炯記餐室 (美麗閣)

营业中

休息中

舊燒鴨一向都係全舊肥膏，成口都係油膩，成個餐只係食飯同飲湯，根本沒有肉可吃，啊姐亦會大聲罵客人不要在門口等待外賣，但站着已經是門口，意思即是叫客人全都走出室外最滿意，好趕客！

近一年嘅燒味質素，差咗好多，啱啱星期日有燒鵝特價，$128下庄，返到屋企一打開盒，基本上舊舊都係大肥膏，冇諗過咁樣都可以照比客人叉燒以前半肥瘦，金黃叉燒，宜家變晒柴口叉燒😩

食物質素不錯但服務態度奇差我哋三個人叫咗一飯一麵加¼隻燒鵝飯麵有例湯跟女侍應話你哋三個人得兩碗湯喎我哋話冇問題跟住啲嘢到晒得一碗例湯我地話爭一碗例湯女侍應黑口黑面睇都唔睇就dud我哋 ~ 都話咗唔會送多一碗例湯啦我哋話係你俾漏咗一碗例湯，唔係叫你送多一碗例湯!佢先死死氣攞多一碗嚟佢嘅燒味其實唔錯以後我淨係會買外賣，一定唔會堂食免得自己受氣香港飲食業今時今日咁慘淡唔好怪深圳、唔好賴業主加租，係你哋自己攞嚟衰!

5月6號晚上想買叉燒加餸，但係職員掛住處理其中一單外賣單，我等咗成10分鐘都冇人理我，同佢講到唔理，所以決定去其他燒味舖買。而上次家人買叉燒返屋企加送，已經要求半肥瘦和多汁，但係返嚟強差人意，比新開張差了很多。

前兩日幫親佢地，食左一個腩叉撈麵，但係到手只要一個叉燒，我又想食叉燒同腩仔，同阿姐講阿姐好有耐心解釋俾我聽，話叉燒就係腩叉，大家要留意，腩叉系冇腩仔系入邊，之後阿姐話我想食雙拼，即刻幫我轉，食飽之後買完單，要出去，佢哋閂咗個玻璃，有個前台靚妹就幫我開門，喺香港仲可以見到咁嘅服務，已經唔少了，不過佢地舖頭好熱，冇冷氣，我啲5個人入左去，一啲冷氣都冇，見到好多食客都因為冷氣就掉到走了，個靚妹話如果太熱就調我地去後邊涼快啲地方坐，原先唔想食了，但員工態度好好，就留低喺度食了，不過好熱，希望下次可以整好啲冷氣

諗住呢間炯記分店多，質素有保證，但係事與願違，中午幫襯咗碟叉燒燒肉飯，啲阿姐服務差、唔睬人，地板好跣，易跣親人，座位好迫，食物凍嘅，一啲都唔熱，叉燒乾柴，燒肉皮唔脆，收費又貴，冇下次！

烔記餐室：令人驚豔的燒味盛宴烔記餐室的燒味絕對是令人一試難忘！肥叉燒看似油膩，入口卻意外地清爽，肉質軟嫩多汁，蜜汁香甜而不膩，令人回味無窮。燒肉皮脆肉嫩，咬下去「咔滋」作響，油脂香氣在口中爆發，搭配芥末醬更是絕配。雖然燒鵝價格稍高，但皮脆肉嫩，油脂豐腴，蘸上酸梅汁，酸甜解膩，滋味滿分！另外，鵝油麵更是驚喜之作！麵條彈牙，拌上香氣撲鼻的鵝油，簡單卻美味，令人一試成主顧。烔記餐室的燒味水準極高，絕對是燒味愛好者的必訪之地！叉燒係肥叉不過完全唔油膩勁好食！燒肉塊皮好脆口！燒鵝貴咗少少，不過塊皮好脆都好好食，加埋酸梅汁真喺100分！ 另外食埋鵝油麵！第一次食好特別！大家都一定要嚟試吓！

上的菜都是冷的，冰的，隔夜菜，无论是叉烧，烧肉，大冬天吃冷的东西，还是带猪油的。尤其是手撕鸡，刚从冰箱里拿出来的，服务员还号称每天卖了很多，千万别被点评带偏了，随便找家茶餐厅都好过这家。

外賣自取實物不乎合圖片，100蚊叉燒份量極少得幾粒， 同四十幾蚊撈麵餐份量差唔多，又樣衰，亦比店面買的同樣份量價錢的貴一倍以上，店員謊稱售價是平台自己訂立，跟自己無關。已經向外賣平台舉報，平台亦向商家要求了更換誤導份量的參考照片。我平時經常用外賣App自取幫襯佢，就信任咗佢直接買佢100蚊叉燒，非常失望。仍然申請退款中（至少要部份退款），但商家一直堅持份量正確，以後唔會再幫襯。

烔記和棋哥同樣是主打燒鵝的茶餐廳，也有相當濃厚的淵源，炯記的老闆有說是棋哥燒鵝的兒子，也是根源自土瓜灣落山道的新光燒味，所以燒鵝的風格和味道也相當似，也就是傳統沒有加濃汁，特別講求鵝皮香脆的那一種，烔記除了燒鵝之外，它的鵝油撈麵也是其招牌菜。用上粗麵務求將鵝油及黑豉油撈得更多，吃起來依然有鹼水味，這似乎是廣東面不能避免事，黑豉油相對比其他的甜，鵝油也夠香，也沒有餘水令其過於濕潤，也算合格。燒鵝點了下脾，肉不夠多，可以再慷慨一點，皮算是脆，上枱也帶有餘熱，只係是表面沒太多木香，就是比較一般。燻蹄皮夠彈，肉夠爽，酒香也有，比起燒鵝更好。

我也算是這間燒味店的忠實擁躉，因為一直以來貨真價實質素也不錯，價格亦合理，但可惜近兩次的經驗令我大失所望。平日多買燒腩仔叉燒燻蹄，但我發覺如果叫外賣就必須多加留神，因為佢會斬一些不是太好的部份給你，試過兩次外賣燻蹄都給那些豬皮，根本沒有肉還佔了整體的三份一，可能係偶然，第二次再試多一次吧！他們的職員還大聲講盒盒都一樣，這樣的處理手法跟內地比較真的差一大截如果你覺得無利可圖，那麼你便可加價，客人接受到便會繼續買，起碼貨真價實，這樣偷雞你拿去就不會回頭再跟他理論亦不會花那麼多時間跟他糾纏區區在100幾十的食物上，買多買少都係幫襯，希望他有所改進不會令我們這班忠實擁躉又少了一個地方享受燒味傳統的食品。

下午茶時段收正價當時13:59分 門口出邊有一個大大個下午茶餐牌 坐低阿姨問食啲乜嘢 諗都冇諗睇都冇睇就嗌咗燒鵝瀨粉凍檸茶一出張單係正價價錢成$80 我要問阿姨點解係$80佢話仲有1分鐘先到下午茶 所以收正價 如果係咁 請佢收起門口下午餐 餐牌 最後要勞動經理話我一陣出下午茶俾你 阿姨先收聲 阿姨態度好差 仲要專登唔出杯餐飲俾我 今時今日服務態度，唔怪得知人人都返深圳消費 香港要多謝呢位阿姨 以後都唔會再嚟呢間餐廳 唔係因為食唔起正價 而係覺得咁樣好唔公道 明明肚餓都變唔肚餓 最討厭喺香港消費左仲要一套戲下次寧願唔食 ……………..……………………….🫳🏻

係社交平台見到有人話好食即管嚟試吓。叫咗個叉燒燒鴨撈粗。同阿姐講要爽叉，阿姐話無喎⋯⋯係咪即係燶邊呀。我話話係啦。咁嚟到阿姐話好似燶咗啲😅我話唔緊要。個味道幾好，一啲都唔韌。燒鴨就正正常唔太咸。個撈粗都幾好味。加埋杯凍檸茶$68可以啦。

買了半隻手撕雞, 只得圖片所見的份量, 肉很少,生菜已佔了大量空間, 回去舖頭再次詢問,他說是按重量220g, 收銀晦氣地說不能接受便退錢, 我退了錢,大家能接受便去買吧。

本來想試下這間茶餐廳下午茶，點知入到去選擇極少，結果試佢個燒鵝瀨，見佢要加$6，轉燒鵝，冇問題，驚佢比埋D 皮同肥糕冇得食，就問下午茶是否加$6再加$12，佢話指定就加$12，我再問是否加$6再加$12，佢又話加$12，結果加完又加，最重要係問嘅時候就話加$12，結果再加$6，$58蚊都算，份量仲細少個隻麻雀。服務態度又差，愛理不理，一肚氣，冇下次！