為食恐龍‧恐龍先生

食物不錯，甜品窩夫雪糕好好食！一大班朋友收工gather，坐得舒服，傾成晚都唔趕住嘅好餐廳！老闆好nice!👍👍👍係同一大班朋友食飯嘅好地方👍會再來！🥰…查看更多

第二次嚟呢度同小朋友生日，已有哂生日佈置唔使煩。嘢食有薄餅，意粉，意大利飯，小食，烤雞，豬手，甜品等等，大人細路都啱食。生日小朋友仲有隻公仔送。仲有各款玩具，boardgame同電子遊戲機玩，大家都玩到唔捨得走。…查看更多

服務態度差等咗好耐先可以落單落完單要等好耐先有嘢食中間出去玩玩具啲玩具又壞又污糟個夾公仔機完全冇力水bar唔開燈餐廳環境裝修好差唔明點解H8會租呢個相俾佢哋又叫我哋去參加佢嘅會員制之後就話會取消我哋OpenRice 嘅訂座紀錄…查看更多

去到尖沙咀帶小朋友食飯，就梗係要去啲親子餐廳啦厚福街一上到去就發現到呢間恐龍餐廳，上邊啲佈置係全部都恐龍嚟㗎，咁啱有人準備開生日會，佢仲可以免費佈置得好靚㗎🥰佢有好多board game ，又有遊戲機射籃球都好適合大人玩，當然啦，仲有好多啱小朋友玩嘅遊戲嘢食方便都唔使擔心，我哋今次嗌咗一個豬手拼盤，有燒大蝦，燒菠蘿，仲有幾款燒腸仔，個豬手個皮好脆啱啱好唔太鹹，炸薯角大人小朋友都啱食仲有兒童餐，有個白汁意粉炸魚薯條，仲有少少生果夠晒健康👍🏼佢有好多嘢飲都好特別，可以一路玩一路飲，仲要唔限時真係聚會嘅好地方…查看更多

前排同幾個朋友帶埋啲小朋友一齊去咗呢一間餐廳，發現呢度真係有驚喜，店舖入邊嘅環境都好大，餐廳以恐龍做主題，有唔同嘅恐龍模型同埋有好多種類嘅玩具，再加上有小朋友啱睇嘅書籍仲有遊戲機，直頭係開party嘅好地方。餐廳嘅嘢食都幾好，我哋嗌咗幾樣嘢，差唔多都有驚喜，特別係佢個西班牙海鮮飯同埋安格斯意粉，真係加分，其他食物都好唔錯，至少我哋食晒冇留底，清碟。仲有悉心照顧小朋友嘅恐龍兒童餐。小朋友食飽之後去咗玩遊戲打機，眼見有其他嘅家長成員陪同小朋友一齊睇吓圖書，玩吓益智遊戲，感覺都好溫馨。最重要嘅係，餐廳仲有彈珠機玩，一有小朋友玩嗰陣時，成班小朋友一齊就擁晒過嚟，玩得好盡興。個人認為呢度如果要舉行家庭聚會的話或者舉辦小朋友生日會的話，係一個唔錯嘅選擇，又有啱大人食嘅嘢，亦都有啱小朋友食同玩嘅嘢，真係可以玩足一日。…查看更多

朋友帶我哋去咗尖沙咀一個恐龍主題親子餐廳，呢度充滿驚喜同歡樂！一入到餐廳，哇，成個空間都係恐龍主題，牆上、枱上到處都係恐龍擺設，連餐具都係恐龍造型，超可愛！仲有兩隻恐龍公仔喺門口同你say hello，超有氣氛！小朋友一見到已經興奮到飛起，大人都忍唔住影相打卡！呢度真是一個親子天堂！除咗恐龍裝飾，餐廳仲有好多玩意：賽車機、籃球機、街機、夾公仔機、彈珠機，樣樣齊全，滿枱都係玩具，小朋友玩到唔捨得走！仲有board game畀大人hea玩，無論大人細路都啱晒！如果想幫小朋友搞生日會，呢度絕對係一個好選擇，氣氛同設施都好適合！霸王龍小食拼盤 ($148)：炸雞翼、薯條、洋蔥圈一應俱全，外脆內軟，適合一班人share！招牌西班牙海鮮飯（細）($188)飯粒吸晒醬汁精華，濃而不膩，份量啱晒2-3人share！夏威夷比薩 ($98)菠蘿同火腿嘅經典組合，芝士拉絲好邪惡！不得不提，入面有兒童餐 ($85)有意粉、炸物、水果、蛋糕、賓治同一個超可愛嘅恐龍玩具！啱晒小朋友嘅胃口。今次我哋一行5人點咗唔少飲品同菜式，總消費$844，價錢親民，食物份量夠，味道又唔錯，環境又好有特色，玩樂設施仲要多到唔想走！性價比真心唔錯！啱晒輕鬆聚會！「為食恐龍餐廳Mr Dino」真是一個大人細路都玩得開心嘅地方！食物選擇多，味道親民又唔失水準，環境充滿童趣，仲有唔少玩樂設施，無論大人定小朋友都玩得開心！絕對係親子聚會嘅好去處！如果你想搵個地方同屋企人或朋友輕鬆聚會，又食又玩，呢度真心推介！快啲去同恐龍們一齊開餐啦！🦖…查看更多

朋友個仔話帶我去睇恐龍😵？！原來係恐龍主題親子西餐廳~🦖恐龍迷千祈唔好錯過呀！**食物方面**🍽️ 叫咗霸王龍小食拼盤、夏威夷pizza、安格斯肉眼黑椒意粉、西班牙海鮮飯同恐龍兒童餐，蕃茄肉丸長通粉，樣樣都夠大份！ 👉 **安格斯肉眼黑椒意粉** 意粉好滑，夠入味，牛肉嫩口，大人食啱哂～ 👉 **西班牙海鮮飯** 好足料，蝦、青口、蜆鋪滿面，飯底吸滿湯汁好正！ 👉 **Pizza** 係薄脆底，芝士拉絲，小朋友搶住食😂 👉 **兒童餐** 用恐龍碟裝住，飲品係雜果賓治，仲有恐龍裝飾，造型得意，細路仔見到好開心！ 小食拼盤有齊炸雞粒、雞翼、薯條、薯角、洋蔥圈、魷魚圈，咩都試到少少，夠哂香口卜卜脆～ **玩樂方面**🦖 一入門口就有兩隻大恐龍公仔，打卡一流！ 👉 最正係 **彈珠機**，燈光閃閃，小朋友玩到唔肯走～ 👉 仲有 **電子遊戲機**，兩個小學雞可以一齊玩唔使爭，好多內置遊戲，完全唔擔心佢哋會悶！ 👉 周圍都係恐龍公仔,圖書,玩具，連餐具都係恐龍款，細節滿分！ **總結** 食物質素OK，玩樂設施夠多，仲可以搞生日會，又有埋佈置裝飾，店員仲好有善，抵讚👍…查看更多

2位小學雞考完試，所以就帶佢地出黎輕鬆下。搭𨋢上2樓，一開門已經見到2隻恐龍歡迎我地啦~店員好好咁幫我地合拼埋枱，安排座位，而小朋友一放低物品就急不及待咁出去探索呢度既遊戲同玩具啦。2個小學雞最鍾意打機，仲有部好好玩嘅彈珠機添，啲燈光效果非常吸睛，哈！餐廳環境乾淨整潔，四周佈滿龍恐裝飾，就連兒童餐具、玩具、圖書等都有好多同恐龍相關，如果係恐龍迷一定會玩到唔捨得走🤩食物方面，食物種類非常多選擇~我地就嗌左霸王龍小食拼盤、夏威夷pizza、焗茄汁肉丸長通粉、安格斯肉眼黑椒意粉、招牌西班牙海鮮飯、恐龍仔仔兒童餐。每一碟食物都份量十足，黑椒意粉同西班牙海鮮飯都好好味，岩哂大人~而pizza就最受小朋友歡迎，薄批批底超級脆，小朋友一陣就分哂😂小食拼盤樣樣炸物都有，咩都可以試下😜兒童餐嘅造型仲好可愛，同樣係恐龍碟黎架，試左少少，覺得調味比其他菜式清淡啲，岩哂小朋友食！又食又玩，大人小朋友都好滿意！現場仲見到有生日裝飾，其實開生日會黎呢度都唔錯，食物質素OK,又唔使book partyroom 咁額外比租場費用~地點又夠方便👍真係一個唔錯嘅親子好去處呀！…查看更多

喺尖沙咀搵咗間親子餐廳，用恐龍做主題，上到去都好驚喜見到好多關於恐龍嘅玩具，又有好多唔同種類嘅桌遊可以一齊玩。仲有啲好益智嘅恐龍圖書等等。首先，我哋叫咗一個超級大嘅肉食恐龍大拼盤，入面包羅萬有，主菜可以揀豬手牛肉或者係春雞，其他配菜都超級豐富有幾款唔同嘅肉腸，燒菠蘿，薯角，串燒，芝士焗蝦仲有薄餅添。主菜鹹豬手香脆嘅外皮，豬手肉鹹香多肉好大份。而小朋友就叫咗恐龍兒童餐，有一杯恐龍仔特飲，雜果賓治嚟嘅入邊仲有恐龍形狀嘅啫喱，可以一路食一路玩小朋友都食得好開心！呢度地方幾闊落地點又方便好適合開生日會。有好多啱小朋友玩嘅玩具，亦都有大人可以射籃球飛鏢同埋賽車仲有街機。真係老少咸宜～原來呢度打電話book位講明係生日慶祝嘅話仲有免費佈置可以被驚喜大人小朋友！…查看更多

🙋🏻‍♀️👦🏻🍴【尖沙咀必去親子餐廳No.1🦖✨】食飯放電一take過‼️恐龍先生帶你穿越「玩食星球」🌍💥 唔洗再頭痛細路坐唔定🏃🏃🏼‍♀️🏃🏻‍♂️？呢度有過百款玩具任玩🔥！食到一半衝去玩車車🚗、打街機🎮？冇問題～ 媽咪爹哋仲可以歎住飛鏢🎯等埋位，全場笑住開餐🤣 🎉生日仔女注意！唔洗包場都有免費佈置🎈🍰，食個晚餐就變身恐龍party🎪～ 🍽️恐龍仔仔兒童餐：脆卜卜炸蝦天婦羅🍤＋卡邦尼意粉🍝＋水果蛋糕杯🍓，阿仔食到lamlam脷👅！夏威夷pizza🍍🧀係我家細佬指定動作，拉絲芝士睇到流口水🤤 🦕肉食恐龍大拼盤激抵食‼️ 豬手脆皮到咔嚓聲🎵、巨虎蝦爆芝士🧀、黑松露薯薯邪惡到喊😭，仲有甜入心焦糖菠蘿片、輕食沙律、黑鬆露薯薯、安格斯肉串、德國腸、油酥餅….4-5人share都飽到捧住肚～ 加埋套餐贈送2杯飲品： 漸變藍柑乳酪賓治🌀同暖笠笠熱情果茶☕，打卡必影彩虹色🌈 溫馨提示：記得預早book枱送佈置，班恐龍迷玩到唔願走啊😂…查看更多

非常合適親子聚會，員工有禮貌有愛心，員工有空閒會主動同小朋友傾訓/教佢地玩玩具，玩具放喺餐廳中央的大枱，所以家長一眼睇到小朋友玩耍範圍，食得+傾得好放心！小朋友食吓又玩吓，好輕鬆！場內仲有賽車機同飛鏢機，大人都啱玩可以玩埋一份，員工見到我哋玩好主動黎幫手set 機。食物方面above average，推黑松露risotto，三文魚凱撒沙律，炸物拼盤，甜品有驚喜，棉花糖waffle 好足料，十分推介多小朋友的家庭聚會！…查看更多

2025年4月13日星期日,恐龍餐廳設計很特別,於是吃了一頓午餐,首先覺得走廊一對恐龍很可愛！看見了昔日遊戲玩具,更加喜歡賽車機,食物當中我最愛大蝦沙律和吞拿魚意粉,pizza的味道比較鹹,**如果能夠改善更加好**,更加多謝店員給了我一個可愛的kitty公仔,整體來說給我有新鮮感！！！😊😊我會這餐廳給分數90分…查看更多

今日小朋友三歲生日 🎈約了在恐龍先生餐廳。 一行七人 我們點了 西班牙海鮮飯，非常好味，每粒飯都吃到濃湯味，海鮮吃不到雪藏味道！德國鹹豬手，外脆內軟，非常入味!芝士牛肉餅，濃厚牛肉味連芝士一齊吃🧀味道很不錯！服務態度很好，哥哥很耐心及有禮貌，佈置餐廳也很细心！讃👍性價比非常高，力推!…查看更多

OpenRice 訂咗位，有註明慶祝生日🎂一入到餐廳勁有驚喜，已經佈置好生日🎈勁有心思，仲有準備埋啲玩具俾小朋友玩小朋友一入到去勁開心，直接去玩玩具大人有大人傾解食飯，望住小朋友自己去玩就得啲野食又好好食，又係有驚喜，仲有自創蛋糕🎂店長仲好好見小朋友生日，送咗隻恐龍公仔🥳真係又食又玩又拎，好少可係香港搵到咁有心思嘅餐廳❤️已經諗好下年生日會想係呢度搞🥳🥳🥳地點又勁方便，就係尖沙咀，必去親子餐廳…查看更多

剛好臨近聖誕，參加了本地開篷觀光巴士遊睇燈飾，又是女兒2.5歲生日，一於在附近先吃晚餐再上巴士。聖誕報置很美， 很多不同認識嘅恐龍玩具和遊戲自由任玩，有靜態的恐龍圖書、桌上遊戲、動態的打籃球機、打機等。小朋友真的玩得很開心，大人們亦可以安心慢慢享受晚餐。❤️恐龍仔兒童餐兒童餐賣相很可愛，份量亦很多。基本上成人吃都會很飽，白汁意粉忌廉味很重，亦有煙肉香味，女兒吃得津津有味！薯條是粗粗的那一款小朋友拿着吃剛剛好，不會太油或太鹹。還跟了一個兒童玩具，小朋友很開心！❤️ 黃金帶子菠菜意大利飯健康的一道菜，意大利飯較正宗的軟身一點點，適合小朋友吃。帶子很鮮味。❤️DinoRibs恐龍牛肋骨配薯菜牛肋骨肉擺盤很美，已經預先幫你起了肉，所以吃很來很方便脂肪部位有一點脆脆的口感，點上醬汁後很有風味和層次薯條份量很多，很豪爽的！❤️ 心思思榴蓮薄餅餅底是很薄的那種，脆薄的批邊是愛的,榴槤餡料份量頗多，加上芝士，又甜又鹹味道很特別創新！❤️生日火山最後不少的是生日蛋糕，近期做推廣，賣相很漂亮，色彩繽紛裏便其實不是蛋糕是丹麥鬆包，忌廉是香濃的朱古力味，配上這個麵包都很配合。香港親子餐廳選擇不多，這間算是又玩得又食得的餐廳，不彷bookmark 下親子遊，或者舉行小朋友生日會及小朋友家庭聚會🎈！…查看更多