炯記燒味 (坤成樓)

营业中

休息中

之前幫襯過沙咀道嗰間餐廳分店，但前排轉咗名（但好似係同一集團）。今次經過街市街，見到呢度原來有間燒味分店，門口有個牌手撕雞外賣有優惠，半隻$48，一隻$88。最後買咗一隻，可以揀兩個味道，所以一盒鹽焗，另一盒麻辣。因為已經預先整好哂，放定係雪櫃，俾完錢即刻拎出嚟就有。鹽焗手撕雞：份量可以，外賣盒九成滿。面層係去哂骨嘅雞肉，肉質唔錯，胸位都唔會太嚡，雞皮都少少爽口，少肥膏。至於味道，咸味適中。底層塾番啲骨，喜歡"倫"骨嘅（如小弟）啱哂。麻辣手撕雞：份量可以，外賣盒九成滿。麻辣醬汁唔錯，十分惹味。

之前聽朋友介紹我呢間啲燒味好食，一直諗住試，咁啱今日經過就買黎試下，講明要肥叉燒點知又係瘦，燒鴨全部都係骨，街市啲燒味飯仲好過佢，垃圾👎🏻可一不可再！！！！！

睇完醫生差不多五點，食飯又未夠鐘，但又好肚餓，所以決定揾啲嘢食下。其實附近都好多選擇，不過唔覺意俾佢個價錢吸引咗入去。以而家的物價，三十幾蚊一碗燒鴨瀨粉真心唔貴，仲要有汽水，仲想點。雖然呢度地方窄啲，位又小，不過隨便食個下午茶，那有這麽多講究。呢度下午茶有幾款選擇，不過我向來鍾情燒鴨，估唔到咁嘅價錢，竟然有燒鴨脾，淡淡肉，唔肥。份量也適中，我食當下午茶剛剛好，如果女仔食可能會飽。個人覺得性價比算相當不錯。

開始喪OT的日子了，放工再無時間煮飯，要長期在荃灣元朗搵食了🥲特盛套餐 A1 $68抵食到不得了！套餐有鵝油叉燒撈麵，手撕雞飯，小食，湯。撈麵比想像淡口，麵身幼而富有口感，停不了口，叉燒則不過不失。手撕雞飯選了麻辣味，比較少見，味道不會太濃但惹味，最欣賞這裡的手撕雞不會撕得太碎，保留了雞肉的口感。湯感覺不到味精，住家的味道。小食是雲耳，爽口又惹味，更是一種未吃過的味道。鹽焗手撕雞腸粉 $40是一個小見的配搭，跟預期一樣沒有太大驚喜，而是一個很好的配搭！烔記三皇盤$58有雞腎、雲耳、鳳爪，調味是同出一轍，都是那個很可口的醬汁，每樣材料都很入味而爽口，非常好！柚子汽泡檸檬茶$10（跟餐）沒有美觀的容器，味道卻不容忽視。平時大多是柚子梳打水，再加入檸檬茶又是另一個層次，驚喜！話雖不是超級高質，也絕不會為求平價而提供劣質的食物，味道比較淡口住家式，我倆都說是一家可回頭的餐廳啊～

行完荃灣去左附近間炯記燒味店買外賣，因為之前食過一次覺得味道不錯，今晚屋企人提早過節，又有套餐選擇，岩晒一家大細食。我地揀左組合A,有半斤燒叉或燒肉，另一款係半隻有貴妃雞或豉油雞可以俾大家去揀，我地揀左半斤燒肉和半隻貴妃雞。貴妃雞的味道不錯，入口帶一點鹹香，肉質鮮嫩，就連雞胸位置嘅肉都唔會太乾太硬。再加埋蔥油真係無得輸。讓人愛不釋手。燒肉嘅皮都幾香脆，外賣黎講算不錯，而佢地嘅燒肉和油脂分佈都幾均勻，肉質唔算太乾，食多幾件都唔覺得太油膩。

今日喺荃灣嗰度收工，返屋企食飯諗住加啲餸落去，因為上次都叫過烔記燒味嘅外賣，今次叫另外一個餐叫咗C餐116元，佢嗰度有手撕雞半隻同埋滷水豬手，手撕雞可以揀辣唔辣或者豬手可以揀的，然後返屋企加餸食飯！手撕雞:9/10分。手撕雞非常推薦我叫嘅唔辣有芝麻香味,而且分量比較多應該係比較大嘅雞滷水豬手:9/10分。滷水豬手同樣推薦，佢呢個分量非常多有6件，而且炆得非常冧，好入味的總括而言行一次我都會繼續選擇這間餐廳，餐廳性價比十分高

今晚加料又過黎炯記斬料加餸，鐘意佢有燒味組合，價錢相宜仲可以食到唔同燒味，套餐A ($118)就可以揀叉燒/燒腩仔(半斤)+貴妃雞/豉油雞(半隻)叉燒要求左半肥瘦叉燒，肥瘦岩岩好，唔鞋口，蜜汁滿滿特別Juicy，唔會太油膩😻貴妃雞雞色澤油亮，佢地仲比左雞比我😻雞肉同皮好滑，唔會死鹹，雖然得半隻，但食落都好多，好📍 炯記燒味 (坤成樓) (荃灣)荃灣荃灣街市街142-166號坤成樓地下10號舖抵

夏天收工唔想煮，買燒味外賣快靚正。首先是家人指定的叉燒。個人不好肥叉，是日精選叉燒肥瘦適中，肉味濃郁。每片叉燒肉質爽口得來又有肉味，不錯不錯。另外買了腩仔切雞飯，腩仔的皮炸得香脆，但皮一點也不厚。切雞的皮薄肉厚，肉質鮮嫩彈牙，搭配菜心和薑蔥蓉，一點也不肥膩。搭配的日靚湯也相當出色，湯底清甜可口，調味剛剛好，是個人喜歡的淡口味。湯底見到有紅蘿白和粉葛等食材，消暑一流。同時也叫了一個鹵豆腐，豆腐外皮煙韌，內裏的豆腐很嫩滑，口感層次豐富。不過，調味相對較淡，如果喜歡清淡口味，這味嫩滑鹵豆腐可能會符合你的口味。總括來說，這家餐廳的食物不錯，環境幾乾淨，不過堂食位置不多，可一試。

一到食飯時間，炯記就開始多人排隊。呢間炯記主要係做外賣嘅，堂食位置唔多。而另一間近沙咀道嘅炯記就多啲堂食位置，一個荃灣有兩間炯記，睇嚟好得到荃灣街坊嘅支持炯記有唔同嘅優惠組合，我就選咗燒味特價組合B, 有半隻燒鴨同燒腩拼叉燒，都係$138, 份量好夠3-4人食燒鴨皮燒得好香，皮下肥膏唔多。燒鴨肉肉嫩而且夠味，食得輕輕嘅五香味，師傅火喉控制同調味不俗。半隻其實都幾多，裝滿整個飯盒燒腩，皮脆而整體肥瘦相間， 一睇就知係好靚嘅腩肉。 腩肉入口即化， 無多餘膩感， 好味叉燒睇落比較瘦， 但入口竟然係非常軟冧，完全唔會覺得乾。個汁嘅鹹甜都做得幾好， 唔會過鹹或過甜另外加咗兩舊滷水豆腐，($13) 都幾滑幾好食wo$151 就夠幾個人食飽飽， 性價比超高

平時去荃灣買餸特別抵，琴日行過荃灣街市街既炯記，見到有特價組合，$118 就有半斤燒腩仔加半隻豉油雞，於是就斬料加餸。燒腩仔+豉油雞 $118 特價A 組合下午5,6點時間唔算太多人，呢間分店幾有堂食亦有外賣，識落燒腩仔肉質唔會太硬，豉油雞配料蔥油，返屋企焗後，熱食雞味非常濃郁！套餐B組合：燒鴨+叉燒/燒腩仔套餐C組合：手撕雞+醬皇豬手/冬菇豬手之前試過套餐C, $116 都幾抵唔錯，下次會想試下燒鴨下次經過再試吓其他燒味，買完門口就有小巴直接番到屋企。

呢間燒味店平時見奶奶會成日買手撕雞外賣返黎食, 今次試下食燒味飯先, 可能6-7pm放工時間, 餐廳裡面都頗多食客, 見到外賣自取有優惠, 於是決定外賣自取返屋企食, 外賣神速咁快, 唔洗5分鐘已經拎得😁叫左一個叉燒飯同埋海蜇手撕雞飯, 仲有是日例湯: 青紅蘿蔔粟米湯。叉燒半肥瘦岩岩好, 食落口肉質一d都唔鞋, 仲有少少半透明嘅肥膏啫喱, 超級嫩滑, 肉汁好香, 最緊要係叉燒燒到有燶邊, 我最喜愛😆😆海蜇手撕雞飯份量都幾多, 海蜇本身口感爽脆, 冇乜味道, 搭配左芝麻醬同埋芝麻調味, 加埋手撕雞啖啖肉好滑, 口感非常好, 炎炎夏日, 食呢d涼拌就岩哂, 白飯沾上手撕雞雞油, 非常易入口👍如果下次路過裡面有位, 又唔太多人, 想試下堂食, 對四寶飯同埋豬手都感興趣😋

炯記燒味 (坤成樓) (荃灣)荃灣荃灣街市街142-166號坤成樓地下10號舖脆皮燒腩仔，真是一道令人垂涎欲滴的美味佳餚！它以獨特的烹飪技巧和絕妙的口感征服了我的味蕾。那一層金黃酥脆的外皮實在令人難以抗拒，咬下去時發出悅耳的脆脆聲響。腩仔的肉質鮮嫩多汁，每一口都充滿了豐富的肉汁和香氣。更令人驚艷的是，它的烹調技巧使得脂肪和肉的比例完美平衡，既保留了肉的鮮美，又不會感到油膩。每一口的滋味都讓人愛不釋口，讓人回味無窮。脆皮燒腩仔絕對是一道讓人難以忘懷的美食，無論是單獨享用還是與朋友分享，都能帶來無比的食慾滿足。

今日係荃灣收工 放工諗食咩 又諗起上次係炯記加料屋企人讚不絕口 所以又encore 今次又睇下餐牌一個飯盒都係$38 仲有湯/ 飲品 其實都幾抵星期二優惠 係切雞半隻$55 所以叫左半隻 質素仲keep 到 一樣好大隻 半隻雞都裝滿成個盒 切雞有醃過 但唔會咸 食落好滑 出面好少食到另外叫左脆皮燒腩仔 兩個人食半斤有d 太多 姐姐話叫幾多都得 所以我叫左$50 都有兩條到 燒肉皮脆卜卜d 肉好靚 肥瘦適中 食落好軟熟 而且唔會咸 我諗以後去荃灣都要買炯記番去加料了

抵食斬料加餸🥡炯記燒味🔥ʕ๑'ㅅ'๑ʔ‧˚ ꔛ ꔛ ꔛ ꔛ ꔛ ꔛ ꔛ ꔛ ꔛ上星期喺荃灣行街 咁啱見到呢間燒味幾吸引！價錢又好抵食 就叫咗特價組合燒味返屋企加餸！我叫咗個組合A $118！❤️叉燒半斤✨叉燒都幾靚仔 佢唔會太燶 燒到啱啱好 肉質偏瘦～但食落味道都唔錯 冇乜雪藏味！不過如果可以再多少少蜜汁就更加好味！❤️豉油雞半隻✨豉油雞整得好入味 而且雞皮夠薄 雞肉好滑！好快已經清晒成半隻！整體嚟講 以呢個價錢嚟講份量都幾多 價錢真係好抵食🫶🏻✨唔怪得知見到咁多人都喺到斬料👍🏻—————————₊♡⁺⋆ ʕ๑'ꇴ'๑ʔ♥︎ —————————📍 炯記燒味 (坤成樓) (荃灣)荃灣荃灣街市街142-166號坤成樓地下10號舖抵

荃灣燒味外賣之選今天買咗非常經濟嘅燒味外賣， 分別係海蜇手撕雞飯$48同埋雙拼飯$38 ， 全部跟還例湯， 性價比高！另外，我見佢個二人餐都好吸引，有唔少菜式，份量應該多到兩個人都唔會食得晒，決定下次會再encore試試。講返今次，我叫嘅係海蜇手撕雞飯， 手撕雞非常嫰滑，肥瘦適中， 雞味濃， 連埋香郁嘅芝麻醬同芝麻，真係忍唔住一啖接一啖。 另一盒雙拼飯我叫咗燒肉同熏蹄飯， 燒肉肥瘦適中， 燒肉皮食個陣仲脆卜卜， 肉質一d都唔鞋，而且調味適中，唔會太咸！ 熏蹄切得一片片， 好薄， 咬口非常好， 豬皮食落去好有彈性，Q彈彈！ 豬皮部分有好重骨膠原， 中間係有少少脂肪， 但一d都不肥，有種入口即化的感覺！例湯夠火喉，又足料。成個飯盒，以咁嘅價錢同質素，性價比真係幾高！