我都期待吓系咪真系咁弹牙啦，点知出到嚟都系腍嘅，咁早知我嗌返普通意粉算啦做乜要俾多$10嗌手工意粉啫仲要咁串，不过味道同埋酱汁的确系唔错嘅同埋有诚意系即刻整
继续阅读
无谂过葵广都有咁好食嘅risotto即叫即煮起码等10分钟，但绝对值得！两款都热辣辣劲足料！除咗餐牌有嘅都可以自选主食配料~✨鸡胸🍗芝士🧀意大利饭 $61 (🌟9/10)Chicken Breast Cheese Risotto 香煎鸡胸好滑，芝士味劲香浓好拉丝，Risotto 米心硬硬地有咬口，配料有大量切碎洋葱/三色椒/蘑菇口感十足，次次黎都叫！✨西西里汁田螺意粉🍅 $50 (🌟8/10)Escargot Pasta with Sicilian Sauce酱汁系偏酸嘅茄汁，好开胃，大量芝士碎舖面，啖啖无壳田螺肉
继续阅读
虽然葵芳广场好多小食店，但系相对地买外卖嘅正餐就少啲。难得今日想买外卖返屋企食，所以就行咗一圈决定食个意粉。呢间舖头系即叫即整嘅意粉外卖店。我决定买佢之前睇佢得𠮶三四个食评，又写到好似好唔吸引咁。但系由于我实在太想食意粉啦，所以就决定试佢最平嘅意粉，试吓味道，若果好味嘅话下次再试其他款式。 由于佢即叫即煮，所以其实攞返到屋企个外卖盒仲系暖粒粒，食落佢入边啲酱汁仲系好热嘅今日我就试咗佢嘅西西里汁烧鸡胸肉意粉。估唔到佢嘅烧鸡胸肉又几香㖞，入边嘅肉汁就好鲜嫩滑溜，一啲都唔柴。由于个人口味，我比较钟意食啲软身嘅意粉，所以特登要求佢整软身啲。厨师整嘅意粉，啱啱系我想要嘅软度。至于佢嘅西西里汁入面有少许蘑菇配落去个意粉度，都好挂汁，好好味我下次就谂住试佢嘅墨汁蚬肉意粉，搞到自己成口都黑色都几好玩
继续阅读
见到佢咁多选择谂住试下，见图片都好似几好。而且牛肋肉系出门望到系好靓点知！牛肋肉得4小粒 2粒系筋，浸味又苏又带住啲腥味。意粉似系唔熟，少硬得黎又油腻。冇蒜香$46 系完全唔划算，唔推荐
继续阅读
琴日去葵讲行街，行到有啲攰谂住是但食少少野，咁就去咗3楼，点知平时食开嘅都消失咗⋯⋯犹豫紧帮衬边间好嘅时候，竟然见到有一间卖意粉嘅小店，估佢唔到除咗意粉仲有串烧，汉堡薯条，咖喱嘅选择😋企咗一阵见到都有唔少人买外卖，尤其是卡邦尼差唔多个个都会order，咁梗系唔执输就order 咗一个卡邦尼同一个意大利饭，系冇错系意大利饭😂突然间觉得好似置身于一间好正式嘅餐厅咁…等咗一阵话咁快就有，咁梗系即刻搭车返屋企啦⋯⋯返到屋企打开个外卖仲系好热嘅重香喷喷（利申：住大西北）重点个卡邦尼系超多酱汁配料分量都好足，唔似平时食开啲餐厅啲烟肉同芝士要就住就住咁食，每一啖都食得好满足😍（冇图，食得太开心挂住食无影相😅）另外都试咗少少屋企人食嘅意大利饭，完全出乎意料咁好食😋有咬口之余又饭粒分明，重有两只大大只墨鱼🦑（有图，琴晚食咗少少试味，今朝补返张相）下次再去一定要试埋其他嘢食，私心首选系串烧同咖喱🍛🥰
继续阅读