為食館

营业中

休息中

因為朋友住太子附近~知道呢間"為食館"新開張~所以今次朋友聚會就決定去試下啦~我地一行8人~有BOOK位~所以唔洗等位~因為店面唔大~坐到2張大台同3,4張細台左右~所以都係BOOK定好D~內部裝修都好靚~好清新好舒服~又有光猛~我地叫左8個餸~份量唔算大碟~但係都夠食~為食脆皮雞(半隻)好脆呀個皮~D雞肉好滑嫩~都好入味~好食~推介推介~金銀蛋莧菜D莧菜好林~清清地幾好味~為食小炒王好香口~不過有DD咸~用黎送飯最好~椒鹽鮮魷正常水平~唔錯~白飯魚煎蛋 (唔記得左影相~)呢碟細細碟~不過D白飯魚好大條~好食!成吉思汗BB骨一人一隻揸住黎食又幾過癮~哈哈~味道幾好~幾好食~油豆腐雜菜煲 (唔記得左影相TOO!! =O=)油豆腐原來即係豆卜~呢味餸清清地都幾好~紅燒牛仔腩 (都係冇影到…哈哈!但呢個真係好好食!)10個推薦呢個餸!!牛仔腩好林好入味!!D薯仔都好好食!!推介推介!!最後老闆仲送上甜品~係蛋散!! (唔好睇少佢~哈哈~)又係推介呀!好鬆化~同平時酒樓食ge唔同~我食左好多舊!哈哈!同埋見到好多台客人都有叫果D煲仔野~好香呀!下次黎一定要叫黎試下!整體黎講都好滿意呀~價錢好合

呢度前真繫叫做雙喜臨門，轉左手之後試下，見到裝修於唔錯，餐牌都多左好多新野，叫ｄ大路野，炒飯炒面啫啫雞生炒骨等。炒面炒飯算正常，有獲氣有味道，但啫啫雞同生炒骨就出事啦，啫啫雞唔知用左咩醬去煮，十分怪味，又冇乾蔥頭同蒜頭，只得洋蔥，同雞，生炒骨好硬，個甜酸醬又唔好食，最好食都算繫個炒面。可能繫新開張，有待進步。

知道新開不久，入去一試，叫左幾個小菜，又有炒飯，同炒面。先講小菜。大部份都繫好細碟。叫咗啫啫雞小炒皇同埋ｂｂ骨，個雞同出面唔同。冇乾蔥姜之類嘅，只得雞和醬。又幹唔好食。小炒無鑊氣，和bb骨有乾又無味。個炒飯真繫好似隔夜飯。最好食嘅都繫個炒面。以咁嘅水準，都好難叫人再來幫襯。

星期六晚，同一班朋友來到太子， 試左呢間新開張的餐廳。很幸運唔洗等位，見到菜牌有好多小菜平時都比較少食， 所以試下。成吉思汗BB骨我以為係羊架，原來係豬肉黎，燒得好香口，如果有汁更好。脆皮牛仔腩係果度員工推介， 脆卜卜但夠牛腩好林， 第一次食咁整GE牛腩！黃金炸鮮魷，D蛋黃好香， 好好咬口， 平時自己唔會整！龍躉腩煲， D魚都幾滑， 略嫌乾左D！總括黎講非常不錯，加上裝修幾清新， 衛生情況好好， D伙記服務唔錯，同我地一路傾下計，最後仲送左個旦散俾我地食添！