一向钟意食厨师发办，今次试下更讲究啲嘅「旬」料理，以时令食材为主轴，唔同季节有唔同惊喜。每一道菜都由师傅即场处理，睇住佢慢慢切鱼、摆盘，视觉味觉双重享受。餐厅装潢走日式简约风，木系设计配柔和灯光，气氛宁静舒服。全店只有十几个吧枱位，可以近距离欣赏师傅手艺。🔸先付 - 海胆鱿鱼🦑：口感爽滑，配上海胆清香鲜甜，非常开胃。🔸茶碗蒸🥚：蛋身滑溜，加埋元贝、香菇等，味道清淡中带鲜，口感几有层次 🔸季节刺身三品🍣：刺身卖相非常精致，视觉同味觉双重享受。 白鲑鱼肉质细致幼滑，味道清甜，平日比较少机会食到。北海道秋刀鱼，脂香渗出，配姜醋豉油突出到浓郁嘅鱼味。北海道赤贝加柚子皮点缀，食落鲜甜清香。 🔸蟹＋虾肉蒸酱豆腐🦀：我唔食牛，餐厅特别安排左呢款料理比我，蟹虾鲜甜之余，师傅刀工了得，豆腐被切成条状，卖相非常出众。 🔸天妇罗二品🍤：穴子🐟炸得外脆内嫩，配咖哩盐味道突出；来自岩手县嘅舞茸菇🍄香脆且菇香浓厚。 🔸鹅肝饭🍚：鹅肝香滑浓郁，饭粒吸收油香，味道丰富。 🔸面豉汤🍲：味噌唔会过咸，清而不淡，味道岩岩好。 🔸甜品 - Cookies & Cream 雪糕🍨：雪糕质地柔滑，甜度适中，作为尾声非常合适。…查看更多
