「烧肉屋」位于天后清风街，晚市7-9pm黄金时段Offer $349+10%限时120分钟任饮任食，价钱算Market Price合理价位，但任食新鲜榴梿却系少见 （一般放题只有烧榴梿），榴梿质素都真心唔错，榴梿控食十件八件想回本并唔难。榴梿质感非常奶滑，但食起黎又唔会太散太淋，榴梿味适中，虽然唔系Tier 1质素，但以放题黎讲，已经远超期望值。鹅肝多士: 任食鹅肝唔系间间放题都有，加上咁大件嘅铁板鹅肝，就算五星级酒店Buffet都未必Offer到，鹅肝香滑唔干，含非常丰富油脂，香而不腻，多士香脆，非常香口惹味。烧白鳝: 自行烧至皮肉香脆，加上鳗鱼酱汁，味道香甜而鲜味，而且肉质十分爽滑弹牙，一食就知好新鲜。蒜蓉牛油帆立贝: 帆立贝肥美厚肉，每边烧两分零钟唔洗太熟，肉质滑嫩，带浓郁牛油及蒜香。牛肉选项有澳洲和牛M7牛板腱、荔枝牛板腱串、精修牛舌芯、酱汁羊葱牛肉、酱汁特选美国牛五花、美国安格斯封门柳: 当中美国安格斯封门柳及牛舌芯比较出色，封门柳厚切，真系一件件嘅牛柳，而并非一片片嘅薄牛肉，其肉质非常幼嫩，富肉汁，牛味亦好浓郁，算系今晚最出色嘅肉类；牛舌芯厚薄适中，肉质爽滑有嚼劲，肉味亦重。豚肉及鸡肉嘅选项都唔少，但由于本人为牛魔王，基本都无特别食猪及鸡；饮品方面居然连Somersby苹果酒都有，甜品有Haagen Dazs雪糕、豆腐/柠檬雪葩等等。…查看更多
